Categori: Siaradwyr Allanol

Cyhoeddi Prif Siaradwr: Y Gynhadledd Dysgu ac Addysgu Flynyddol: Yr Athro Lisa Taylor

WordPress User [jbw] Cynhadledd Dysgu ac Addysgu Flynyddol 2024, Gynhadledd, Siaradwyr Allanol, Uncategorized Leave a comment

Mae’n bleser gan yr Uned Datblygu Dysgu ac Addysgu gyhoeddi’r prif siaradwr yn y Gynhadledd Dysgu ac Addysgu Flynyddol eleni.

Bydd yr Athro Lisa Taylor o Brifysgol Dwyrain Anglia yn ymuno â ni i roi cyflwyniad am gyflogadwyedd yn y cwricwlwm. Mae Lisa yn Athro Cyflogadwyedd ac Arloesedd Dysgu ac yn Ddeon Cyswllt ar gyfer Cyflogadwyedd yn y Gyfadran Meddygaeth ac Iechyd.

Mae gan Lisa gefndir fel Therapydd Galwedigaethol gyda deng mlynedd o brofiad clinigol yn y GIG a chwblhaodd raddau MSc a PhD.

Dros y deuddeng mlynedd diwethaf mae Lisa wedi gweithio ym maes addysg uwch fel darlithydd yn nhîm academaidd Therapi Galwedigaethol Prifysgol Dwyrain Anglia. Mae Lisa wedi dal rolau arweinyddiaeth cyflogadwyedd ochr yn ochr â’i rôl darlithio am un ar ddeg o’r blynyddoedd hynny, i ddechrau fel cyfarwyddwr cyflogadwyedd Ysgol y Gwyddorau Iechyd ac yna fel Deon Cyswllt ar gyfer Cyflogadwyedd y Gyfadran Meddygaeth a Gwyddorau Iechyd.

Mae Lisa yn angerddol am gyflogadwyedd ac arloesiadau dysgu, gan sicrhau’r effaith fwyaf posibl ar fyfyrwyr/dysgwyr, cydweithwyr academaidd a phartneriaid allanol. Dyfarnwyd Cymrodoriaeth Addysgu Genedlaethol Advance HE (NTF) i Lisa yn seiliedig ar ei gallu parhaus i hwyluso a dylanwadu ar ddysgu o safon i fyfyrwyr.

Mae Lisa wedi helpu i ddatblygu’r agenda cyflogadwyedd ehangach trwy gefnogi ac ymgysylltu â chydweithwyr yn lleol, yn genedlaethol ac yn rhyngwladol, gan sicrhau effaith ar ganlyniadau a phrofiad dysgu myfyrwyr, trwy gyfrwng addysgu, mentrau strategol ac arloesiadau dysgu. Mae’r dyfarniad NTF yn gosod Lisa fel arweinydd sector ym maes cyflogadwyedd ac arloesiadau dysgu. Mae Lisa yn cyhoeddi ac yn cyflwyno’n eang, gan helpu i lywio’r sgwrs genedlaethol am gyflogadwyedd. 

Un o arloesiadau dysgu Lisa yw’r Peer Enhanced e-Placement (PEEP). Mae Lisa wedi ennill sawl gwobr am y PEEP arloesol ac mae wedi cyhoeddi llyfr yn seiliedig ar ei egwyddorion dylunio a chyflawni, Constructing Online Work-Based Learning Placements: Approaches to Pedagogy Design, Planning and Implementation. Bydd y PEEP yn cael ei gyflwyno yn rhan o ddarlith Lisa.

Cynhelir y Gynhadledd Dysgu ac Addysgu Flynyddol rhwng 10 a 12 Medi. Mae croeso i gydweithwyr gyflwyno cynigion ac mae modd archebu lle nawr.

Lansiad Llyfr Pedagodzilla ac Ymosodiad Pod

WordPress User [jbw] Siaradwyr Allanol Leave a comment

Mae’r Uned Datblygu Dysgu ac Addysgu yn falch iawn o groesawu Pedagodzilla, y podlediad pedagogaidd â’i graidd mewn diwylliant pop, i Brifysgol Aberystwyth.  Maen nhw’n cynnal cyfres arbennig iawn o ddigwyddiadau wyneb yn wyneb a sesiynau DPP ar 2 a 3 Mai 2024. 

