Wrth i ni ddechrau blwyddyn academaidd arall, hoffem dynnu sylw at nodweddion Vevox, adnodd pleidleisio’r brifysgol, a sut y gellir eu defnyddio mewn gweithgareddau cynefino i fyfyrwyr.
Gweithgareddau Cynefino Vevox
Categori: Vevox
Diweddariad Vevox: Ebrill 2026
Mae Vevox, ein hadnodd pleidleisio, wedi rhyddhau ei nodwedd ddiweddaraf.
Gweler isod am nodweddion newydd a datblygedig sydd bellach ar gael yn Vevox.
Ceir hyd i gymorth i ddefnyddio Vevox ar ein tudalennau gwe.
Os oes gennych unrhyw gwestiynau, cysylltwch â’r Tîm Addysg Ddigidol (eddysgu@aber.ac.uk).
Math o gwestiwn newydd: Cwestiwn Cyfatebol
Mae math newydd o gwestiwn ar gael yn Vevox: cwestiwn cyfatebol.
Mae hyn yn caniatáu i’ch cyfranogwyr baru syniadau gyda’i gilydd.
Am ragor o wybodaeth gweler canllawiau Vevox: Polau cyfatebol – Gwefan gymorth Vevox
Nodwedd newydd: Creu polau cyflym o’r wedd gyflwyno
Nawr gallwch fewnosod polau yn gyflym yn y wedd gyflwyno. I wneud hyn, cliciwch ar y cwestiwn yn y wedd gyflwyno a dewiswch creu pôl cyflym:
Am ragor o wybodaeth gweler canllawiau Vevox: Defnyddio Polau Cyflym (polau ad hoc) – Gwefan gymorth Vevox
Cynnwys cyflwyniad: Dangos amserydd
Mae dangos amserydd yn rhoi’r ymarferoldeb i chi gyflwyno amserydd cyfrif yn y wedd gyflwyno.
Mae hyn yn wych i helpu gyda chyflymder eich sesiwn.
Gweler canllawiau Vevox ar sut i ychwanegu amserydd i’ch sesiwn: Dangos amserydd – Gwefan gymorth Vevox
Gwelliannau i gwestiynau cwis DA
Mae’r gwelliannau canlynol wedi’u gwneud i’r generadur cwestiynau ar gyfer cwis DA yn y datganiad hwn.
Yn y diweddariad hwn, mae Vevox wedi:
- Ychwanegu is-bynciau ar gyfer cwisiau mwy perthnasol â mwy o ffocws
- Caniatáu uwchlwytho ffeiliau lluosog ar gyfer ffynonellau cwestiynau
- Defnyddio URL gwefan fel ffynhonnell ar gyfer creu cwestiynau
- Targedu cynulleidfaoedd penodol
I gael rhagor o wybodaeth gweler: Defnyddio nodwedd Cwis DA Vevox – Gwefan gymorth Vevox
Ymgorffori cyflwyniadau PowerPoint yng ngwedd gyflwyno Vevox
Gallwch nawr ymgorffori cyflwyniad yng ngwedd cyflwynydd Vevox, sy’n golygu nad oes angen i chi newid tabiau – mae’r PowerPoint wedi’i ymgorffori’n llwyr.
Addasu nifer y lleoedd degol
Gellir diwygio nifer y lleoedd degol yn eich gosodiadau pleidleisio. 0 lle degol yw’r rhagosodiad, ond gellir ffurfweddu hyn i ddangos 1 neu 2 le degol.
Am ragor o wybodaeth gweler canllawiau Vevox: Creu polau rhifol – Gwefan gymorth Vevox
Hyfforddiant ar Adnodd Pleidleisio Vevox
Gwnaeth dros 180 o gydweithwyr ledled y Brifysgol ddefnyddio Vevox, ein hanodd pleidleisio, y llynedd.
Crëwyd bron i 4000 pôl ar draws bron i 1000 o sesiynau, gyda dros 27,000 o gyfranogwyr.
Mae Vevox yn caniatáu i gyfranogwyr ddefnyddio eu dyfeisiau symudol i ymateb i gyfres o gwestiynau.
Gallwch ddefnyddio hyn ar gyfer llawer o weithgareddau yn yr ystafell ddosbarth:
- Holi ac Ateb
- Gwirio gwybodaeth
- Cwisiau
- Casglu barn
- Gwneud penderfyniadau
- Gemau tîm
- Gweithgareddau adolygu
- Creu map meddwl
- Creu adnoddau
A llawer mwy…
Gyda’n trwydded sefydliadol, gall pob aelod o’r gymuned ddefnyddio Vevox. Gall myfyrwyr ei ddefnyddio yn eu cyflwyniadau; gall cydweithwyr ei ddefnyddio yn eu cyfarfodydd. Y llynedd, roeddem yn falch iawn bod Vevox wedi’i ddefnyddio yn sgyrsiau croeso’r Brifysgol, a bydd hynny’n digwydd eto eleni.
Os yw Vevox yn beth newydd i chi ac os hoffech gael gwybod mwy, cofrestrwch ar gyfer eu sesiynau hyfforddi rhagarweiniol ar-lein.
I’r rhai nad ydynt yn gallu mynychu’r hyfforddiant, mae gennym dudalen we bwrpasol gyda deunyddiau cymorth.
Byddwn hefyd yn cynnal ein sesiwn hyfforddi uwch ar gynllunio gweithgareddau dysgu gan ddefnyddio meddalwedd pleidleisio ym mis Tachwedd. Gweler hyn a’n sesiynau uwch eraill ac archebwch eich lle ar-lein.
Os oes gennych gwestiynau o hyd, cysylltwch â ni ar eddysgu@aber.ac.uk.
Croeso i aelodau newydd o staff sy’n ymuno â Phrifysgol Aberystwyth 2025-26
Croeso cynnes i aelodau newydd o staff sy’n ymuno â Phrifysgol Aberystwyth
Ein nod yn y blogbost hwn yw rhoi gwybodaeth i chi am dechnoleg wrth ddysgu ac addysgu, ein darpariaeth o ran hyfforddiant, sianeli cymorth, a digwyddiadau rydyn ni’n eu cynnal.
Mae’r holl wybodaeth sydd ei hangen arnoch ar ein tudalennau gwe.
Rydyn ni’n ysgrifennu blog sy’n llawn o’r newyddion diweddaraf, manylion am ddigwyddiadau a sesiynau hyfforddi, ac adnoddau.
Os oes arnoch angen cysylltu â ni, gallwch wneud hynny trwy ddefnyddio eddysgu@aber.ac.uk.
Cyflwyniad i Offer E-ddysgu
Amgylchedd Dysgu Rhithwir: Blackboard
Mae gan bob modiwl ei gwrs pwrpasol ei hun yn Blackboard. Gall myfyrwyr ddod o hyd i wybodaeth am y modiwl, deunyddiau dysgu, a chanllawiau e-gyflwyno, yn ogystal â dolenni i restrau darllen a recordio darlithoedd.
Mae gan y Brifysgol bolisi Isafswm Presenoldeb Gofynnol Blackboard ar gyfer pob modiwl.
Gweler ein canllaw i staff i gael rhagor o wybodaeth.
Cipio Darlithoedd: Panopto
Wrth addysgu wyneb yn wyneb, cofiwch y dylid recordio pob darlith (hynny yw, addysgu lle mae’r ffocws ar wybodaeth sy’n cael ei throsglwyddo gan staff i fyfyrwyr) gan ddefnyddio Panopto, ein meddalwedd recordio darlithoedd.
Gweler manylion ein Polisi Cipio Darlithoedd
E-gyflwyno: Turnitin a Blackboard Assignment
Ym Mhrifysgol Aberystwyth, rhaid i fyfyrwyr gyflwyno’r holl waith testun a phrosesu geiriau yn electronig fel yr argymhellir ym mholisi E-gyflwyno’r Brifysgol.
