Mae’r Uned Cyfoethogi Dysgu ac Addysgu’n cynnig nifer o sesiynau Datblygu Proffesiynol Parhaus (DPP) mewn amrywiaeth o bynciau. Cynigir sesiynau Cymraeg a Saesneg. Bydd y sesiynau Cymraeg yn ymddangos yn Gymraeg ar y wefan hyfforddiant staff.
Yn y blogbost hwn, byddaf yn sôn am yr amrywiaeth o sesiynau a gynigir i chi rhwng hyn a mis Ionawr, gyda phwy y dylid cysylltu i gael mwy o wybodaeth, a sut i gadw lle ar un o’r sesiynau.

Dyma sy’n cael ei gynnig dros y misoedd nesaf:

Mis Tachwedd:
• Sesiynau ar gyfer Cynorthwywyr Dysgu Graddedig, Datblygu eich Arferion Addysgu a Defnyddio MS Teams, Offer yr Ystafell Ddysgu ac Addysgu Syncronaidd (sesiynau Cymraeg a Saesneg ar gael)
• Sesiwn ar annog cymhelliant cynhenid myfyrwyr – o safbwynt damcaniaeth hunanbenderfyniad (Facilitating Intrinsic Motivation in Students – the Self Determination Theory Perspective) (Saesneg yn unig)
• Sesiynau ar Hanfodion E-ddysgu: Cyflwyniad i Blackboard, TurnitIn a Panopto (y cyntaf o’r tri yn Saesneg, yr ail a’r trydydd yn Gymraeg)
• Sesiynau ar greu deunyddiau dysgu hygyrch, amgylcheddau dysgu, a thechnegau ar gyfer dysgu pynciau gwyddonol yn ogystal â defnyddio Online Surveys Jisc (yn Saesneg i gyd)
• Cynhelir dau fforwm Academi ar Pam a Sut y Dylid Helpu Myfyrwyr i Fyfyrio ar eu Dysg, a Strategaethau er mwyn Ysgogi Ymroddiad i Ddysgu Ar-lein.

Read More

Efallai y byddwch yn sylwi ar rai newidiadau i labeli o fewn Blackboard wrth i ni ddiweddaru ein pecyn iaith bore yfory (dydd Mawrth 10.11.2020).

Bydd hyn yn effeithio ar eitemau yn y ddewislen a Fy Modiwlau. Bydd Blackboard a mynediad iddo yn parhau i weithio’n iawn yn ystod y cyfnod hwn, a byddwch chi’n gallu parhau i greu cynnwys, i gael mynediad at ddeunydd ac i gyflwyno aseiniadau. Mae’r gwaith hwn wedi’i drefnu i ddigwydd fel rhan o waith cynnal a chadw Gwasanaethau Gwybodaeth bore Mawrth: https://faqs.aber.ac.uk/94.

Mae nifer fechan o ddefnyddwyr wedi adrodd eu bod yn cael problemau gyda’r Golygydd Cynnwys newydd yn Blackboard.

Gall hyn eich atal rhag gallu ychwanegu neu olygu testun.

Rydym yn gweithio’n agos gyda Blackboard i ddatrys y broblem hon cyn gynted â phosibl

Mae myfyrwyr wedi bod yn defnyddio cryn dipyn ar y rhaglen Panopto, hyd yn oed cyn i’r Brifysgol symud i ddarparu addysg yn rhannol ar-lein. Mae myfyrwyr eleni’n dibynnu mwy fyth ar gynnwys sydd wedi’i recordio ymlaen llaw. Gall hwyluso dysgu gweithredol drwy ddefnyddio deunyddiau cydamserol, megis darlithoedd sydd wedi’u recordio, fod yn heriol. Rydym eisoes wedi rhannu’r canllaw i fyfyrwyr ar ddefnyddio darlithoedd sydd wedi’u recordio, ac rydym wedi amlinellu chwe strategaeth allweddol i’w helpu nhw i wneud y mwyaf o’r recordiadau. Yn un o’n negeseuon blaenorol, rhoddwyd sylw hefyd i ddefnyddio adnoddau sgrindeitlo a chwisiau Panopto, sy’n gwneud eich recordiadau yn fwy hygyrch a rhyngweithiol. Hoffem sôn wrthych heddiw am ddau ffwythiant arall yn Panopto, sef ‘Discussion’ a ‘Notes’. 

