Categori: Meddalwedd Pleidleisio

Diweddariadau Vevox

WordPress User [jbw] Hyfforddiant a Chymorth, Meddalwedd Pleidleisio, Vevox Leave a comment
Sgrinlun o gwestiwn rhifol gydag allbwn Word Cloud

Mae gan Vevox, sef dewis y Brifysgol o ddull pleidleisio, nodweddion newydd gwych o’r diweddariadau ym mis Medi 2024 a mis Rhagfyr 2024.  

I gydweithwyr sy’n anghyfarwydd â Vevox, gellir ei ddefnyddio i wneud eich addysgu yn fwy rhyngweithiol, ac i helpu i wneud penderfyniadau mewn cyfarfodydd. Mae cyfranogwyr yn defnyddio dyfeisiau symudol i gymryd rhan mewn pleidleisio amser real, ond mae yna opsiynau hefyd ar gyfer arolygon anghydamserol a byrddau cwestiwn ac ateb.

Mae’r holl ddiweddariadau hyn ar gael ar y Recordiad YouTube hwn a thrwy’r nodiadau datganiad hyn:

1. Labeli Cwestiwn ac Ateb

Gall gwesteion sesiwn ddiffinio labeli y gellir bellach eu gweld a’u defnyddio gan gyfranogwyr. Mae hyn yn golygu y gall cyfranogwyr dagio eu negeseuon cwestiwn ac ateb gyda label wedi’i ddiffinio ymlaen llaw. Er enghraifft, efallai yr hoffech gael label ar gyfer Asesu i ganiatáu i fyfyrwyr gysylltu eu cwestiynau â thag.

2. Cymharu canlyniadau arolwg barn yn eich sesiwn

Mae hwn yn weithgaredd defnyddiol i fesur effaith sesiwn addysgu. Gofynnwch un cwestiwn i fyfyrwyr ar ddechrau’r sesiwn i fesur lefel eu dealltwriaeth ac yna gofynnwch yr un cwestiwn iddyn nhw ar ddiwedd y sesiwn i weld a yw eu dealltwriaeth wedi newid. Gweler y Diweddariad Vevox am gyfarwyddiadau ar sut i gyflawni hyn.

3. Opsiynau tanbleidleisio

Yn ddiofyn, mae’r bwrdd C ac A yn caniatáu i gyfranogwyr uwchbleidleisio cwestiynau. Mae hyn yn golygu y gallwch drefnu cwestiynau yn ôl y rhai y mae’r rhan fwyaf o gyfranogwyr eisiau eu gofyn. Mae Vevox wedi cyflwyno gosodiad tanbleidleisio y gallwch ei ddefnyddio i ganiatáu i’ch cyfranogwyr danbleidleisio cwestiynau. Gallwch newid y gosodiadau hyn yn y rhyngwyneb gosodiadau C ac A.

4. Dull amgen o arddangos canlyniadau

Bellach gellir arddangos ymatebion i gwestiynau arolwg MCQ mewn gwahanol ffyrdd. Gallwch ddefnyddio’r graff bar traddodiadol ond nawr gallwch ddewis arddangos eich allbwn fel siart cylch. Gallwch newid y wedd mewn amser real trwy gael panel gweinyddol Vevox ar agor ar un sgrin yn y ddarlith a chael y ffenestr cyflwynydd wedi’i thaflunio.

5. Rhyddhau cwestiwn cwmwl rhif

Mae’r pôl rhif yn rhoi’r opsiwn i hyfforddwyr arddangos sut mae’r allbwn yn cael ei ddangos gyda rhyngwyneb newydd ar ffurf Cwmwl Geiriau. Gallwch ddewis cael hyn fel allbwn o’r rhyngwyneb cwestiwn pleidleisio.

6. Fformatio waliau testun

Mae canlyniadau ar gyfer y cwestiwn arddull ateb bellach yn ymddangos mewn modd symlach wrth gyhoeddi’r canlyniadau. Yn hytrach na dangos yr allbwn yn llawn, dangosir y brawddegau cyntaf yn unig. Gall yr hyfforddwr glicio ar y sylwadau yr hoffent dynnu sylw atynt a bydd yn dangos yr ymateb llawn.

7. Canlyniadau amser real PowerPoint

Mae’r integreiddiad PowerPoint wedi’i ddiweddaru i allu dangos canlyniadau Cwmwl Geiriau, Siart Cylch a Chwmwl Rhif yn fyw. Mae rhagor o wybodaeth am ddefnyddio integreiddiad PowerPoint Vevox ar gael ar eu tudalen we.

8. Opsiynau testun cyfoethog ar gyfer fformatio cwestiwn

Mae testun trwm, italig a thanlinellu bellach yn opsiynau wrth fformatio cwestiynau.

9. Tracio presenoldeb

Ar gyfer polau a nodwyd, gallwch redeg gwybodaeth am bresenoldeb o’r adroddiadau data. Yna gallwch weld pryd ymunodd cyfranogwyr â’r sesiwn a phryd y gwnaethant adael y sesiwn.

10. Hidlyddion cabledd addasadwy

Fel gweinyddwyr cyfrif, gallwn ychwanegu geiriau at yr hidlydd cabledd addasadwy. Bydd hyn yn cael ei gymhwyso i arolygon barn, arolygon, a nodweddion C ac A. Os oes gennych air yr hoffech ei gynnwys yn yr hidlydd cabledd, cysylltwch ag eddysgu@aber.ac.uk.

Mae rhagor o wybodaeth a chyngor i’w gweld ar ein tudalennau gwe: Adnodd Pleidleisio:   Gwasanaethau Gwybodaeth, Prifysgol Aberystwyth.

Mae diweddariadau ac astudiaethau achos blaenorol ar gael ar ein blog.

Vevox:  Adnodd Pleidleisio

WordPress User [jbw] Hyfforddiant a Chymorth, Meddalwedd Pleidleisio, Vevox Leave a comment

Mae Prifysgol Aberystwyth yn defnyddio Vevox, adnodd pleidleisio, sy’n galluogi i chi gael gwybodaeth amser real gan bobl yn eich sesiynau addysgu neu’r rhai yn eich cyfarfod.

Rydym wedi bod yn defnyddio Vevox ers dros 3 blynedd bellach ac roeddem yn falch o’i weld yn cael ei ddefnyddio mewn Sgyrsiau Croesawu gan gynnig cyfle i fyfyrwyr ofyn cwestiynau’n ddienw.

Rydym yn cynnal rhai sesiynau hyfforddi ar ddefnyddio Hanfodion E-ddysgu: Cyflwyniad i Vevox ar gyfer Dysgu ac Addysgu:

  • 4 Hydref, 10:10-11:30
  • 8 Hydref, 14:10-15:30

Cynhelir y sesiynau hyn ar-lein drwy Teams.

Yn ogystal â’n sesiynau hyfforddi mewnol, mae Vevox hefyd yn cynnal gweminarau sy’n rhannu arfer gorau ac astudiaethau achos gan eu cleientiaid eraill.

Os na allwch ymuno â’n sesiynau, mae Vevox yn cynnal eu sesiynau eu hunain a gallwch gofrestru ar gyfer y rhain yma: Getting started with Vevox I Your guide to Unmissable Classes

Am gymorth pellach i ddefnyddio Vevox, edrychwch ar ein Deunyddiau cymorth.

Pleidleisio ar Vevox: Diweddariad Haf 2024

WordPress User [jbw] Diweddariadau Technegol, Meddalwedd Pleidleisio Leave a comment

Mae’r Brifysgol wedi tanysgrifio i feddalwedd pleidleisio Vevox.  Gallwch gynnal gweithgareddau pleidleisio yn eich ystafell ddosbarth gan ddefnyddio dyfeisiau symudol i gymryd rhan.

Mae diweddariad Vevox ar gyfer haf 2024 yn cynnwys rhai swyddogaethau newydd yr ydym am dynnu eich sylw atynt. 

Math o gwestiwn newydd:  Pôl Graddfa sgorio

Mae’r math hwn o gwestiwn yn eich galluogi i osod graddfa sgorio o 1 i’r gwerth uchaf.  Gallwch ailenwi gwaelod y raddfa a brig y raddfa ac ychwanegu sawl eitem at y sgôr.

Byddai’r math hwn o gwestiwn yn ddefnyddiol ar gyfer gweithgareddau megis ‘y pwynt mwyaf dryslyd’ neu i nodi pynciau i’w hadolygu.

Gallwch ddisodli’r raddfa sgôr gyda sgôr o sêr yn lle hynny. 

I ddefnyddio’r cwestiwn graddfa, dewiswch ‘Create New’ a dewis ‘Rating Scale’ o’r ddewislen math o gwestiwn. 

Dewis delweddau mewn polau amlddewis

Gallwch gynnig opsiwn i’ch ymatebwyr ddewis delwedd fel detholiad yn y cwestiwn amlddewis.

Yn hytrach na rhoi testun, mae delweddau’n eich galluogi i greu ymateb mwy gweledol i’r math o gwestiwn. 

Gallwch ddefnyddio llyfrgell ddelweddau Unsplash i’ch helpu i ddod o hyd i ddelweddau sy’n berthnasol i’ch cwestiynau. 

Gosodiadau â chwestiynau penodol

Cyn hyn, roedd y gosodiadau a bennwyd gennych i’ch pôl yn berthnasol i’r holl gwestiynau.   Nawr, mae’n bosib dewis gwahanol osodiadau ar gyfer gwahanol gwestiynau pleidleisio. 

Gallwch ddewis newid:

  • Sut mae’r canlyniadau’n ymddangos mewn amser real
  • Sut mae’r canlyniadau’n ymddangos ar ddiwedd y bleidlais
  • Y gwahanol ddewis o gerddoriaeth wrth i’r amserydd gyfrif yr eiliadau 
  • Yr amserydd awtomatig sy’n cyfrif yr eiliadau

I newid gosodiadau cwestiynau unigol, dewiswch ‘Use custom settings for this poll’ yn rhyngwyneb y cwestiwn. 

Sawl arolwg / cwisiau ‘wrth eich pwysau’

Ar gyfer cydweithwyr sy’n defnyddio cwisiau ac arolygon i’w cwblhau ‘wrth eich pwysau’, mae bellach yn bosibl cynnal mwy nag un ar y tro.  Mae hyn yn golygu y gallwch eu hymgorffori ar draws gwahanol fodiwlau. 

Cymysgu Cwestiynau’r Arolwg 

Os ydych am i drefn y cwestiynau yn yr arolwg ymddangos ar hap, dewiswch ‘Shuffle question order’ ar ryngwyneb yr arolwg. 

Hanes delweddau

Bydd Vevox nawr yn arbed y delweddau a lanlwyddir gennych i’w defnyddio mewn polau pleidleisio.  Bydd hyn yn helpu i arbed amser wrth lwytho ac ail-greu cwestiynau. 

Edrychwch ar ein tudalennau cymorth ar gyfer defnyddio Vevox.  Gallwch hefyd ddarllen diweddariadau blaenorol ar y blog.

Mae Vevox yn cynnal gweminarau rheolaidd ar sut i ddefnyddio’r feddalwedd.  Cofrestrwch ar-lein ar gyfer y rhain. 

Os oes gennych unrhyw gwestiynau, cysylltwch â’r Uned Datblygu Dysgu ac Addysgu (eddysgu@aber.ac.uk). 

Cyfres o weminarau Vevox

WordPress User [jbw] Meddalwedd Pleidleisio, Vevox Leave a comment

Mae Vevox, ein meddalwedd bleidleisio, yn cynnal cyfres o weminarau sy’n arddangos yr arferion gorau o integreiddio pleidleisio i weithgareddau dysgu ac addysgu. 

Cynhelir y sesiynau hyn ar-lein. 

Ar 22 Mawrth am 3pm, bydd Patrick Cadwell o Brifysgol Dinas Dulyn yn arddangos sut maen nhw’n defnyddio meddalwedd pleidleisio ar gyfer astudiaethau cyfieithu. 

Ar 26 Ebrill am 3pm, bydd Liam Bagley o Brifysgol Metropolitan Manceinion yn arddangos sut maen nhw’n defnyddio meddalwedd pleidleisio i hyfforddi ar gyfer sefyllfaoedd yn y byd go iawn o fewn cyd-destun iechyd a heneiddio’n iach. 

Gweler tudalen Vevox ar y we i gael rhagor o wybodaeth ac i archebu eich lle. 

