Mis: Hydref 2024

Beth sy’n Newydd yn Blackboard Hydref 2024 

WordPress User [rsf09] Blackboard, Diweddariadau Misol Leave a comment

Mae Diweddariad Blackboard mis Hydref yn cynnwys creu banciau cwestiynau o ddeunyddiau cwrs a mwy o opsiynau addasu ar gyfer hysbysiadau e-bost.

Creu banciau cwestiynau o ddeunyddiau cwrs

Pwnc Canllaw Blackboard cysylltiedig: Banciau Cwestiynau 

Mae creu cwestiynau yn cymryd llawer o amser. Bellach mae gan hyfforddwyr yr opsiwn i greu cwestiynau mewn banc cwestiynau. Mae creu banciau cwestiynau o ddeunyddiau cwrs yn rhoi ysbrydoliaeth ac yn arbed amser. 

I greu banc cwestiwn, dewiswch yr opsiwn  Auto-generate o’r + ar y dudalen Banciau Cwestiynau. 

Llun 1: Awto-gynhyrchu banc cwestiynau

Prif sgrin y banc cwestiynau gyda'r gwymplen wedi’i dewis ac awto-gynhyrchu yn ymddangos

O’r ddewislen, gall hyfforddwyr ddewis eitemau cynnwys. Mae’r eitemau hyn yn darparu cyd-destun ar gyfer y cwestiynau. Gall hyfforddwyr fireinio’r cwestiynau y maent yn eu gofyn ymhellach trwy nodi disgrifiad o’r amcanion neu’r pwnc dysgu. 

Llun 2: Y dewisydd cyd-destun ar gyfer creu cwestiynau newydd

Dewis eitemau gyda'r dewisydd cyd-destun

Gall hyfforddwyr ddewis y math o gwestiwn i’w greu, megis dewis lluosog neu lenwi’r bylchau. Gellir addasu cymhlethdod y cwestiynau hefyd. Bydd hyfforddwyr yn dewis pa gwestiynau i’w cynnwys yn y banc cwestiynau. 

Llun 3: Y dudalen Awto-gynhyrchu banc cwestiynau

Tudalen gynhyrchu banc cwestiynau yn dangos opsiynau ar y chwith a chwestiynau ar y dde

Hysbysiadau e-bost ar gyfer trafodaethau dilynol


Pwnc Canllaw Blackboard cysylltiedig: Trafodaethau

Er mwyn annog cyfranogiad mewn trafodaethau, mae Blackboard wedi ehangu hysbysiadau i gynnwys e-bost. Anfonir negeseuon e-bost pan fydd defnyddwyr yn dewis hysbysiadau  E-bostiwch fi ar unwaith . 

Gwelliannau Allweddol:

Gosodiadau Hysbysu Defnyddwyr: Mae opsiynau hysbysu newydd yn caniatáu i ddefnyddwyr reoli eu negeseuon e-bost ar gyfer y trafodaethau y maent yn eu dilyn. Er mwyn helpu gyda chysondeb, mae’r gosodiadau hyn yn cyd-fynd â gosodiadau’r defnyddiwr ar gyfer eu ffrwd weithgaredd. 

  • Gweithgaredd ar fy ymatebion 
  • Gweithgaredd ar ymatebion yr wyf wedi ymateb iddynt 
  • Ymatebion gan hyfforddwyr 
  • Ymatebion ar gyfer trafodaethau dilynol 
  • Ymatebion ar gyfer trafodaethau rwy’n eu dilyn 

Sut i gael mynediad i’ch gosodiadau hysbysiad e-bost:

  • Yn Blackboard ewch i’ch Proffil
Dewislen llywio Blackboard gyda'r proffil defnyddiwr wedi’i amlygu
  • O dan Gosodiadau Hysbysu Byd-eang cliciwch ar Hysbysiadau E-bost
Hysbysiadau E-bost wedi’i amlygu o dan gosodiadau Hysbysu Byd-eang
  • Addaswch eich gosodiadau fel yr hoffech
Gosodiadau hysbysu ar gyfer e-byst

Llun 2: Enghraifft o e-bost ar gyfer gweithgaredd trafod

Enghraifft o hysbysiad e-bost ar gyfer gweithgaredd trafod

Crynodeb Wythnosol o Adnoddau – 9/10/2024

WordPress User [mhj] Crynodeb Wythnosol o Adnoddau Leave a comment

Fel arweinydd ein rhaglen TUAAU, rwy’n cadw llygad allan am adnoddau i helpu staff i addysgu’n effeithiol. Mae’r rhain yn cynnwys gweminarau, podlediadau, pecynnau cymorth ar-lein, cyhoeddiadau a mwy. Mae’r pynciau’n cynnwys dysgu gweithredol, addysgu ar-lein/cyfunol, hygyrchedd/cynhwysiant, a dylunio dysgu effeithiol yn seiliedig ar wyddoniaeth wybyddol. Rwyf wedi rhestru isod eitemau y sylwais arnynt yn ystod yr wythnos ddiwethaf. Er mwyn eglurder, ein polisi yw dangos y teitlau a’r disgrifiadau yn yr iaith y cyflwynir yr adnoddau ynddi.  