Ar gyfer hyn, rydym yn defnyddio ein hadnoddau e-gyflwyno: Turnitin a Blackboard Assignment. Mae Turnitin yn darparu nodwedd paru testun awtomatig. Rydym yn defnyddio Profion Blackboard i gynnal arholiadau ar-lein.
Adnodd Pleidleisio: Vevox:
Vevox yw adnodd pleidleisio Prifysgol Aberystwyth.
Gellir defnyddio’r adnodd pleidleisio mewn gweithgareddau dysgu ac addysgu yn ogystal â chyfarfodydd i wneud y sesiwn yn rhyngweithiol ac yn gydweithredol. Mae sawl ffordd wahanol o’i ddefnyddio.
Adnoddau a chymorth pellach
Mae gennym nifer o Ganllawiau a Chwestiynau Cyffredin i’ch helpu i ddefnyddio ein meddalwedd.
Darparu hyfforddiant
Er mwyn cefnogi’r holl staff gyda’u haddysgu rydym yn cynnal cyfres o sesiynau hyfforddi ar draws y meysydd canlynol:
- Hanfodion E-ddysgu: wedi’i gynllunio ar gyfer cydweithwyr sy’n newydd i’r brifysgol, sy’n addysgu, neu a hoffai gael sesiwn loywi. Nod y sesiynau hyn yw sicrhau bod cydweithwyr yn gallu bodloni polisïau dysgu ac addysgu digidol y brifysgol.
- E-ddysgu Uwch: wedi’i gynllunio i adeiladu ar sail y sgiliau a gafwyd yn ein cyfres hanfodion e-ddysgu, bydd cydweithwyr yn creu gweithgaredd neu asesiad sy’n unigryw i’w cyd-destunau dysgu ac addysgu.
- Rhagoriaeth E-ddysgu: wedi’i gynllunio i gynnig cyfle i gydweithwyr greu cyfleoedd dysgu ac addysgu eithriadol – yn aml rhai unigryw ac yn arwain y sector.
Ceir hyd i fanylion am ein rhaglen DPP flynyddol a gallwch archebu eich lle i fynychu drwy’r dudalen Archebu Cwrs.
Digwyddiadau
Rydyn ni’n rhedeg ystod o ddigwyddiadau, gan gynnwys y Gynhadledd Dysgu ac Addysgu Flynyddol a Chynadleddau Byr
Mae’r rhain oll yn gyfleoedd gwych i gwrdd â phobl ar draws y brifysgol a thrafod materion a datblygiadau’n ymwneud â Dysgu ac Addysgu
Edrychwn ymlaen at eich gweld mewn digwyddiad cyn hir. Yn y cyfamser, mae croeso i chi gysylltu â ni trwy eddysgu@aber.ac.uk os oes gennych unrhyw gwestiynau.
Cyfres Hyfforddiant E-ddysgu: Semester 1, 2025-26
Rydym yn falch iawn o gyhoeddi ein cyfres o sesiynau hyfforddi ar gyfer y semester sydd i ddod.
Gellir archebu pob sesiwn hyfforddi ar-lein gan ddefnyddio eich enw defnyddiwr a’ch cyfrinair Aberystwyth. Mae ein system archebu hyfforddiant bellach yn awtomataidd, felly byddwch yn derbyn eich gwahoddiad calendr o fewn yr awr a bydd yn ymddangos yn eich calendr. Ymunwch â’r sesiynau hyn o’ch calendr Outlook.
Os oes gennych unrhyw gwestiynau, cysylltwch â ni ar eddysgu@aber.ac.uk.
Yn ôl yr arfer, mae ein sesiynau hyfforddi wedi’u grwpio i 3 cyfres:
- Hanfodion E-ddysgu: wedi’i gynllunio ar gyfer cydweithwyr sy’n newydd i’r brifysgol, sy’n addysgu, neu a hoffai gael sesiwn loywi. Nod y sesiynau hyn yw sicrhau bod cydweithwyr yn gallu bodloni polisïau dysgu ac addysgu digidol y brifysgol.
