Ni fydd Turnitin ar gael i’w ddefnyddio rhwng 15:00 a 15:30 ddydd Sadwrn 29 Mawrth 2025 oherwydd gwaith cynnal a chadw rheolaidd.
Yn ystod y cyfnod, ni fydd modd i chi gyflwyno na graddio asesiadau.
Ymddiheurwn am unrhyw anghyfleustra a achosir.
Rydym yn falch o gyhoeddi’r rhaglen ar gyfer ein Cynhadledd Fer ar-lein a gynhelir cyn hir: Cyflogadwyedd a’r Cwricwlwm Cynhwysol
Fe’i cynhelir rhwng 09:15 a 13:00 ar 8 Ebrill, gyda chydweithrediad ein cydweithwyr yn y Gwasanaeth Gyrfaoedd. Gellir archebu lleoedd ar-lein.
Byddwn yn dechrau’r gynhadledd gyda chroeso gan yr Athro Anwen Jones am 09:15 cyn symud ymlaen i anerchiad cyweirnod gan Dr Aranee Manoharan. Bydd Dr Aranee Manoharan yn ymuno â ni o Goleg y Brenin, Llundain. Cewch ragor o wybodaeth am waith arloesol Dr Manoharan ar ein blog.
Bydd Dr Saffron Passam o Seicoleg yn arwain gweithdy rhyngweithiol “Future-Proofing Graduates: Embedding Equality, Diversity, and Inclusion as a Core Employability Skill” rhwng 10:20 a 10:50.
Bydd Dr Louise Ritchie o Astudiaethau Theatr, Ffilm a Theledu yn arwain sesiwn ar Staging Success: Integrating Employability in the Drama and Theatre Curriculum (Part 2) rhwng 10:50 a 11:20.
Ar ôl egwyl, bydd Annabel Latham o’r Ysgol Addysg yn ymuno â ni ar gyfer eu sesiwn ‘Professional Partnerships in HE: a discussion around the co-creation of assessment to embed employability in the curriculum rhwng 11:35 a 12:05.
Bydd y digwyddiad yn dod i ben gydag anerchiad gyda Bev Herring a Jo Hiatt o’r Gwasanaeth Gyrfaoedd a fydd yn rhoi llwyfan i’r ymdrechion a’r cynlluniau cydweithredol sydd ar waith i wella’r modd y mae cyflogadwyedd yn cael ei ymgorffori ym Mhrifysgol Aberystwyth.
Gobeithio y gallwch ddod i’r digwyddiad arbennig hwn.
Mae’r rhaglen lawn, gan gynnwys crynodebau o’r sesiynau, ar gael ar ein tudalennau ar y we.
Mae’n bleser gennym gyhoeddi enillydd y Wobr Cwrs Eithriadol eleni.
Llongyfarchiadau i Mari Dunning o’r adran Dysgu Gydol Oes am y cwrs buddugol: XM18210: Writing Women: Feminism in Poetry and Prose.
Nododd y panel yr arfer rhagorol o ran cyflwyniad a dyluniad clir y cwrs, y gefnogaeth a’r arweiniad cryf a gynigiwyd, y gweithgareddau cyfranogol bywiog a difyr, a’r tasgau creadigol. Cyflawnwyd hyn i gyd drwy amgylchedd dysgu ar-lein hygyrch a brwdfrydig.
Llongyfarchiadau i’r rhai a dderbyniodd ganmoliaeth a chanmoliaeth uchel:
Yn y 3 chwrs hyn fe gafwyd rhai arferion rhagorol, gan gynnwys: strwythurau clir a hygyrch, defnyddio cwisiau wythnosol yn effeithiol, gweithgareddau difyr ac amrywiol, prosesau marcio ac adborth clir, asesiadau a gynlluniwyd yn greadigol, ac amcanion dysgu wedi’u cynllunio’n dda a’u cyfleu’n glir.
Asesir y wobr ar sail pedwar maes:
Roedd y cyrsiau o safon mor uchel, ac edrychwn ymlaen at rannu eu harferion â chi maes o law.
Llongyfarchiadau mawr i’r buddugwyr haeddiannol eleni.