Read More

Ar 5 Tachwedd 2020 mae Blackboard yn diweddaru’r offer Golygu Cynnwys (sef y golygydd WYSIWYG). Dyma’r prif ddull o lwytho cynnwys ar Blackboard.

Mae’n edrych fel hyn:

Read More

Fel darlithydd ym maes dysgu ac addysgu sy’n gyfrifol am y TUAAU, rwy’n cadw llygad am adnoddau newydd i gynorthwyo ein staff i ddysgu’n effeithiol ar-lein. Mae hyn yn cynnwys gweminarau allanol, pecynnau cymorth, cyhoeddiadau ac adnoddau eraill. Oherwydd bod dysgu gweithredol yn cael blaenoriaeth ar agenda’r Brifysgol, rwy’n hynod o awyddus i rannu canllawiau ar gyfer symud dysgu gweithredol ar-lein.   Rwyf wedi rhestru isod eitemau y sylwais arnynt yn ystod yr wythnos ddiwethaf. Er mwyn eglurder, ein polisi yw dangos y teitlau a’r disgrifiadau yn yr iaith y cyflwynir yr adnoddau ynddi.      

• 3/11/2020 SEDA. “Transitions Into, Through and Out of Higher Education: Supporting Students” 
• 5/11/2020 University of London. “Experiences in Digital Learning Webinar Series: Adventures in synchronous online teaching” 
• ACUE, “Inclusive Online Teaching” 
• Beattie, T. (27/10/2020) “Digital Learning In Our New Normal – A Reflection“, TILE Network 
• Davis, J. (19/6/2020) “An experiment in the socially-distanced classroom” Counting from Zero 
• Ferlazzo, L. (22/9/2020) “Strategies for Promoting Student Collaboration in a Distance Learning Environment“, Education Week Teacher 
• Harvard, B. (22/10/2020) “Studying 101“, The Effortful Teacher, applying cognitive psychology to the classroom 
• International Journal for Students as Partners (19/10/2020) (4)2 
• Kaminske, A. N. (30/10/2020) “VLOG: How To Take Notes In Class – A Video for Students” The Learning Scientists Blog 
• Lederman, D. (27/5/2020) “Can Active Learning Co-Exist With Physically Distanced Classrooms?“, Inside Higher Ed 
• Stachowiak, B. (25/10/2020) “Structuring Synchronous Classes for Engagement“, Teaching in Higher Ed  

Ewch i’r dudalen archebu Hyfforddiant Staff i weld pa hyfforddiant a gynigir gan yr Uned Datblygu Dysgu ac Addysgu a staff eraill Prifysgol Aberystwyth. Gobeithio y bydd y crynodeb wythnosol hwn o adnoddau yn ddefnyddiol ichi. Os oes gennych unrhyw gwestiynau neu awgrymiadau, cysylltwch â’n tîm ar lteu@aber.ac.uk. Efallai hefyd yr hoffech ddilyn fy nghyfrif Twitter, Mary Jacob L&T.

Bydd y staff sydd wedi marcio asesiadau a gyflwynir drwy Turnitin yn gyfarwydd â’r Adroddiad ar Debygrwydd a’r Stiwdio Adborth. Mae’r rhyngwyneb yn y Stiwdio Adborth yn amlygu mannau lle mae’r testun yn debyg i ffynonellau ar-lein.

Mae Turnitin wedi diweddaru rhyngwyneb y Stiwdio Adborth er mwyn tynnu sylw at anghysonderau testunol mewn cyflwyniadau fel y gellir rhoi sylw manwl iddynt. Baneri y gelwir y darnau hyn a amlygir.

Mae’r baneri yn codi materion a allai fod yn arwydd o broblemau, megis:
•Nodau testun sydd wedi’u hailosod; mae’n bosib y gallai’r rhain fod wedi’u mewnosod er mwyn cuddio tebygrwydd.
•Testun cudd fel dyfynodau a allai effeithio ar y ganran o ddeunydd a ddyfynnwyd a allai olygu bod y deunydd hwnnw yn cael ei gamddehongli fel deunydd gwreiddiol.

Read More