  • 2/5/2024 10:00-12:00 Powering professional development with Pedagodzilla
  • 2/5/2024 13:30-15:30 The Aber Takeover 
  • 3/5/2024 10:00-11:00 Pedagodzilla Live
  • 3/5/2024 11:05-12:00 Picking Pedagodzilla Panellist Brains

Gall staff archebu lle ar ein System archebu DPP.  Dylai myfyrwyr sydd â diddordeb gysylltu â thîm  Uned Datblygu Dysgu ac Addysgu i ychwanegu eu henwau.

Mae ymweliad Pedagodzilla  ag Aberystwyth yn dechrau gyda chyflwyniad gan y tîm yn sôn am bwy ydyn ni a beth yw Pedagodzilla – gan gynnwys rhoi copïau am ddim o’n llyfr sydd newydd ei lansio, Pedagodzilla:  Exploring the Realm of Pedagogy.

Nod y llyfr yw egluro a datrys maes addysgeg, gan ddefnyddio lens y diwylliant pop mewn ffordd chwareus a hygyrch.  Mae’r llyfr yn deillio o benodau’r Podlediad Pedagodzilla, sydd bellach wedi bod yn rhedeg ers pum mlynedd, ac sydd wedi arwain at gydweithio a sgyrsiau ar draws y byd, eitemau mewn cynadleddau a phapurau i gyfnodolion. 

Rydyn ni’n teimlo y bydd y llyfr yn ddefnyddiol i unrhyw un sydd â diddordeb mewn ymarfer addysg –a sut y gall damcaniaeth lywio ein dull o addysgu.  Yn benodol, mae’r llyfr hwn wedi’i anelu at ymarferwyr a allai fod yn dioddef o’r perygl galwedigaethol cyffredin ym maes addysg uwch sef syndrom y ffugiwr – gan roi iddynt ffordd hygyrch o ddefnyddio iaith addysgeg i drafod a datblygu eu hymarfer eu hunain.  Byddwn yn siarad am y llyfr – yn rhannu cod QR i gael gafael ar y pdf – ac yn rhannu rhai copïau print nes eu bod yn rhedeg allan.

Byddwn wedyn yn symud i weithdy, gan ddechrau drwy drafod datblygiad a fframwaith Podlediad Pedagodzilla fel offeryn datblygu proffesiynol. Yna byddwn yn gwahodd y rhai sy’n bresennol i ffurfio grwpiau lle bydd cyfle, o fewn fframwaith, i lunio syniad o’u prosiectau datblygu proffesiynol pwerus eu hunain.  Byddwn yn crynhoi’r cyfan mewn trafodaeth o’r addysgeg sylfaenol, ac yn cynnig awgrymiadau defnyddiol i bweru eich datblygiad proffesiynol eich hun â chreadigrwydd a dilysrwydd.

Yn sesiwn Aber Takeover, rydym yn gwahodd y rhai sy’n bresennol i ffurfio tîm (gan ddefnyddio swyddogaethau hunan-ddisgrifiedig i rannu grwpiau) i ddylunio rhan fer o sioe o fewn fframwaith ac iddo strwythur chwareus.  Bydd grwpiau’n recordio eu cyfraniadau, a bydd y rhain yn cael eu cynnwys mewn pennod arbennig sef Aberystwyth Takeover, i’w chyhoeddi ar ffrwd podlediad Pedagodzilla.  Os nad ydych chi’n hyderus yn siarad neu’n cael eich recordio, peidiwch â phoeni!  Mae’r fformat hwn yn cynnwys opsiynau ar gyfer cyfraniadau di-siarad.

