Categori: E-gyflwyno

Turnitin a Blackboard Assignment

WordPress User [kaw] Blackboard, E-gyflwyno, Turnitin Leave a comment

Os ydych chi’n defnyddio Blackboard Assignment ar gyfer eich asesiad, efallai y bydd gennych ddiddordeb yn ein diweddariad diweddaraf. Gall staff nawr ddefnyddio nodweddion Blackboard Assignment a chael Adroddiad Tebygrwydd gan Turnitin.

Mae hyn yn arbennig o ddefnyddiol ar gyfer aseiniadau aml-ran a ffeiliau aseiniad sy’n rhy fawr i ddefnyddio Turnitin. Fel elfennau eraill o Blackboard, mae Aseiniad ar gael yn Gymraeg i staff a myfyrwyr. Mae hefyd yn golygu eich bod yn cael manteision Blackboard Assignment (megis derbynneb electronig i fyfyrwyr) yn ogystal â gallu defnyddio’r un Adroddiad Tebygrwydd â chydweithwyr eraill.

Os ydych chi eisoes yn defnyddio Blackboard Assignment, rydym yn eich annog i roi cynnig ar y nodwedd Turnitin newydd. Mae ein Canllaw yn cynnwys yr holl wybodaeth i’ch helpu i ddechrau arni. Mae cyflwyno a marcio yn aros yr un fath, ond rydych chi’n cael yr Adroddiad Tebygrwydd ychwanegol ochr yn ochr â’ch marcio.

Byddai gennym ddiddordeb hefyd mewn cael eich adborth – yn ystod y flwyddyn, byddwn yn cysylltu â chi am adborth ar ddefnyddio’r integreiddiad Turnitin newydd hwn.

Adnoddau ar gyfer Asesu gan Gyd-fyfyrwyr ar gael yn ein hamgylchedd dysgu rhithwir

WordPress User [ksg2] Blackboard, E-gyflwyno, Offer Rhyngweithiol, Turnitin Leave a comment

Yn ddiweddar, fe wnaethom gynnal ein sesiwn E-ddysgu Uwch: Defnyddio Turnitin ar gyfer Asesu gan Gyd-fyfyrwyr, ac rydym yn awyddus i dynnu’ch sylw at y gwahanol adnoddau sydd ar gael at ddibenion Asesu gan Gyd-fyfyrwyr ar draws ein Llwyfan Addysg Ddigidol.

Mae gweithgareddau Asesu gan Gyd-fyfyrwyr yn cynnig nifer o fanteision i fyfyrwyr:

  • Caniatáu i fyfyrwyr fuddsoddi yn eu dysgu eu hunain, a’i reoli
  • Profiadau dysgu a rennir
  • Myfyrio ar yr hyn maent yn ei ddysgu
  • Ystyried cyfathrebu a llunio adborth
  • Datblygu sgiliau sgwrsio a chydweithio
  • Gwella’u cyflawniadau academaidd
  • Rhannu cyfrifoldeb am ddysgu
  • Datblygu sgiliau i’r gweithle yng nghyswllt llunio adborth
  • Mewn sefyllfaoedd grŵp, adnabod cyfraniadau’r cyfranogwyr
  • Adborth cyflym
  • Adeiladu cymuned ddysgu

Yn ôl Liu & Carless (2006), “mae asesu gan gyd-fyfyrwyr ac adborth gan gyd-fyfyrwyr … yn galluogi myfyrwyr i chwarae rhan weithredol wrth reoli eu dysgu eu hunain” (280). 

Os hoffech ymchwilio i’r pwnc hwn ymhellach, rydym yn argymell:

Liu, N.-F. & Carless, D. (2006) Peer feedback: the learning element of peer assessment. Teaching in higher education. [Ar-lein] 11 (3), 279–290.

Lynch, R., Mannix McNamara, P. & Seery, N. (2012) Promoting deep learning in a teacher education programme through self- and peer-assessment and feedback, European Journal of Teacher Education, 35:2, 179-197, DOI: 10.1080/02619768.2011.643396

Zhu, Q. & Carless, D. (2018) Dialogue within peer feedback processes: clarification and negotiation of meaning. Higher education research and development. [Ar-lein] 37 (4), 883–897.