- E-ddysgu Uwch: wedi’i gynllunio i adeiladu ar sail y sgiliau a gafwyd yn ein cyfres hanfodion e-ddysgu, bydd cydweithwyr yn creu gweithgaredd neu asesiad sy’n unigryw i’w cyd-destunau dysgu ac addysgu.
- Rhagoriaeth E-ddysgu: wedi’i gynllunio i gynnig cyfle i gydweithwyr greu cyfleoedd dysgu ac addysgu eithriadol – yn aml rhai unigryw ac yn arwain y sector.
Yn ogystal â’r cynigion arferol, roeddem hefyd am dynnu sylw at y sesiynau newydd yr ydym wedi’u cyflwyno ar gyfer 2025-26:
Sesiynau newydd ar gyfer 2025
Hanfodion E-Ddysgu
Using Microsoft Copilot for Learning and Teaching Activities
Bydd y sesiwn hon yn cyflwyno cydweithwyr i DA Cynhyrchiol ac yn rhoi cyfle i chi feddwl am ffyrdd i ymgorffori DA Cynhyrchiol yn eich ymarfer dysgu ac addysgu.
Gallwch archebu eich lle ar bob sesiwn arall yn y gyfres E-ddysgu hon drwy ddefnyddio’r ddolen hon.
Nodyn i’ch atgoffa bod pob sesiwn yn y gyfres Hanfodion yn cael ei argymell yn gryf i unrhyw aelodau newydd o staff yn eich adran.
E-ddysgu Uwch:
Become a Blackboard Document Pro
Mae dogfennau Blackboard Documents wedi cael eu hailwampio’n llwyr yn Ultra. Mae’r sesiwn hon, sy’n 30 munud o hyd, yn rhoi trosolwg o’r nodweddion newydd ac yn eich galluogi i roi cynnig arni yn eich cwrs.
Blackboard Interactive Tools
Rydym wedi cyfuno ein sesiwn ar drafodaethau a chyfnodolion, Discussions and Journals. Byddwn yn rhoi arweiniad ar ddylunio gweithgareddau ar gyfer ein hoffer rhyngweithiol er mwyn helpu hyrwyddo ymroddiad myfyrwyr.
Measuring and Increasing student engagement using Blackboard Tools
Byddwn yn edrych ar yr offer dadansoddol sydd ar gael yn eich cwrs Blackboard i helpu monitro ymroddiad myfyrwyr. Byddwn yn defnyddio hyn i deilwra negeseuon yn ogystal â chreu gweithgareddau eraill fel gwiriadau gwybodaeth a dilyniant modiwlau dysgu i helpu cynnal ymroddiad myfyrwyr wrth iddynt ddysgu.
Peer Assessment with Turnitin
Un o nodweddion Turnitin yw PeerMark sy’n eich galluogi i greu cyfleoedd asesu gan gyd-fyfyrwyr. Mae hyn yn gyfle gwych i fyfyrwyr ddarparu adborth ffurfiannol ar waith ei gilydd.
Using the advanced features of Panopto
Eisiau tacluso eich recordiadau? Bydd y sesiwn hon yn arddangos gwahanol ffyrdd y gallwch ddefnyddio Panopto: o fewnosod cwisiau yng nghanol recordiad, i roi cyfle i’r myfyrwyr fod yn greadigol a defnyddio Panopto eu hunain. Mae’r sesiwn hon yn wych i’r rhai sy’n mabwysiadu dull ystafell ddosbarth ‘wrthdro’ neu sydd eisiau defnyddio Panopto y tu hwnt i Recordio Darlithoedd.
Mae sesiynau eraill yn cynnwys y Cynorthwyydd Dylunio DA Blackboard a dylunio meddalwedd pleidleisio Advanced Vevox.
Gallwch archebu eich lle ar bob sesiwn arall yn y gyfres E-ddysgu Uwch drwy ddefnyddio’r ddolen hon.
Rhagoriaeth E-Ddysgu:
Rydym wedi dylunio 4 gweithdy newydd ar gyfer cydweithwyr yn seiliedig ar 4 maes y Wobr Cwrs Eithriadol. Wrth edrych ar bob agwedd, bydd cydweithwyr yn ystyried sut y gellir datblygu eu cyrsiau eu hunain.