Ar yr ail ddiwrnod, ymunwch â Pedagodzilla am sesiwn recordio!  Yma rydyn ni’n arbrofi gyda’n fformat ac yn gwahodd y rhai sy’n bresennol i gyflwyno eu cwestiynau yn null Pedagodzilla lle mae ‘addysgeg yn cwrdd â’r diwylliant pop’, i weld a all ein panelwyr ffwndrus ein hargyhoeddi rhywsut gydag atebion dilys o fewn terfyn amser tynn, mewn podlediad wedi’i recordio.

Yn y sesiwn olaf, rydyn ni’n gwahodd pobl dda Aberystwyth i fynd ati i holi ac elwa ar wybodaeth tîm Pedagodzilla – gweithwyr proffesiynol addysg uwch o brifysgolion proffil uchel ledled y wlad.  Gall y pynciau gynnwys, ond nid ydynt yn gyfyngedig i:

  • Theori ac ymarfer Dylunio Dysgu (Pawb)
  • Uchafbwyntiau ac anfanteision dysgu o bell (Pawb)
  • Dysgu trwy brofiad mewn bydoedd rhithwir, ac addysgeg (neu beidio) y byd rhithwir (Mark)
  • Creu podlediadau ar gyfer dechreuwyr (Mike)
  • Dyfodol addysg, ac arloesi mewn addysgeg (Rebecca)
  • Ymddygiadau dysgu (Elizabeth Ellis)

Ynglŷn â Pedagodzilla

Pedagodzilla Dyma’r podlediad pedagogaidd â’i graidd mewn diwylliant pop, sy’n ceisio deall ac ystyried addysgeg ac ymarfer addysg yn chwareus trwy lens diwylliant pop.  Bydd tîm Pedagodzilla yn lansio eu llyfr cyntaf yn swyddogol yn Aberystwyth, Pedagodzilla:  Exploring the Realm of Pedagogy. 

Hwyluswyr

  • Mike Collins: Cynhyrchydd a chyflwynydd podlediad Pedagodzilla, ac Uwch Ddylunydd Dysgu yn Y Brifysgol Agored.  Mike hefyd sydd wedi darparu’r darluniau ar gyfer y llyfr.
  • Dr Mark Childs: Mae Mark yn Uwch Ddylunydd Dysgu ym Mhrifysgol Durham.  Mae ganddo PhD mewn Addysg a dyfarnwyd iddo Gymrodoriaeth Addysgu Genedlaethol yn 2021 am ei ymchwil a’i addysgu yn defnyddio realiti rhithwir a fideogynadledda.
  • Yr Athro Rebecca Ferguson: Yr Athro Rebecca Ferguson yw golygydd y Journal of Learning Analytics, cydlynydd academaidd y Rhwydwaith Academaidd FutureLearn (FLAN).
  • Elizabeth Ellis: Yn y Brifysgol Agored, mae Elizabeth yn datblygu profiadau dysgu digidol ar gyfer myfyrwyr y Brifysgol Agored yn ogystal ag OpenLearn a FutureLearn.

Siaradwyr Allanol y Gynhadledd Dysgu ac Addysgu eleni:  Rhan 1:  Blackboard

WordPress User [jbw] Blackboard, Cynhadledd Dysgu ac Addysgu Flynyddol 2023, Gynhadledd, Siaradwyr Allanol, Uncategorized Leave a comment

Rydym yn falch iawn o groesawu nifer o siaradwyr allanol i’r Gynhadledd Dysgu ac Addysgu eleni. 

Gallwch fwrw golwg dros ein rhaglen lawn ac archebu eich lle ar-lein. 

Ddydd Mawrth 4 Gorffennaf, bydd cydweithwyr o Blackboard yn ymuno â ni wyneb yn wyneb.  

Bydd cydweithwyr yn clywed am ddatblygiadau ar gyfer y dyfodol, yn cael cyfle i weithio ar eu modiwlau Blackboard Ultra a’u gwella, a rhoi adborth i’r cwmni ar welliannau.   

Gweler isod fywgraffiadau ein siaradwyr.