Rydym yn falch o gyhoeddi bod Capsiynau Adnabod Lleferydd Awtomatig Panopto wedi’i gymeradwyo yn y Pwyllgor Ansawdd a Safonau diweddar.
Mae hyn yn golygu, ar gyfer y flwyddyn academaidd 2025-26 a thu hwnt, y bydd capsiynau awtomatig yn cael eu defnyddio yn eich recordiadau Panopto.
Bydd y rhai sy’n gwylio yn gweld y capsiynau ar waelod y sgrin neu gallant lawrlwytho trawsgrifiad:
![Sgrinlun yn dangos recordiad Panopto gyda chapsiynau]](https://wordpress.aber.ac.uk/e-learning/files/2025/03/image-3.png)
Er y bydd capsiynau’n ymddangos yn awtomatig y flwyddyn academaidd nesaf, gall cydweithwyr eisoes gynnwys capsiynau awtomatig i’r holl recordiadau mewn ffolder Panopto. Edrychwch ar ganllaw Panopto ar sut i wneud hyn.
Rydym wedi bod yn gweithio i alluogi capsiynau awtomatig ers sawl blwyddyn, felly rydym yn croesawu’r datblygiad hwn. Yn rhan o’r gwaith hwn, rydym wedi cymryd camau lliniarol i fynd i’r afael â rhai o’r heriau a’r pryderon, gan gynnwys:
Bydd capsiynau awtomatig yn cael eu defnyddio ym mhob recordiad ar y safle pan fyddwn wedi galluogi’r nodwedd hon. Yr iaith ddiofyn a fydd yn cael ei defnyddio yn ffolderi’r modiwl yw Saesneg. Bydd gosodiadau ffolderi modiwlau a gyflwynir 100% drwy gyfrwng y Gymraeg yn cael eu diweddaru â llaw i gynhyrchu Capsiynau Awtomatig yn Gymraeg.
Rydym hefyd wedi cynnal Asesiad o Effaith ar Gydraddoldeb i edrych ar rai o’r heriau a achosir gan Bensiynau Awtomatig sydd ar gael ar gais (eddysgu@aber.ac.uk).
Er mwyn hwyluso galluogi capsiynau awtomatig, mae’r polisi Cipio Darlithoedd wedi’i ddiweddaru. Rydym yn adolygu ein holl bolisïau (Cipio Darlithoedd, Isafswm Presenoldeb Gofynnol Blackboard, ac E-gyflwyno) yn flynyddol. Byddwn yn anfon rhagor o wybodaeth am y diweddariadau hyn maes o law.
Byddwn nawr yn dechrau gweithio ar ddiweddaru Panopto i alluogi capsiynau Awtomatig ar gyfer 2025-26.
Rydym wedi galluogi nodwedd newydd ar Blackboard o’r enw Cyflawniadau.
Mae cyflawniadau’n caniatáu i hyfforddwyr gysylltu cyflawniad myfyrwyr â bathodynnau i helpu i gydnabod eu cyflawniadau neu eu hyfedredd.
Gweler Cymorth Blackboard i gael trosolwg o’r cyflawniadau. Bydd y safle cymorth yn rhoi cyngor i chi ar y mathau o weithgareddau y gellir eu defnyddio ar eu cyfer yn ogystal â sut i’w gosod.
I greu bathodyn, mae angen i chi ei gysylltu â cholofn Llyfr Graddau – megis prawf, aseiniad, neu Turnitin. Gallwch nodi lefel benodol y mae angen ei chyrraedd i gael bathodyn.
Yna gall myfyrwyr weld eu cyflawniadau ar y cwrs neu’r mudiad o’r tab Cyflawniadau.
Byddem yn croesawu gweithio gyda chydweithwyr i drin a thrafod sut y gellid defnyddio cyflawniadau ar lefel cynllun neu adrannol.
Ni fydd Panopto ar gael i’w ddefnyddio rhwng 22:00 ddydd Gwener 11 Ebrill a 01:00 ddydd Sadwrn 12 Ebrill oherwydd gwaith cynnal a chadw rheolaidd.
Ymddiheurwn am unrhyw anghyfleustra a achosir.