Dyma’r 4 sesiwn:
Exemplary Course Design
Exemplary Assessment Design
Exemplary Interaction and Collaboration
Exemplary Learner Support
Gallwch archebu eich lle ar bob sesiwn arall yn y gyfres Rhagoriaeth E-ddysgu drwy ddefnyddio’r ddolen hon. Ymhlith y sesiynau eraill mae cyfle i wneud cais ar gyfer Gwobr Cwrs Eithriadol, Submitting an Exemplary Course Award.
Os oes unrhyw bynciau hyfforddi eraill yr hoffech i ni eu hystyried ar gyfer Semester 2, cysylltwch â ni.
Diweddariad Vevox: Mawrth 2025
Mae rhai nodweddion newydd ar gael yn y diweddariad Vevox (Adnodd Pleidleisio) yr hoffem dynnu eich sylw atynt.
I’r rhai sy’n anghyfarwydd â Vevox, gellir defnyddio’r feddalwedd bleidleisio i ofyn cwestiynau i fyfyrwyr ac er mwyn iddynt ymateb ar y pryd gan ddefnyddio eu dyfeisiau symudol. I gael mwy o wybodaeth am sut i ddefnyddio Vevox, gweler ein tudalen we.
Mae’r diweddariad yn cynnwys:
Os ydych chi’n defnyddio polau a chwisiau Tîm, gallwch nawr sefydlu Tabl arweinwyr. Mae’r datblygiad hwn yn wych ar gyfer gweithgareddau diwedd tymor neu adolygu.
Os ydych chi’n creu cwestiynau ar daenlen, gallwch eu huwchlwytho o dempled excel.
Cyflwynwyd y nodwedd hon yn y diweddariad diwethaf ond mae rhai gwelliannau i’r llif gwaith. Gallwch gynnal pôl demograffig i gasglu gwybodaeth neu nodweddion allweddol ar gyfer eich ymatebwyr, cyn gofyn rhagor o gwestiynau i ddadgyfuno’r canlyniadau.
Gall cynhyrchydd cwis DA nawr greu 10 cwestiwn ar y tro.
Mae’r ychwanegyn PowerPoint a ddiweddarwyd yn cynnwys gwelliannau i rendro LaTeX a KaTeX, opsiynau testun cyfoethog ar gyfer fformatio cwestiynau, a diweddariadau i wella polau Siart Cylch a rhifol.
Edrychwch ar ddiweddariad Vevox: Mawrth 2025 am y diweddariad llawn.
Os oes gennych unrhyw gwestiynau am ddefnyddio Vevox, cysylltwch â ni (eddysgu@aber.ac.uk).
Diweddariadau Vevox
Mae gan Vevox, sef dewis y Brifysgol o ddull pleidleisio, nodweddion newydd gwych o’r diweddariadau ym mis Medi 2024 a mis Rhagfyr 2024.
I gydweithwyr sy’n anghyfarwydd â Vevox, gellir ei ddefnyddio i wneud eich addysgu yn fwy rhyngweithiol, ac i helpu i wneud penderfyniadau mewn cyfarfodydd. Mae cyfranogwyr yn defnyddio dyfeisiau symudol i gymryd rhan mewn pleidleisio amser real, ond mae yna opsiynau hefyd ar gyfer arolygon anghydamserol a byrddau cwestiwn ac ateb.
Mae’r holl ddiweddariadau hyn ar gael ar y Recordiad YouTube hwn a thrwy’r nodiadau datganiad hyn:
1. Labeli Cwestiwn ac Ateb
Gall gwesteion sesiwn ddiffinio labeli y gellir bellach eu gweld a’u defnyddio gan gyfranogwyr. Mae hyn yn golygu y gall cyfranogwyr dagio eu negeseuon cwestiwn ac ateb gyda label wedi’i ddiffinio ymlaen llaw. Er enghraifft, efallai yr hoffech gael label ar gyfer Asesu i ganiatáu i fyfyrwyr gysylltu eu cwestiynau â thag.