Read More

Cyhoeddi’r Prif Siaradwr: Y Gynhadledd Dysgu ac Addysgu Flynyddol

WordPress User [jbw] Cynhadledd Dysgu ac Addysgu Flynyddol 2023, Gynhadledd, Siaradwyr Allanol Leave a comment

Mae’n bleser gan yr Uned Datblygu Dysgu ac Addysgu gyhoeddi ein prif anerchiadau ar gyfer y Gynhadledd Dysgu ac Addysgu Flynyddol eleni (4-6 o fis Gorffennaf 2023).  

Mae’r cyfnod archebu ar gyfer y gynhadledd eisoes ar agor.  Archebwch eich lle heddiw.

Bydd cyd-weithwyr o Blackboard a Phrifysgol Bangor yn ymuno â ni i sicrhau ein bod wedi’n paratoi’n dda ar gyfer symud i Ultra.

Bydd cyfleoedd:

  • I ddysgu am fanteision symud i Ultra
  • I glywed am ddatblygiadau newydd cyffrous a fydd o help i wella eich addysgu a’ch cynlluniau yn y dyfodol
  • I glywed gan gydweithwyr o Fangor am y gwersi maen nhw wedi’u dysgu wrth symud
  • I gael golwg ar yr hyn y mae rhagorol yn ei olygu o ran cyrsiau Ultra
  • I fynd i weithdy a fydd o help i wella’ch modiwlau a sicrhau eu bod ar eu gorau ar gyfer mis Medi
  • I roi eich adborth ynglŷn ag Ultra i ddatblygwyr cynnyrch i’w helpu i ddiwallu ein hanghenion

Byddwn yn cyhoeddi gweddill ein rhaglen yn fuan, ond gallwch ddisgwyl sesiynau ar Ddeallusrwydd Artiffisial, Dylunio Asesu Creadigol, datblygu gwytnwch myfyrwyr.

Rydym yn edrych ymlaen at eich gweld wyneb yn wyneb ar 4 a 5 o fis Gorffennaf ac ar-lein ar 6 o fis Gorffennaf.

Cynhadledd Flynyddol Dysgu ac Addysgu: Cyhoeddi’r Siaradwr Allanol

WordPress User [jbw] Cynhadledd Dysgu ac Addysgu Flynyddol 2023, E-gyflwyno, Gynhadledd, Siaradwyr Allanol Leave a comment

Mae’r Uned Datblygu Dysgu ac Addysgu yn falch o gyhoeddi ein siaradwr allanol cyntaf fel rhan o Gynhadledd Flynyddol Dysgu ac Addysgu eleni.

Mae’n cael ei chynnal rhwng 4 a 6 Gorffennaf, a gellir archebu eich lle ar gyfer y gynhadledd nawr.

Bydd Michael Webb o Jisc yn trafod Deallusrwydd Artiffisial yn y sesiwn Navigating the Opportunities and Challenges of AI in Education

Ers cyflwyno ChatGPT, mae ein cyd-weithwyr wedi bod yn dod o hyd i ffyrdd lle y gellid defnyddio gallu deallusrwydd artiffisial mewn Addysg Uwch law yn llaw â’r heriau sy’n codi yn ei sgil.

Nod canolfan genedlaethol Jisc ar gyfer deallusrwydd artiffisial mewn addysg drydyddol yw helpu sefydliadau i fabwysiadu Deallusrwydd Artiffisial mewn ffordd gyfrifol a moesegol. Rydym yn gweithio ar draws y sector i helpu sefydliadau i wynebu’r heriau a’r cyfleoedd a gyflwynir gan Ddeallusrwydd Artiffisial cynhyrchiol. Yn y sesiwn hon byddwn yn adolygu cryfderau a gwendidau Deallusrwydd Artiffisial cynhyrchiol, yr arferion a’r dulliau a welwn yn dod i’r amlwg, ac yn edrych ar sut mae technolegau ac arferion yn datblygu wrth i fwy a mwy o gymwysiadau Deallusrwydd Artiffisial cynhyrchiol ymddangos.

