Cnorthwy-ydd Dirnadaeth Ddigidol – Joseph

Helo! Joseph ydw i, a byddaf yn gweithio gyda’r tîm UDDA i ddadansoddi a lledaenu canlyniadau Arolwg Dirnadaeth Profiad Digidol Myfyrwyr 2022. Wrth i’r profiad digidol ddod yn rhan annatod o barhad a datblygiad dysg y myfyrwyr, mae’r arolwg hwn yn ein galluogi i ddeall sut mae gweithredu systemau digidol wedi effeithio ar fyfyrwyr. Fel myfyriwr a aeth drwy’r profiad o ddefnyddio’r systemau newydd hyn, mae gennyf brofiad a gafael gadarn o ran safbwynt y myfyrwyr. Bydd hyn yn fy ngalluogi i ddadansoddi a dehongli’r canlyniadau hyn yn well.

Pan oeddwn yn penderfynu ar brifysgolion am y tro cyntaf, roedd tair yr oeddwn am wneud cais iddynt, a llwyddais i fynd i ddiwrnodau agored dwy o’r rhain. Fodd bynnag, oherwydd problemau teithio, nid oedd modd i mi fynychu diwrnod agored Aberystwyth. Wrth ddod i benderfyniad terfynol sylweddolais fod fy nwy chwaer yn mynychu’r ddwy brifysgol arall, felly er mwyn cael llawer mwy o ryddid dewisais wneud cais i Aberystwyth. Y tro cyntaf i mi weld Aberystwyth oedd ychydig cyn fy narlith gyntaf.

Er nad oeddwn yn gwybod dim am Aberystwyth, fe wnes i syrthio mewn cariad â’r lle gydol fy ngradd a mwynhau fy nghwrs cyfun yn fawr. Rwyf wedi dysgu nid yn unig sut i ysgrifennu traethodau cadarn a chymhleth ar lenyddiaeth Saesneg ond hefyd sut i gynllunio a sefydlu ardal ffilmio yn gyfan gwbl ar fy mhen fy hun (gyda Chamera). Deuthum hefyd yn llywydd cymdeithas academaidd ar gyfer adran nad wyf yn rhan ohoni. Rhoddodd hyn lawer mwy o ddealltwriaeth i mi o gynlluniau gradd eraill a barn myfyrwyr gan fy mod yn gweld bod gan bob adran safbwyntiau gwahanol ac amrywiol iawn i’w haddysgu.

Wrth ffilmio anturiaethau a phwyllgorau cymdeithasau rwyf wedi dysgu sgiliau cydweithredol gwych ac wedi ymgymryd â gwahanol swyddi mewn dynameg grŵp er mwyn bod yn fwy effeithiol. Rwy’n gobeithio defnyddio’r sgiliau hyn wrth weithio gyda’r tîm UDDA er mwyn hwyluso dadansoddiad manwl o Arolwg Dirnadaeth Profiad Digidol Myfyrwyr 2022 yn ogystal â chynorthwyo’r tîm drwy awgrymu syniadau a helpu i gynllunio prosiectau.

xoxo

Crynodeb Wythnosol o Adnoddau – 29/6/2022

Fel arweinydd ein rhaglen TUAAU, rwy’n cadw llygad allan am adnoddau i helpu staff i addysgu’n effeithiol. Mae’r rhain yn cynnwys gweminarau, podlediadau, pecynnau cymorth ar-lein, cyhoeddiadau a mwy. Mae’r pynciau’n cynnwys dysgu gweithredol, addysgu ar-lein/cyfunol, hygyrchedd/cynhwysiant, a dylunio dysgu effeithiol yn seiliedig ar wyddoniaeth wybyddol. Rwyf wedi rhestru isod eitemau y sylwais arnynt yn ystod yr wythnos ddiwethaf. Er mwyn eglurder, ein polisi yw dangos y teitlau a’r disgrifiadau yn yr iaith y cyflwynir yr adnoddau ynddi.  

