Categori: Meddalwedd Pleidleisio

Diweddariad Vevox: Mawrth 2022

WordPress User [jbw] Diweddariadau Technegol, Meddalwedd Pleidleisio, Vevox Leave a comment
Screen shot of Vevox poll using LaTex formatting to ask the question: Determine the nature of the given matrix 2 0 0 1 2 1 0 0 1 With the following options available: Indefinite Positive definite Negative definite Positive semi-definite

Ar 21 Mawrth bydd Vevox, meddalwedd pleidleisio’r Brifysgol, yn cael ei ddiweddaru gyda rhywfaint o nodweddion ychwanegol.

Rydym yn falch iawn o allu gweld rhai o’r datblygiadau gan eu bod yn geisiadau yr ydym wedi’u gwneud i Vevox ar eich rhan.

Yn gyntaf, ar gyfer ymarferwyr dysgu o bell a’r rhai sydd am i fyfyrwyr ymgymryd â phleidleisio wrth eu pwysau, mae cwisiau wrth eich pwysau yn cael eu cyflwyno i’r offer arolwg.

Bydd angen i chi greu arolwg ac yna ychwanegu ateb cywir. Gall myfyrwyr wneud hyn yn ddienw neu gallwch ddewis eu hadnabod.

Mae’r byrddau Holi ac Ateb yn dal i gael eu tanddefnyddio rywfaint yma yn PA, ond bydd opsiwn i dagio cwestiynau a sylwadau. Bydd yn ddefnyddiol i’r rhai ohonoch sy’n cyd-gyflwyno cyflwyniad ac sydd am glustnodi cwestiynau penodol i gyflwynydd.

Mae rhagor o wybodaeth am nodweddion newydd Vevox ar gael ar eu blogbost diweddariad.

Rydym mewn cysylltiad rheolaidd â’n rheolwyr cyfrif Vevox. Maent eisoes wedi cynorthwyo i greu agweddau dwyieithog ac wedi estyn allan atom i gael trafodaeth bellach ar sut y gellid datblygu hyn ymhellach. Hefyd, dyma rai o’r ceisiadau am welliannau yr ydym wedi gofyn amdanynt:

  • Graff gwasgariad o’r cwestiwn X Y
  • Cwestiwn sy’n seiliedig ar drefn neu ddilyniant

Nodyn i atgoffa’r mathemategwyr yn ein plith fodLaTex ar gael yn eich mathau o gwestiynau.

Nid yw Vevox wedi’i gyfyngu i weithgareddau dysgu ac addysgu. Gall pob aelod o’r Brifysgol fewngofnodi a defnyddio Vevox. Os ydych chi’n cynnal cyfarfod ac eisiau gosod pôl i’r  mynychwyr, gallai Vevox fod yn ddefnyddiol i chi. Edrychwch ar eu hastudiaethau achos diweddar ar sut iwneud cyfarfodydd yn rhyngweithiol gyda Vevox.

Os yw Vevox yn newydd i chi, yna mae gennym ganllawiau arein tudalennau gwe. Mae Vevox yn cynnal sesiynau hyfforddi 15 munud –cofrestru ar-lein.  Rydyn ni bob amser yn barod i glywed am unrhyw beth arloesol yr ydych yn ei wneud â Vevox felly cysylltwch â ni os ydych chi’n gwneud rhywbeth cyffrous.

Deunyddiau’r Gynhadledd Fer

WordPress User [jbw] Gynhadledd, Meddalwedd Pleidleisio, Mini Conference 2021 Polling Software, Vevox Leave a comment

Cyn y gwyliau, cynhaliodd yr Uned Datblygu Dysgu ac Addysgu eu cynhadledd fer olaf am y flwyddyn.

Defnyddio meddalwedd pleidleisio i gyfoethogi dysgu ac addysgu oedd thema’r gynhadledd. Os nad oedd modd ichi fod yno, mae recordiadau i’w cael ar we-ddalen y Gynhadledd Fer.

Ers i’r Brifysgol gaffael trwydded i feddalwedd pleidleisio Vevox yn gynharach eleni, gwelsom bod llu o gydweithwyr yn gwneud defnydd ohono. Yn semester 1, mae 136 o aelodau staff wedi cynnal 1873 pleidlais a chael 6485 o ymatebion gan fyfyrwyr.

Os hoffech wybod mwy am feddalwedd pleidleisio mae gennym we-ddalen Vevox sy’n rhoi’r holl ganllawiau. Arweiniodd Kate a Jim weminar i Vevox ynglŷn â’n dull o’i weithredu a dulliau cydweithwyr o’i ddefnyddio wrth addysgu. Fe welwch y recordiad ar YouTube, neu mae astudiaethau achos eraill i’w gweld ar wefan Vevox ei hun. Gallwch ddarllen am ddiweddariadau Vevox yn ein blogbost diweddar.