Mae gennym nifer o adnoddau at ddibenion asesu gan gyd-fyfyrwyr:

Blackboard Assignment for Peer Assignments

Gallwch ychwanegu Cyfarwyddiadau at yr aseiniad – bydd y myfyriwr yn eu gweld wrth gyflwyno eu gwaith.

Llif Gwaith

  1. Crëwch Aseiniad a gosod y gosodiadau Asesu Cyd-fyfyrwyr (gweler Peer Review for Qualitative Peer Assessments)
  2. Mae’r myfyrwyr yn cyflwyno eu gwaith yn y modd arferol (gweler Gwefan Blackboard)
  3. Ar ôl i’r dyddiad a’r amser cyflwyno fynd heibio, mae’r myfyrwyr yn adolygu’r gwaith a gyflwynwyd, gweler Gwefan Blackboard
  4. Ar ôl Dyddiad Cyflwyno’r Adolygiadau gan Gyd-fyfyrwyr, mae’r staff yn cwblhau’r marcio (gweler Gwefan Blackboard)
  5. Mae’r myfyrwyr yn gweld adborth y staff, adborth eu cyd-fyfyrwyr a marc terfynol

Sylwer:

  1. Ni fydd unrhyw adolygiadau yn cael eu neilltuo i fyfyrwyr os na fydd digon o aseiniadau yn cael eu cyflwyno.
  2. Bydd cyflwyniadau hwyr yn cael eu neilltuo i fyfyrwyr. Caniateir cyflwyno’n hwyr yn awtomatig fel rhan o’r broses asesu gan gyd-fyfyrwyr.
  3. Nid yw myfyrwyr yn gweld unrhyw enwau yn rhan o’r broses adolygu. Dylech gynghori pob myfyriwr i beidio â chynnwys gwybodaeth bersonol ar eu dogfennau.
  4. Gall myfyrwyr ddarparu adborth ysgrifenedig yn y broses adolygu ond ni allant bennu marc (oni bai bod hyn wedi’i gynnwys yn y blwch testun adborth)
  5. Gallwch ychwanegu Cyfarwyddiadau at yr aseiniad – bydd y myfyriwr yn eu gweld wrth gyflwyno eu gwaith a gallant gyfeirio atynt wrth adolygu gwaith eraill. Fodd bynnag, ni allant ei ddefnyddio i farcio gwaith.
  6. Gallwch guddio adolygiadau gan gyd-fyfyrwyr os ydych chi’n teimlo nad yw’r cynnwys yn briodol

Turnitin PeerMark

Llif Gwaith

  1. Crewch Aseiniad Turnitin a galluogi PeerMark
  2. Ewch yn ôl i Turnitin Assignment i osod Gosodiadau PeerMark
  3. Myfyrwyr yn cyflwyno eu gwaith trwy fan cyflwyno Turnitin
  4. Ar ôl dyddiad dechrau PeerMark, bydd myfyrwyr yn gallu gweld aseiniad myfyriwr arall a gadael adborth / sgoriau i gwestiynau
  5. Mae adborth PeerMark yn weladwy i fyfyrwyr ar unwaith
  6. Bydd angen i’r darlithydd roi marc terfynol â llaw

Canllawiau:  

Trosolwg o PeerMark: https://help.turnitin.com/feedback-studio/turnitin-website/instructor/peermark/about-peermark-assignments.htm

Creu Aseiniad PeerMark: https://help.turnitin.com/feedback-studio/turnitin-website/instructor/peermark/about-peermark-assignments.htm

Canllawiau i fyfyrwyr ar ddefnyddio PeerMark: https://help.turnitin.com/feedback-studio/turnitin-website/student/student-category.htm#peermark

Trafodaethau

Mae trafodaethau ar gael ym mhob cwrs yn Blackboard – mae’r rhain yn ffordd wych i fyfyrwyr ymwneud â’u cyd-fyfyrwyr yn anghydamserol; Gallant bostio sylwadau ac ymateb i’w cyfraniadau ei gilydd.