Digwyddiadau a gweminarau ar-lein  

Adnoddau a chyhoeddiadau

Arall

  • Subscribe to SEDA’s mailing list for email discussions about educational development and emerging teaching practices. This is one of the sources I use when identifying useful material for the Roundup.
  • Follow University of Birmingham’s Higher Education Futures institute HEFi on Twitter for daily posts with links to pedagogical literature and more. This is one of the sources I use when identifying useful material for the Roundup.
  • Join the #LTHEchat on Twitter Wednesday nights for one hour of lively discussion about learning and teaching in HE.
  • Call for proposals 30/6/2022 Transformative Teaching international online conference.

Ewch i’r dudalen archebu Hyfforddiant Staff i weld pa hyfforddiant a gynigir gan yr Uned Datblygu Dysgu ac Addysgu a staff eraill Prifysgol Aberystwyth. Gobeithio y bydd y crynodeb wythnosol hwn o adnoddau yn ddefnyddiol ichi. Os oes gennych unrhyw gwestiynau neu awgrymiadau, cysylltwch â’n tîm ar lteu@aber.ac.uk. Efallai hefyd yr hoffech ddilyn fy nghyfrif Twitter, Mary Jacob L&T.

Crynodeb Wythnosol o Adnoddau – 20/6/2022

Fel arweinydd ein rhaglen TUAAU, rwy’n cadw llygad allan am adnoddau i helpu staff i addysgu’n effeithiol. Mae’r rhain yn cynnwys gweminarau, podlediadau, pecynnau cymorth ar-lein, cyhoeddiadau a mwy. Mae’r pynciau’n cynnwys dysgu gweithredol, addysgu ar-lein/cyfunol, hygyrchedd/cynhwysiant, a dylunio dysgu effeithiol yn seiliedig ar wyddoniaeth wybyddol. Rwyf wedi rhestru isod eitemau y sylwais arnynt yn ystod yr wythnos ddiwethaf. Er mwyn eglurder, ein polisi yw dangos y teitlau a’r disgrifiadau yn yr iaith y cyflwynir yr adnoddau ynddi.  

Digwyddiadau a gweminarau ar-lein  

Adnoddau a chyhoeddiadau

Arall

  • Subscribe to SEDA’s mailing list for email discussions about educational development and emerging teaching practices. This is one of the sources I use when identifying useful material for the Roundup.
  • Follow University of Birmingham’s Higher Education Futures institute HEFi on Twitter for daily posts with links to pedagogical literature and more. This is one of the sources I use when identifying useful material for the Roundup.
  • Join the #LTHEchat on Twitter Wednesday nights for one hour of lively discussion about learning and teaching in HE.
  • Call for proposals 30/6/2022 Transformative Teaching international online conference.

Ewch i’r dudalen archebu Hyfforddiant Staff i weld pa hyfforddiant a gynigir gan yr Uned Datblygu Dysgu ac Addysgu a staff eraill Prifysgol Aberystwyth. Gobeithio y bydd y crynodeb wythnosol hwn o adnoddau yn ddefnyddiol ichi. Os oes gennych unrhyw gwestiynau neu awgrymiadau, cysylltwch â’n tîm ar lteu@aber.ac.uk. Efallai hefyd yr hoffech ddilyn fy nghyfrif Twitter, Mary Jacob L&T.

Eich Cofnodion Cymrodoriaeth

A oes gennych unrhyw gategori o Gymrodoriaeth o’r AAU (a ddyfernir gan Advance HE)?

Gall hyn fod yn Gymrawd Cyswllt (AFHEA), Cymrawd (FHEA), Uwch Gymrawd (SFHEA) neu’n Brif Gymrawd (PFHEA).

Os felly, llongyfarchiadau mawr! Mae eich cymrodoriaeth “yn dangos ymrwymiad personol a sefydliadol i broffesiynoldeb mewn dysgu ac addysgu o fewn addysg uwch.” (Cymrodoriaeth, Advance HE

Yn rhan o’n datganiadau data blynyddol, mae angen i ni sicrhau bod gennym gofnodion o bawb sydd â chymrodoriaeth, ac ym mha gategori. Gallwch wneud hyn eich hun drwy ddiweddaru eich cofnod ABW. Os gwnaethoch chi ennill cymrodoriaeth mewn sefydliad arall, dylech hefyd ddiweddaru eich cofnodion gyda Advance HE i adlewyrchu eich swydd bresennol ym Mhrifysgol Aberystwyth.

Diweddaru eich cofnod ABW

Gwnewch yn siŵr bod ABW yn cofnodi’r categori sydd gennych ar hyn o bryd yn gywir. Cofiwch ddiweddaru eich cofnod os dyfernir categori newydd o gymrodoriaeth i chi.

  1. Mewngofnodwch i Pobl Aber gan ddefnyddio eich manylion mewngofnodi PA arferol.
  • Gwnewch yn siŵr eich bod ar y tab Eich cyflogaeth o’r ddewislen ar y chwith.
Sgrinlun o ABW gyda'ch cyflogaeth wedi'i hamlygu

  • Ewch i Gwybodaeth Bersonél yn y golofn Eich Cyflogaeth.

(Sgrinlun o ABW gyda Gwybodaeth Bersonél wedi’i hamlygu.)

  • Ewch i’r tab HESA.
Sgrinlun o ABW gyda’r tab HESA wedi'i amlygu

  • Ar y tab hwnnw, sgroliwch i lawr nes i chi gyrraedd cyfres o feysydd sydd wedi’u labelu fel Cymhwyster Addysgu.
Sgrinlun o ABW gyda’r blychau Cymhwyster Addysgu wedi'u hamlygu

  • Cliciwch ar y saeth am i lawr ar un o’r meysydd Cymhwyster Addysgu.

Bydd cwymplen yn agor sy’n cynnwys sawl opsiwn sy’n dechrau gyda Cydnabyddir gan Advance HE fel….

Dewiswch y categori cymrodoriaeth priodol.

Sgrinlun o ABW gyda rhestr o’r categorïau cymrodoriaeth wedi'i hamlygu

  • Cofiwch glicio ar y botwm Cadw ar waelod y sgrin.
Sgrinlun o ABW gyda’r botwm Cadw wedi'i amlygu

My Advance HE

Os gwnaethoch chi ennill cymrodoriaeth mewn sefydliad arall a’ch bod wedi symud i PA, diweddarwch eich cofnod My Advance HE i ddangos eich Perthynas Cyflogwr newydd â Phrifysgol Aberystwyth.

  1. Mewngofnodwch i My Advance HE gyda’ch enw defnyddiwr a’ch cyfrinair Advance HE. Os nad ydych yn gwybod eich cyfrinair, defnyddiwch y ddolen ar y dudalen mewngofnodi i’w ailosod
  2. Cliciwch ar My Profile
  3. Cliciwch ar Update Profile
  4. Sgroliwch i waelod y dudalen a chliciwch ar Create new employer relationship
  5. Ychwanegwch fanylion eich swydd newydd ym Mhrifysgol Aberystwyth
  6. Gallwch hefyd olygu manylion unrhyw swyddi blaenorol (e.e. i ychwanegu dyddiad gorffen) drwy glicio ar y saeth am i lawr wrth ymyl y swydd honno a dewis Edit.
  7. Cliciwch ar Submit

Ac wrth gwrs, os oes gennych ddiddordeb mewn gwneud cais am gategori cymrodoriaeth arall, gallwch wneud cais am AFHEA, FHEA a SFHEA drwy’r Cynllun ARCHE

Cyhoeddiad am Brif Siaradwyr Gwadd y Gynhadledd Dysgu ac Addysgu Flynyddol

Mae’n bleser gennym gyhoeddi enwau’r prif siaradwyr gwadd i’r gynhadledd dysgu ac addysgu flynyddol eleni (12-14 Medi 2022).

