Categori: E-gyflwyno

Cynhadledd Flynyddol Dysgu ac Addysgu: Cyhoeddi’r Siaradwr Allanol

WordPress User [jbw] Cynhadledd Dysgu ac Addysgu Flynyddol 2023, E-gyflwyno, Gynhadledd, Siaradwyr Allanol Leave a comment

Mae’r Uned Datblygu Dysgu ac Addysgu yn falch o gyhoeddi ein siaradwr allanol cyntaf fel rhan o Gynhadledd Flynyddol Dysgu ac Addysgu eleni.

Mae’n cael ei chynnal rhwng 4 a 6 Gorffennaf, a gellir archebu eich lle ar gyfer y gynhadledd nawr.

Bydd Michael Webb o Jisc yn trafod Deallusrwydd Artiffisial yn y sesiwn Navigating the Opportunities and Challenges of AI in Education

Ers cyflwyno ChatGPT, mae ein cyd-weithwyr wedi bod yn dod o hyd i ffyrdd lle y gellid defnyddio gallu deallusrwydd artiffisial mewn Addysg Uwch law yn llaw â’r heriau sy’n codi yn ei sgil.

Nod canolfan genedlaethol Jisc ar gyfer deallusrwydd artiffisial mewn addysg drydyddol yw helpu sefydliadau i fabwysiadu Deallusrwydd Artiffisial mewn ffordd gyfrifol a moesegol. Rydym yn gweithio ar draws y sector i helpu sefydliadau i wynebu’r heriau a’r cyfleoedd a gyflwynir gan Ddeallusrwydd Artiffisial cynhyrchiol. Yn y sesiwn hon byddwn yn adolygu cryfderau a gwendidau Deallusrwydd Artiffisial cynhyrchiol, yr arferion a’r dulliau a welwn yn dod i’r amlwg, ac yn edrych ar sut mae technolegau ac arferion yn datblygu wrth i fwy a mwy o gymwysiadau Deallusrwydd Artiffisial cynhyrchiol ymddangos.

Michael Webb yw cyfarwyddwr technoleg a dadansoddeg Jisc – asiantaeth ddigidol, data a thechnoleg y DU sy’n canolbwyntio ar addysg drydyddol, ymchwil ac arloesi. Mae’n gyd-arweinydd canolfan genedlaethol Jisc ar gyfer Deallusrwydd Artiffisial mewn addysg drydyddol, ac yn cefnogi defnydd cyfrifol ac effeithiol o ddeallusrwydd artiffisial ar draws y sector addysg drydyddol. Yn ogystal â deallusrwydd artiffisial, mae wedi gweithio ar brosiectau yn ymwneud â rhyngrwyd pethau, realiti rhithwir, a dadansoddeg dysgu. Cyn ymuno â Jisc, bu Michael yn gweithio yn y sector addysg uwch, gan arwain TG a thechnoleg dysgu.

Bydd y sesiwn hon o ddiddordeb i gydweithwyr a hoffai ychwanegu Deallusrwydd Artiffisial i’w gweithgareddau addysgu a dysgu, yn ogystal â dod o hyd i ffyrdd y gellir ei ddefnyddio’n gynhyrchiol.

Bydd ein rhaglen lawn yn cael ei chyhoeddi ar ein tudalennau gwe maes o law.

Mae Prifysgol Aberystwyth wedi bod yn gweithio ar ei chanllawiau ei hun ar gyfer Deallusrwydd Artiffisial. Edrychwch ar ein blogbostYstyriaethau ar gyfer Canfod Deallusrwydd Artiffisial Cynhyrchiol am ragor o wybodaeth.

James Wood: Improving feedback literacy through sustainable feedback engagement practices

WordPress User [jbw] Adborth, E-gyflwyno, Siaradwyr Allanol Leave a comment
Banner for Audio Feedback

Ddydd Mercher 10 Mai, croesawodd yr Uned Datblygu Dysgu ac Addysgu Dr James Wood o Brifysgol Bangor i roi rhai syniadau ynghylch ymgysylltu a dylunio adborth  myfyrwyr.