Michael Webb yw cyfarwyddwr technoleg a dadansoddeg Jisc – asiantaeth ddigidol, data a thechnoleg y DU sy’n canolbwyntio ar addysg drydyddol, ymchwil ac arloesi. Mae’n gyd-arweinydd canolfan genedlaethol Jisc ar gyfer Deallusrwydd Artiffisial mewn addysg drydyddol, ac yn cefnogi defnydd cyfrifol ac effeithiol o ddeallusrwydd artiffisial ar draws y sector addysg drydyddol. Yn ogystal â deallusrwydd artiffisial, mae wedi gweithio ar brosiectau yn ymwneud â rhyngrwyd pethau, realiti rhithwir, a dadansoddeg dysgu. Cyn ymuno â Jisc, bu Michael yn gweithio yn y sector addysg uwch, gan arwain TG a thechnoleg dysgu.

Bydd y sesiwn hon o ddiddordeb i gydweithwyr a hoffai ychwanegu Deallusrwydd Artiffisial i’w gweithgareddau addysgu a dysgu, yn ogystal â dod o hyd i ffyrdd y gellir ei ddefnyddio’n gynhyrchiol.

Bydd ein rhaglen lawn yn cael ei chyhoeddi ar ein tudalennau gwe maes o law.

Mae Prifysgol Aberystwyth wedi bod yn gweithio ar ei chanllawiau ei hun ar gyfer Deallusrwydd Artiffisial. Edrychwch ar ein blogbostYstyriaethau ar gyfer Canfod Deallusrwydd Artiffisial Cynhyrchiol am ragor o wybodaeth.

James Wood: Improving feedback literacy through sustainable feedback engagement practices

WordPress User [jbw] Adborth, E-gyflwyno, Siaradwyr Allanol Leave a comment
Banner for Audio Feedback

Ddydd Mercher 10 Mai, croesawodd yr Uned Datblygu Dysgu ac Addysgu Dr James Wood o Brifysgol Bangor i roi rhai syniadau ynghylch ymgysylltu a dylunio adborth  myfyrwyr.

Mae’r recordiad o’r sesiwn ar Panopto a gellir lawrlwytho’r sleidiau PowerPoint isod:

Improving Feedback Uptake Literacy for Aber (002)Download

Yn y sesiwn, amlinellodd Dr Wood

  • Y newidiadau i gwestiynau adborth yr ACF ar gyfer 2023
  • Diben yr adborth
  • Y symud oddi wrth drosglwyddo adborth i weithredu
  • Rhwystrau i ymgysylltu ag adborth myfyrwyr
  • Sgrinledu eich adborth

Y digwyddiad mawr nesaf ar gyfer yr UDDA yw ein Cynhadledd Dysgu ac Addysgu flynyddol sy’n cael ei chynnal rhwng 4 a 6 Gorffennaf. Mae modd archebu lle ar gyfer y gynhadledd nawr.

Os oes gennych unrhyw siaradwyr allanol yr hoffech i’r UDDA eu gwahodd i gyfres y flwyddyn nesaf, e-bostiwch udda@aber.ac.uk gyda’ch awgrym.

Cynaliadwyedd yn y Cwricwlwm: Deunyddiau ar gael

WordPress User [jbw] Digwyddiadau a Rhwydweithiau, Hyfforddiant a Chymorth, Siaradwyr Allanol Leave a comment

Ar 9 Mawrth, croesawodd yr UDDA Dr Sarah Gretton ac Alice Jackson o Brifysgol Caerlŷr i gynnal sesiwn o’r enw How to use UN 2030 Agenda Sustainability Development Goals to frame the Curriculum.

Mae sleidiau a recordiadau o’r sesiwn ar gael nawr.

University of Leicester Sustainable Development Goals SlidesDownload

Yn y sesiwn, rhoddodd Sarah ac Alice drosolwg o sut y gwnaethant ymgorffori Nodau Datblygu Cynaliadwyedd ar draws yr holl gwricwla yng Nghaerlŷr, gyda 100% o’u rhaglenni yn cynnwys modiwl yn ymwneud â’r Nod Datblygu Cynaliadwy.