Llif Gwaith

  1. Yr hyfforddwr yn creu Trafodaeth
  2. Y myfyrwyr yn cyfrannu at y Drafodaeth
  3. Y myfyrwyr yn ymateb i gyfraniadau eraill yn y Drafodaeth

Am gyngor pellach ar greu trafodaethau, gweler y canllawiau Blackboard isod:

Dyddiaduron

Llif Gwaith

  1. Yr hyfforddwr yn creu Dyddiadur (preifat rhwng hyfforddwr a myfyriwr)
  2. Y myfyrwyr yn myfyrio’n wythnosol ar eu cyfraniadau i’r prosiect
  3. Mae gan yr hyfforddwr drosolwg o waith y myfyriwr ac mae’n ei fonitoro.
  4. Gellir eu defnyddio i alluogi myfyrwyr i roi syniad o’u cyfraniadau i waith grŵp trwy gydol y broses

Creu Dyddiaduron: https://help.blackboard.com/Learn/Instructor/Ultra/Interact/Journals

Canllawiau i fyfyrwyr

https://journals.sagepub.com/doi/full/10.1177/1469787416654794 – mae’r erthygl hon yn cynnwys canllawiau i fyfyrwyr. Mae’n awgrymu y dylid darparu sesiwn i fyfyrwyr ar sut i lunio adborth.

https://www.tandfonline.com/doi/full/10.1080/02602938.2019.1697424

“Er mwyn i adolygu gan gyd-fyfyrwyr yn yr ystafell ddosbarth fod yn effeithiol, mae yna dystiolaeth glir bod y broses angen strwythur, meini prawf asesu clir a hygyrch a sesiynau sgaffaldio priodol i fyfyrwyr (Mangelsdorf 1992).”

https://www.ctl.ox.ac.uk/peer-feedback – canllaw sy’n cynnwys cwestiynau defnyddiol ac awgrymiadau y gellid eu defnyddio i strwythuro adborth.

Mae adborth gan gyd-fyfyrwyr wedi cael ei ddefnyddio’n eang o fewn asesiadau grŵp, er enghraifft, fel ffordd o gadarnhau cyfranogiad myfyrwyr, ac wrth ystyried cyfraniadau i waith grŵp. Am enghraifft o daflen farcio ar gyfer grŵp, gweler y templed sampl yma o Brifysgol Carnegie Mellon.

Mae taflen Fforwm yr Academi ar Asesu gan Gyd-fyfyrwyr yn darparu rhagor o wybodaeth ac Astudiaethau Achos o Brifysgol Aberystwyth.

Cyfarchion yr ŵyl a Blwyddyn Newydd Dda oddi wrth y Tîm Addysg Ddigidol

WordPress User [jbw] Amgylchedd Dysgu Rhithwir (VLE), Blackboard, Digwyddiadau a Rhwydweithiau, Diweddariadau Technegol, E-gyflwyno, Gwobr Cwrs Eithriadol, Gynhadledd, Panopto Leave a comment
Nadolig Llawen / Merry Christmas

Rydyn ni wedi cael rhai profiadau a cherrig milltir gwych eleni.

Yn ôl ym mis Mawrth, fe wnaethom gyhoeddi ein Gwobr Cwrs Eithriadol ar gyfer 2025 a’r rhai a dderbyniodd ganmoliaeth uchel.

Ym mis Ebrill, fe wnaethom gynnal Cynhadledd Fer ar Gyflogadwyedd a’r Cwricwlwm Cynhwysol mewn cydweithrediad â chydweithwyr yn Gyrfaoedd a Chyflogadwyedd.

Ym mis Gorffennaf, cawsom ein 13eg Gynhadledd Addysg a Phrofiad y Myfyrwyr flynyddol gyda thros 200 o fynychwyr dros 3 diwrnod.

Yn y digwyddiad hwn, cyhoeddwyd Cronfa Gwobr Addysg a Phrofiad y Myfyrwyr, a gwnaethom gadarnhau derbynwyr y rhain ym mis Tachwedd.

Ym mis Tachwedd, fe wnaethom gymryd rhan mewn Diwrnod Trwsio’ch Cynnwys gyda Blackboard Ally, gan wneud cynnwys ein Hamgylchedd Dysgu Rhithwir hyd yn oed yn fwy hygyrch. Daethom yn 3ydd yn y DU ac yn 60fed ar y tabl rhyngwladol. 

