Creu Profion Blackboard ar gyfer Arholiadau Ar-lein.

Mae’r gosodiadau ar gyfer profion yn Blackboard Ultra wedi newid yn Blackboard Ultra ac mae’r trefniadau ar gyfer cynnal arholiad wedi’u diweddaru eleni.

Dyma’r prif newidiadau:

  • Gallwch greu un cȏd mynediad yn unig ar gyfer eich arholiad o flaen llaw. Caiff y cȏd hwn ei greu’n awtomatig ar ffurf cȏd rhifiadol 6 digid, pan fyddwch yn dewis yr opsiwn ‘angen cȏd mynediad’ i opsiwn addass ar gyfer pob arholiad ar-lein wyneb yn wyneb.
  • Disgwylir i’r cydlynwyr modiwlau fynychu’r arholiad wyneb yn wyneb ar gyfer eu modiwl (am y 30 munud cyntaf). Os nad yw’n bosibl bod yn bresennol, dylid trefnu eilydd. Mae bod yn gorfforol bresennol ar gyfer yr arholiad yn galluogi cydlynwyr y Modiwl i gynhyrchu ail gȏd mynediad 30 munud ar ôl i’r arholiadau ddechrau ac i gylchredeg y cȏd hwn gyda’r tîm arholiadau.
  • Gall cydlynwyr modiwlau gysylltu â’r swyddfa arholiadau trwy eosstaff@aber.ac.uk cyn diwrnod yr arholiad i ddarganfod pa staff goruchwylio fydd yn bresennol yn ystod eu harholiad i gadw cofnod o’u henwau a’u henwau defnyddiwr.

Rydym wedi paratoi canllawaiau newydd sy’n esbonio’r newidiadau’n llawn: Profion Blackboard ar gyfer Arholiadau Wyneb yn Wyneb. Byddai’n werth clustnodi amser peneodol i ddarllen ac ymgyfarwyddo gyda’r canllawiau wrth i chi barartoi’ch prawf. Gweler isod y gosodiadau prawf yn Blackboard ar gyfer creu cȏd mynediad i’ch arholiad ar-lein:

Yn sgȋl y newidiadau hyn, mae’r tȋm E-ddysgu yn cynnal sesiynau hyfforddi newydd ar ‘Baratoi am Arholiadau Ar-lein’, ar 5 a 11 Rhagfyr. Gellir archebu lle ar Sesiynau Hyfforddiant DPP.

Mae cyfarwyddiadau hefyd ar ffurf Cwestiynau a Ofynir yn Aml ar greu profion Blackboard ar gyfer arholiadau ar-lein. Os ydych angen cymorth ychwanegol mae’r tȋm e-ddysgu ar gael ar sesiynau Teams i drafod eich prawf. Cysylltwch gyda eddysgu@aber.ac.uk.

Bydd y tȋm e-ddysgu ar gael i wiro gosodiadau eich prawf rhwng 4 a 20 Rhagfyr 2023. Cofiwch, nad ydym yn gallu gwiro eich prawf heb amser neu ddyddiad wedi’i gadarnhau.

Cysylltwch gyda eddysgu@aber.ac.uk os oes gennych gwestiynau pellach ar brofion Blackboard.

Cyfle i ddefnyddio Talis Elevate am ddim ar gyfer anodi cymdeithasol

Mae’n bleser gennym wahodd staff addysgu i ddefnyddio Talis Elevate am ddim am gyfnod prawf ar gyfer anodi cydweithredol. Fe’i cynlluniwyd i annog myfyrwyr i ymgysylltu â deunydd darllen cyrsiau a dysgu’n weithredol trwy anodi cydweithredol ac unigol. Mae’n cynnwys dadansoddeg fanwl i’ch helpu i gadw eich myfyrwyr ar y trywydd iawn.