Bydd Kyra Araneta, Jennifer Fraser, a Moonisah Usman o Brifysgol San Steffan yn ymuno â ni’n rhithiol ar gyfer y prif anerchiad, Navigating power lines: Developing principles and practices to support socially just student : staff partnerships.

Yn yr anerchiad hwn, bydd Kyra, Jennifer, a Moonisah yn trafod eu prosiectau am bartneriaethau llwyddiannus rhwng staff a myfyrwyr.

Crynodeb o’r Sesiwn

I lawer ohonom mae prifysgolion ac ystafelloedd dosbarth yn safleoedd llawn posibiliadau (hooks, 1994) a buddsoddwn ni ynddynt ein gobeithion ar gyfer mathau gwahanol o ddyfodol i’r myfyrwyr ac i ninnau. Maent hefyd yn safleoedd o densiwn wrth i ni symud drwy gydberthnasau a dynameg grym sy’n gallu bod yn gymhleth. Mae’r ffordd yr ydym yn ‘byw’ addysg ar gyfer rhyddid wedi dod yn bwysicach byth yn ystod y blynyddoedd diwethaf gyda’r gwrthdystiadau Mae Bywydau Du o Bwys, a’r galwadau am ddad-drefedigaethu prifysgolion. Yn Power Lines: On the Subject of Feminist Alliances mae Aimee Carrillo Rowe yn gofyn ‘Sut ydym yn adeiladu llinellau grym a fydd yn ein cysylltu ni ag eraill mewn cyfiawnder, drwy gyfiawnder, ac ar gyfer cyfiawnder?’ (2008), t. 2). Mae ein hanerchiad yn ymdrin â’r cwestiwn hwn, gan ystyried sut rydym yn datblygu egwyddorion ac arferion i gynnal cydberthnasau partneriaethol rhwng myfyrwyr a staff sydd yn gymdeithasol gyfiawn. Rydym yn dadlau bod perthynas, os yw wedi’i dylunio ar gyfer cyfiawnder cymdeithasol, yn gallu creu awyrgylchoedd gwrth-hiliol a dad-drefedigaethol (Bell, 2018) sy’n dod yn safleoedd llawn posibiliadau. Gan ddefnyddio enghreifftiau o’n gwaith ym Mhrifysgol San Steffan, ymdriniwn â’r mannau lle y mae grym, cynghreiriaeth, cyfiawnder cymdeithasol a phartneriaeth yn dod ynghyd er mwyn ystyried strategaethau ar gyfer llunio rhaglenni lle mae cydberthnasau trawsnewidiol yn greiddiol. Rydym yn rhannu enghreifftiau o sut rydym wedi meithrin cydberthnasau, cyd-greu gwerthoedd rhaglenni, a’u rhoi ar waith mewn prosiectau partneriaethol. Er mwyn dangos sut y gallwn feithrin partneriaethau gyda llinellau grym sy’n ein cysylltu â chyfiawnder cymdeithasol, byddwn yn defnyddio enghraifft y Prosiect Pedagogies for Social Justice (https://blog.westminster.ac.uk/psj/). Mae’r prosiect hwn wedi ymrwymo i roi lle canolog i leisiau myfyrwyr o safbwynt ei werthoedd, ei gredoau a’i brofiadau, ac i ddefnyddio’r rhain i ddatgymalu mathau cyfoes o wladychiaeth mewn cwricwla, cydberthnasau ac ymchwil. Dadleuwn fod partneriaethau’n hanfodol i’r gwaith hwn wrth iddynt gyd-gynhyrchu gwybodaeth; datblygu ffyrdd newydd a beirniadol o ddeall disgyblaethau; ac ymgymryd â chydweithredu, arbrofi a deialog dros gyfnod estynedig. Gan ddeall mai prosesau heriol a chymhleth yw’r rhain, rydym yn cynnig y prif anerchiad hwn fel cam ymlaen yn eich teithiau’ch hun a thaith eich Prifysgol tuag at greu mannau dysgu cymdeithasol gyfiawn i fyfyrwyr a staff.

Read More

Crynodeb Wythnosol o Adnoddau – 10/6/2022

Fel arweinydd ein rhaglen TUAAU, rwy’n cadw llygad allan am adnoddau i helpu staff i addysgu’n effeithiol. Mae’r rhain yn cynnwys gweminarau, podlediadau, pecynnau cymorth ar-lein, cyhoeddiadau a mwy. Mae’r pynciau’n cynnwys dysgu gweithredol, addysgu ar-lein/cyfunol, hygyrchedd/cynhwysiant, a dylunio dysgu effeithiol yn seiliedig ar wyddoniaeth wybyddol. Rwyf wedi rhestru isod eitemau y sylwais arnynt yn ystod yr wythnos ddiwethaf. Er mwyn eglurder, ein polisi yw dangos y teitlau a’r disgrifiadau yn yr iaith y cyflwynir yr adnoddau ynddi.  

Digwyddiadau a gweminarau ar-lein  

Adnoddau a chyhoeddiadau

Arall

  • Subscribe to SEDA’s mailing list for email discussions about educational development and emerging teaching practices. This is one of the sources I use when identifying useful material for the Roundup.
  • Follow University of Birmingham’s Higher Education Futures institute HEFi on Twitter for daily posts with links to pedagogical literature and more. This is one of the sources I use when identifying useful material for the Roundup.
  • Join the #LTHEchat on Twitter Wednesday nights for one hour of lively discussion about learning and teaching in HE.
  • Call for proposals 30/6/2022 Transformative Teaching international online conference.

Ewch i’r dudalen archebu Hyfforddiant Staff i weld pa hyfforddiant a gynigir gan yr Uned Datblygu Dysgu ac Addysgu a staff eraill Prifysgol Aberystwyth. Gobeithio y bydd y crynodeb wythnosol hwn o adnoddau yn ddefnyddiol ichi. Os oes gennych unrhyw gwestiynau neu awgrymiadau, cysylltwch â’n tîm ar lteu@aber.ac.uk. Efallai hefyd yr hoffech ddilyn fy nghyfrif Twitter, Mary Jacob L&T.

Diweddariad yr Haf 2022 UDDA

Diweddariad i Turnitin

Ym mlwyddyn academaidd 2022/23 byddwn yn defnyddio fersiwn newydd o Turnitin.
Ddydd Mawrth 5 Gorffennaf 2022 bydd fersiwn newydd Turnitin ar Blackboard yn cael ei alluogi gan Gwasanaethau Gwybodaeth. Er y bydd rhan fwyaf y swyddogaethau yn aros yr un fath, fe fydd rhai newidiadau. I helpu staff gyda’r newid, fe baratowyd y Cwestiynau Cyffredin canlynol.
Ceir rhagor o wybodaeth yn ein blog Newidiadau i Turnitin: Gwybodaeth i Staff.

Diweddaru’r Polisïau E-ddysgu

Mae fersiynau wedi’u diweddaru o’r holl bolisïau e-ddysgu ar gael o’r wefan Rheoliadau a Pholisïau Gwasanaethau Gwybodaeth.
Nid yw polisïau RMP ac E-gyflwyno Blackboard yn newid ers y llynedd. Bu rhai diweddariadau i’r polisi recordio darlithoedd. Maent yn cynnwys eglurhad ar gyfnod cadw recordiadau a chanllawiau ar ddefnyddio Panopto ar gyfer asesu.

10fed Cynhadledd Flynyddol Dysgu ac Addysgu

Bydd ein 10fed Cynhadledd Flynyddol Dysgu ac Addysgu yn cael ei chynnal rhwng 12-14 Medi 2022.
Mae cyfnod Cofrestru’r Gynhadledd bellach ar agor. Bydd rhagor o wybodaeth, gan gynnwys rhaglen y gynhadledd, i’w gweld ar wefan ein Cynhadledd Dysgu ac Addysgu Flynyddol.