2. Cymharu canlyniadau arolwg barn yn eich sesiwn
Mae hwn yn weithgaredd defnyddiol i fesur effaith sesiwn addysgu. Gofynnwch un cwestiwn i fyfyrwyr ar ddechrau’r sesiwn i fesur lefel eu dealltwriaeth ac yna gofynnwch yr un cwestiwn iddyn nhw ar ddiwedd y sesiwn i weld a yw eu dealltwriaeth wedi newid. Gweler y Diweddariad Vevox am gyfarwyddiadau ar sut i gyflawni hyn.
3. Opsiynau tanbleidleisio
Yn ddiofyn, mae’r bwrdd C ac A yn caniatáu i gyfranogwyr uwchbleidleisio cwestiynau. Mae hyn yn golygu y gallwch drefnu cwestiynau yn ôl y rhai y mae’r rhan fwyaf o gyfranogwyr eisiau eu gofyn. Mae Vevox wedi cyflwyno gosodiad tanbleidleisio y gallwch ei ddefnyddio i ganiatáu i’ch cyfranogwyr danbleidleisio cwestiynau. Gallwch newid y gosodiadau hyn yn y rhyngwyneb gosodiadau C ac A.
4. Dull amgen o arddangos canlyniadau
Bellach gellir arddangos ymatebion i gwestiynau arolwg MCQ mewn gwahanol ffyrdd. Gallwch ddefnyddio’r graff bar traddodiadol ond nawr gallwch ddewis arddangos eich allbwn fel siart cylch. Gallwch newid y wedd mewn amser real trwy gael panel gweinyddol Vevox ar agor ar un sgrin yn y ddarlith a chael y ffenestr cyflwynydd wedi’i thaflunio.
5. Rhyddhau cwestiwn cwmwl rhif
Mae’r pôl rhif yn rhoi’r opsiwn i hyfforddwyr arddangos sut mae’r allbwn yn cael ei ddangos gyda rhyngwyneb newydd ar ffurf Cwmwl Geiriau. Gallwch ddewis cael hyn fel allbwn o’r rhyngwyneb cwestiwn pleidleisio.
6. Fformatio waliau testun
Mae canlyniadau ar gyfer y cwestiwn arddull ateb bellach yn ymddangos mewn modd symlach wrth gyhoeddi’r canlyniadau. Yn hytrach na dangos yr allbwn yn llawn, dangosir y brawddegau cyntaf yn unig. Gall yr hyfforddwr glicio ar y sylwadau yr hoffent dynnu sylw atynt a bydd yn dangos yr ymateb llawn.
7. Canlyniadau amser real PowerPoint
Mae’r integreiddiad PowerPoint wedi’i ddiweddaru i allu dangos canlyniadau Cwmwl Geiriau, Siart Cylch a Chwmwl Rhif yn fyw. Mae rhagor o wybodaeth am ddefnyddio integreiddiad PowerPoint Vevox ar gael ar eu tudalen we.
8. Opsiynau testun cyfoethog ar gyfer fformatio cwestiwn
Mae testun trwm, italig a thanlinellu bellach yn opsiynau wrth fformatio cwestiynau.
9. Tracio presenoldeb
Ar gyfer polau a nodwyd, gallwch redeg gwybodaeth am bresenoldeb o’r adroddiadau data. Yna gallwch weld pryd ymunodd cyfranogwyr â’r sesiwn a phryd y gwnaethant adael y sesiwn.
10. Hidlyddion cabledd addasadwy
Fel gweinyddwyr cyfrif, gallwn ychwanegu geiriau at yr hidlydd cabledd addasadwy. Bydd hyn yn cael ei gymhwyso i arolygon barn, arolygon, a nodweddion C ac A. Os oes gennych air yr hoffech ei gynnwys yn yr hidlydd cabledd, cysylltwch ag eddysgu@aber.ac.uk.
Mae rhagor o wybodaeth a chyngor i’w gweld ar ein tudalennau gwe: Adnodd Pleidleisio: Gwasanaethau Gwybodaeth, Prifysgol Aberystwyth.