Mae ein cyfnod prawf am ddim o’r offer ar waith ar hyn o bryd a bydd yn rhedeg tan fis Tachwedd 2023. Gan ddibynnu ar ymateb staff ac ystyriaethau cyllidebol, efallai y bydd modd i’r brifysgol gaffael Elevate i’w ddefnyddio am gyfnod hwy.

Cysylltwch â ni yn thestaff@aber.ac.uk i ymuno â’r cynllun prawf.

Dyma sgrinlun o brif dudalen Elevate i ddangos i chi sut mae’n edrych:

[Llun o wefan allanol ar gael yn Saesneg yn unig]

Diolch yn fawr,

Mary Jacob & Julie Hart

Sesiwn Hyfforddiant Vevox

Yn ystod y flwyddyn diwethaf, prynodd y Brifysgol offer Vevox er mwyn cynnal pleidleisiau. Ers hynny, rydym wedi gweld llu o weithgareddau pleidleisio gwych yn cael eu cynnal mewn dosbarthiadau ledled y Brifysgol.

Os nad ydych wedi defnyddio Vevox o’r blaen, neu os hoffech rywfaint o arweiniad, bydd Vevox yn cynnal sesiwn hyfforddiant:

  • 22 Medi, 11:00-12:00

Archebwch eich lle ar ein safle Archebu Cyrsiau.

Cynhelir y sesiwn hyfforddiant hon ar-lein gan ddefnyddio Teams. Anfonir dolen atoch cyn dechrau’r sesiwn.

Am ragor o wybodaeth am Vevox, edrychwch ar ein tudalen ar y we am Offer Pleidleisio Vevox a blogposts.

Canlyniadau Arolwg Mewnwelediad Digidol Myfyrwyr (2021-2022)

Gan Joseph Wiggins

Unwaith eto mae Prifysgol Aberystwyth wedi rhedeg yr Arolwg Mewnwelediad Digidol Myfyrwyr, arolwg sy’n gofyn i ddysgwyr am effaith dysgu ar-lein a dysgu a weithredir â thechnoleg. Eleni cwblhaodd dros 600 o fyfyrwyr Prifysgol Aberystwyth yr arolwg.

Metrigau Allweddol

Cymorth i ddefnyddio eich dyfeisiau eich hun	81% Cymorth gyda mynediad at lwyfannau ar-lein/gwasanaethau oddi ar y safle 	74% Ansawdd yr amgylchedd dysgu ar-lein	83% Deunyddiau dysgu ar-lein difyr a chymhellol	44% Mae dysgu ar-lein yn gyfleus	72% Ansawdd y dysgu ar-lein ar y cwrs	80% Rhoi gwobr/cydnabyddiaeth am sgiliau digidol 	22% Cefnogaeth i ddysgu’n effeithiol ar-lein	72%

Mae arolwg JISC wedi newid dros y flwyddyn ddiwethaf gyda rhywfaint o’r cwestiynau metrig allweddol wedi’u newid. Ar gyfer y cwestiynau sydd wedi aros yr un fath neu’n debyg iawn gallwn gymharu gyda chanlyniadau y llynedd.

Metrig Allweddol2020-20212021-2022
Cymorth i ddefnyddio eich dyfeisiau eich hun60%81%
Mynediad at lwyfannau ar-lein oddi ar y safle67%74%
Amgylchedd dysgu ar-lein40%83%
Ansawdd y dysgu ar-lein ar y cwrs69%80%

Yn y mwyafrif o’r metrigau allweddol hyn gwelwyd cynnydd cadarnhaol gyda Phrifysgol Aberystwyth  wedi gwella ers y flwyddyn flaenorol. Caiff y duedd hon i wella ei hadlewyrchu drwy holl ganlyniadau’r arolwg.

Yn achos cwestiynau a newidiodd yn y metrigau allweddol nid oes modd cymharu nifer ohonynt oherwydd y newidiadau a wnaed. Er enghraifft y llynedd holwyd am ddeunyddiau dysgu ar-lein ‘Wedi’u cynllunio’n dda’. Newidiwyd hyn i ddeunyddiau dysgu ar-lein ‘Difyr a chymhellol’. Gyda thueddiadau dysgu ar-lein mae cwestiynau’n ymwneud â chymhelliant yn nodweddiadol yn fwy negyddol, gan wneud cwestiynau sy’n defnyddio’r ansoddeiriau hyn lawer yn fwy negyddol.