Rhoddwyd cyfle i gyfranogwyr yn y sesiwn fyfyrio ar fodiwlau y maent yn eu haddysgu ac ar a oes unrhyw rai o Nodau Datblygu Cynaliadwyedd y Cenhedloedd Unedig wedi’u mapio iddynt. Gofynnwyd i’r cyfranogwyr hefyd a oedd myfyrwyr yn ymwybodol o’r mapio hwn ac a oedd wedi’i gipio yng nghanlyniadau dysgu’r modiwlau a’r rhaglenni.

Os oes gennych ddiddordeb mewn Cynaliadwyedd yn y Cwricwlwm yna mae targedau Nod Datblygu Cynaliadwy y Cenhedloedd Unedig yn fan cychwyn da.

Yn ogystal â’r Nodau Datblygu Cynaliadwyedd, roedd y cyflwynwyr hefyd yn cyfeirio at yr adnoddau canlynol:

Mae’r digwyddiad siaradwr allanol hwn yn adeiladu ar ein Cynhadledd Fer ar Gynaliadwyedd a gynhaliwyd ym mis Rhagfyr.

Cynhelir ein digwyddiad siaradwr allanol nesaf ar 19 Ebrill, 14:00-15:30, lle bydd James Wood o Brifysgol Bangor yn cynnal sesiwn o’r enw Improving Feedback Literacy. Gallwch archebu’r sesiwn hwn drwy dudalen Archebu’r Cwrs.

Siaradwr Gwadd: Dr Sarah Gretton ac Alice Jackson: Sustainability in the Curriculum and Education of Sustainable Development Goals for Aberystwyth University

WordPress User [jbw] Adnoddau a Gweminarau, Digwyddiadau a Rhwydweithiau, Siaradwyr Allanol Leave a comment

Mae’n bleser gan yr Uned Datblygu Dysgu ac Addysgu gyhoeddi ein digwyddiad siaradwr gwadd nesaf. Ar 9 Mawrth 14:00-15:00, bydd Dr Sarah Gretton ac Alice Jackson o Brifysgol Caerlŷr yn cynnal gweithdy ar-lein ar gynaliadwyedd yn y cwricwlwm.

Crynodeb

Gellir derbyn datblygu cynaliadwy fel sbardun ar gyfer newid o fewn sefydliadau addysg uwch ac fel cyfle i drawsnewid cwricwla (fel y gwelwyd yn y diwygiadau diweddar i Ddatganiadau Meincnodi Pwnc QAA). Bydd y gweithdy hwn yn trafod ffyrdd ymarferol o ymgorffori Addysg ar gyfer Datblygu Cynaliadwy ac, yn benodol, Nodau Datblygu Cynaliadwy’r Cenhedloedd Unedig yn y cwricwla ffurfiol. Bydd Dr Sarah Gretton – Arweinydd Addysg ar gyfer Datblygu Cynaliadwy’r sefydliad ac Alice Jackson – Swyddog Ymgysylltu Academaidd Cynaliadwyedd ym Mhrifysgol Caerlŷr – yn dod â’u profiad o integreiddio’r Nodau Datblygu Cynaliadwy i addysgu a dysgu ac yn rhoi arweiniad i’r cyfranogwyr ar sut i werthuso eu modiwlau mewn perthynas â’r nodau hyn. Yn ystod y sesiwn hon, gofynnir i gyfranogwyr gysylltu canlyniadau dysgu arfaethedig eu modiwl â Nodau Datblygu Cynaliadwy’r Cenhedloedd Unedig a thargedau cysylltiedig, er mwyn deall sut y gall yr amcanion dysgu presennol gefnogi datblygu cynaliadwy.