O safbwynt technegol, rydym yn falch iawn o gyflwyno capsiynau awtomatig ar recordiadau darlithoedd, Cadwrfa Gwrthrychau Dysgu Blackboard, bathodynnau a chyflawniadau, a’r adolygiad e-gyflwyno.

Ac rydyn ni’n gorffen y flwyddyn gyda Chynhadledd Fer ar DA Cynhyrchiol yr, ddydd Iau 18 Rhagfyr. Mae gennym ni raglen wych ac mae amser o hyd i archebu eich lle.

Rydym yn llawn cyffro am yr hyn a ddaw yn 2026 o ran Addysg Ddigidol.

Rhai pethau cychwynnol y byddwn yn gweithio arnynt ac yr hoffem dynnu eich sylw atynt.

Bydd ceisiadau ar gyfer Gwobr Cwrs Eithriadol 2026 yn cau ddydd Gwener 30 Ionawr.

Ar 8 Ionawr bydd mân ddiweddariad i ryngwyneb Blackboard.

Rydym yn cynllunio ein Cynhadledd Fer nesaf mewn cydweithrediad â chydweithwyr yn Taith y Myfyriwr ar gyfer Ebrill 2026. Bydd rhagor o wybodaeth ar gael yn fuan.

A chynhelir ein 14eg Gynhadledd Addysg a Phrofiad y Myfyrwyr rhwng 8-10 Medi 2026. Cadwch lygad am ddiweddariadau, galwad am gynigion, a chyhoeddiadau ynghylch siaradwyr allanol.

Mae ein rhaglen hyfforddi ar gael ar y system archebu ar gyfer Semester 2 i gydweithwyr archebu lle.

Edrychwn ymlaen at weithio ymhellach â chi yn 2026.

Gobeithio y cewch gyfle i ymlacio dros y gwyliau.

Kate, Keziah, a Jim

Ôl-dynnu Ap Turnitin

WordPress User [jbw] Diweddariadau Technegol, E-gyflwyno, Turnitin Leave a comment

Mae Turnitin wedi cyhoeddi eu bod yn ôl-dynnu’r ap Turnitin ar ddiwedd y flwyddyn, Rhagfyr 2025.

Bydd yr Ap iPad Feedback Studio yn cael ei ôl-dynnu ac ni fydd ar gael mwyach. Gall hyfforddwyr barhau i gael mynediad at Feedback Studio fel arfer drwy Blackboard. Mae hyn yn cynnwys dyfeisiau symudol a thabledi.

Mae Turnitin yn gweithio ar ddatblygu Aseiniad Safonol Newydd, fel y gall hyfforddwyr adolygu a darparu adborth ar waith myfyrwyr o dabledi heb fod angen ap ar wahân. Byddwn yn anfon rhagor o wybodaeth am y gwasanaeth newydd hwn maes o law.

Os oes gennych unrhyw gwestiynau neu bryderon am hyn, mae croeso i chi gysylltu â ni (eddysgu@aber.ac.uk)..

Croeso i aelodau newydd o staff sy’n ymuno â Phrifysgol Aberystwyth 2025-26

WordPress User [jbw] Amgylchedd Dysgu Rhithwir (VLE), Blackboard, Digwyddiadau a Rhwydweithiau, E-gyflwyno, Fforwm Academi, Gynhadledd, Hyfforddiant a Chymorth, Meddalwedd Pleidleisio, Panopto, Siaradwyr Allanol, Vevox Leave a comment

Croeso cynnes i aelodau newydd o staff sy’n ymuno â Phrifysgol Aberystwyth

Ein nod yn y blogbost hwn yw rhoi gwybodaeth i chi am dechnoleg wrth ddysgu ac addysgu, ein darpariaeth o ran hyfforddiant, sianeli cymorth, a digwyddiadau rydyn ni’n eu cynnal.

Mae’r holl wybodaeth sydd ei hangen arnoch ar ein tudalennau gwe.

Rydyn ni’n ysgrifennu blog sy’n llawn o’r newyddion diweddaraf, manylion am ddigwyddiadau a sesiynau hyfforddi, ac adnoddau.

Os oes arnoch angen cysylltu â ni, gallwch wneud hynny trwy ddefnyddio eddysgu@aber.ac.uk.