Read More

Siaradwr Gwadd: Dosbarth Meistr: Dylunio Cyffredinol ar gyfer Dysgu, Kevin L. Merry

Accessibility icons showing 3 images: a checklist, a computer workstation, an image

Mae’n bleser gan yr Uned Datblygu Dysgu ac Addysgu gyhoeddi ein Siaradwr Gwadd nesaf.

Ar 16 Chwefror, 2pm-4pm, bydd Kevin L. Merry yn cynnal dosbarth meistr ar Ddylunio Cyffredinol ar gyfer Dysgu a sut mae dull hwnnw o weithio wedi’i roi ar waith ym Mhrifysgol De Montfort.

Mae modd archebu’ch lle ar y digwyddiad hwn nawr drwy dudalen archebu Datblygu Proffesiynol Parhaus y Staff.

Gallwch ddarllen mwy am Ddylunio Cyffredinol ar gyfer Dysgu ar wefan CAST.

Cynhelir y gweithdy ar-lein drwy Teams. Bydd dolen yn cael ei hanfon atoch cyn y digwyddiad. 

Rhoddir disgrifiad o’r sesiwn a bywgraffiad y siaradwr isod.

Disgrifiad o’r Sesiwn

Yn 2015, mabwysiadodd Prifysgol De Montfort Ddylunio Cyffredinol ar gyfer Dysgu (UDL) fel ei dull o ddysgu, addysgu ac asesu i’r sefydliad cyfan, mewn ymateb i’r ffaith bod amrywiaeth eithriadaol ymhlith ei dysgwyr. Mae Dylunio Cyffredinol yn ddull sy’n ymgorffori amrywiaeth o opsiynau sy’n golygu ei fod yn hygyrch ac yn gynhwysol i grwpiau amrywiol o ddysgwyr sydd ag amrywiaeth eang o anghenion a dewisiadau dysgu.

Yn y dosbarth meistr hwn, bydd Dr Kevin Merry yn cyflwyno’r dull “Brechdan Caws” o gynorthwyo dysgwyr i feistrioli eu dysgu. Erbyn hyn, y ‘Brechdan Caws’ yw’r cyfrwng a ddefnyddir gan staff dysgu De Montfort i ddechrau ymgorffori Dylunio Cyffredinol yng ngwaith dylunio eu sesiynau addysgu, eu modiwlau a’u rhaglenni. Yn benodol, bydd Kevin yn darparu cyfres o weithgareddau ymarferol a fydd yn helpu’r cyfranogwyr i ddatgelu sylfeini addysgeg y Brechdan Caws. Ar ben hynny, bydd Kevin yn gwahodd y cyfranogwyr i ddechrau meddwl am rai o’r ystyriaethau allweddol y mae’n rhaid i athrawon eu gwneud wrth gynllunio a dylunio profiadau dysgu o safbwynt Dylunio Cyffredinol, a sut y gellir gwneud hyn gan ddefnyddio ymagwedd systemau’r dull CUTLAS.

Yn olaf, bydd Kevin yn gorffen y sesiwn drwy ymdrin â’r cwestiwn mawr hollol amlwg – sef asesiadau a ddyluniwyd yn gyffredinol. Trwy ddarparu arweiniad ac enghreifftiau ymarferol o gymhwyster De Montfort ei hun, sef y Dystysgrif Ôl-raddedig mewn Dysgu ac Addysgu mewn Addysg Uwch, bydd Kevin, gobeithio, yn chwalu rhai o’r mythau o amgylch Dylunio Cyffredinol ac asesu, gan helpu’r cyfranogwyr i fabwysiadu dulliau o asesu dysgu sy’n canolbwyntio’n fwy ar Ddylunio Cyffredinol.