Eleni bydd y gynhadledd Dysgu ac Addysgu yn dwyn y thema Llwybrau Arloesol i Rymuso Dysgwyr: Addasu, Ymroi, a Ffynnu ac fe’i cynhelir rhwng dydd Mawrth 8 a dydd Iau 10 Gorffennaf 2025.
Gallwch gofrestru ar gyfer y gynhadledd trwy lenwi’r ffurflen ar-lein.
Mae’n bleser gennym gadarnhau ein prif siaradwr ar gyfer ein cynhadledd fer a gynhelir ddydd Mawrth 8 Ebrill.
Bydd Dr Aranee Manoharan o Goleg y Brenin Llundain yn ymuno â ni.
Gweler isod drosolwg o anerchiad Aranee a bywgraffiad. Gallwch archebu eich lle ar gyfer y gynhadledd fer ar-lein a byddwn yn cyhoeddi’r rhaglen lawn maes o law.
Os oes gennych unrhyw gwestiynau ynglŷn â’r digwyddiad hwn, cysylltwch â threfnwyr y gynhadledd ar eddysgu@aber.ac.uk.
Yn yr anerchiad hwn, bydd Aranee yn cyflwyno dull o gynllunio cwricwlwm cynhwysol sy’n rhoi cymorth i bob myfyriwr i ddatblygu’r wybodaeth, y sgiliau a’r profiadau sydd eu hangen arnynt i lywio’n llwyddiannus drwy anawsterau’r unfed ganrif ar hugain sy’n gyfnod cyfnewidiol, ansicr, cymhleth ac amwys. Bydd y cyflwyniad yn edrych ar ddatblygu cwricwlwm cynhwysol o ran yr egwyddorion allweddol sy’n cefnogi canlyniadau myfyrwyr a graddedigion, cyn rhannu sut y gellir integreiddio cyflogadwyedd yn effeithiol drwy addysgu pynciau a dysgu – gan gynnwys defnyddio dull rhaglennol o gynllunio’r cwricwlwm ac addysgeg ac asesiadau uchel eu heffaith. Bydd y sesiwn yn rhannu ystod o offer y mae Aranee wedi’u datblygu yn ei gwaith gyda thimau gwasanaethau academaidd a phroffesiynol yn y maes hwn; gellir hefyd ddod o hyd i bob un ohonynt yn y pecyn cymorth a ariennir gan yr Asiantaeth Sicrhau Ansawdd ar gyfer Datblygu Cyflogadwyedd Cynhwysol trwy’r Cwricwlwm a arweiniwyd ganddi hi â chydweithwyr ym Mhrifysgol Dinas Llundain a Phrifysgol Llundain.
Dr Aranee Manoharan, PhD, SFHEA, FRSA
Mae Aranee yn Uwch Gyfarwyddwr Cyswllt ar gyfer Gyrfaoedd a Cyflogadwyedd yng Ngholeg y Brenin, Llundain. Gyda phrofiad ar draws meysydd addysgu, profiad myfyrwyr, a datblygiad addysgol, yn ogystal â Chydraddoldeb, Amrywioldeb a Chynhwysiant a llywodraethu, ei maes arbenigol yw gwella canlyniadau myfyrwyr trwy ystyried eu cylch bywyd cyfan fel myfyrwyr. Yn Uwch Gymrawd AU Ymlaen, mae’n arbenigo mewn dulliau cynhwysol o gynllunio’r cwricwlwm i gefnogi canlyniadau myfyrwyr a graddedigion ac mae ganddi brofiad sylweddol o weithio gyda thimau academaidd i hwyluso dysgu yn y byd go iawn, gan ddefnyddio addysgeg ac asesiadau uchel eu heffaith, a gyflwynir mewn cydweithrediad â phartneriaid cymunedol a diwydiant.