Arolwg Mewnwelediad Digidol

Mae’r Arolwg Mewnwelediadau Digidol i fyfyrwyr wedi cau’n ddiweddar, a chafwyd dros 660 o ymatebion. Dan oruchwyliaeth JISC, mae’r arolwg yn gofyn i fyfyrwyr am eu defnydd o dechnoleg mewn dysgu ac addysgu ac yn darparu meincnod ar gyfer cymharu â sefydliadau eraill.
Gellir defnyddio canlyniadau’r arolwg i lywio penderfyniadau strategol i wella’r profiad digidol a galluogi trawsnewid digidol.
Mae canfyddiadau allweddol y llynedd i’w gweld yn y blog Canlyniadau Arolwg Mewnwelediadau Digidol Myfyrwyr. Cyhoeddir y canfyddiadau allweddol yn fuan. Tanysgrifiwch i’r blog LTEU i gael hysbysiadau.

ARCHE

Rhaglen yw ARCHE y gall staff Prifysgol Aberystwyth (PA) ei defnyddio i wneud cais am Gymrodoriaeth yr Academi Addysg Uwch (sydd bellach yn rhan o Advance HE). Gweler Llawlyfr y Cynllun ARCHE i gael manylion llawn.
Y dyddiad cau nesaf i wneud cais yw 07/09/2022. I fynegi diddordeb mewn gwneud cais, anfonwch e-bost i felstaff@aber.ac.uk.

TUAAU

Mae’r TUAAU yn agored i staff sy’n addysgu ar gyrsiau Prifysgol Aberystwyth. Bydd yn rhaid i’r rhai sy’n cymryd rhan gyflawni o leiaf 40 awr o addysgu (ar lefel addysg uwch) dros gyfnod pob modiwl, ond fe allai staff sydd mewn sefyllfaoedd eraill gael eu hystyried fesul achos. Anfonwch e-bost at dîm y cwrs i gael rhagor o wybodaeth.
Y tro nesaf y derbynnir ymgeiswyr ar gyfer modiwl 1 a modiwl 2 yw Ionawr 2023. (Rhaid cyflwyno ceisiadau cyn 1 Tachwedd). Mae angen i bob myfyriwr fynd I sesiwn ragarweiniol.

Cystadleuaeth AUMA 2022-3 yn agor ym mis Mai

Y mis hwn byddwn yn dechrau derbyn y garfan nesaf i’r rhaglen Addysgu i Uwchraddedigion ym Mhrifysgol Aberystwyth. Os oes diddordeb gan unrhyw ymchwilwyr uwchraddedig sy’n gwneud gwaith addysgu gallant wneud cais am le hyd at 24 Mehefin. Cynhelir cyfnod Cynefino gorfodol y rhaglen ar 20fed a 21ain Medi. Mwy o wybodaeth.

Tanysgrifio i’r Blog UDDA

Tanysgrifiwch i Flog yr Uned Datblygu Dysgu ac Addysgu er mwyn i chi gael hysbysiad e-bost pan fydd neges newydd yn cael ei hysgrifennu. Cewch y newyddion am fentrau newydd, sesiynau hyfforddi a digwyddiadau i ategu gweithgareddau dysgu ac addysgu trwy gyfrwng technoleg.

Crynodeb Wythnosol o Adnoddau

Mae’r Crynodeb Wythnosol o Adnoddau yn cynnwys adnoddau i gynorthwyo staff i addysgu’n effeithiol, e.e. gweminarau allanol, podlediadau, pecynnau cymorth ar-lein, cyhoeddiadau a mwy.

DPP

Dewch i sesiynau yn ein rhaglen DPP flynyddol.
Mae’r rhaglen yn cynnwys sesiynau ar e-ddysgu, yn ogystal â llawer o sesiynau ar bynciau dysgu ac addysgu megis asesu ac adborth, sgiliau cyflwyno, hygyrchedd, a mwy.
Rydym yn cyflwyno rhai o’r sesiynau ein hunain, a chaiff eraill eu cyflwyno gan staff y brifysgol sydd ag arferion da o ran addysgu yn y meysydd hynny. Edrychwch am (L&T) yn nheitl y sesiwn.