Read More

Rhoi Dulliau Ysgrifennu Academaidd ar waith i bob adran – Llysgenhadon Dysgu

Distance Learner Banner

Ysgrifennwyd gan Lucie Andrews, Saesneg ac Ysgrifennu Creadigol

Mae’r modiwlau Blackboard gorau wedi’u trefnu’n effeithiol, yn hawdd llywio drwyddynt ac yn cael eu diweddaru’n rheolaidd. Fodd bynnag, hoffwn ganolbwyntio ar ffyrdd o ddefnyddio Blackboard fel adnodd ar gyfer sgiliau astudio ac ymddygiad academaidd rhagorol. Yn ystod y prosiect Llysgenhadon Dysgu, buom yn trafod beth sy’n gwneud modiwl Blackboard yn un sydd wedi’i gynllunio’n dda. Roedd rhywfaint o’r adborth yn ymwneud â’n teimlad nad oedd y canllaw cyfeirio a dyfynnu yn hawdd cyrraedd ato nac yn ddigon cynhwysfawr i ddiwallu holl anghenion y myfyrwyr. Trafodwyd  y syniad o gynnwys atebion model i’r aseiniad fel templed o’r hyn y mae angen ei gynnwys a sut i fformatio aseiniadau’n gywir. Un ffordd o weithredu ar yr adborth hwn fyddai cynnwys ffolder newydd yn yr adran asesu ac adborth sy’n canolbwyntio ar sgiliau astudio er mwyn gwneud Blackboard yn adnodd gwell i fyfyrwyr.              

Wrth ddadansoddi’r gwahanol ddulliau o ddefnyddio gwahanol adrannau ar Blackboard yn ystod y profion defnyddioldeb, sylweddolais fod adran ddefnyddiol o’r enw Dulliau Ysgrifennu Academaidd   yn newislen modiwl fy adran, Saesneg ac Ysgrifennu Creadigol, nad oedd yn newislenni adrannau eraill. Felly, byddwn yn argymell y dylai ‘Dulliau Ysgrifennu Academaidd’ fod ar waith ym mhob adran trwy greu ffolder ychwanegol yn yr adran asesu ac adborth i weithredu ar rywfaint o adborth y myfyrwyr. Pam y dylech chi ystyried hyn? A beth fydd cynnwys y ffolder newydd hon? Gan mai Blackboard yw’r wefan a ddefnyddir ar gyfer yr elfen ddysgu a’r elfen academaidd o brofiad y myfyrwyr, credaf y byddai pob myfyriwr yn elwa o ffolder un pwrpas sy’n cyflwyno sgiliau astudio ac chyngor i fyfyrwyr er mwyn iddynt allu weithio tuag at ymddygiad academaidd rhagorol. Yn y ffolder hon, byddai rhestr unigryw o sgiliau astudio cysylltiedig ag anghenion pob adran. Dyma dempled cyffredinol o’r hyn y gallai’r ffolder hon gynnwys:

  • canllaw cyfeirio a dyfynnu manwl sy’n bodloni taflen arddull pob adran
  • canllaw o awgrymiadau a sgiliau astudio hanfodol gan gynnwys pwyntiau buddiol ar gyfer ysgrifennu traethodau
  • dolenni i weithdai a gynigir gan y brifysgol ar sgiliau astudio
  • Cwestiynau Cyffredin ar sgiliau astudio a gwybodaeth gyffredinol am fodiwlau

Fel myfyriwr, rwyf yn teimlo’n bersonol bod y pwyslais pennaf ar y deunydd sy’n cael sylw mewn darlithoedd, seminarau a gweithdai a bod pwyslais ar y cynllun marciau a’r meini prawf asesu. Fodd bynnag, yn gyffredinol mae llai o bwyslais ar sut y i wella’ch sgiliau ysgrifennu / astudio yn annibynnol a sut i ysgrifennu traethawd / asesiad / cyfeiriadau at y disgwyliadau sy’n bodloni safonau arferion y brifysgol. Felly, dylid rhoi’r ffolder hon am Ddulliau Ysgrifennu Academaidd ar waith yn adran asesu ac adborth pob adran ar draws y Brifysgol, gan y byddai’n cynnig rhywbeth newydd i Blackboard a fyddai’n gwella profiad academaidd myfyrwyr. Byddai hyn yn ei dro yn helpu myfyrwyr i ennill graddau gwell. Rwy’n teimlo felly y byddai defnyddio ffolder wedi’i neilltuo ar gyfer astudio sgiliau sy’n benodol i’r hyn sydd ei angen ar fyfyrwyr yn y modiwl hwnnw, yn gwella profiad dysgu myfyrwyr ar Blackboard ac yn gwella ei adnoddau.  

Fforwm Academi 2: Cynllunio Dysgu Cyfunol

Cynhelir ein Fforwm Academi nesaf ar-lein ddydd Iau 2 Rhagfyr, 10yb-11.30yb. Yn y Fforwm Academi hwn, bydd cyfranogwyr yn rhannu eu profiadau a’u dulliau o gynllunio dysgu cyfunol.

Mewn ymateb i’r pandemig, bu’n rhaid i lawer ohonom addasu ein harferion addysgu’n sylweddol. I’r rhan fwyaf, roedd hyn yn dibynnu ar gynnydd yn y defnydd o dechnoleg a gweithgareddau ar-lein i fyfyrwyr ymgymryd â hwy yn eu hamser eu hunain yn anghydamserol. Mae Cynllunio Dysgu Cyfunol yn edrych ar sut y gallech ddefnyddio neu integreiddio rhyngweithiadau ar-lein wrth addysgu wyneb yn wyneb.

Bydd cyfranogwyr yn myfyrio ar eu dulliau presennol o addysgu a sut maent yn cynllunio gweithgareddau ar-lein ac wyneb yn wyneb. Byddwn yn edrych ar rai fframweithiau a fydd o gymorth wrth gynllunio ar gyfer dysgu cyfunol ac yn meddwl am strategaethau ar gyfer integreiddio addysgu ar-lein yn llwyddiannus i ryngweithiadau wyneb yn wyneb, a rhyngweithiadau wyneb yn wyneb i addysgu ar-lein.

Edrychwch ar ein trosolwg o Fforymau Academi sydd i ddod ac archebwch eich lle ar-lein.

Os oes gennych unrhyw gwestiynau, cysylltwch â ni: udda@aber.ac.uk.

Croeso i staff newydd sy’n ymuno â Phrifysgol Aberystwyth

Yr Uned Datblygu Dysgu ac Addysgu ydym ni. Rydym ni’n rhan o’r Gwasanaethau Gwybodaeth. Rydym ni’n gweithio gyda staff ar draws y brifysgol i gefnogi a datblygu dysgu ac addysgu. Rydym ni’n cynnal amrywiaeth eang o weithgareddau i gyflawni hyn.

Mae’r holl wybodaeth fyddwch chi ei hangen ar dudalennau gwe’r Uned Datblygu Dysgu ac Addysgu. Yn ddiweddar rydym ni wedi gweithio’n ddwys gyda chydweithwyr academaidd i ddatblygu datrysiadau i bandemig Covid 19. Bydd ein tudalennau gwe Cefnogi eich Addysgu yn eich helpu gydag amrywiol ddatrysiadau addysgu.

Rydym ni’n ysgrifennu blog gyda’r newyddion diweddaraf, manylion am ddigwyddiadau a sesiynau hyfforddi, ac adnoddau.

