Mae’n bleser gan yr Uned Gwella Dysgu ac Addysgu gyhoeddi gweithdy ar-lein arbennig a gynhelir gan Dr Kate Exley ddydd Mercher 17 Chwefror.

Bydd y gweithdy yn ddefnyddiol i gydweithwyr sy’n addasu a throsglwyddo eu darlithoedd traddodiadol ar gyfer dysgu ar-lein.

Archebwch eich lle ar-lein [link].

Er mwyn i gymaint o gydweithwyr â phosibl allu dod, rydym yn cynnal y gweithdy ddwywaith (11yb-12yp ac 1yp-2yp). Dewiswch ba sesiwn yr hoffech ddod iddi wrth archebu.

Nifer cyfyngedig o leoedd sydd ar gael felly archebwch cyn gynted â phosibl.

Trosolwg o’r Sesiwn:

Mae nifer o gydweithwyr wedi bod yn addysgu’n gyfunol neu ar-lein ers nifer o flynyddoedd ond mae pandemig Covid wedi golygu ei bod yn rhaid i ni gyd ddarparu llawer o’n dysgu ac addysgu o bell. Mae hyn wedi golygu symud ein darlithoedd, a draddodwyd o’r blaen mewn darlithfeydd ac ystafelloedd dosbarth mawr, i lwyfannau ar-lein. Mae’r cyflymder y mae’r newid mawr hwn wedi digwydd yn ei hun wedi achosi heriau sylweddol i staff a myfyrwyr fel ei gilydd. Mae’r gweithdy cyfunol hwn yn bwriadu darparu cyfarwyddyd, enghreifftiau a fforwm i gydweithwyr rannu eu profiadau a’u syniadau ar gyfer gwella’r ddarpariaeth hon.

Cyflwynir y gweithdy mewn dwy ran:

• Bydd cyfres o 3 fideo byr ar gael ar neu cyn 5 Chwefror 2021 a dylid eu gwylio’n annibynnol cyn ymuno â’r fforwm drafod – oddeutu 45 munud o astudio annibynnol.
• Fforwm drafod a gynhelir ar Teams ar 17 Chwefror, ble bydd gan gyfranogwyr gyfle i ofyn cwestiynau, rhannu profiadau a thrafod y pwnc – 1 awr o hyd.

Read More

Mae Prifysgol Aberystwyth yn lansio’r broses fewnol ddwyieithog ar gyfer Fframwaith Ymarfer Goruchwyliol Da Cyngor y DU dros Addysg i Raddedigion. Gellir dod o hyd i fersiwn Gymraeg a Saesneg o’r fframwaith drwy’r ddolen hon.

“Mae’r Fframwaith Ymarfer Goruchwyliol Da yn cydnabod, am y tro cyntaf ar lefel genedlaethol, y set eang, hynod gymhleth a heriol o rolau a gyflawnir gan oruchwylwyr ymchwil modern.” Gwefan Cyngor y DU dros Addysg i Raddedigion.

Datganiad gan Yr Athro Colin McInness, Dirprwy Is-Ganghellor (Ymchwil, Cyfnewid Gwybodaeth ac Arloesi):

“Gall goruchwylio myfyrwyr ymchwil fod yn un o’r pethau mwyaf boddhaus a wnawn fel cymuned academaidd, ond yn un o’r pethau anoddaf hefyd. Mae’r heriau hyn yn effeithio ar bawb ohonom ni o bryd i’w gilydd, ac yn dal i ymffurfio wrth i ymarfer, dulliau a gwybodeg ymchwil ddatblygu. Bydd y Fframwaith hwn yn rhoi’r adnoddau a’r hyder i’n cymuned ymchwil ni yn Aberystwyth gael parhau gyda’n harferion goruchwylio ardderchog a chefnogi ein Myfyrwyr ymchwil.”

Mae Annette Edwards, o’r Uned Datblygu Dysgu ac Addysgu a Reyer Zwiggelaar, Pennaeth Ysgol y Graddedigion, yn cydweithio ar ran y Brifysgol, er mwyn marchnata a datblygu dealltwriaeth o’r fframwaith hwn. Bydd proses fewnol ar gael i bawb sydd â diddordeb mewn ymgeisio am yr achrediad hwn. Ewch i’r dudalen we hon am fwy o wybodaeth ac i fynegi diddordeb mewn gwneud cais trwy’r ffurflen ar-lein.

Dyma drosolwg o’r sesiynau Hanfodion E-ddysgu y mae’r Uned Datblygu Dysgu ac Addysgu yn eu cynnig i staff y Brifysgol yn ystod mis Ionawr. Cynigir sesiynau drwy gyfrwng y Gymraeg a’r Saesneg a bydd sesiynau cyfrwng Cymraeg yn ymddangos â theitlau Cymraeg isod ac ar y wefan hyfforddi staff.

Dyddiad	Teitl	Amser	Manylion
06-01-2021	E-learning Essentials: Introduction to Blackboard (L & T: Online)	15:00 - 16:00	Manylion
07-01-2021	E-learning Essentials: Introduction to Turnitin (L & T: Online)	11:00 - 12:00	Manylion
08-01-2021	E-learning Essentials: Introduction to Panopto (L & T: Online)	14:00 - 15:00	Manylion
11-01-2021	E-learning Essentials: Introduction to Component Marks Transfer (L & T: Online)	11:00 - 12:00	Manylion
12-01-2021	Hanfodion E-ddysgu: Cyflwyniad i Blackboard, Panopto a Turnitin (D & A: Ar-lein)	10:00 - 11:30	Manylion
14-01-2021	E-learning Essentials: Moving to Online Teaching (L & T: Online)	10:00 - 11:30	Manylion
15-01-2021	E-learning Essentials: Using MS Teams for Learning and Teaching Activities (L & T: Online)	11:00 - 12:00	Manylion
18-01-2021	Hanfodion E-ddysgu: Defnyddio MS Teams a symud i Addysgu Ar-lein (D & A: Ar-lein)	14:00 - 15:30	Manylion

Am restr lawn o’r holl sesiynau yn ystod y tymor ac i archebu lle ar unrhyw gwrs, ewch i’r wefan hyfforddi staff. Byddwn ni hefyd yn rhedeg cyfres o sesiynau E-ddysgu Uwch tymor nesaf ac fe gyhoeddwn wybodaeth bellach am y rhain yn y flwyddyn newydd.

Os oes gennych unrhyw gwestiynau am unrhyw un o’n sesiynau, mae croeso i chi anfon e-bost at udda@aber.ac.uk.

Gan bawb o’r Uned Datblygu Dysgu ac Addysgu, hoffwn ddiolch o galon i chi am gefnogi ein gwaith drwy gydol y flwyddyn, a hoffwn ddymuno Nadolig Llawen a Blwyddyn Newydd Dda i chi gyd!

Ar gyfer y Fforwm Academi ddiwethaf yn Semester Un gwnaethom ddewis un o’r pynciau mwyaf cyffredin a godir gan staff dysgu; sef sut mae ysgogi myfyrwyr, yn arbennig yng nghyd-destun dysgu ar-lein?

Yn rhan gyntaf y semester cafwyd trafodaeth gyffredinol a ddechreuodd wrth fyfyrio ar bryd yr ydym ni’n teimlo wedi’n hysgogi fwyaf, ac amlygwyd ffactorau megis: 

• Os oes pwysau allanol (dyddiad cau)
• Os yw’n bleserus
• Os yw’n ymwneud â phobl eraill
• Os nad yw’r tasgau’n anodd, pwysig neu amlochrog
• Os ydych chi’n cael adborth cadarnhaol

Gwnaeth y rhai a fynychodd hefyd rannu eu strategaethau ar gyfer cynnal eu hysgogiad  :

• Newid rhwng tasgau
• Torri prosiectau mawr yn dasgau llai
• Gofyn i’ch hun pam mae angen i chi wneud y gwaith?
• Cwblhau tasg fach, rwydd a defnyddio’r ysgogiad a’r ymdeimlad o lwyddiant a ddaw yn sgil hynny i weithio ar rywbeth arall
• Cwyno llai am orfod gwneud y dasg a mynd ati i’w gwneud
• Defnyddio rhestrau a gallu croesi pethau allan
• Gosod targedau realistig
• Gofalu amdanoch chi eich hun (ceisio ystyried y gwaith o fewn persbectif ehangach)

Read More

[:cy]Mae un o’r nodweddion mwyaf disgwyliedig MS Teams wedi cyrraedd o’r diwedd…. Ystafelloedd Trafod (Breakout Rooms)! Mae ystafelloedd trafod yn caniatáu i drefnwyr cyfarfodydd greu ac enwi hyd at 50 o ystafelloedd ar wahân, mewn cyfarfodydd sydd wedi’u hamserlennu ac o fewn cyfarfodydd ‘meet now’. Gall trefnwyr yna benodi mynychwyr i’r ystafelloedd hynny naill ai’n awtomatig neu â llaw.

Byddwn yn rhyddhau canllawiau ar sut i greu a rheoli ystafelloedd trafod (i staff) a sut i gymryd rhan o fewn ystafelloedd trafod (i fyfyrwyr) yr wythnos nesaf. Am y tro, dyma ganllaw gan Microsoft ar sut i greu a rheoli ystafelloedd trafod o fewn Teams.

Sut mae’r eicon ar gyfer ystafelloedd trafod yn edrych?
Mae’r eicon ar gyfer ystafelloedd trafod wedi’i arddangos fel dau flwch (fel y nodir isod o fewn y blwch glas). Dylai hyn ymddangos ar eich bar rheoli.

Pam na allaf weld yr eicon hwn?
Os na allwch weld yr eicon hwn, mae dau reswm tebygol:

1. 1. Dim ond trefnwyr cyfarfodydd all greu a rheoli ystafelloedd trafod. Os nad chi yw trefnydd y cyfarfod, yna ni fyddwch yn gallu creu a rheoli ystafelloedd trafod o fewn Teams ac ni fyddwch chwaith yn gallu gweld yr eicon yn ystod y cyfarfod hwnnw.
2. Efallai fod MS Teams heb ddiweddaru’n awtomatig. I wneud hyn eich hun, cliciwch ar eich delwedd yng nghornel dde uchaf y sgrin (gweler y blwch melyn ar y ddelwedd isod) ac yna dewiswch ‘

Check for Updates ‘ (gweler y blwch oren).

Os oes gennych chi unrhyw gwestiynau am sut i ddefnyddio Teams, cysylltwch â Gwasanaethau Gwybodaeth (gg@aber.ac.uk).

Fel darlithydd ym maes dysgu ac addysgu sy’n gyfrifol am y TUAAU, rwy’n cadw llygad am adnoddau newydd i gynorthwyo ein staff i ddysgu’n effeithiol ar-lein. Mae hyn yn cynnwys gweminarau allanol, pecynnau cymorth, cyhoeddiadau ac adnoddau eraill. Oherwydd bod dysgu gweithredol yn cael blaenoriaeth ar agenda’r Brifysgol, rwy’n hynod o awyddus i rannu canllawiau ar gyfer symud dysgu gweithredol ar-lein.   Rwyf wedi rhestru isod eitemau y sylwais arnynt yn ystod yr wythnos ddiwethaf. Er mwyn eglurder, ein polisi yw dangos y teitlau a’r disgrifiadau yn yr iaith y cyflwynir yr adnoddau ynddi.      

• 14-18/12/2020 SEDA Winter Festival “The programme covers a wide range of educational change and development – from ways to foster our learners’ inner feedback, through various individual and institutional responses to the COVID-19 crisis and moves to virtual teaching and online support, including both staff and student perspectives, with contributions from across the UK and from China.”
• 13/1/2021 SHIFT L&T Conference “Radically reimagining Higher Education for a new era: working together for a just and sustainable future”, University of Greenwich
• 29/1/2021 Keeping it Real: Celebrating Authentic Learning in the UK “This half-day conference will explore the diverse authentic learning approaches adopted by colleagues across the UK through a variety of talks and case studies”, University of Bath and King’s Academy, King’s College London
• Advance HE (1/12/2020), #52etc – 52 Engaging Toolkit Cards for enhancing student engagement 
• Caines, A. (7/12/2020), The Zoom Gaze: Video conferencing offers an illusory sense of unilateral control over conversations, Real Life Magazine 
• Centre for Learning and Teaching, American University in Cairo (23/11/2020), Guide to Design your Course for Online Instruction
• Covey, I. (9/12/2020), Cyhoeddi fersiwn Cymraeg o’r Fframwaith Ymarfer Goruchwyliol Da
• Darby, F. (17/4/2019), How to be a Better Online Teacher, Chronicle of Higher Education
• Learning Scientists Podcast (3/12/2020), Episode 52 – Two University Students Share Their Experiences with Online Learning During A Pandemic 
• Riggs, S. (15/4/2020), Student-Centered Remote Teaching: Lessons Learned from Online Education, Educause Review 
• Udalowska, A. (9/12/2020), Why and how to help students to reflect on their learning?, Aberystwyth University LTEU Blog
• UK Council for Graduate Education, The Good Supervisory Practice Framework 
• Walmsley-Smith, H. (2/12/2020), Helping designers design effective online learning, SEDA Blog
• Wesch, M. (25/22/2020), How a Reluctant Online Teacher found Joy, Purpose and Adventure Teaching Online, Media & Learning

Ewch i’r dudalen archebu Hyfforddiant Staff i weld pa hyfforddiant a gynigir gan yr Uned Datblygu Dysgu ac Addysgu a staff eraill Prifysgol Aberystwyth. Gobeithio y bydd y crynodeb wythnosol hwn o adnoddau yn ddefnyddiol ichi. Os oes gennych unrhyw gwestiynau neu awgrymiadau, cysylltwch â’n tîm ar lteu@aber.ac.uk. Efallai hefyd yr hoffech ddilyn fy nghyfrif Twitter, Mary Jacob L&T.

[:cy]Yn yr Academi Arddangos nesaf eleni, roeddem yn edrych ar pam a sut y dylid helpu myfyrwyr i fyfyrio ar yr hyn y maent yn ei ddysgu. Cododd ein trafodaeth o’r ymgais i ddiffinio ystyr myfyrio.  Drwy ddefnyddio’r feddalwedd pleidleisio, casglwyd syniadau cychwynnol y rhai oedd yn bresennol, oedd yn cyffwrdd ar wahanol agweddau ar fyfyrio gan gynnwys dysgu, herio rhagdybiaethau, sylwi, gwerthuso a meddwl am weithred.

“Yn syml, mae myfyrio yn ymwneud â hyrwyddo ymagweddau dwys a lleihau ymagweddau arwynebol at ddysgu” (Hinett, 2002 fel y’i dyfynnir yn Philip, 2006,t. 37). Mae’r myfyrwyr sy’n mabwysiadu ymagwedd fwy arwynebol at ddysgu a myfyrwyr nad oes ganddynt lawer o ddiddordeb yn y pwnc yn fwy tebygol o edrych ar unrhyw asesiad fel modd o gyrraedd y nod yn unig. Fodd bynnag, mae’r myfyrwyr sy’n mabwysiadu ymagwedd ddofn, sy’n ymroddedig i ddeall y pwnc, a’r rhai sy’n rhoi’r amser i feddwl am yr adborth yn llawer mwy tebygol o berfformio’n well yn y dyfodol. Y gwahaniaeth rhwng y ddwy ymagwedd (arwynebol a dwfn) yw bod y dysgwr ‘dwfn’ yn myfyrio ar brofiad. Mae myfyrio hefyd yn ffordd o gael myfyrwyr i sylweddoli mai tynnu ar brofiadau bywyd yw hanfod dysgu, ac nad yw dysgu’n rhywbeth sy’n digwydd yn y ddarlithfa’n unig. Mae’n helpu myfyrwyr i feddwl am beth, pam a sut maen nhw’n dysgu a deall bod hyn yn effeithio ar eu llwyddiant (Philip, 2006).