Mae diweddariadau ac astudiaethau achos blaenorol ar gael ar ein blog.
Vevox: Adnodd Pleidleisio
Mae Prifysgol Aberystwyth yn defnyddio Vevox, adnodd pleidleisio, sy’n galluogi i chi gael gwybodaeth amser real gan bobl yn eich sesiynau addysgu neu’r rhai yn eich cyfarfod.
Rydym wedi bod yn defnyddio Vevox ers dros 3 blynedd bellach ac roeddem yn falch o’i weld yn cael ei ddefnyddio mewn Sgyrsiau Croesawu gan gynnig cyfle i fyfyrwyr ofyn cwestiynau’n ddienw.
Rydym yn cynnal rhai sesiynau hyfforddi ar ddefnyddio Hanfodion E-ddysgu: Cyflwyniad i Vevox ar gyfer Dysgu ac Addysgu:
- 4 Hydref, 10:10-11:30
- 8 Hydref, 14:10-15:30
Cynhelir y sesiynau hyn ar-lein drwy Teams.
Yn ogystal â’n sesiynau hyfforddi mewnol, mae Vevox hefyd yn cynnal gweminarau sy’n rhannu arfer gorau ac astudiaethau achos gan eu cleientiaid eraill.
Os na allwch ymuno â’n sesiynau, mae Vevox yn cynnal eu sesiynau eu hunain a gallwch gofrestru ar gyfer y rhain yma: Getting started with Vevox I Your guide to Unmissable Classes
Am gymorth pellach i ddefnyddio Vevox, edrychwch ar ein Deunyddiau cymorth.
Croeso i staff newydd sy’n ymuno â Phrifysgol Aberystwyth
Yr Uned Datblygu Dysgu ac Addysgu ydym ni. Rydym ni’n rhan o’r Gwasanaethau Gwybodaeth. Rydym ni’n gweithio gyda staff ar draws y brifysgol i gefnogi a datblygu dysgu ac addysgu. Rydym ni’n cynnal amrywiaeth eang o weithgareddau i gyflawni hyn.
Mae’r holl wybodaeth fyddwch chi ei hangen ar dudalennau gwe’r Uned Datblygu Dysgu ac Addysgu.
Rydym ni’n ysgrifennu blog gyda’r newyddion diweddaraf, manylion am ddigwyddiadau a sesiynau hyfforddi, ac adnoddau.
Os bydd angen i chi gysylltu â ni gallwch wneud hynny ar un o ddau gyfeiriad ebost:
- udda@aber.ac.uk (am gwestiynau addysgegol a chynllunio, neu i drefnu ymgynghoriad) neu
- eddysgu@aber.ac.uk (am ymholiadau technegol ynghylch ein harlwy e-ddysgu a restrir isod)
Cyflwyniad i’r arlwy e-ddysgu
Amgylchedd Dysgu Rhithwir: Blackboard
Mae gan bob modiwl ei gwrs penodol ei hun yn Blackboard. Mae gan y modiwlau hyn gynnwys ar-lein, fel rhestrau darllen, a manylion staff addysgu. Dyma’r prif bwynt cyswllt am wybodaeth i’ch myfyrwyr ar unrhyw fodiwl, gan gynnwys mynediad at ddarlithoedd wedi’u recordio a chyflwyno aseiniadau. Mae gan y Brifysgol bolisi Isafswm Presenoldeb Gofynnol Blackboardar gyfer pob modiwl.
Cipio Darlithoedd: Panopto
Wrth addysgu wyneb yn wyneb, byddwch yn ymwybodol y dylid recordio pob darlith (hynny yw, addysgu lle mae’r ffocws ar drosglwyddo gwybodaeth o staff i fyfyrwyr) yn defnyddio Panopto, ein meddalwedd Cipio Darlithoedd. Gweler manylion ein Polisi Cipio Darlithoedd.