Vevox: Meddalwedd Pleidleisio’r Brifysgol

WordPress User [jbw] Meddalwedd Pleidleisio, Vevox, Ystafelloedd Addysgu Leave a comment

Mae gan y Brifysgol drwydded Vevox i’r holl staff a myfyrwyr ei defnyddio.
Meddalwedd Pleidleisio yw Vevox sy’n caniatáu i gyfranogwyr ddefnyddio eu dyfeisiau symudol i ymateb i gwestiynau.
Yn Semester 1, cynhaliwyd dros 300 o sesiynau Vevox, gyda thros 10,000 o gyfranogwyr a 1,500 o arolygon barn.
Mewn cyd-destunau dysgu ac addysgu, gallwch ddefnyddio Vevox i wneud eich addysgu yn fwy rhyngweithiol, gan roi cyfle i fyfyrwyr fyfyrio ar eu dysgu, ymateb i gwestiynau, darparu syniadau, a chyfnerthu eu dealltwriaeth.
Nid yw Vevox wedi’i gyfyngu i weithgareddau dysgu ac addysgu. Gallwch hefyd ddefnyddio Vevox mewn cyfarfodydd a gweithgareddau estyn allan i gynfasio barn, helpu i wneud penderfyniadau, a rhoi cyfle i gydweithwyr roi adborth.
Mae gwahanol fathau o gwestiynau ar gael:

  • Amlddewis
  • Cwmwl Geiriau
  • Graddio Testun
  • Rhifol
  • Sgorio
  • Plot XY
  • Pinio delwedd

Gallwch hefyd gynnal arolygon.

Mae’r nodwedd Cwestiwn ac Ateb yn rhoi cyfle i gydweithwyr adael i’r myfyrwyr ofyn cwestiynau ac i chi ymateb iddynt yn fyw yn y sesiwn.

Mae’r nodwedd hon yn ddefnyddiol ar gyfer technegau asesu yn yr ystafell ddosbarth, megis y pwynt mwyaf dryslyd ac adolygu cysyniadau allweddol.

Gyda’r nodwedd Cwestiwn ac Ateb, gall cyfranogwyr hefyd uwchbleidleisio sylwadau er mwyn i chi fynd i’r afael â chwestiynau. Gellir defnyddio’r nodwedd ddefnyddiol hon hefyd ar gyfer cyflwynwyr allanol a gweithgareddau cynadledda.

Gallwch gynnal dadansoddiadau ar eich arolygon barn i weld ymateb cyfranogwyr.

Fel sefydliad, mae gennym nifer o astudiaethau achos. Gweler ein neges flog flaenorol ar astudiaethau achos Vevox.

Os yw Vevox yn newydd i chi, mae gennym sesiwn hyfforddi ar 26 Ionawr am 11:00 ar-lein trwy Teams. Gallwch archebu lle drwy ein tudalen archebu DPP.

Mae gennym hefyd dudalen we sy’n ymroddedig i Vevox.

Mae ein holl ddiweddariadau Vevox blaenorol ar gael ar y blog UDDA.

Os oes gennych unrhyw gwestiynau, cysylltwch â’r Uned Datblygu Dysgu ac Addysgu (eddysgu@aber.ac.uk).

Gweminarau Ar-lein Hydref 2023 Pedagogeg Vevox

WordPress User [jbw] Adnoddau a Gweminarau, Meddalwedd Pleidleisio, Vevox Leave a comment

Vevox yw meddalwedd pleidleisio’r Brifysgol y gellir ei defnyddio i wneud addysgu’n fwy rhyngweithiol, ymgysylltu â grwpiau mawr, gwirio gwybodaeth a dealltwriaeth, a derbyn adborth.

Yn ogystal â’u sesiynau hyfforddi, mae Vevox yn cynnal cyfres o weminarau ar-lein sy’n arddangos ffyrdd arloesol o ddefnyddio polau piniwn mewn sefydliadau eraill.

Daw’r weminar ar-lein nesaf o Brifysgol De Cymru, lle bydd Dean Whitcombe yn cynnal sesiwn sy’n dwyn y teitl: The Use of Vevox in Simulation-based Education and research. Cynhelir y sesiwn hon am 2yp ar 4 Hydref.

Ar 11 Hydref, am 2yp, bydd James Wilson o Brifysgol Chichester yn arwain sesiwn, Once upon a Time: Using Vevox for Interactive Storytelling.

Gallwch gofrestru i fynychu’r sesiynau hyn ar y dudalen we hon.

Mae Prifysgol Aberystwyth wedi cynnal cyfres o weminarau yn y gorffennol ar gyfer Vevox sydd ar gael ar YouTube:

Os yw Vevox yn newydd i chi, edrychwch ar ein tudalen we meddalwedd pleidleisio. Mae Vevox yn cynnal sesiynau hyfforddi 15 munud ar brynhawniau Mawrth. Gallwch gofrestru ar eu cyfer ar weddalen Vevox.

Os oes gennych unrhyw gwestiynau, cysylltwch â’r Uned Datblygu Dysgu ac Addysgu (eddysgu@aber.ac.uk).

Cwestiynau wedi’u Cynhyrchu gan Ddeallusrwydd Artiffisial yn awr ar gael yn Vevox Polls

WordPress User [jbw] Cynhyrchu Deallusrwydd Artiffisial, Meddalwedd Pleidleisio, Vevox Leave a comment

Mae Cynhyrchydd Cwestiynau Deallusrwydd Artiffisial wedi cael ei ychwanegu at ein meddalwedd pleidleisio, Vevox, yn y fersiwn ddiweddaraf. Gall cyd-weithwyr yn awr greu cwestiynau gan ddefnyddio’r Cynhyrchydd Cwestiynau DA.

Mae rhagor o wybodaeth (gan gynnwys sut i’w ddefnyddio) ar gael ar wefan Vevox.

Fel gyda’r holl ddeunydd a gynhyrchir gan Ddeallusrwydd Artiffisial, mae’n holl bwysig eich bod yn gwirio cywirdeb y cynnwys ac yn ei olygu cyn ei ryddhau i fyfyrwyr. Darllenwch ddeunyddiau cymorth yr Uned Datblygu Dysgu ac Addysgu ar Ddeallusrwydd Artiffisial Cynhyrchiol er mwyn cael rhagor o wybodaeth am ddefnyddio’r adnodd hwn. 

Mae yna hefyd nifer o bostiadau blog y gallwch edrych arnynt sy’n canolbwyntio ar Ddeallusrwydd Artiffisial.

Mae newid arall ar y gweill yn Vevox hefyd. Mae’r ychwanegiad PowerPoint wedi cael ei ddiweddaru. Byddwn yn cysylltu â’r holl gyd-weithwyr sy’n defnyddio’r ychwanegyn PowerPoint trwy e-bost cyn dechrau mis Medi.

Os nad ydych wedi defnyddio Vevox o’r blaen, mae gennym lu o ddeunyddiau cymorth ar ein tudalen we Vevox.

Gweminar Vevox: 16 Tachwedd 2022, 2yp

WordPress User [jbw] Adnoddau a Gweminarau, Meddalwedd Pleidleisio, Vevox Leave a comment

Mae gweminar nesaf cyfres addysgeg Vevox yn cael ei chynnal ar 16 Tachwedd am 2yp. Yn y weminar hon, bydd Guy Aitchison, darlithydd Gwleidyddiaeth ac Astudiaethau Rhyngwladol ym Mhrifysgol Loughborough yn edrych ar ddefnyddio Vevox yn llwyddiannus mewn ystafelloedd dosbarth gwahanol.

Mae mwy o wybodaeth am y sesiwn ar dudalen we Vevox a gallwch archebu’ch lle ar-lein.

Mae ein gweddalen canllawiau PA yn rhoi cyfarwyddyd ar sut i ddefnyddio’r feddalwedd a gallwch gofrestru ar gyfer sesiynau hyfforddi rhagarweiniol Vevox, sy’n para 15 munud, bob prynhawn dydd Mawrth.

Diweddariad Vevox: Medi 2022

WordPress User [jbw] Meddalwedd Pleidleisio, Vevox Leave a comment

Mae gan y Brifysgol drwydded safle ar gyfer Vevox, meddalwedd bleidleisio, sy’n golygu ein bod yn elwa o ddiweddariadau rheolaidd. Gallwch weld diweddariadau mis Mawrth ar y blog hwn.

Dyma grynodeb o’r diweddariadau ar gyfer mis Medi:

Rhyngwyneb Vevox ar gael yn Gymraeg

Mae’r Uned Datblygu Dysgu ac Addysgu yn falch o gyhoeddi bod gan Vevox, meddalwedd pleidleisio’r Brifysgol, ryngwyneb sydd bellach ar gael yn Gymraeg.

Ers i ni gaffael Vevox rydym wedi bod yn gweithio’n agos gyda’u Rheolwr Gwasanaethau Cwsmeriaid i ddatblygu’r system i ddiwallu anghenion ein dysgu a’n haddysgu ac rydym yn falch iawn o weld y datblygiad hwn.

Gall defnyddwyr ddewis eu hiaith yn y rhyngwyneb pan fyddant yn mewngofnodi i Vevox.

Cliciwch ar yr eicon iaith a amlygir isod a dewiswch Cymraeg a Save.

Language button highlighted in the Vevox login page

Math newydd o gwestiwn ar gael

Mae yna gwestiwn newydd arddull graddio ar gael – gofyn i’ch myfyrwyr raddio pethau ar sail pwysigrwydd neu roi pethau yn y drefn gywir.

Gall y cwestiwn hwn naill ai gael ei farcio fel un cywir neu ei ddefnyddio i gynhyrchu dewisiadau defnyddwyr. O’r pôl piniwn, dewiswch y cwestiwn arddull Graddio.

Eisiau dysgu mwy am Vevox?

Os ydych chi’n defnyddio Vevox am y tro cyntaf, archebwch le ar ein sesiwn Hanfodion E-ddysgu: Cyflwyniad i sesiwn hyfforddi Vevox sy’n cael ei gynnal ddydd Iau 22 Medi, 11:00-12:00. Gallwch hefyd wirio ein deunyddiau cyfarwyddyd i ddechrau arni.

Os oes gennych unrhyw adborth ar y diweddariad hwn, neu nodweddion eraill Vevox, mae croeso i chi anfon e-bost atom (eddysgu@aber.ac.uk) a byddwn yn hapus i adrodd ar eich rhan.

Diweddariad Vevox: Mawrth 2022

WordPress User [jbw] Diweddariadau Technegol, Meddalwedd Pleidleisio, Vevox Leave a comment
Screen shot of Vevox poll using LaTex formatting to ask the question: Determine the nature of the given matrix 2 0 0 1 2 1 0 0 1 With the following options available: Indefinite Positive definite Negative definite Positive semi-definite

Ar 21 Mawrth bydd Vevox, meddalwedd pleidleisio’r Brifysgol, yn cael ei ddiweddaru gyda rhywfaint o nodweddion ychwanegol.

Rydym yn falch iawn o allu gweld rhai o’r datblygiadau gan eu bod yn geisiadau yr ydym wedi’u gwneud i Vevox ar eich rhan.

Yn gyntaf, ar gyfer ymarferwyr dysgu o bell a’r rhai sydd am i fyfyrwyr ymgymryd â phleidleisio wrth eu pwysau, mae cwisiau wrth eich pwysau yn cael eu cyflwyno i’r offer arolwg.

Bydd angen i chi greu arolwg ac yna ychwanegu ateb cywir. Gall myfyrwyr wneud hyn yn ddienw neu gallwch ddewis eu hadnabod.

Mae’r byrddau Holi ac Ateb yn dal i gael eu tanddefnyddio rywfaint yma yn PA, ond bydd opsiwn i dagio cwestiynau a sylwadau. Bydd yn ddefnyddiol i’r rhai ohonoch sy’n cyd-gyflwyno cyflwyniad ac sydd am glustnodi cwestiynau penodol i gyflwynydd.

Mae rhagor o wybodaeth am nodweddion newydd Vevox ar gael ar eu blogbost diweddariad.

Rydym mewn cysylltiad rheolaidd â’n rheolwyr cyfrif Vevox. Maent eisoes wedi cynorthwyo i greu agweddau dwyieithog ac wedi estyn allan atom i gael trafodaeth bellach ar sut y gellid datblygu hyn ymhellach. Hefyd, dyma rai o’r ceisiadau am welliannau yr ydym wedi gofyn amdanynt:

  • Graff gwasgariad o’r cwestiwn X Y
  • Cwestiwn sy’n seiliedig ar drefn neu ddilyniant

Nodyn i atgoffa’r mathemategwyr yn ein plith fodLaTex ar gael yn eich mathau o gwestiynau.

Nid yw Vevox wedi’i gyfyngu i weithgareddau dysgu ac addysgu. Gall pob aelod o’r Brifysgol fewngofnodi a defnyddio Vevox. Os ydych chi’n cynnal cyfarfod ac eisiau gosod pôl i’r  mynychwyr, gallai Vevox fod yn ddefnyddiol i chi. Edrychwch ar eu hastudiaethau achos diweddar ar sut iwneud cyfarfodydd yn rhyngweithiol gyda Vevox.

Os yw Vevox yn newydd i chi, yna mae gennym ganllawiau arein tudalennau gwe. Mae Vevox yn cynnal sesiynau hyfforddi 15 munud –cofrestru ar-lein.  Rydyn ni bob amser yn barod i glywed am unrhyw beth arloesol yr ydych yn ei wneud â Vevox felly cysylltwch â ni os ydych chi’n gwneud rhywbeth cyffrous.