Mae’r Gynhadledd Addysg a Phrofiad y Myfyrwyr Flynyddol yn dwyn cydweithwyr ynghyd i ddathlu, rhannu, a rhoi llwyfan i’r gwaith arloesol sy’n cael ei wneud ledled ein Prifysgol i gyfoethogi’r dysgu, addysgu a phrofiad y myfyrwyr.
Er mwyn cefnogi ac annog y gwaith hwn, rydym ni’n falch o wahodd ceisiadau ar gyfer Gwobrau Addysg a Phrofiad y Myfyrwyr eleni.
Eleni, mae cyfanswm o £10,000 ar gael, a chroesewir ceisiadau ar gyfer prosiectau o hyd at £2,000 yr un.
Dylai prosiectau alinio â themau’r gynhadledd eleni.
- Creu cwricwlwm mwy amrywiol
- Sgiliau, nodweddion graddedigion, a chymhwyso cymwyseddau yn y byd go iawn.
- Myfyrwyr fel Cyd-grewyr a Chydweithwyr
Mae’r gwobrau’n cael eu hariannu trwy’r Gronfa Addysg a Phrofiad y Myfyrwyr a’r Gronfa Siarter Cydraddoldeb Hil.
Rydym yn annog ceisiadau o bob rhan o gymuned y Brifysgol ac yn croesawu cynigion a fyddai’n gwneud gwahaniaeth i’n haddysg a phrofiad y myfyrwyr.
Dylai ymgeiswyr fynychu’r gynhadledd eleni, sy’n cael ei chynnal rhwng 8-10 Medi. Gallwch archebu eich lle drwy ddefnyddio’r ffurflen ar-lein hon.
Mae rhaglen y gynhadledd yn cynnwys cyflwyniadau gan dderbynwyr gwobrau’r llynedd.
I gyflwyno cais:
- Llenwch y ffurflen gais hon
- Cyflwynwch i eddysgu@aber.ac.uk cyn y dyddiad cau o hanner dydd ar 2 Hydref 2026.
Mae rhagor o wybodaeth, gan gynnwys cwestiynau cyffredin, ar gael ar dudalennau gwe’r Gwobrau Addysg a Phrofiad y Myfyrwyr.
Bydd y cronfeydd hyn yn cael eu gweinyddu gan drefnwyr y gynhadledd. Os oes gennych unrhyw gwestiynau, cysylltwch â ni ar eddysgu@aber.ac.uk.
Edrychwn ymlaen at dderbyn eich ceisiadau ac at weld sut mae cydweithwyr yn parhau i ddatblygu a rhannu arferion arloesol ar draws y Brifysgol.