Mae’r recordiad o’r sesiwn ar Panopto a gellir lawrlwytho’r sleidiau PowerPoint isod:

Improving Feedback Uptake Literacy for Aber (002)Download

Yn y sesiwn, amlinellodd Dr Wood

  • Y newidiadau i gwestiynau adborth yr ACF ar gyfer 2023
  • Diben yr adborth
  • Y symud oddi wrth drosglwyddo adborth i weithredu
  • Rhwystrau i ymgysylltu ag adborth myfyrwyr
  • Sgrinledu eich adborth

Y digwyddiad mawr nesaf ar gyfer yr UDDA yw ein Cynhadledd Dysgu ac Addysgu flynyddol sy’n cael ei chynnal rhwng 4 a 6 Gorffennaf. Mae modd archebu lle ar gyfer y gynhadledd nawr.

Os oes gennych unrhyw siaradwyr allanol yr hoffech i’r UDDA eu gwahodd i gyfres y flwyddyn nesaf, e-bostiwch udda@aber.ac.uk gyda’ch awgrym.

Tynnu Turnitin Building Block yn ôl

WordPress User [jbw] Diweddariadau Technegol, E-gyflwyno, Turnitin Leave a comment

Yn ystod haf 2022 symudon ni i fersiwn newydd o Turnitin. Gan fod cefnogaeth i’n fersiwn blaenorol o Turnitin bellach wedi dod i ben, caiff y fersiwn hanesyddol (a elwir yn Turnitin Building Block) ei dynnu’n ôl ar 31 Awst 2023.

Mae hyn yn golygu na fydd staff a myfyrwyr bellach yn gallu cael gafael ar aseiniadau sydd wedi’u marcio.

Dylai myfyrwyr lawrlwytho a chadw unrhyw aseiniadau hanesyddol (cyn blwyddyn academaidd 2022-23).

Dylai staff gysylltu â’r Uned Datblygu Dysgu ac Addysgu (eddysgu@aber.ac.uk) os byddant yn dal i fod angen cael gafael ar aseiniadau Turnitin yn Building Block at ddibenion marcio.

Er na fydd modd i chi gael gafael ar yr aseiniadau a farciwyd, bydd yr Uned Datblygu Dysgu ac Addysgu yn dal i allu gofyn amdanynt drwy gymorth Turnitin. Os bydd angen hyn arnoch ar ôl 31 Awst 2023, cysylltwch â’r Uned Datblygu Dysgu ac Addysgu (eddysgu@aber.ac.uk).  

Lansio Adnodd Turnitin i Ddatgelu Ysgrifennu drwy Ddeallusrwydd Artiffisial a ChatGPT

WordPress User [jbw] E-gyflwyno, Marcio, Turnitin Leave a comment
Turnitin icon

Ar 4 Ebrill bydd Turnitin yn lansio eu hadnodd newydd i ddatgelu ysgrifennu drwy ddeallusrwydd artiffisial a ChatGPT. Bydd hwn yn cael ei ychwanegu at yr Adroddiad Tebygrwydd. Cyn i gydweithwyr ddechrau defnyddio’r datgelydd deallusrwydd artiffisial, roeddem ni’n meddwl y byddem yn tynnu eich sylw at ambell rybudd yn ei gylch yn y dyfyniadau hyn gan gyrff proffesiynol awdurdodol yn y sector. 

Mae Jisc yn nodi (cyfieithwyd y dyfyniad o’r Saesneg): “Ni all datgelyddion deallusrwydd artiffisial brofi’n bendant bod testun wedi cael ei ysgrifennu drwy ddeallusrwydd artiffisial.”

— Michael Webb (17/3/2023), AI writing detectors – concepts and considerations, Canolfan Genedlaethol Jisc ar gyfer Deallusrwydd Artiffisial

Dyma gyngor yr Asiantaeth Sicrhau Ansawdd (eto, cyfieithwyd y dyfyniad o’r Saesneg): “Byddwch yn ofalus yn eich defnydd o offer sy’n honni eu bod yn datgelu testun a gynhyrchwyd drwy ddeallusrwydd artiffisial, a chynghori staff am safiad y sefydliad ar hyn. Nid yw allbwn yr offer hyn wedi cael ei wirio a cheir tystiolaeth bod rhywfaint o destun a gynhyrchwyd drwy ddeallusrwydd artiffisial yn llwyddo i osgoi’r datgelyddion. Hefyd, mae’n bosibl na fydd myfyrwyr wedi rhoi caniatâd i lwytho eu gwaith i’r offer hyn nac wedi cytuno ar sut y bydd eu data’n cael eu cadw.”

— ASA (31/1/2023), The rise of artificial intelligence software and potential risks for academic integrity: briefing paper for higher education providers

Gweler hefyd y Canllawiau i Staff a luniwyd gan y Gweithgor Deallusrwydd Artiffisial Cynhyrchiol dan arweiniad Mary Jacob. Mae’r canllawiau’n amlinellu awgrymiadau ar gyfer sut y gallwn esbonio ein hasesiadau presennol wrth fyfyrwyr mewn ffyrdd a fydd yn eu hannog i beidio ag ymddwyn mewn modd sy’n academaidd annerbyniol drwy ddefnyddio deallusrwydd artiffisial, yn ogystal â’r rhybuddion (neu’r ‘baneri coch’) i’w hystyried wrth farcio.

Gallwch ddarllen mwy am y datblygiad deallusrwydd artiffisial yn Turnitin yn y postiad blog hwn gan Turnitin.

I gael arweiniad ar sut i ddefnyddio’r adnodd hwn, darllenwch y canllaw hwn gan Turnitin:

AI writing detection- How to use guideDownload
AI writing FAQs_Mar23_UKDownload

Mae Turnitin hefyd wedi cyhoeddi tudalen adnoddau ar ysgrifennu drwy ddeallusrwydd artiffisial i gefnogi addysgwyr gydag adnoddau addysgu ac i roi gwybod am eu cynnydd wrth ddatblygu nodweddion datgelu ysgrifennu drwy ddeallusrwydd artiffisial.

Os oes gennych unrhyw gwestiynau am ddefnyddio adnodd Turnitin i ddatgelu ysgrifennu drwy ddeallusrwydd artiffisial a ChatGPT neu am ddehongli’r canlyniadau, cysylltwch â’r Uned Datblygu Dysgu ac Addysgu (eddysgu@aber.ac.uk).

Siaradwr Gwadd: James Wood: Improving feedback literacy through sustainable feedback engagement practices 

WordPress User [jbw] Adborth, E-gyflwyno, Siaradwyr Allanol Leave a comment

Mae’n bleser gan yr Uned Gwella Dysgu ac Addysgu gyhoeddi eu siaradwr gwadd nesaf. Ar 10 Mai am 14:00-15:30, bydd James Wood o Brifysgol Bangor yn cynnal sesiwn ar-lein ar wella llythrennedd adborth trwy arferion cynaliadwy ar gyfer ymateb i adborth.

Mae James Wood yn Ddarlithydd Addysg, Asesu ac yn Arweinydd Cyrsiau Ôl-raddedig ym Mhrifysgol Bangor. Cyn y swydd hon, bu James yn gweithio gyda Choleg y Brenin Llundain, Coleg Prifysgol Llundain, Prifysgol Birkbeck, Prifysgol Greenwich, a Phrifysgol Genedlaethol Seoul.

Crynodeb o’r Sesiwn

Er y pwyslais a roddir ar bwysigrwydd adborth i gefnogi dysgu mewn addysg uwch, mae llawer i’w ddysgu o hyd am feithrin sgiliau cynaliadwy ar gyfer gofyn am adborth, ymateb i’r adborth a’i ddefnyddio. Yn ymarferol, mae llawer o fyfyrwyr nad ydynt yn manteisio ar adborth. Hyd yn oed os yw cyrsiau’n cynnig asesiad ffurfiannol mewn egwyddor, dim ond weithiau y bydd dysgwyr yn cymryd sylw ohono neu’n ei ddefnyddio’n effeithiol. Dadleuir yn aml bod angen ‘llythrennedd adborth’ ar fyfyrwyr cyn y gellir mynd i’r afael ag adborth. Fodd bynnag, yn y gweithdy hwn, byddwn yn edrych sut y gall llythrennedd adborth a pharodrwydd i dderbyn adborth ddatblygu. Caiff y myfyrwyr ymgyfarwyddo ag arferion adborth deialogaidd sydd wedi’u cynllunio’n dda ac sy’n cynnig y cyfle i ystyried sut mae dysgu o adborth yn digwydd, y manteision, beth yw ansawdd a sut i’w werthuso, a sut i ddatblygu a gweithredu cynlluniau i gau’r bwlch rhwng cyflawniad presennol a chyflawniad targed. Byddaf hefyd yn trafod sut mae ffactorau cymdeithasol a ffactorau heblaw agweddau dynol ynghlwm wrth allu dysgwyr i ymateb mewn ffyrdd a all gynorthwyo neu gyfyngu ar eu cyfranogiad. Byddaf yn gorffen gyda golwg gyffredinol ar ddefnyddio technolegau i wella gallu dysgwyr i ddefnyddio adborth yn effeithiol a datblygu cysylltiadau â chymunedau a all gynnig cyfleoedd dysgu cydweithredol grymus, yn ogystal â chymorth ac anogaeth emosiynol. 

Cynhelir y gweithdy ar-lein gan ddefnyddio Microsoft Teams. Archebwch eich lle ar-lein.

Os oes gennych unrhyw gwestiynau, cysylltwch â’r Uned Gwella Dysgu ac Addysgu (udda@aber.ac.uk).

Ystyriaethau ynghylch Turnitin i fod yn ymwybodol ohonynt (o fis Hydref 2022).

WordPress User [rsf09] E-gyflwyno, Marcio, Turnitin Leave a comment

Mynediad myfyrwyr i fannau cyflwyno Turnitin.

Rydym yn argymell i chi beidio â chuddio Mannau Cyflwyno Turnitin oddi wrth fyfyrwyr am y rhesymau canlynol:

  • Mae myfyrwyr angen mynediad i fannau cyflwyno Turnitin i weld a lawrlwytho eu derbynneb digidol Turnitin sy’n dystiolaeth eu bod wedi cyflwyno.
  • Yn ddelfrydol dylai myfyrwyr bob amser gael mynediad at eu haseiniadau a gyflwynwyd drwy fannau cyflwyno Turnitin.
  • Dylai myfyrwyr gael mynediad i’w graddau a’u hadborth ar y dyddiad rhyddhau Adborth a hysbysebwyd yn wreiddiol iddynt ar gyfer y man cyflwyno Turnitin. Dylai adborth fod ar gael i fyfyrwyr 15 diwrnod gwaith ar ôl cyflwyno yn unol â phwynt 5.2 o’r Polisi E-gyflwyno ac Adborth.

Turnitin a chyflwyno a marcio nad yw’n ddienw.

Rydym yn argymell yn gryf bod y golofn Canolfan Raddau Blackboard yn cael ei chuddio ar gyfer unrhyw fan cyflwyno Turnitin a osodwyd gyda marcio nad yw’n ddienw.

Pan fydd aseiniad Turnitin yn cael ei osod heb farcio dienw bydd unrhyw farciau a gofnodir yn Stiwdio Adborth Turnitin yn bwydo drwodd i golofn canolfan raddau Blackboard yn syth. Mae hyn yn eu gwneud yn weladwy i’r myfyrwyr cyn y dyddiad rhyddhau adborth.

I guddio colofn yn y Ganolfan Raddau:

  1. Ewch i’r Ganolfan Raddau Lawn
  2. Cliciwch ar y llinell onglog (chevron) drws nesaf i’r golofn berthnasol
  3. Rhaid toglo’r opsiwn ‘Cuddio rhag Myfyrwyr (Ymlaen/Diffodd)’ nes bydd llinell goch trwyddo.

Ni ddylai’r golofn Canolfan Raddau Blackboard fod wedi’i chuddio pan fydd y dyddiad rhyddhau adborth wedi pasio.

Er mai marcio’n ddienw sy’n arferol, mae’n bosibl bod rhesymau dros gyflwyno a marcio nad yw’n ddienw. Gweler pwynt 4.7 o’r Polisi E-gyflwyno ac Adborth.

Rhoddwyd gwybod am y mater hwn i Turnitin.

Croeso i staff newydd sy’n ymuno â Phrifysgol Aberystwyth

WordPress User [jbw] Blackboard, E-gyflwyno, Hyfforddiant a Chymorth, Panopto Leave a comment

Yr Uned Datblygu Dysgu ac Addysgu ydym ni. Rydym ni’n rhan o’r Gwasanaethau Gwybodaeth. Rydym ni’n gweithio gyda staff ar draws y brifysgol i gefnogi a datblygu dysgu ac addysgu. Rydym ni’n cynnal amrywiaeth eang o weithgareddau i gyflawni hyn.

Mae’r holl wybodaeth fyddwch chi ei hangen ar dudalennau gwe’r Uned Datblygu Dysgu ac Addysgu. Bydd ein tudalennau gwe Cefnogi eich Addysgu yn eich helpu gydag amrywiol ddatrysiadau addysgu.

Rydym ni’n ysgrifennu blog gyda’r newyddion diweddaraf, manylion am ddigwyddiadau a sesiynau hyfforddi, ac adnoddau.

Os bydd angen i chi gysylltu â ni gallwch wneud hynny ar un o ddau gyfeiriad ebost:

udda@aber.ac.uk (am gwestiynau addysgegol a chynllunio, neu i drefnu ymgynghoriad) neu

eddysgu@aber.ac.uk (am ymholiadau technegol ynghylch ein harlwy e-ddysgu a restrir isod)

Read More

Newidiadau i Turnitin: Gwybodaeth i Fyfyrwyr

WordPress User [jbw] Diweddariadau Technegol, E-gyflwyno, Gwybodaeth i Fyfyrwyr, Turnitin Leave a comment

Ar gyfer blwyddyn academaidd 2022/23 byddwn yn defnyddio fersiwn newydd o Turnitin.

Ddydd Mawrth 5 Gorffennaf bydd y Gwasanaethau Gwybodaeth yn rhoi fersiwn newydd o Turnitin ar Blackboard.

Er y bydd y rhan fwyaf o swyddogaethau presennol Turnitin yn aros yr un fath, bydd rhai newidiadau. 

I helpu myfyrwyr gyda’r newid hwn, rydym wedi llunio’r Cwestiynau Cyffredin canlynol:

Bydd ein tudalennau gwe a’n canllawiau cymorth yn cael eu diweddaru i adlewyrchu’r newidiadau hyn.

Os oes gennych unrhyw gwestiynau, mae croeso i chi gysylltu â’r Uned Gwella Dysgu ac Addysgu (eddysgu@aber.ac.uk).

Twyllo ar Gontract: Gweithdy Rhestr Wirio o ‘Faneri Coch’ – Deunyddiau sydd ar gael

WordPress User [jbw] E-gyflwyno, Siaradwyr Allanol, Turnitin Leave a comment
Turnitin icon

Ar 20 Mai, ymunodd Dr Mary Davies, Stephen Bunbury, Anna Krajewska, a Dr Matthew Jones â’r Uned Datblygu Dysgu ac Addysgu ar gyfer eu gweithdy ar-lein: Contract Cheating Detection for Markers (Red Flags).

Gyda chydweithwyr eraill, maent yn ffurfio Gweithgor Twyllo ar Gontract Rhwydwaith Uniondeb Academaidd De Ddwyrain Llundain ac maent wedi bod yn gwneud gwaith ac ymchwil hanfodol i’r defnydd cynyddol o felinau traethodau a thwyllo ar gontract.

Roedd y sesiwn yn cynnwys llawer o awgrymiadau ymarferol i gydweithwyr i’w helpu i ganfod y defnydd o Dwyllo ar Gontract wrth farcio.

Mae’r adnoddau o’r sesiwn ar gael isod:

Contract Cheating Detection Workshop_handout_editable_pdfDownload

Mae rhagor o wybodaeth am Ymddygiad Academaidd Annheg ar gael yn y Llawlyfr Ansawdd Academaidd (gweler adran 10).

Diolch yn fawr i’r cyflwynwyr. Rydym wedi cael sesiynau arbennig gan siaradwyr allanol y flwyddyn academaidd hon; edrychwch ar ein blogiau Siaradwyr Allanol i gael rhagor o wybodaeth.