E-gyflwyno: Turnitin a Blackboard Assignment
Ym Mhrifysgol Aberystwyth, rhaid i fyfyrwyr gyflwyno’r holl waith testun a phrosesu geiriau yn electronig fel yr amlinellir ym mholisi E-gyflwyno’r Brifysgol. Ar gyfer hyn rydym ni’n defnyddio’r teclynau e-gyflwyno Turnitin a Blackboard Assignment. Mae Turnitin yn darparu swyddogaeth paru testun awtomatig.
Offer Pleidleisio: Vevox
Vevox yw offer pleidleisio Prifysgol Aberystwyth. Gellir cynnal pleidleisiau mewn gweithgareddau dysgu ac addysgu, yn ogystal â chyfarfodydd, er mwyn creu sesiynau sy’n rhyngweithiol a chydweithredol, a cheir llawer o bosibiliadau gwahanol o ran defnydd.
Adnoddau a rhagor o gymorth
Mae gennym ni nifer o Ganllawiau a Chwestiynau Cyffredini’ch helpu i ddefnyddio ein meddalwedd.
Hyfforddiant
Er mwyn cefnogi’r holl staff gyda’u haddysgu, mae’r Uned Datblygu Dysgu ac Addysgu yn cynnal nifer o sesiynau hyfforddi. Mae’r rhain yn cynnwys:
- sesiynau ymarferol i staff ymgyfarwyddo â gwahanol elfennau o’r amgylchedd dysgu rhithwir,
- yr agenda Dysgu Gweithredol,
- asesu ac adborth,
- hygyrchedd,
- sgiliau cyflwyno, a mwy.
Rydym ni hefyd yn cynnig amrywiaeth o ddigwyddiadau a rhaglenni hyfforddi. Ceir manylion am ein rhaglen DPP flynyddol a gallwch archebu eich lle drwy ein Tudalen Archebu Cwrs. Rydym ni’n cyflwyno rhai sesiynau ein hunain, tra bo eraill yn cael eu cyflwyno gan staff y brifysgol y mae eu haddysgu’n cynnwys arfer da yn y meysydd hynny. Edrychwch am (D&A) yn nheitl y sesiwn.
Digwyddiadau
Mae’r Uned Datblygu Dysgu ac Addysgu yn cynnal amrywiaeth o ddigwyddiadau, gan gynnwys y Gynhadledd Dysgu ac Addysgu Flynyddol, Cynadleddau Bach, Gwyliau Bach a Fforymau Academi. Mae’r rhain i gyd yn gyfleoedd gwych i gyfarfod â phobl o bob rhan o’r brifysgol i drafod materion a datblygiadau’n ymwneud â Dysgu ac Addysgu.
Rhaglenni
Mae’r Uned Datblygu Dysgu ac Addysgu hefyd yn cynnal rhaglenni i gefnogi eich datblygiad proffesiynol parhaus. Mae hyn yn cynnwys rhaglen Addysgu i Uwchraddedigion ym Mhrifysgol Aberystwyth (TPAU) a’r Dystysgrif Uwchraddedig Addysgu mewn Addysg Uwch (PGCTHE) ar lefel Meistr a Chynllun Cymrodoriaeth (ARCHE).
Cyfres o weminarau Vevox
Mae Vevox, ein meddalwedd bleidleisio, yn cynnal cyfres o weminarau sy’n arddangos yr arferion gorau o integreiddio pleidleisio i weithgareddau dysgu ac addysgu.
Cynhelir y sesiynau hyn ar-lein.
Ar 22 Mawrth am 3pm, bydd Patrick Cadwell o Brifysgol Dinas Dulyn yn arddangos sut maen nhw’n defnyddio meddalwedd pleidleisio ar gyfer astudiaethau cyfieithu.
Ar 26 Ebrill am 3pm, bydd Liam Bagley o Brifysgol Metropolitan Manceinion yn arddangos sut maen nhw’n defnyddio meddalwedd pleidleisio i hyfforddi ar gyfer sefyllfaoedd yn y byd go iawn o fewn cyd-destun iechyd a heneiddio’n iach.
Gweler tudalen Vevox ar y we i gael rhagor o wybodaeth ac i archebu eich lle.