Yn eiriolwr ymroddedig dros degwch a chynhwysiant, mae Aranee yn gwasanaethu ar nifer o grwpiau cynghori, gan gynnwys y Sefydliad Cyflogwyr Myfyrwyr (ISE); Rhwydwaith Bwlch Dyfarnu HUBS y Gymdeithas Fioleg Frenhinol; Pwyllgor Llywodraethu Siarter Cydraddoldeb Hil AU Ymlaen; ac fel Cyfarwyddwr Bwrdd Cymdeithas Gwasanaethau Cynghori ar Yrfaoedd i Raddedigion, lle mae’n arwain y portffolio ar symudedd cymdeithasol, ehangu cyfranogiad, ac anghydraddoldeb rhanbarthol. Aranee hefyd yw Cyfarwyddwr y cwmni AM Coaching & Consulting, cwmni sy’n cynghori a rhoi cymorth i sefydliadau er mwyn iddynt sefydlu diwylliannau gweithio, dysgu ac ymchwil cynhwysol.
Wrth i Ramadan ddechrau, roeddem am dynnu sylw at ganllaw i addysgwyr o dan arweiniad yr Athro Louise Taylor o Oxford Brookes (ynghyd â sawl cydweithiwr arall).
Yn ystod y cyfnod hwn, bydd y rhai sy’n cadw Ramadan yn ymwrthod â bwyd a diod yn ystod oriau golau dydd.
Gellir cael gafael ar y canllaw llawn a’i lawrlwytho o’r dudalen we yma.
Mae’r canllaw yn amlinellu’r effaith bosibl y gall Ramadan ei gael ar waith dysgu’r myfyrwyr ac mae’n cynnig rhai addasiadau a fydd efallai am gael eu hystyried. Mae Oxford Brookes wedi cynhyrchu fideo 7 munud o fyfyrwyr yn rhannu eu profiad o Ramadan. Mae’r canllaw yn defnyddio arolygon gan weithwyr proffesiynol AU i ddarparu dull sy’n seiliedig ar dystiolaeth ac mae’n cynnig 6 ffordd y gallem fabwysiadu dysgu mwy cynhwysol:
Daw’r canllaw i’r casgliad mai ei neges allweddol yw pwysigrwydd cychwyn trafodaethau gyda myfyrwyr Mwslimaidd.
Fel cymuned, rydym yn gobeithio adeiladu ar sail y gwaith hwn ar gyfer y flwyddyn nesaf, gan ddefnyddio’r canllawiau hyn fel man cychwyn.
Rydym yn frwd ynghylch arferion addysg gynhwysol a byddem wrth ein bodd yn eu cyflwyno yn y Gynhadledd Dysgu ac Addysgu Flynyddol sydd ar ddod. Os ydych chi’n dilyn arferion cynhwysol yn eich addysgu, yna ystyriwch gyflwyno cynnig ar gyfer y gynhadledd.
Gwahoddir staff, cynorthwywyr dysgu uwchraddedig a myfyrwyr i gyflwyno cynigion ar gyfer 13eg Cynhadledd Dysgu ac Addysgu, Dydd Mawrth 8 – Dydd Iau 10 Gorffennaf 2025.
Gallwch gyflwyno a gweld yr alwad am gynigion ar-lein.
Dyma’r thema ar gyfer y gynhadledd eleni:
Llwybrau Arloesol i Rymuso Dysgwyr: Addasu, Ymroi, a Ffynnu
Dyma prif gangen y gynhadledd eleni:
Mae croeso i staff, cynorthwywyr dysgu uwchraddedig, a myfyrwyr gynnig sesiynau ar unrhyw bwnc sy’n berthnasol i ddysgu, yn enwedig os ydynt yn canolbwyntio ar ymgorffori a defnyddio technoleg wrth ddysgu. Mae croeso i chi gyflwyno pynciau eraill, hyd yn oed os nad ydynt yn cyd-fynd ag un o’r canghennau uchod.
Rydym yn annog cyflwynwyr i ystyried defnyddio fformatau amgen sy’n cyd-fynd â’r hyn a drafodir yn eu sesiynau. Gan hynny, ni fyddwn yn gofyn am fformat cyflwyno safonol, ond gofynnwn i chi gynnwys fformat, hyd y sesiwn ac unrhyw ofynion eraill a fo gennych wrth i chi wneud eich cynnig isod.
Gofynnwn i chi lenwi’r ffurflen hon erbyn 8 Ebrill 2025. Os oes gennych chi unrhyw gwestiynau, mae croeso i chi gysylltu â’r eddygsu@aber.ac.uk.