Dechreuodd y gynhadledd gyda sesiwn gan Dr Christina Stanley o Brifysgol Caer. Rhoddodd Christina olwg i ni ar y dulliau a ddefnyddiodd hi o ddefnyddio meddalwedd pleidleisio i hybu hyder myfyrwyr a hyrwyddo cynhwysiant.

Nesaf, rhoddodd ein rheolwyr cleientiaid o Vevox, Joe Probert ac Izzy Whitley, ddiweddariad i ni ynglŷn â datblygiadau i feddalwedd pleidleisio Vevox sydd ar ddod a rhai gwelliannau i’r cynnyrch a fydd yn digwydd maes o law.

Yna bu cydweithwyr o Brifysgol Aberystwyth yn disgrifio’u dulliau hwy o ddefnyddio pleidleisio wrth addysgu. Rhoddodd Dr Maire Gorman, sy’n dysgu yn Ysgol y Graddedigion a’r Adran Ffiseg, ddarlun cyffredinol i ni ynglŷn â’r defnydd y gellir ei wneud o’r feddalwedd pleidleisio wrth addysgu ystadegau, er mwyn hwyluso dysgu gan gymheiriaid a chreu cyswllt ymhlith a rhwng carfannau o gyfoedion.

Nesaf, dangosodd Bruce Fraser Wight, o’r Ysgol Fusnes, sut y bu’n defnyddio meddalwedd pleidleisio ar gyfer gweithgarwch i dorri’r iâ. Roeddem yn ddiolchgar i gael clywed gan ddau o fyfyrwyr Bruce ynglŷn â’u profiad o ddefnyddio meddalwedd pleidleisio.

Yn olaf, amlinellodd Dr Jennifer Wood o’r Adran Ieithoedd Modern sut y gellir defnyddio meddalwedd pleidleisio ar gyfer dysgu iaith ac ennyn diddordeb myfyrwyr.

Os oes gennych ddulliau diddorol o ddefnyddio meddalwedd pleidleisio, byddem wrth ein bodd yn clywed gennych ar gyfer blogbost – anfonwch e-bost atom udda@aber.ac.uk.  

Diweddariadau Vevox Rhagfyr 2021

WordPress User [jbw] Diweddariadau Technegol, Gynhadledd, Meddalwedd Pleidleisio, Mini Conference 2021 Polling Software, Vevox 1 Comment

Un o fanteision cael tanysgrifiad sefydliad yw y gallwn ni fanteisio ar welliannau a diweddariadau.

Un o’r gwelliannau diweddar oedd y cwestiwn arddull cwmwl geiriau. Cyn hynny, dim ond un gair y gellid ei gyflwyno i’r cwestiwn arddull cwmwl geiriau, ond nawr gall cyfranogwyr ddarparu cyflwyniadau aml-air yn ogystal â geiriau unigol. Mae cymylau geiriau hefyd yn derbyn nodau nad ydynt yn Saesneg ac emojis.

Mae Vevox hefyd wedi bod yn gweithio ar hygyrchedd y cwestiwn cwmwl geiriau ac mae’r cynllun lliw wedi cael ei ehangu i wella ei arddangosiad.

Rydym yn falch iawn o’r modd y mae cydweithwyr yn defnyddio Vevox. Os ydych chi’n chwilio am syniadau am sut y gallwch ei ddefnyddio i addysgu, gall Kate a minnau gyflwyno gweminar ar ran Vevox. Yn ogystal â rhoi trosolwg o’n cyflwyniad o Vevox ers i ni ei brynu ym mis Mawrth, gwnaethom hefyd amlinellu rhai arferion nodedig gan gydweithwyr:

  • Gwerthuso Modiwlau (Dr Emmanual Isibor a Dr Chris Loftus, Cyfrifiadureg)
  • Cynhyrchu ystadegau (Dr Maire Gorman, Ffiseg ac Ysgol y Graddedigion)
  • Cwestiwn ac Ateb anhysbys (Dr Megan Talbot, y Gyfraith a Throseddeg)
  • Asesu gan gymheiriaid a chysylltiadau geiriau (Dr Michael Toomey, Gwleidyddiaeth Ryngwladol)
  • Cwestiwn ac ateb Anghydamserol (Dr Victoria Wright, Seicoleg)
  • Pin ar luniau ac effaith sesiwn (Uned Datblygu Dysgu ac Addysgu)

Diolch i’r cydweithwyr uchod am rannu eu harferion a’u profiadau â ni. Mae recordiad o’r weminar ar gael ar YouTube.

Ddydd Iau cynhelir ein Cynhadledd Fer sy’n edrych ar sut y gellir defnyddio meddalwedd pleidleisio i ddatblygu gweithgareddau dysgu ac addysgu. