NEWYDD: Nodwedd Cyfarfodydd MS Teams sy’n ailddigwydd yn Blackboard

Heddiw, mae nodwedd newydd ar gael yn Blackboard sy’n eich galluogi i greu cyfarfodydd MS Teams sy’n ailddigwydd.

Mae’r nodwedd newydd hon yn gweithio yn yr un modd â’r opsiynau ailddigwydd sydd ar gael yn Outlook. Fel y gwelir yn y ddelwedd isod, gallwch bellach drefnu cyfarfodydd MS Teams drwy Blackboard yn seiliedig ar ba mor aml yr ydych am iddynt ddigwydd; ar ba ddyddiau yr ydych am iddynt ailddigwydd; a phryd yr hoffech i’r ailadrodd ddod i ben.

Dylid annog myfyrwyr i ychwanegu’r ddolen hon at eu calendrau gan y bydd hyn yn ychwanegu’r gyfres gyfan at eu calendrau yn awtomatig.

Llun yn dangos pa ddewisiadau sydd yn y nodwedd newydd

Wrth drefnu eich cyfarfod sy’n ailadrodd, sicrhewch eich bod yn cynnwys gwybodaeth glir am ba sesiynau y dylai’r myfyrwyr ymuno â drwy’r ddolen yr ydych newydd ei greu.

Tabl yn dangos pa sesiynau sy'n gysylltiedig a'r ddolen Teams

I gael rhagor o wybodaeth am sut i ddefnyddio’r nodwedd newydd hon, ewch i’n ‘Cwestiynau a Holir yn Aml’.

Gweithgareddau amgen i addysgu wyneb yn wyneb

Efallai y bydd adegau lle nad yw’n ymarferol bosibl i chi ddarparu sesiynau (e.e. seminarau, gweithdai, ayyb) ar yr un pryd wyneb yn wyneb i fyfyrwyr yn yr ystafell ddysgu ac i’r rheini sy’n ymuno drwy MS Teams.

Yn y blog hwn, byddwn yn archwilio rhai opsiynau ar gyfer darparu gweithgareddau amgen i’r myfyrwyr hynny na allant ymuno â sesiynau wyneb yn wyneb. Cyn i chi ddechrau creu gweithgaredd amgen, ystyriwch y pwyntiau canlynol:

1.

    • Pa weithgaredd arall a fyddai’n efelychu orau y profiad y mae myfyrwyr yn y sesiwn wyneb yn wyneb yn ei gael?

2.

    • Beth yw fy nghanlyniadau dysgu arfaethedig a pha weithgareddau fyddai’n cyflawni’r rhain orau?

3.

    • Faint o amser fydd hi’n cymryd i mi gynllunio gweithgaredd ac a oes gen i ddigon o amser?

4.

    • Meddyliwch yn ofalus am eich meini prawf asesu – a fydd y gweithgaredd amgen a ddarperwch yn caniatáu i’r myfyrwyr gynnal asesiadau’r modiwl yn llwyddiannus?

5.

    Mae eglurder a ffocws wrth wraidd unrhyw weithgaredd ar-lein sydd wedi’i gynllunio’n dda. Sicrhewch fod myfyrwyr sy’n defnyddio eich gweithgaredd amgen yn gwybod yn union beth maen nhw’n ei wneud a pham maen nhw’n ei wneud. Os ydych yn gofyn i’ch myfyrwyr ddefnyddio unrhyw dechnoleg, rhaid i chi roi arweiniad clir a chryno iddynt ar sut i’w defnyddio.

Parhau i ddarllen

Datblygiad Proffesiynol Parhaus cyfrwng Cymraeg – Beth sydd ymlaen?

Mae’r Uned Datblygu Dysgu ac Addysgu yn cynnig nifer o sesiynau Datblygu Proffesiynol Parhaus (DPP) mewn amrywiaeth o bynciau. Cynigir sesiynau drwy gyfrwng y Gymraeg a’r Saesneg a bydd sesiynau cyfrwng Cymraeg yn ymddangos yn Gymraeg ar wefan hyfforddi staff. Dyma drosolwg o’r sesiynau cyfrwng Cymraeg yr ydym yn eu cynnig drwy weddill y semester:

Tachwedd 2020

16.11.20 (11:00-12:30):

    • CDU: Datblygu eich arferion addysgu (D & A: Ar-lein)

17.11.20 (14:00-15:30):

    • CDU: Defnyddio MS Teams, Offer yr Ystafell Ddysgu ac Addysgu syncronaidd (D & A: Ar-lein)

20.11.20 (14:00-15:00):

    • Hanfodion E-ddysgu: Cyflwyniad i Turnitin (D & A: Ar-lein)

25.11.20 (11:00-12:00):

    Hanfodion E-ddysgu: Cyflwyniad i Panopto (D & A: Ar-lein)

Parhau i ddarllen

Cynhadledd Fer yr Academi (galwad am gynigion) – ‘Cyngor i Weithredu: Hyrwyddo Arfer Adborth Dda’

Mini Conference Logo
Ar Ddydd Mercher 16eg o Ragfyr, bydd yr Uned Datblygu Dysgu ac Addysgu yn cynnal y cyntaf o Gynadleddau Byr yr Academi eleni, a hynny ar-lein. Y thema fydd ‘Cyngor i Weithredu: Hyrwyddo Arfer Adborth Dda’, a byddwn yn archwilio sut i wneud adborth yn fwy defnyddiol a diddorol ar gyfer ein myfyrwyr.

Y tri phrif edefyn ar gyfer y Gynhadledd Fer fydd:

    • Marcio asesiadau grŵp
    • Asesu ac adborth gan gymheiriaid
    • Gwella sut mae myfyrwyr yn dysgu drwy adborth

Rydym yn chwilio am gynigion gan staff, cynorthwywyr addysgu ôl-raddedig a myfyrwyr, i roi cyflwyniadau, arddangosiadau, gweithdai a thrafodaethau ar eu harferion adborth ac asesu cyfredol. Hyd yn oed os nad yw eich cynnig yn cyd-fynd yn union â’r edefynnau uchod, croesawn gynigion perthnasol eraill.

Os hoffech gyflwyno cynnig i’r Gynhadledd Fer, llenwch y ffurflen ar-lein hon cyn Dydd Mercher 18fed o Dachwedd.

Gallwch gofrestru i fynychu’r Gynhadledd Fer drwy glicio ar y ddolen hon. Os oes gennych unrhyw ymholiadau, anfonwch e-bost at eddysgu@aber.ac.uk.

Coleg Cymraeg Cenedlaethol: Hyfforddiant mis Hydref


Hyfforddiant ar gyfer myfyrwyr ymchwil
Bydd y Coleg Cymraeg Cenedlaethol yn rhedeg nifer o weithdai ar gyfer myfyrwyr ymchwil drwy’r flwyddyn fel rhan o’u Rhaglen Sgiliau Ymchwil. Dyma gopi llawn o’r rhaglen ar gyfer 2020/21. Bydd rhaid i chi gofrestru o flaen llaw ar gyfer unrhyw weithdy, a gallwch wneud hynny drwy ddilyn y ddolen hon.

Dyma gip olwg i chi o’r gweithdai sydd yn rhedeg drwy gydol mis Hydref:

    Dydd Mawrth (13 Hydref), 11:00-11:30 – ‘Cyfres Iechyd a Lles myfyrwyr ôl-radd (Edrych ar ôl eich hun)’ – Andrew Tamplin (sesiwn 1/3 o’r Gyfres Iechyd a Lles myfyrwyr)
    Dydd Gwener (16 Hydref), 14:00-16:00 – ‘Sgiliau Addysgu ar gyfer Myfyrwyr Ôl-radd’ – Dyddgu Hywel
    Dydd Mawrth (20 Hydref), 11:00-12:00 – Rheoli amser a phwysau gwaith (gyda ffocws ar weithio o bell)’ – Mari Ellis Roberts
    Dydd Gwener (23 Hydref), 11:00-12:00 – ‘Rheoli’ch goruchwyliwr (gyda ffocws ar weithio o bell)’ – Nia Gwynn Meacher a Seren Evans


Hyfforddiant ar gyfer staff

Hefyd, fel rhan o Raglen Datblygu Staff (2020/21), mae’r gyfres ‘Iechyd a Lles: Chi fel Staff a’ch Myfyrwyr’ yn parhau fore Mawrth nesaf (9:30-10:00). Mae croeso mawr i unrhyw aelod o staff gofrestru a gallwch wneud hynny drwy ddilyn y ddolen hon.

Sesiynau Galw Heibio MS Teams Ychwanegol

Yn dilyn llwyddiant ein sesiynau galw heibio ar ddefnyddio MS Teams ar gyfer Gweithgareddau Dysgu ac Addysgu, rydym wedi penderfynu cynnal y sesiynau hyn drwy gydol mis Hydref.

Bydd y rhain yn gyfle anffurfiol i chi siarad â’n Harbenigwyr Dysgu Ar-lein ac i fynd i’r afael ag unrhyw ymholiadau a allai fod wedi codi yn ystod wythnosau cyntaf y tymor. Mae croeso i chi ofyn i ni am gyngor ar unrhyw agweddau sy’n ymwneud â defnyddio MS Teams – o gyngor technegol i gyngor ar ddefnyddio MS Teams ar gyfer myfyrwyr sydd ddim yn gallu ymuno â sesiynau wyneb yn wyneb.

*Noder y bydd sesiynau gyda seren (*) yn sesiynau dwyieithog, a bydd pob sesiwn heb seren yn cael ei rhedeg fel sesiynau cyfrwng Saesneg.

Bydd y sesiynau galw heibio hyn yn cael eu cynnal ar:

09.10.2020 (10:00-11:00):Ymunwch â Chyfarfod MS Teams *

13.10.2020 (10:00-11:00): Ymunwch â Chyfarfod MS Teams *

14.10.2020 (14:00-15:00):Ymunwch â Chyfarfod MS Teams

16.10.2020 (10:00-11:00):Ymunwch â Chyfarfod MS Teams *

20.10.2020 (10:00-11:00): Ymunwch â Chyfarfod MS Teams *

21.10.2020 (14:00-15:00): Ymunwch â Chyfarfod MS Teams

23.10.2020 (10:00-11:00): Ymunwch â Chyfarfod MS Teams *

27.10.2020 (10:00-11:00): Ymunwch â Chyfarfod MS Teams *

28.10.2020 (14:00-15:00): Ymunwch â Chyfarfod MS Teams

30.10.2020 (10:00-11:00): Ymunwch â Chyfarfod MS Teams *

MS Teams: Sesiynau Galw Heibio

Hoffem gynnig cyfle i staff y Brifysgol ymuno â ni yn ein sesiynau galw heibio ar ddefnyddio MS Teams ar gyfer Gweithgareddau Dysgu ac Addysgu. Bydd y rhain yn gyfle anffurfiol i chi siarad â’n Harbenigwyr Dysgu Ar-lein ac i fynd i’r afael ag unrhyw broblemau a allai fod wedi codi yn ystod wythnosau cyntaf y tymor.

Cynhelir pob sesiwn galw heibio drwy MS Teams ac nid oes angen archebu lle, dim ond clicio ar y dolenni isod.

Bydd y sesiynau galw heibio hyn yn cael eu cynnal ar:
06.10.2020 (10:00-11:00): Ymunwch â Chyfarfod MS Teams

07.10.2020 (14:00-15:00): Ymunwch â Chyfarfod MS Teams

09.10.2020 (10:00-11:00): Ymunwch â Chyfarfod MS Teams

13.10.2020 (10:00-11:00): Ymunwch â Chyfarfod MS Teams

14.10.2020 (14:00-15:00): Ymunwch â Chyfarfod MS Teams

16.10.2020 (10:00-11:00): Ymunwch â Chyfarfod MS Teams

Gobeithiwn y bydd y sesiynau hyn yn rhoi cyfle i chi gael atebion i unrhyw gwestiynau am eich anghenion addysgu.

