Awdur: WordPress User [jbw]

Beth sy’n Newydd yn Blackboard Medi 2024  

WordPress User [jbw] Blackboard, Diweddariadau Misol, E-gyflwyno Leave a comment

Mae diweddariad Blackboard mis Medi yn cynnwys gwelliannau i Dudalen Cynnwys y Cwrs, yn cyflwyno Gwiriadau Gwybodaeth mewn Dogfennau, newidiadau i asesiadau, adborth a graddau sydd wedi’u cuddio gan ddefnyddio Amodau Rhyddhau, a thab Trosolwg yn y Llyfr Graddau i gynorthwyo graddio.

Gwelliannau i Dudalen Cynnwys y Cwrs

Mae diweddariad mis Medi i Blackboard yn gweld gwelliannau i dudalen cynnwys y cwrs.

Mae’r gwelliannau yn cynnwys:

  • Mwy o ddyfnder gweledol
  • Newid cynllun y dudalen Cynnwys
  • Gwahaniaethu ymysg elfennau’r cwrs

Mwy o ddyfnder gweledol

Mae’r dyluniad newydd yn ymgorffori:

  • Graddiant cynnil ac ymylon meddalach
  • Palet lliw mwy cydlynol gyda thonau deniadol, cynhesach
  • Llywio mwy greddfol, sy’n lleihau llwyth gwybyddol ac yn cynyddu ffocws ar y cynnwys

Llun 1: Gwedd hyfforddwr: Gwelliannau dyfnder gweledol i Dudalen Cynnwys y Cwrs

Sgrinlun o Gwedd hyfforddwr: Gwelliannau dyfnder gweledol i Dudalen Cynnwys y Cwrs

Llun 2: Gwedd myfyrwyr: Gwelliannau dyfnder gweledol i Dudalen Cynnwys y Cwrs

Sgrinlun o gwedd myfyrwyr: Gwelliannau dyfnder gweledol i Dudalen Cynnwys y Cwrs

Read More

Croeso i staff newydd sy’n ymuno â Phrifysgol Aberystwyth

WordPress User [jbw] Blackboard, Digwyddiadau a Rhwydweithiau, Diweddariadau Technegol, E-gyflwyno, Gynhadledd, Hyfforddiant a Chymorth, Panopto, Vevox Leave a comment
Distance Learner Banner

Yr Uned Datblygu Dysgu ac Addysgu ydym ni. Rydym ni’n rhan o’r Gwasanaethau Gwybodaeth. Rydym ni’n gweithio gyda staff ar draws y brifysgol i gefnogi a datblygu dysgu ac addysgu. Rydym ni’n cynnal amrywiaeth eang o weithgareddau i gyflawni hyn.

Mae’r holl wybodaeth fyddwch chi ei hangen ar dudalennau gwe’r Uned Datblygu Dysgu ac Addysgu. Bydd ein tudalennau gwe Cefnogi eich Addysguyn eich helpu gydag amrywiol ddatrysiadau addysgu.

Rydym ni’n ysgrifennu blog gyda’r newyddion diweddaraf, manylion am ddigwyddiadau a sesiynau hyfforddi, ac adnoddau.

Os bydd angen i chi gysylltu â ni gallwch wneud hynny ar un o ddau gyfeiriad ebost:

  • udda@aber.ac.uk (am gwestiynau addysgegol a chynllunio, neu i drefnu ymgynghoriad) neu
  • eddysgu@aber.ac.uk (am ymholiadau technegol ynghylch ein harlwy e-ddysgu a restrir isod)

Cyflwyniad i’r arlwy e-ddysgu

Amgylchedd Dysgu Rhithwir: Blackboard

Mae gan bob modiwl ei gwrs penodol ei hun yn Blackboard. Mae gan y modiwlau hyn gynnwys ar-lein, fel rhestrau darllen, a manylion staff addysgu. Dyma’r prif bwynt cyswllt am wybodaeth i’ch myfyrwyr ar unrhyw fodiwl, gan gynnwys mynediad at ddarlithoedd wedi’u recordio a chyflwyno aseiniadau. Mae gan y Brifysgol bolisi Isafswm Presenoldeb Gofynnol Blackboardar gyfer pob modiwl.

Cipio Darlithoedd: Panopto

Wrth addysgu wyneb yn wyneb, byddwch yn ymwybodol y dylid recordio pob darlith (hynny yw, addysgu lle mae’r ffocws ar drosglwyddo gwybodaeth o staff i fyfyrwyr) yn defnyddio Panopto, ein meddalwedd Cipio Darlithoedd. Gweler manylion ein Polisi Cipio Darlithoedd.

E-gyflwyno: Turnitin a Blackboard Assignment

Ym Mhrifysgol Aberystwyth, rhaid i fyfyrwyr gyflwyno’r holl waith testun a phrosesu geiriau yn electronig fel yr amlinellir ym mholisi E-gyflwyno’r Brifysgol. Ar gyfer hyn rydym ni’n defnyddio’r teclynau e-gyflwyno Turnitin a Blackboard Assignment. Mae Turnitin yn darparu swyddogaeth paru testun awtomatig.

Offer Pleidleisio: Vevox

Vevox yw offer pleidleisio Prifysgol Aberystwyth. Gellir cynnal pleidleisiau mewn gweithgareddau dysgu ac addysgu, yn ogystal â chyfarfodydd, er mwyn creu sesiynau sy’n rhyngweithiol a chydweithredol, a cheir llawer o bosibiliadau gwahanol o ran defnydd.

Adnoddau a rhagor o gymorth

Mae gennym ni nifer o Ganllawiau a Chwestiynau Cyffredini’ch helpu i ddefnyddio ein meddalwedd.

Hyfforddiant

Er mwyn cefnogi’r holl staff gyda’u haddysgu, mae’r Uned Datblygu Dysgu ac Addysgu yn cynnal nifer o sesiynau hyfforddi. Mae’r rhain yn cynnwys:

  • sesiynau ymarferol i staff ymgyfarwyddo â gwahanol elfennau o’r amgylchedd dysgu rhithwir,
  • yr agenda Dysgu Gweithredol,
  • asesu ac adborth,
  • hygyrchedd,
  • sgiliau cyflwyno, a mwy.

Rydym ni hefyd yn cynnig amrywiaeth o ddigwyddiadau a rhaglenni hyfforddi. Ceir manylion am ein rhaglen DPP flynyddol a gallwch archebu eich lle drwy ein Tudalen Archebu Cwrs. Rydym ni’n cyflwyno rhai sesiynau ein hunain, tra bo eraill yn cael eu cyflwyno gan staff y brifysgol y mae eu haddysgu’n cynnwys arfer da yn y meysydd hynny. Edrychwch am (D&A) yn nheitl y sesiwn.

Digwyddiadau

Mae’r Uned Datblygu Dysgu ac Addysgu yn cynnal amrywiaeth o ddigwyddiadau, gan gynnwys y Gynhadledd Dysgu ac Addysgu Flynyddol, Cynadleddau Bach, Gwyliau Bach a Fforymau Academi. Mae’r rhain i gyd yn gyfleoedd gwych i gyfarfod â phobl o bob rhan o’r brifysgol i drafod materion a datblygiadau’n ymwneud â Dysgu ac Addysgu.

Rhaglenni

Mae’r Uned Datblygu Dysgu ac Addysgu hefyd yn cynnal rhaglenni i gefnogi eich datblygiad proffesiynol parhaus. Mae hyn yn cynnwys rhaglen Addysgu i Uwchraddedigion ym Mhrifysgol Aberystwyth (TPAU) a’r Dystysgrif Uwchraddedig Addysgu mewn Addysg Uwch (PGCTHE) ar lefel Meistr a Chynllun Cymrodoriaeth (ARCHE).

Croeso i Flwyddyn Academaidd 2024-25: Diweddariadau i Blackboard ar gyfer myfyrwyr

WordPress User [jbw] Blackboard, Diweddariadau Technegol, E-gyflwyno, Gwybodaeth i Fyfyrwyr, Panopto Leave a comment

Croeso cynnes i fyfyrwyr newydd sy’n ymuno â ni a’r rhai sy’n dychwelyd i astudio ym Mhrifysgol Aberystwyth.

Yn y blogbost hwn, byddwn yn amlinellu’r newidiadau a wnaed i’ch amgylchedd dysgu digidol, Blackboard, yn barod ar gyfer dechrau blwyddyn academaidd 2024-25.

Os oes angen cymorth arnoch i ddefnyddio Blackboard, gweler ein Canllaw i Fyfyrwyr sy’n cynnwys pob math o wybodaeth ddefnyddiol.