Digwyddiadau a gweminarau ar-lein

Hydref

Tachwedd

Rhagfyr

Adnoddau a chyhoeddiadau – Deallusrwydd Artiffisial (DA)

Adnoddau a chyhoeddiadau – Arall

Arall

  • Call for proposals (open dates) Unfiltered by EmpowerED: A Podcast Series where educators share unedited stories of inspiration and challenge
  • Call for proposals (open dates) Future Teacher Webinars
  • Monthly series European Network for Academic Integrity, ENAI monthly webinars free open webinars on various topics related to academic integrity
  • Subscribe to SEDA’s mailing list for email discussions about educational development and emerging teaching practices. This is one of the sources I use when identifying useful material for the Roundup.
  • Join the #LTHEchat on Twitter Wednesday nights for one hour of lively discussion about learning and teaching in HE. I often find out about good resources for the Roundup from the chat.

Ewch i’r dudalen archebu Hyfforddiant Staff i weld pa hyfforddiant a gynigir gan yr Uned Datblygu Dysgu ac Addysgu a staff eraill Prifysgol Aberystwyth. Gobeithio y bydd y crynodeb wythnosol hwn o adnoddau yn ddefnyddiol ichi. Os oes gennych unrhyw gwestiynau neu awgrymiadau, cysylltwch â’n tîm ar lteu@aber.ac.uk. Efallai hefyd yr hoffech ddilyn fy nghyfrif Twitter, Mary Jacob L&T.

Panopto 

WordPress User [kaw] Panopto, Ystafelloedd Addysgu Leave a comment

Wrth i’r addysgu ddechrau, efallai y bydd yr wybodaeth hon am Panopto yn ddefnyddiol. Dyma’r atebion i’r cwestiynau mwyaf cyffredin am Panopto dros yr wythnosau diwethaf.

Cysylltu â holl Recordiadau Panopto

Gallwch greu dolen i’r ffolder Panopto yn eich cwrs Blackboard. Golyga hyn y gall myfyrwyr weld y recordiadau ar gyfer y cwrs mewn un lle.

Dod o hyd i’ch ffolder Panopto

Mae ffolderi Panopto ar gyfer yr holl fodiwlau eleni yn y ffolder 2024-25.

I ddod o hyd i’r ffolder Panopto yr hoffech recordio ynddi:

  • Cliciwch ar y botwm cwymplen ar ochr dde’r blwch Ffolder.
  • Cliciwch ar y saeth cwymplen i’r chwith o’r ffolder blwyddyn academaidd i’w hehangu.
  • Dewiswch y ffolder Panopto yr hoffech recordio ynddi.

Gallwch hefyd chwilio am y ffolder Panopto yr hoffech recordio ynddi:

  • Yn y blwch Ffolder dechreuwch deipio cod y modiwl neu enw’r ffolder Panopto yr hoffech recordio ynddi
  • Dewiswch y ffolder yr hoffech recordio ynddi.

Beth i’w wneud os na allwch weld eich ffolder Panopto

Mewn nifer fach o gyrsiau, ni chrëwyd y ffolder Panopto dros yr haf. Os na allwch ddod o hyd i’ch ffolder Panopto gan ddefnyddio’r camau uchod, gallwch greu ffolder o Blackboard:

  1. Mewngofnodwch i Blackboard a dod o hyd i’ch cwrs
  2. Cliciwch ar Llyfrau ac Offer > Gweld cwrs ac offer sefydliad
  3. Cliciwch ar Holl Fideos Panopto

Nawr dylech allu dod o hyd i’r ffolder Panopto i recordio ynddi.

Cyflwyno Rheolau Archifo Newydd Panopto. 

WordPress User [rsf09] Panopto Leave a comment

Yn unol â’r Polisi Cipio Darlithoedd caiff pob recordiad Panopto ei gadw am 5 mlynedd cyn iddynt gael eu dileu. Ni fydd hwn yn newid. Fodd bynnag, er mwyn lleihau’n sylweddol ar gostau storio, mae angen i’r Brifysgol ddefnyddio’r nodwedd Archifo yn Panopto. 

O 1af Tachwedd 2024 ymlaen, bydd holl recordiadau Panopto nad ydynt wedi cael eu gwylio mewn 13 mis yn cael eu symud i Archif Panopto, lle gellir eu hadfer pe bai eu hangen. 

Adfer recordiad wedi’i archifo: 

Fel aelod o staff neu fel myfyriwr, gallwch adfer recordiad wedi’i archifo os oes angen i chi gael mynediad ato am unrhyw reswm, cyhyd â bod gennych ganiatâd i gael mynediad i’r recordiad cyn iddo gael ei archifo. Byddwch yn ymwybodol y gall gymryd hyd at 48 awr i adfer recordiad. Pan fydd y recordiad wedi’i adfer, bydd crëwr gwreiddiol y recordiad yn cael gwybod ei fod ar gael yn ogystal â’r sawl sy’n gwneud cais i’w adfer (os yw’n wahanol). 