Fforwm Academi 2020/21


Mae’r Fforwm Academi yn darparu llwyfan i rannu arferion da o ran dysgu ac addysgu. Mae’r Fforwm yn agored i aelodau o gymuned y Brifysgol: mae croeso i staff dysgu, tiwtoriaid uwchraddedig, staff cynorthwyol, a myfyrwyr. Bydd pob fforwm yn ystod 2020/21 yn cael eu cynnal ar-lein a gallwch glicio yma i archebu eich lle.

Y Fforymau Academi ar gyfer y flwyddyn 2020/21 yw:

07.10.2020 (14:00-15:30): Creating a Learning and Teaching Community

19.10.2020 (11:00-12:30): Creating Podcasts in Panopto

19.11.2020 (10:00-11:30): Why and how to help students to reflect on their learning?

30.11.2020 (14:00-15:30): Motivation strategies for Online Learning Engagement

27.01.2021 (15:00-16:30): How can I plan online and in person activities?

19.02.2021 (10:00-11:30): How can I make my teaching more inclusive?

Gobeithio y gallwch ymuno â ni ar gyfer y fforymau. Cysylltwch â ni os oes gennych unrhyw ymholiadau (udda@aber.ac.uk).

MS Teams: 10 Cwestiwn Cyffredin

Yn dilyn sesiynau hyfforddi a gynhaliwyd gennym yn ystod yr wythnosau diwethaf ar ddefnyddio MS Teams ar gyfer gweithgareddau dysgu ac addysgu, dyma atebion i 10 cwestiwn cyffredin. Ceir rhagor o wybodaeth ar ddefnyddio MS Teams yn ein hadran cwestiynau cyffredin, ac mae croeso i chi gysylltu â ni os oes gennych unrhyw ymholiadau pellach (udda@aber.ac.uk).

C1: Os ydw i’n rhannu fy sgrin alla i weld y chat o hyd?
A1: Yn anffodus, oni bai fod gennych ddwy sgrin yna ni fydd hyn yn bosibl. Gallech naill ai ofyn i fyfyriwr neu gydweithiwr fonitro’r chat i chi neu gallech roi’r gorau i rannu eich sgrin o bryd i’w gilydd i wirio beth sydd wedi’i bostio yn y chat. Mae rhai opsiynau rhannu sgrin uwch yn bodoli a allai eich galluogi i weld y chat mewn rhai achosion, ac rydym yn hapus i drafod y rhain gyda chi ymhellach.

C2: Hoffwn ychwanegu unigolyn allanol o’r tu allan i Brifysgol Aberystwyth at un o’m timau, a yw hyn yn bosibl?
A2: Mae’n bosibl ychwanegu unigolion allanol sydd â chyfrif Office 365 gyda pharth ac.uk, ond bydd angen i unrhyw unigolyn allanol sydd heb gyfrif ac.uk gael mynediad yna bydd yn rhaid i chi i lenwi ffurflen gais er mwyn iddynt gael mynediad at Teams Prifysgol Aberystwyth. Fel arall, gallech sefydlu cyfarfodydd gydag unigolion allanol drwy MS Teams heb orfod gofyn am fynediad.

C3: Ar ôl cofnodi cyfarfod, sut byddwn i’n cael gafael ar y recordiad a pha mor hir bydd ar gael?
A3: Ar ôl dod â chyfarfod i ben bydd y recordiad yn ymddangos yn y chat a bydd hwn ar gael i’w lawrlwytho am 22 diwrnod. Mae’n syniad da eich bod yn ymgyfarwyddo â Pholisi Cipio Darlithoedd y Brifysgol am fanylion am ba fath o sesiynau mae’n briodol eu recordio. Parhau i ddarllen

6 Hydref 2020: ‘Cyflwyniad i Ymchwil’ gyda Dr Elin Royles


Ymunwch â Dr Elin Royles ar 6 Hydref 2020 rhwng 11:00 a 12:30, fydd yn eich cyflwyno chi i ymchwil uwchraddedig. Bydd y sesiwn yn un byw ar-lein a gallwch gofrestru drwy ddilyn y ddolen hon.

Mae’r gweithdy hwn yn cael ei gynnal fel rhan o Raglen Sgiliau Ymchwil y Coleg Cymraeg Cenedlaethol, a dyma gopi llawn o’r rhaglen ar gyfer 2020/21.