Mae gennym hefyd gwestiynau cyffredin ar gael ar gyfer yr offer eraill yr ydym yn eu cefnogi, gan gynnwys Turnitin ar gyfer e-gyflwyno a Panopto ar gyfer cipio darlithoedd.

Templed wedi’i ddiweddaru

Mae’r holl gyrsiau wedi cael eu creu eleni gan ddefnyddio templed ychydig yn wahanol.

Mae Gwybodaeth am y Modiwl ac Asesu ac Adborth wedi’u disodli gan Fodiwlau Dysgu. Mae Modiwlau Dysgu yn cynnig ffordd fwy gweledol i chi drefnu’ch cynnwys.

Yn Gwybodaeth am y Modiwl gallwch ddisgwyl dod o hyd i eitemau sy’n ymwneud â gweinyddu’r cwrs.

Yn Asesu ac Adborth gallwch ddisgwyl dod o hyd i’ch mannau cyflwyno, briffiau aseiniadau a meini prawf marcio.

Efallai y gwelwch fod eich darlithwyr hefyd wedi defnyddio Modiwlau Dysgu ar gyfer eich Deunyddiau Dysgu.

Olrhain Cynnydd

Newid arall yw bod Olrhain Cynnydd wedi’i droi ymlaen yn ddiofyn ar yr holl gynnwys ar eich cwrs. Mae’r hyn yn eich galluogi i olrhain eich cynnydd eich hun drwy’r cwrs drwy farcio eich bod wedi cwblhau tasgau. Mae Canllawiau Blackboard yn darparu gwybodaeth bellach.

Blackboard Ally

Nodyn i’ch atgoffa ein bod wedi galluogi Blackboard Ally ar eich holl gyrsiau. Mae Blackboard Ally yn caniatáu ichi lawrlwytho cynnwys i wahanol fformatau. Mae hyn yn cynnwys ffeiliau mp3, darllenwyr trochi, a Braille electronig. Am gymorth, edrychwch ar ganllaw Ally. 

Blackboard Assignment

Byddwn yn cynnal cyfres o sesiynau peilota gyda rhai cyrsiau ar draws y Brifysgol gan ddefnyddio Blackboard Assignment. I’r rhai ohonoch sydd wedi arfer cyflwyno drwy Turnitin, mae Blackboard Assignment yn cynnig swyddogaeth debyg. Mae gennym gwestiwn cyffredin penodol i fyfyrwyr ar Sut i gyflwyno gan ddefnyddio Blackboard Assignment. Os oes gennych unrhyw gwestiynau, cysylltwch â’r Gwasanaethau Gwybodaeth (gg@aber.ac.uk) a’ch adran academaidd.

Mudiadau Adrannol

Yn olaf, cam olaf ein prosiect Ultra oedd symud Mudiadau Adrannol i Ultra. Mae Mudiadau yn debyg i Gyrsiau ond nid ydynt yn fodiwlau y gallwch eu hastudio. Defnyddir mudiadau i roi gwybodaeth ddefnyddiol i chi am eich Adran. Fe’u defnyddir hefyd at ddibenion hyfforddi a phrofi, fel y cwis Cyfeirnodi a Llên-ladrad. Gallwch gael mynediad i’ch Mudiadau o’r ddewislen ar y chwith yn Blackboard.

Os oes gennych unrhyw gwestiynau ynghylch defnyddio Blackboard cysylltwch â’r Gwasanaethau Gwybodaeth (gg@aber.ac.uk).

Pleidleisio ar Vevox: Diweddariad Haf 2024

WordPress User [jbw] Diweddariadau Technegol, Meddalwedd Pleidleisio Leave a comment

Mae’r Brifysgol wedi tanysgrifio i feddalwedd pleidleisio Vevox.  Gallwch gynnal gweithgareddau pleidleisio yn eich ystafell ddosbarth gan ddefnyddio dyfeisiau symudol i gymryd rhan.

Mae diweddariad Vevox ar gyfer haf 2024 yn cynnwys rhai swyddogaethau newydd yr ydym am dynnu eich sylw atynt. 

Math o gwestiwn newydd:  Pôl Graddfa sgorio

Mae’r math hwn o gwestiwn yn eich galluogi i osod graddfa sgorio o 1 i’r gwerth uchaf.  Gallwch ailenwi gwaelod y raddfa a brig y raddfa ac ychwanegu sawl eitem at y sgôr.

Byddai’r math hwn o gwestiwn yn ddefnyddiol ar gyfer gweithgareddau megis ‘y pwynt mwyaf dryslyd’ neu i nodi pynciau i’w hadolygu.

Gallwch ddisodli’r raddfa sgôr gyda sgôr o sêr yn lle hynny. 

I ddefnyddio’r cwestiwn graddfa, dewiswch ‘Create New’ a dewis ‘Rating Scale’ o’r ddewislen math o gwestiwn. 

Dewis delweddau mewn polau amlddewis

Gallwch gynnig opsiwn i’ch ymatebwyr ddewis delwedd fel detholiad yn y cwestiwn amlddewis.

Yn hytrach na rhoi testun, mae delweddau’n eich galluogi i greu ymateb mwy gweledol i’r math o gwestiwn. 

Gallwch ddefnyddio llyfrgell ddelweddau Unsplash i’ch helpu i ddod o hyd i ddelweddau sy’n berthnasol i’ch cwestiynau. 

Gosodiadau â chwestiynau penodol

Cyn hyn, roedd y gosodiadau a bennwyd gennych i’ch pôl yn berthnasol i’r holl gwestiynau.   Nawr, mae’n bosib dewis gwahanol osodiadau ar gyfer gwahanol gwestiynau pleidleisio. 

Gallwch ddewis newid:

  • Sut mae’r canlyniadau’n ymddangos mewn amser real
  • Sut mae’r canlyniadau’n ymddangos ar ddiwedd y bleidlais
  • Y gwahanol ddewis o gerddoriaeth wrth i’r amserydd gyfrif yr eiliadau 
  • Yr amserydd awtomatig sy’n cyfrif yr eiliadau

I newid gosodiadau cwestiynau unigol, dewiswch ‘Use custom settings for this poll’ yn rhyngwyneb y cwestiwn. 

Sawl arolwg / cwisiau ‘wrth eich pwysau’

Ar gyfer cydweithwyr sy’n defnyddio cwisiau ac arolygon i’w cwblhau ‘wrth eich pwysau’, mae bellach yn bosibl cynnal mwy nag un ar y tro.  Mae hyn yn golygu y gallwch eu hymgorffori ar draws gwahanol fodiwlau. 

Cymysgu Cwestiynau’r Arolwg 

Os ydych am i drefn y cwestiynau yn yr arolwg ymddangos ar hap, dewiswch ‘Shuffle question order’ ar ryngwyneb yr arolwg. 

Hanes delweddau

Bydd Vevox nawr yn arbed y delweddau a lanlwyddir gennych i’w defnyddio mewn polau pleidleisio.  Bydd hyn yn helpu i arbed amser wrth lwytho ac ail-greu cwestiynau. 

Edrychwch ar ein tudalennau cymorth ar gyfer defnyddio Vevox.  Gallwch hefyd ddarllen diweddariadau blaenorol ar y blog.

Mae Vevox yn cynnal gweminarau rheolaidd ar sut i ddefnyddio’r feddalwedd.  Cofrestrwch ar-lein ar gyfer y rhain. 

Os oes gennych unrhyw gwestiynau, cysylltwch â’r Uned Datblygu Dysgu ac Addysgu (eddysgu@aber.ac.uk). 

Blackboard Learn Ultra: Gwelliannau i Ddogfennau

WordPress User [jbw] Blackboard, Diweddariadau Technegol, Uncategorized Leave a comment

Roedd y diweddariad i Blackboard Learn Ultra ym mis Awst yn cynnwys gwelliannau i nodweddion creu a golygu Dogfennau Blackboard Learn Ultra .

I’r rhai sy’n anghyfarwydd â defnyddio Dogfennau, maent yn ffordd hawdd o greu cynnwys yn Ultra, gan sicrhau eu bod yn cydweddu â dyfeisiau symudol a Blackboard Ally. Gan fod y diweddariad hwn yn golygu newid sylweddol i’r modd y caiff cynnwys ei drefnu, rydym yn creu’r blog hwn ar wahân. Gallwch ddarllen am welliannau eraill yn y blog ynghylch diweddariad mis Awst.

Mae’r diweddariad diweddaraf yn rhoi mwy o bŵer i hyfforddwyr a mwy o reolaeth iddynt dros sut mae cynnwys yn ymddangos. Mae’n gweithredu fel tudalen we, gydag amrywiaeth o fathau o flociau y gellir eu defnyddio i greu a threfnu cynnwys. Gellir symud y blociau hyn o gwmpas i roi mwy o opsiynau i hyfforddwyr dros drefn eu cynnwys.

I grynhoi:

  • Gellir gosod delweddau ochr yn ochr â’r testun
  • Gellir trefnu cynnwys dwyieithog yn haws
  • Gellir defnyddio penawdau i helpu i lywio drwy’r cynnwys
  • Gellir uwchlwytho a throsi ffeiliau yn ddogfen Ultra, gan gadw’r fformat gwreiddiol.

Gellir gweld enghraifft o Ddogfen a grëwyd gan ddefnyddio’r golygydd cynnwys newydd isod:

Llun o ddogfen gyda blociau wedi'u llenwi â thestun a delweddau

Y newid mwyaf i’r holl hyfforddwyr yw bod y nodwedd creu cynnwys yn ymddangos ar frig y dudalen. Gallwch barhau i ddefnyddio’r eicon + i greu cynnwys a fydd wedyn yn rhoi’r ddewislen a welwch isod:

Llun o floc creu cynnwys wrth wneud dogfen yn Ultra

Mae’r opsiwn i drosi ffeil yn nodwedd newydd sy’n eich galluogi i uwchlwytho ffeil. Bydd hyn yn ei throi’n Ddogfen Ultra gan gadw fformat y ffeil wreiddiol.

Bydd dewis ‘Cynnwys’ yn mynd â chi at y golygydd cynnwys arferol.

Mae hyn yn caniatáu ichi ychwanegu cynnwys ac ailfeintio.

Gallwch chi symud cynnwys o gwmpas yn rhwydd gan osod delweddau ochr yn ochr â’r testun.

Wrth i chi aildrefnu cynnwys, rydym yn argymell eich bod yn arbed eich gwaith wrth fynd i sicrhau bod y newidiadau’n parhau.

I gael rhagor o wybodaeth am greu a defnyddio dogfennau, gweler Canllaw Cymorth Blackboard.

Y Gynhadledd Dysgu ac Addysgu Flynyddol:  Nodyn Atgoffa

WordPress User [jbw] Cynhadledd Dysgu ac Addysgu Flynyddol 2024, Gynhadledd Leave a comment

Erbyn hyn dim ond ychydig dros fis sydd tan ein cynhadledd dysgu ac addysgu flynyddol, a gynhelir rhwng 10 a 12 Medi 2024.

Gallwch archebu’ch lle ar-lein.

Mae llawer o uchafbwyntiau i’r rhaglen eleni ac rydym yn ddiolchgar i’n cydweithwyr am rannu eu harferion dysgu arloesol â ni.

Mae’r gynhadledd yn dechrau gyda phrif anerchiad a gweithdy a roddir ar-lein gan yr Athro Lisa Taylor (Prifysgol Dwyrain Anglia). Bydd yr Athro Taylor yn rhoi cyflwyniad ar sut y gellir ymgorffori cyflogadwyedd yn y cwricwlwm, cyn symud ymlaen i sôn am ei gwaith arloesol ar leoliadau gwaith ar-lein.

Yn y gweithdy wedyn, bydd y cynadleddwyr yn cael cyfle i gymhwyso’r egwyddorion hyn i’w disgyblaethau eu hunain. Mae’r crynodeb gan yr Athro Taylor yn darparu rhagor o wybodaeth.

Er mwyn adeiladu ar sylfaen sesiwn yr Athro Taylor, bydd staff o bob rhan o’r Brifysgol yn rhannu eu dulliau o wreiddio cyflogadwyedd yn y cwricwlwm, gan arwain at weithdy a gynhelir gan Bev Herring ar ddylunio’r cwricwlwm ar gyfer datblygu cyflogadwyedd.

Yn ogystal â chyflogadwyedd, mae gennym sesiynau ar:

  • Defnyddio Deallusrwydd Artiffisial mewn Dysgu ac Addysgu
  • Dad-drefedigaethu’r cwricwlwm
  • Niwroamrywiaeth mewn Addysg
  • Dulliau o ddysgu mewn tîm
  • Gwella’r cyswllt â’r myfyrwyr
  • Dysgu drwy efelychu
  • Dysgu sy’n ystyriol o drawma

A llawer mwy.

Gallwch weld y rhaglen lawn ac archebu’ch lle ar-lein. 

Mae’r gynhadledd yn rhad ac am ddim i staff a myfyrwyr Prifysgol Aberystwyth.

Cynhadledd Dysgu ac Addysgu Flynyddol: Rhaglen Cyhoeddi

WordPress User [jbw] Cynhadledd Dysgu ac Addysgu Flynyddol 2024, Gynhadledd Leave a comment

Rydym yn edrych ymlaen at eich croesawu i’r 12fed Cynhadledd Dysgu ac Addysgu Flynyddol, 10-12 Medi.

Mae’n bleser gennym gadarnhau ein rhaglen lawn. 

Byddwn yn cael 1 diwrnod ar-lein (dydd Mawrth 10 Medi) a 2 ddiwrnod wyneb yn wyneb (dydd Mercher 11 Medi a dydd Iau 12 Medi).

Gallwch gofrestru ar gyfer y gynhadledd ar-lein. 

Os oes gennych unrhyw ymholiadau mae croeso i chi gysylltu â ni. 

Cyhoeddi Prif Siaradwr: Y Gynhadledd Dysgu ac Addysgu Flynyddol: Yr Athro Lisa Taylor

WordPress User [jbw] Cynhadledd Dysgu ac Addysgu Flynyddol 2024, Gynhadledd, Siaradwyr Allanol, Uncategorized Leave a comment

Mae’n bleser gan yr Uned Datblygu Dysgu ac Addysgu gyhoeddi’r prif siaradwr yn y Gynhadledd Dysgu ac Addysgu Flynyddol eleni.

Bydd yr Athro Lisa Taylor o Brifysgol Dwyrain Anglia yn ymuno â ni i roi cyflwyniad am gyflogadwyedd yn y cwricwlwm. Mae Lisa yn Athro Cyflogadwyedd ac Arloesedd Dysgu ac yn Ddeon Cyswllt ar gyfer Cyflogadwyedd yn y Gyfadran Meddygaeth ac Iechyd.

Mae gan Lisa gefndir fel Therapydd Galwedigaethol gyda deng mlynedd o brofiad clinigol yn y GIG a chwblhaodd raddau MSc a PhD.

Dros y deuddeng mlynedd diwethaf mae Lisa wedi gweithio ym maes addysg uwch fel darlithydd yn nhîm academaidd Therapi Galwedigaethol Prifysgol Dwyrain Anglia. Mae Lisa wedi dal rolau arweinyddiaeth cyflogadwyedd ochr yn ochr â’i rôl darlithio am un ar ddeg o’r blynyddoedd hynny, i ddechrau fel cyfarwyddwr cyflogadwyedd Ysgol y Gwyddorau Iechyd ac yna fel Deon Cyswllt ar gyfer Cyflogadwyedd y Gyfadran Meddygaeth a Gwyddorau Iechyd.

Mae Lisa yn angerddol am gyflogadwyedd ac arloesiadau dysgu, gan sicrhau’r effaith fwyaf posibl ar fyfyrwyr/dysgwyr, cydweithwyr academaidd a phartneriaid allanol. Dyfarnwyd Cymrodoriaeth Addysgu Genedlaethol Advance HE (NTF) i Lisa yn seiliedig ar ei gallu parhaus i hwyluso a dylanwadu ar ddysgu o safon i fyfyrwyr.

Mae Lisa wedi helpu i ddatblygu’r agenda cyflogadwyedd ehangach trwy gefnogi ac ymgysylltu â chydweithwyr yn lleol, yn genedlaethol ac yn rhyngwladol, gan sicrhau effaith ar ganlyniadau a phrofiad dysgu myfyrwyr, trwy gyfrwng addysgu, mentrau strategol ac arloesiadau dysgu. Mae’r dyfarniad NTF yn gosod Lisa fel arweinydd sector ym maes cyflogadwyedd ac arloesiadau dysgu. Mae Lisa yn cyhoeddi ac yn cyflwyno’n eang, gan helpu i lywio’r sgwrs genedlaethol am gyflogadwyedd. 

Un o arloesiadau dysgu Lisa yw’r Peer Enhanced e-Placement (PEEP). Mae Lisa wedi ennill sawl gwobr am y PEEP arloesol ac mae wedi cyhoeddi llyfr yn seiliedig ar ei egwyddorion dylunio a chyflawni, Constructing Online Work-Based Learning Placements: Approaches to Pedagogy Design, Planning and Implementation. Bydd y PEEP yn cael ei gyflwyno yn rhan o ddarlith Lisa.

Cynhelir y Gynhadledd Dysgu ac Addysgu Flynyddol rhwng 10 a 12 Medi. Mae croeso i gydweithwyr gyflwyno cynigion ac mae modd archebu lle nawr.

Lansiad Llyfr Pedagodzilla ac Ymosodiad Pod

WordPress User [jbw] Siaradwyr Allanol Leave a comment

Mae’r Uned Datblygu Dysgu ac Addysgu yn falch iawn o groesawu Pedagodzilla, y podlediad pedagogaidd â’i graidd mewn diwylliant pop, i Brifysgol Aberystwyth.  Maen nhw’n cynnal cyfres arbennig iawn o ddigwyddiadau wyneb yn wyneb a sesiynau DPP ar 2 a 3 Mai 2024. 

  • 2/5/2024 10:00-12:00 Powering professional development with Pedagodzilla
  • 2/5/2024 13:30-15:30 The Aber Takeover 
  • 3/5/2024 10:00-11:00 Pedagodzilla Live
  • 3/5/2024 11:05-12:00 Picking Pedagodzilla Panellist Brains

Gall staff archebu lle ar ein System archebu DPP.  Dylai myfyrwyr sydd â diddordeb gysylltu â thîm  Uned Datblygu Dysgu ac Addysgu i ychwanegu eu henwau.

Mae ymweliad Pedagodzilla  ag Aberystwyth yn dechrau gyda chyflwyniad gan y tîm yn sôn am bwy ydyn ni a beth yw Pedagodzilla – gan gynnwys rhoi copïau am ddim o’n llyfr sydd newydd ei lansio, Pedagodzilla:  Exploring the Realm of Pedagogy.

Nod y llyfr yw egluro a datrys maes addysgeg, gan ddefnyddio lens y diwylliant pop mewn ffordd chwareus a hygyrch.  Mae’r llyfr yn deillio o benodau’r Podlediad Pedagodzilla, sydd bellach wedi bod yn rhedeg ers pum mlynedd, ac sydd wedi arwain at gydweithio a sgyrsiau ar draws y byd, eitemau mewn cynadleddau a phapurau i gyfnodolion. 

Rydyn ni’n teimlo y bydd y llyfr yn ddefnyddiol i unrhyw un sydd â diddordeb mewn ymarfer addysg –a sut y gall damcaniaeth lywio ein dull o addysgu.  Yn benodol, mae’r llyfr hwn wedi’i anelu at ymarferwyr a allai fod yn dioddef o’r perygl galwedigaethol cyffredin ym maes addysg uwch sef syndrom y ffugiwr – gan roi iddynt ffordd hygyrch o ddefnyddio iaith addysgeg i drafod a datblygu eu hymarfer eu hunain.  Byddwn yn siarad am y llyfr – yn rhannu cod QR i gael gafael ar y pdf – ac yn rhannu rhai copïau print nes eu bod yn rhedeg allan.

Byddwn wedyn yn symud i weithdy, gan ddechrau drwy drafod datblygiad a fframwaith Podlediad Pedagodzilla fel offeryn datblygu proffesiynol. Yna byddwn yn gwahodd y rhai sy’n bresennol i ffurfio grwpiau lle bydd cyfle, o fewn fframwaith, i lunio syniad o’u prosiectau datblygu proffesiynol pwerus eu hunain.  Byddwn yn crynhoi’r cyfan mewn trafodaeth o’r addysgeg sylfaenol, ac yn cynnig awgrymiadau defnyddiol i bweru eich datblygiad proffesiynol eich hun â chreadigrwydd a dilysrwydd.

Yn sesiwn Aber Takeover, rydym yn gwahodd y rhai sy’n bresennol i ffurfio tîm (gan ddefnyddio swyddogaethau hunan-ddisgrifiedig i rannu grwpiau) i ddylunio rhan fer o sioe o fewn fframwaith ac iddo strwythur chwareus.  Bydd grwpiau’n recordio eu cyfraniadau, a bydd y rhain yn cael eu cynnwys mewn pennod arbennig sef Aberystwyth Takeover, i’w chyhoeddi ar ffrwd podlediad Pedagodzilla.  Os nad ydych chi’n hyderus yn siarad neu’n cael eich recordio, peidiwch â phoeni!  Mae’r fformat hwn yn cynnwys opsiynau ar gyfer cyfraniadau di-siarad.

Ar yr ail ddiwrnod, ymunwch â Pedagodzilla am sesiwn recordio!  Yma rydyn ni’n arbrofi gyda’n fformat ac yn gwahodd y rhai sy’n bresennol i gyflwyno eu cwestiynau yn null Pedagodzilla lle mae ‘addysgeg yn cwrdd â’r diwylliant pop’, i weld a all ein panelwyr ffwndrus ein hargyhoeddi rhywsut gydag atebion dilys o fewn terfyn amser tynn, mewn podlediad wedi’i recordio.

Yn y sesiwn olaf, rydyn ni’n gwahodd pobl dda Aberystwyth i fynd ati i holi ac elwa ar wybodaeth tîm Pedagodzilla – gweithwyr proffesiynol addysg uwch o brifysgolion proffil uchel ledled y wlad.  Gall y pynciau gynnwys, ond nid ydynt yn gyfyngedig i:

  • Theori ac ymarfer Dylunio Dysgu (Pawb)
  • Uchafbwyntiau ac anfanteision dysgu o bell (Pawb)
  • Dysgu trwy brofiad mewn bydoedd rhithwir, ac addysgeg (neu beidio) y byd rhithwir (Mark)
  • Creu podlediadau ar gyfer dechreuwyr (Mike)
  • Dyfodol addysg, ac arloesi mewn addysgeg (Rebecca)
  • Ymddygiadau dysgu (Elizabeth Ellis)

Ynglŷn â Pedagodzilla

Pedagodzilla Dyma’r podlediad pedagogaidd â’i graidd mewn diwylliant pop, sy’n ceisio deall ac ystyried addysgeg ac ymarfer addysg yn chwareus trwy lens diwylliant pop.  Bydd tîm Pedagodzilla yn lansio eu llyfr cyntaf yn swyddogol yn Aberystwyth, Pedagodzilla:  Exploring the Realm of Pedagogy. 

Hwyluswyr

  • Mike Collins: Cynhyrchydd a chyflwynydd podlediad Pedagodzilla, ac Uwch Ddylunydd Dysgu yn Y Brifysgol Agored.  Mike hefyd sydd wedi darparu’r darluniau ar gyfer y llyfr.
  • Dr Mark Childs: Mae Mark yn Uwch Ddylunydd Dysgu ym Mhrifysgol Durham.  Mae ganddo PhD mewn Addysg a dyfarnwyd iddo Gymrodoriaeth Addysgu Genedlaethol yn 2021 am ei ymchwil a’i addysgu yn defnyddio realiti rhithwir a fideogynadledda.
  • Yr Athro Rebecca Ferguson: Yr Athro Rebecca Ferguson yw golygydd y Journal of Learning Analytics, cydlynydd academaidd y Rhwydwaith Academaidd FutureLearn (FLAN).
  • Elizabeth Ellis: Yn y Brifysgol Agored, mae Elizabeth yn datblygu profiadau dysgu digidol ar gyfer myfyrwyr y Brifysgol Agored yn ogystal ag OpenLearn a FutureLearn.

Cynhadledd Dysgu ac Addysgu Flynyddol: Gallwch Gofrestru ar gyfer y Gynhadledd nawr

WordPress User [jbw] Cynhadledd Dysgu ac Addysgu Flynyddol 2024, Gynhadledd Leave a comment

Gallwch gofrestru nawr ar gyfer yr deuddegfed gynhadledd Dysgu ac Addysgu flynyddol.

Eleni bydd y gynhadledd Dysgu ac Addysgu yn dwyn y thema Paratoi ar gyfer Rhagoriaeth: Cynllunio Dysgu ac Addysgu Arloesol ac fe’i cynhelir rhwng dydd Mawrth 10 a dydd Iau 12 Medi 2024.

Gallwch gofrestru ar gyfer y gynhadledd trwy lenwi’r ffurflen ar-lein. 

Galwad am Gynigion

Gwahoddir staff, cynorthwywyr dysgu uwchraddedig a myfyrwyr i gyflwyno cynigion ar gyfer 12fed Cynhadledd Dysgu ac Addysgu flynyddol Prifysgol Aberystwyth a gynhelir rhwng 10-12 Medi 2024.

Gallwch gyflwyno a gweld yr alwad am gynigion ar-lein.

Gofynnwn i chi lenwi’r ffurflen hon erbyn 24 Mai 2024.