Sut y bydd Rheolau Cadw yn newid yn ein hamgylchedd storio Panopto: 

Ar hyn o bryd: 

Bob mis; Mae recordiadau nad oes unrhyw un wedi’u gwylio mewn 5 mlynedd yn cael eu dileu. 

Beth fydd yn newid: 

Ar ddechrau bob mis; Bydd recordiadau nad ydynt wedi cael eu gwylio ers dros 13 mis yn cael eu symud i’r Archif. 

Hefyd ar ddechrau bob mis; Bydd recordiadau nad oes unrhyw un wedi’u gwylio mewn 5 mlynedd yn cael eu dileu. 

Os oes gennych unrhyw gwestiynau, cysylltwch â ni ar eddysgu@aber.ac.uk. 

Crynodeb Wythnosol o Adnoddau – 1/10/2024

WordPress User [mhj] Crynodeb Wythnosol o Adnoddau Leave a comment

Fel arweinydd ein rhaglen TUAAU, rwy’n cadw llygad allan am adnoddau i helpu staff i addysgu’n effeithiol. Mae’r rhain yn cynnwys gweminarau, podlediadau, pecynnau cymorth ar-lein, cyhoeddiadau a mwy. Mae’r pynciau’n cynnwys dysgu gweithredol, addysgu ar-lein/cyfunol, hygyrchedd/cynhwysiant, a dylunio dysgu effeithiol yn seiliedig ar wyddoniaeth wybyddol. Rwyf wedi rhestru isod eitemau y sylwais arnynt yn ystod yr wythnos ddiwethaf. Er mwyn eglurder, ein polisi yw dangos y teitlau a’r disgrifiadau yn yr iaith y cyflwynir yr adnoddau ynddi.  

Digwyddiadau a gweminarau ar-lein

Hydref

Tachwedd

  • 21/11/2024 Compassionate Assessment Event 6 Dr. Juuso Henrik Nieminen, “Dr Nieminen has particularly focused on understanding the social effects of assessment on students’ inclusion, belonging and identities.”

Rhagfyr

Adnoddau a chyhoeddiadau – Deallusrwydd Artiffisial (DA)

Adnoddau a chyhoeddiadau – Arall

Arall

  • Call for proposals (open dates) Unfiltered by EmpowerED: A Podcast Series where educators share unedited stories of inspiration and challenge
  • Call for proposals (open dates) Future Teacher Webinars
  • Monthly series European Network for Academic Integrity, ENAI monthly webinars free open webinars on various topics related to academic integrity
  • Subscribe to SEDA’s mailing list for email discussions about educational development and emerging teaching practices. This is one of the sources I use when identifying useful material for the Roundup.
  • Join the #LTHEchat on Twitter Wednesday nights for one hour of lively discussion about learning and teaching in HE. I often find out about good resources for the Roundup from the chat.

Ewch i’r dudalen archebu Hyfforddiant Staff i weld pa hyfforddiant a gynigir gan yr Uned Datblygu Dysgu ac Addysgu a staff eraill Prifysgol Aberystwyth. Gobeithio y bydd y crynodeb wythnosol hwn o adnoddau yn ddefnyddiol ichi. Os oes gennych unrhyw gwestiynau neu awgrymiadau, cysylltwch â’n tîm ar lteu@aber.ac.uk. Efallai hefyd yr hoffech ddilyn fy nghyfrif Twitter, Mary Jacob L&T.

Vevox:  Adnodd Pleidleisio

WordPress User [jbw] Hyfforddiant a Chymorth, Meddalwedd Pleidleisio, Vevox Leave a comment

Mae Prifysgol Aberystwyth yn defnyddio Vevox, adnodd pleidleisio, sy’n galluogi i chi gael gwybodaeth amser real gan bobl yn eich sesiynau addysgu neu’r rhai yn eich cyfarfod.

Rydym wedi bod yn defnyddio Vevox ers dros 3 blynedd bellach ac roeddem yn falch o’i weld yn cael ei ddefnyddio mewn Sgyrsiau Croesawu gan gynnig cyfle i fyfyrwyr ofyn cwestiynau’n ddienw.

Rydym yn cynnal rhai sesiynau hyfforddi ar ddefnyddio Hanfodion E-ddysgu: Cyflwyniad i Vevox ar gyfer Dysgu ac Addysgu:

  • 4 Hydref, 10:10-11:30
  • 8 Hydref, 14:10-15:30

Cynhelir y sesiynau hyn ar-lein drwy Teams.

Yn ogystal â’n sesiynau hyfforddi mewnol, mae Vevox hefyd yn cynnal gweminarau sy’n rhannu arfer gorau ac astudiaethau achos gan eu cleientiaid eraill.

Os na allwch ymuno â’n sesiynau, mae Vevox yn cynnal eu sesiynau eu hunain a gallwch gofrestru ar gyfer y rhain yma: Getting started with Vevox I Your guide to Unmissable Classes

Am gymorth pellach i ddefnyddio Vevox, edrychwch ar ein Deunyddiau cymorth.