Bywgraffiadau

Mae Sarah Gretton yn Athro Cyswllt yn y Gwyddorau Biolegol, yn Gyfarwyddwr rhaglen Gwyddorau Naturiol Prifysgol Caerlŷr, ac yn Arweinydd Academaidd Addysg ar gyfer Datblygu Cynaliadwy (ADC) ym Mhrifysgol Caerlŷr. Mae Sarah yn Uwch Gymrawd yr Academi Addysg Uwch.  Mae gan Sarah dros ddegawd o brofiad o waith datblygu addysg, ac mae hi wedi gweithio ar brosiectau a ariennir yn fewnol ac yn allanol (yr Academi Addysg Uwch, Advance HE, y Gymdeithas Frenhinol Bioleg (RSB), QAA). Mae ei diddordebau ymchwil yn cynnwys cynaliadwyedd, datblygu sgiliau ac addysg wyddoniaeth ryngddisgyblaethol ac mae hyn wedi arwain at amryw gyhoeddiadau (https://scholar.google.co.uk/citations?user=xv8W6lIAAAAJ&hl=en). Hi sy’n arwain is-bwyllgor Ysgoloriaeth Addysgu a Dysgu Cymdeithas Gwyddorau Naturiol y Deyrnas Unedig ac mae hi’n aelod o’r pwyllgor cenedlaethol sy’n trefnu cynhadledd Addysg Uwch UK Horizons in STEM.  Cydnabuwyd ei gwaith addysgol gan nifer o anrhydeddau sy’n cynnwys cyrraedd rowndiau terfynol Gwobrau Green Gown 2017 (Hyrwyddwr Cynaliadwyedd), ennill gwobr Rhagoriaeth Addysgu Prifysgol Caerlŷr (2017), a derbyn Cymrodoriaeth Addysgu Genedlaethol yn 2021.

Mae Alice yn weithiwr cynaliadwyedd proffesiynol sy’n gweithio i gyflwyno strategaeth ADC ym Mhrifysgol Caerlŷr. Daw o gefndir cymdeithaseg ac mae ganddi brofiad blaenorol o weithio ym maes cyflogadwyedd a sgiliau graddedigion sydd wedi llywio ei gwaith ym maes ymgysylltu a chryfhau cynnwys cynaliadwyedd yn y cwricwlwm. Hi sy’n arwain ar y gwaith o gasglu a dadansoddi data ar gyfer archwiliad blynyddol ADC ac sy’n gwella’r prosesau hynny ar gyfer y sefydliad fel rhan o brosiect ADC a ariennir gan QAA. Mae hi wedi gweithio ar ddatblygu a chyflwyno modiwl rhyngddisgyblaethol ar fenter gynaliadwy er mwyn cysylltu myfyrwyr â busnesau bach a chanolig lleol i greu effaith gynaliadwy barhaol. Yn ddiweddar, mae hi wedi cael Canmoliaeth Uchel am y gwaith ar y prosiect hwn yng ngwobrau Green Gown 2022. Mae hi hefyd wedi datblygu a chyflwyno Hyfforddiant ar Lythrennedd Carbon i dros 200 o staff, myfyrwyr a busnesau lleol yn rhinwedd ei chymhwyster fel Hyrwyddwr Llythrennedd Carbon achrededig.

Mae hyn yn dilyn ymlaen o’n cynhadledd fach a gynhaliwyd ym mis Rhagfyr.

Cewch gofrestru ar gyfer y digwyddiad ar ein tudalen archebu digwyddiadau.

Mae adnoddau o’n cyfres flaenorol o siaradwyr gwadd ar gael ar ein blog.

Os oes gennych chi unrhyw gwestiynau, cysylltwch â’r Uned Gwella Dysgu ac Addysgu (udda@aber.ac.uk).

Siaradwr Gwadd: James Wood: Improving feedback literacy through sustainable feedback engagement practices 

WordPress User [jbw] Adborth, E-gyflwyno, Siaradwyr Allanol Leave a comment

Mae’n bleser gan yr Uned Gwella Dysgu ac Addysgu gyhoeddi eu siaradwr gwadd nesaf. Ar 10 Mai am 14:00-15:30, bydd James Wood o Brifysgol Bangor yn cynnal sesiwn ar-lein ar wella llythrennedd adborth trwy arferion cynaliadwy ar gyfer ymateb i adborth.

Mae James Wood yn Ddarlithydd Addysg, Asesu ac yn Arweinydd Cyrsiau Ôl-raddedig ym Mhrifysgol Bangor. Cyn y swydd hon, bu James yn gweithio gyda Choleg y Brenin Llundain, Coleg Prifysgol Llundain, Prifysgol Birkbeck, Prifysgol Greenwich, a Phrifysgol Genedlaethol Seoul.