Os bydd angen i chi gysylltu â ni gallwch wneud hynny ar un o ddau gyfeiriad ebost:

udda@aber.ac.uk (am gwestiynau addysgegol a chynllunio, neu i drefnu ymgynghoriad) neu

eddysgu@aber.ac.uk (am ymholiadau technegol ynghylch ein harlwy e-ddysgu a restrir isod)

Read More

Hwyl fawr, a diolch am yr holl…

…heriau, awgrymiadau, a dealltwriaeth o nifer wahanol adrannau yn y brifysgol! Rwyf wedi cael amser wrth fy modd dros yr 11 mis diwethaf yn gweithio gyda’r Uned Datblygu Dysgu ac Addysgu fel Arbenigwr Dysgu Ar-lein.

Ar ôl dechrau gyda Chynhadledd Dysgu ac Addysgu Flynyddol 2020, roedd hi’n hyfryd bod yn rhan o’r un digwyddiad yn 2021  tuag at ddiwedd fy nghyfnod yn y swydd hon. Y tro hwn, fe wnes i gyflwyniad (er bod hynny yn fy rôl fel Darlithydd Theatr a Senograffeg gyda ThFfTh) – cewch hyd i recordiad o’r papur hwnnw yma (dim ond Saesneg). Mae’r ddau ddigwyddiad yn cyplysu amser prysur o ddysgu ac addysgu i mi: ar y cyd â’m cydweithwyr hyfryd, fe wnes i gynllunio, datblygu a chyflwyno sesiynau hyfforddi ar bopeth o Blackboard i Vevox. Fe wnes i gefnogi staff o sawl adran wahanol i addasu o ddysgu cymysg wyneb yn wyneb, i ddysgu ar-lein yn unig, ac yn ôl. Nid gor-ddweud yw dweud fy mod wedi fy syfrdanu gan yr ymroddiad, y penderfyniad a’r dyfeisgarwch a ddangoswyd gan ein cydweithwyr ledled y brifysgol. Rwy’n siŵr y bydd yr adnoddau a gynhyrchwyd gan yr Uned Datblygu Dysgu ac Addysgu yn parhau i gefnogi staff wrth i ni wynebu blwyddyn academaidd arall a fydd o bosibl yn llawn addasiadau angenrheidiol. Cadwch lygaid ar y tudalennau Hyfforddiant Staff – byddaf fi’n sicr yn eu defnyddio.

Wrth i mi a’m cydweithwyr, sy’n arbenigo ym maes Dysgu Ar-lein, symud ymlaen i heriau eraill, roeddwn eisiau manteisio ar y cyfle hwn i ddiolch i’r holl gydweithwyr yn y Gwasanaethau Gwybodaeth, ac yn arbennig i’r Uned Datblygu Dysgu ac Addysgu, am fod mor groesawgar a chaniatáu i mi feithrin gwell dealltwriaeth a gwerthfawrogiad o’r gwaith amlochrog y mae’r adran yn ei wneud. Diolch o galon i gyd!

Gwella Hygyrchedd – gwersi a ddysgwyd o ymagwedd gyfunol

Cawsom amrywiaeth eang o gyflwyniadau drwy gydol y gynhadledd. Un thema a ddaeth i’r amlwg i mi oedd y ffordd roedd defnydd o ddull dysgu cyfunol yn cynnig gwell hygyrchedd yn benodol drwy deilwra cynnwys modiwlau i weddu i anghenion myfyrwyr. Ym Mhrifysgol Aberystwyth rydym ni’n falch fod gennym ystod mor amrywiol o fyfyrwyr ac rydym yn darparu dull addysgu cynhwysol. Mae rhai o’r ffyrdd mae ein cyrsiau wedi’u haddasu mewn ymateb i’r amgylchiadau addysgu heriol drwy gydol y pandemig wedi cael effaith sylweddol ar wella hygyrchedd i’n myfyrwyr.