Creu Cyrsiau Blackboard 2022-23

Distance Learner Banner

Tua diwedd mis Gorffennaf byddwn yn dechrau creu modiwlau Blackboard ar gyfer 2022-23.

Yn wahanol i flynyddoedd blaenorol, ni fydd fersiynau gwag o unrhyw gyrsiau presennol yn cael eu creu. Gwnaed y penderfyniad hwn yng nghyfarfod y Bwrdd Academaidd yn ddiweddar.

Bydd cynnwys a ffeiliau’r cyrsiau yn cael eu copïo o’r fersiwn o’r modiwl yn y flwyddyn academaidd flaenorol. Ni fydd mannau cyflwyno Turnitin, recordiadau Panopto na gweithgareddau rhyngweithiol Blackboard  yn cael eu cynnwys wrth gopïo; bydd angen ail-greu’r rhain. Mae gennym lawer o Gwestiynau Cyffredin i gynorthwyo’r staff gyda hyn.

Os ydych chi’n cynnal modiwl newydd yna bydd y rhain yn cael eu creu gan ddefnyddio’r Templedi Adrannol y cytunwyd arnynt ymlaen llaw. Yn yr un modd, os ydych chi’n cynnal modiwl na chafodd ei gynnal yn ystod yr ychydig flynyddoedd diwethaf yna bydd y rhain hefyd yn cael eu creu’n wag.

Cysylltwch â ni os oes gennych unrhyw gwestiynau am y broses hon (eddysgu@aber.ac.uk). Byddwn yn rhoi gwybod i chi pan fydd y modiwlau wedi’u creu.

Crynodeb Wythnosol o Adnoddau – 6/6/2022

Fel arweinydd ein rhaglen TUAAU, rwy’n cadw llygad allan am adnoddau i helpu staff i addysgu’n effeithiol. Mae’r rhain yn cynnwys gweminarau, podlediadau, pecynnau cymorth ar-lein, cyhoeddiadau a mwy. Mae’r pynciau’n cynnwys dysgu gweithredol, addysgu ar-lein/cyfunol, hygyrchedd/cynhwysiant, a dylunio dysgu effeithiol yn seiliedig ar wyddoniaeth wybyddol. Rwyf wedi rhestru isod eitemau y sylwais arnynt yn ystod yr wythnos ddiwethaf. Er mwyn eglurder, ein polisi yw dangos y teitlau a’r disgrifiadau yn yr iaith y cyflwynir yr adnoddau ynddi.  

Digwyddiadau a gweminarau ar-lein  

Adnoddau a chyhoeddiadau

Arall

  • Subscribe to SEDA’s mailing list for email discussions about educational development and emerging teaching practices. This is one of the sources I use when identifying useful material for the Roundup.
  • Follow University of Birmingham’s Higher Education Futures institute HEFi on Twitter for daily posts with links to pedagogical literature and more. This is one of the sources I use when identifying useful material for the Roundup.
  • Join the #LTHEchat on Twitter Wednesday nights for one hour of lively discussion about learning and teaching in HE.
  • Call for proposals 30/6/2022 Transformative Teaching international online conference.
  • Call for proposals 31/5/2022 Association for Learning Technology (ALT) Conference

Ewch i’r dudalen archebu Hyfforddiant Staff i weld pa hyfforddiant a gynigir gan yr Uned Datblygu Dysgu ac Addysgu a staff eraill Prifysgol Aberystwyth. Gobeithio y bydd y crynodeb wythnosol hwn o adnoddau yn ddefnyddiol ichi. Os oes gennych unrhyw gwestiynau neu awgrymiadau, cysylltwch â’n tîm ar lteu@aber.ac.uk. Efallai hefyd yr hoffech ddilyn fy nghyfrif Twitter, Mary Jacob L&T.