Crynodeb o’r Sesiwn

Er y pwyslais a roddir ar bwysigrwydd adborth i gefnogi dysgu mewn addysg uwch, mae llawer i’w ddysgu o hyd am feithrin sgiliau cynaliadwy ar gyfer gofyn am adborth, ymateb i’r adborth a’i ddefnyddio. Yn ymarferol, mae llawer o fyfyrwyr nad ydynt yn manteisio ar adborth. Hyd yn oed os yw cyrsiau’n cynnig asesiad ffurfiannol mewn egwyddor, dim ond weithiau y bydd dysgwyr yn cymryd sylw ohono neu’n ei ddefnyddio’n effeithiol. Dadleuir yn aml bod angen ‘llythrennedd adborth’ ar fyfyrwyr cyn y gellir mynd i’r afael ag adborth. Fodd bynnag, yn y gweithdy hwn, byddwn yn edrych sut y gall llythrennedd adborth a pharodrwydd i dderbyn adborth ddatblygu. Caiff y myfyrwyr ymgyfarwyddo ag arferion adborth deialogaidd sydd wedi’u cynllunio’n dda ac sy’n cynnig y cyfle i ystyried sut mae dysgu o adborth yn digwydd, y manteision, beth yw ansawdd a sut i’w werthuso, a sut i ddatblygu a gweithredu cynlluniau i gau’r bwlch rhwng cyflawniad presennol a chyflawniad targed. Byddaf hefyd yn trafod sut mae ffactorau cymdeithasol a ffactorau heblaw agweddau dynol ynghlwm wrth allu dysgwyr i ymateb mewn ffyrdd a all gynorthwyo neu gyfyngu ar eu cyfranogiad. Byddaf yn gorffen gyda golwg gyffredinol ar ddefnyddio technolegau i wella gallu dysgwyr i ddefnyddio adborth yn effeithiol a datblygu cysylltiadau â chymunedau a all gynnig cyfleoedd dysgu cydweithredol grymus, yn ogystal â chymorth ac anogaeth emosiynol. 

Cynhelir y gweithdy ar-lein gan ddefnyddio Microsoft Teams. Archebwch eich lle ar-lein.

Os oes gennych unrhyw gwestiynau, cysylltwch â’r Uned Gwella Dysgu ac Addysgu (udda@aber.ac.uk).

Twyllo ar Gontract: Gweithdy Rhestr Wirio o ‘Faneri Coch’ – Deunyddiau sydd ar gael

WordPress User [jbw] E-gyflwyno, Siaradwyr Allanol, Turnitin Leave a comment
Turnitin icon

Ar 20 Mai, ymunodd Dr Mary Davies, Stephen Bunbury, Anna Krajewska, a Dr Matthew Jones â’r Uned Datblygu Dysgu ac Addysgu ar gyfer eu gweithdy ar-lein: Contract Cheating Detection for Markers (Red Flags).

Gyda chydweithwyr eraill, maent yn ffurfio Gweithgor Twyllo ar Gontract Rhwydwaith Uniondeb Academaidd De Ddwyrain Llundain ac maent wedi bod yn gwneud gwaith ac ymchwil hanfodol i’r defnydd cynyddol o felinau traethodau a thwyllo ar gontract.

Roedd y sesiwn yn cynnwys llawer o awgrymiadau ymarferol i gydweithwyr i’w helpu i ganfod y defnydd o Dwyllo ar Gontract wrth farcio.

Mae’r adnoddau o’r sesiwn ar gael isod:

Contract Cheating Detection Workshop_handout_editable_pdfDownload

Mae rhagor o wybodaeth am Ymddygiad Academaidd Annheg ar gael yn y Llawlyfr Ansawdd Academaidd (gweler adran 10).

Diolch yn fawr i’r cyflwynwyr. Rydym wedi cael sesiynau arbennig gan siaradwyr allanol y flwyddyn academaidd hon; edrychwch ar ein blogiau Siaradwyr Allanol i gael rhagor o wybodaeth.