Fel yr ailadroddir gan Race (2002 fel y’i dyfynnir yn Philip, 2006, t.37): “Mae myfyrio yn dwysáu’r dysgu. Mae’r weithred o fyfyrio yn un sy’n peri inni wneud synnwyr o’r hyn yr ydym wedi ei ddysgu, pam ein bod wedi ei ddysgu a sut y digwyddodd y cynnydd penodol hwnnw yn ein dysg. Hefyd, mae myfyrio yn golygu cysylltu un cynnydd o ran dysg â safbwynt ehangach y dysgu – gan agosáu at weld y darlun ehangach.  Mae myfyrio yr un mor ddefnyddiol pan fo’r dysgu wedi bod yn aflwyddiannus – mewn achosion o’r fath gall myfyrio daflu goleuni ar yr hyn a allai fod wedi mynd o’i le â’n dysgu, a sut y gallem osgoi’r maglau yr ydym bellach yn gyfarwydd â hwy o hyn ymlaen. Yn bennaf oll, fodd bynnag, cydnabyddir fwyfwy fod myfyrio yn sgil drosglwyddadwy bwysig, a bod pawb o’n cwmpas yn rhoi pwys mawr ar y sgil honno, ym myd cyflogaeth ac mewn bywyd bob dydd.”

Read More

I’r staff sy’n ymwneud â Throsglwyddo Marciau Cydrannol, mae ein canllaw ar-lein ar gael ar ein tudalennau ar y we a’n Cwestiynau Cyffredin.

Byddwn hefyd yn cynnal ein sesiynau E-ddysgu Hanfodol: Cyflwyniad i Farciau Cydrannol ar:
14.12.2020, 11am-12pm
11.01.2021, 11am-12pm

Rhaglen yr Cynhadledd Fer

Ddydd Llyn 16  Rhagfyr, ar 10.30yb, bydd yr Uned Datblygu Dyscu ac Addysgu’n cynnal Cynhadledd Fer yr Academi eleni.

Mae’r Gynhadledd Fer yn fersiwn llai o’n Cynhadledd Dysgu ac Addysgu Flynyddol sy’n ein galluogi i gasglu ynghyd gyfres o gyflwyniadau a gweithdai sy’n ymwneud â phwnc dysgu ac addysgu penodol.

Thema’r Gynhadledd Fer eleni yw Gwaith Grŵp ac Asesiad Grŵp.

Mae’n bleser gennym gadarnhau ein rhaglen:

• Yr Athro John Traxler, Professor of Digital Learning, University of Wolverhampton: Working (Groups) in the Digital Age
• Dr Jennifer Wood & Roberta Sartoni (Ieithoedd Modern): Group Work as an Active-Learning Tool in Translation Classes
• Janet Roland & John Harrington (Gwasanaethau Cymorth Myfyrwyr): Supporting students who find group work challenging
• Dr Gareth Llŷr Evans (Astudiaethau Theatr, Ffilm a Theledu): Prosesau Creadigol Agored ac Asesu Grwpiau Bach
• Dr Ian Archer (Uned Datblygu Dysgu ac Addysgu): Learning Environments and your personality preferences
• Mary Jacob (Uned Datblygu Dysgu ac Addysgu): Designing and Assessing Group Work

Gobeithio y bydd modd i chi ymuno â ni ar gyfer y digwyddiad hwn. Nifer cyfyngedig o leoedd sydd ar gael yn y Gynhadledd Fer felly archebwch le drwy’r dudalen archebu hon.

[:cy]Mae Prifysgol Aberystwyth yn cymryd rhan yn y prosiect Profiad Mewnwelediad Digidol sy’n ceisio ymchwilio i brofiadau ein myfyrwyr o dechnoleg. Mae’r prosiect yn seiliedig ar arolygon ar-lein a gynlluniwyd gan Jisc ac a ddefnyddir gan sefydliadau gwahanol ledled y DU.

Mae’n galluogi inni gael gwell syniad o sut mae myfyrwyr yn defnyddio technoleg a meincnodi ein canlyniadau yn erbyn sefydliadau Addysg Uwch eraill yn ein sector.

Byddem yn gwerthfawrogi eich cymorth i hyrwyddo’r arolwg hwn i’r holl fyfyrwyr.

• https://insights2020.onlinesurveys.ac.uk/aucampus19cy
• https://insights2020.onlinesurveys.ac.uk/auonlinestudent2019cy (Dysgwyr o Bell)