Cafwyd sgwrs wych gan Neil Taylor o’r Adran Cyfrifiadureg ar ei brofiadau’n creu adnoddau gwe rhyngweithiol hygyrch. Roedd yn ceisio datrys dryswch ynglyn â lleoliad dogfennau roedd wedi’u creu i ddarparu gwybodaeth ar gyfer traethodau hir trydedd flwyddyn. Datblygodd sphinx-doc oedd yn casglu’r holl wybodaeth mewn un lle ac mewn fformat fwy hygyrch. Roedd yn gallu ffurfweddu gwahanol themâu a ffontiau i gyd-fynd ag anghenion y myfyrwyr. Roedd sgwrs Neil yn pwysleisio pwysigrwydd dyluniad rhyngwyneb y dudalen gwe i sicrhau hygyrchedd eang.  I gael rhagor o wybodaeth, cliciwch yma i weld y cyflwyniad.   

Rhoddodd aelodau o’r Adran Saesneg ac Ysgrifennu Creadigol gyflwyniad oedd yn cyflwyno achos o blaid y model hyflex. Dr Louise Marshall, Dr Malte Urban a’r Athro Matt Jarvis oedd yn arwain y cyflwyniad oedd yn gwerthuso manteision y model addysgu hyflex. Roedd myfyrwyr yn gwerthfawrogi hyblygrwydd y dull addysgu ar-lein, oedd yn golygu os oedden nhw’n absennol oherwydd ynysu, salwch neu amgylchiadau eraill, eu bod yn dal i allu ymgysylltu â’r cynnwys a mynychu sesiynau. Siaradodd dau fyfyriwr o’r adran, Alex a Louise, am eu profiadau cadarnhaol o’r model hyflex a sut roedd yn gwella hygyrchedd a chynhwysiant. Rhaid cyfaddef mai hwn oedd un o fy hoff gyflwyniadau, felly os cewch chi gyfle, gwrandewch arno. I gael rhagor o wybodaeth, cliciwch yma i weld y cyflwyniad.  

Cafwyd cyflwyniad gan Dr Tristram Irvine-Flynn o’r Adran Daearyddiaeth a Gwyddorau’r Ddaear ar greu Teithiau Maes 3D i Gadair Idris. Ysbrydolwyd hyn i ategu rôl gwaith maes mewn modiwlau Daearyddiaeth. Drwy addasu adnoddau mae’r adran wedi creu amgylchedd mwy hygyrch a phrofiad dysgu gweithredol. Mae’n adnodd dysgu gwych gyda llawer o botensial i gynyddu ac ehangu ei ddefnydd. I gael rhagor o wybodaeth, cliciwch yma i weld y cyflwyniad.  

Roedd cyflwyniad Kittie Belltree, Mary Glasser, Cal Walters-Davies, a Caroline White o’r Gwasanaethau Cymorth i Fyfyrwyr a Gyrfaoedd yn ymwneud ag effeithiau dysgu cyfunol ar fyfyrwyr niwroamrywiol. Nodwyd nad oedd profiad pob myfyriwr o ddysgu cyfunol yn arbennig o fanteisiol a bod rhai myfyrwyr niwroamrywiol yn ei chael yn anodd addasu i’r dulliau newydd o ddysgu ac addysgu. Yn y cyflwyniad cafwyd gwybodaeth gan y gwasanaeth hygyrchedd ar ffyrdd y gall staff gefnogi myfyrwyr niwroamrywiol a helpu i sicrhau bod cynnwys eu modiwlau’n hygyrch. Hefyd cafwyd canllaw defnyddiol ar gyfer addysgu cynhwysol. I gael rhagor o wybodaeth, cliciwch yma i weld y cyflwyniad. 

Rwy’n credu mai’r hyn mae’r symud cyflym i’r model hyflex wedi’i ddangos yw’r defnydd ehangach posibl o ddulliau gwahanol o addysgu. Mae wedi arwain at ddarlithwyr yn gallu rhoi cais ar gyflwyno dulliau mwy beiddgar o addysgu ac asesu. Mae wedi cynnig cyfle i adrannau fyfyrio ar y ffordd y caiff cynnwys cyrsiau ei gyflwyno ac wedi dysgu rhai gwersi a sgiliau allweddol y gellir eu defnyddio i ddatblygu cynnwys cyrsiau ymhellach.