Cyflwyniad i Offer E-ddysgu

Amgylchedd Dysgu Rhithwir: Blackboard

Mae gan bob modiwl ei gwrs pwrpasol ei hun yn Blackboard. Gall myfyrwyr ddod o hyd i wybodaeth am y modiwl, deunyddiau dysgu, a chanllawiau e-gyflwyno, yn ogystal â dolenni i restrau darllen a recordio darlithoedd.

Mae gan y Brifysgol bolisi Isafswm Presenoldeb Gofynnol Blackboard ar gyfer pob modiwl.

Gweler ein canllaw i staff i gael rhagor o wybodaeth.

Cipio Darlithoedd: Panopto 

Wrth addysgu wyneb yn wyneb, cofiwch y dylid recordio pob darlith (hynny yw, addysgu lle mae’r ffocws ar wybodaeth sy’n cael ei throsglwyddo gan staff i fyfyrwyr) gan ddefnyddio Panopto, ein meddalwedd recordio darlithoedd.

Gweler manylion ein ⁠Polisi Cipio Darlithoedd

E-gyflwyno: Turnitin a Blackboard Assignment

Ym Mhrifysgol Aberystwyth, rhaid i fyfyrwyr gyflwyno’r holl waith testun a phrosesu geiriau yn electronig fel yr argymhellir ym mholisi E-gyflwyno’r Brifysgol.

 Ar gyfer hyn, rydym yn defnyddio ein hadnoddau e-gyflwyno: Turnitin a Blackboard Assignment. Mae Turnitin yn darparu nodwedd paru testun awtomatig. Rydym yn defnyddio Profion Blackboard i gynnal arholiadau ar-lein.

Adnodd Pleidleisio:   Vevox:

Vevox yw adnodd pleidleisio Prifysgol Aberystwyth.

Gellir defnyddio’r adnodd pleidleisio mewn gweithgareddau dysgu ac addysgu yn ogystal â chyfarfodydd i wneud y sesiwn yn rhyngweithiol ac yn gydweithredol. Mae sawl ffordd wahanol o’i ddefnyddio.

Adnoddau a chymorth pellach

Mae gennym nifer o Ganllawiau a Chwestiynau Cyffredin i’ch helpu i ddefnyddio ein meddalwedd.

Darparu hyfforddiant

Er mwyn cefnogi’r holl staff gyda’u haddysgu rydym yn cynnal cyfres o sesiynau hyfforddi ar draws y meysydd canlynol:

  • Hanfodion E-ddysgu: wedi’i gynllunio ar gyfer cydweithwyr sy’n newydd i’r brifysgol, sy’n addysgu, neu a hoffai gael sesiwn loywi.   Nod y sesiynau hyn yw sicrhau bod cydweithwyr yn gallu bodloni polisïau dysgu ac addysgu digidol y brifysgol.
  • E-ddysgu Uwch: wedi’i gynllunio i adeiladu ar sail y sgiliau a gafwyd yn ein cyfres hanfodion e-ddysgu, bydd cydweithwyr yn creu gweithgaredd neu asesiad sy’n unigryw i’w cyd-destunau dysgu ac addysgu.
  • Rhagoriaeth E-ddysgu: wedi’i gynllunio i gynnig cyfle i gydweithwyr greu cyfleoedd dysgu ac addysgu eithriadol – yn aml rhai unigryw ac yn arwain y sector.

Ceir hyd i fanylion am ein rhaglen DPP flynyddol a gallwch archebu eich lle i fynychu drwy’r dudalen Archebu Cwrs.

⁠Digwyddiadau

Rydyn ni’n rhedeg ystod o ddigwyddiadau, gan gynnwys y Gynhadledd Dysgu ac Addysgu Flynyddol a Chynadleddau Byr

Mae’r rhain oll yn gyfleoedd gwych i gwrdd â phobl ar draws y brifysgol a thrafod materion a datblygiadau’n ymwneud â Dysgu ac Addysgu   

Edrychwn ymlaen at eich gweld mewn digwyddiad cyn hir. Yn y cyfamser, mae croeso i chi gysylltu â ni trwy eddysgu@aber.ac.uk os oes gennych unrhyw gwestiynau.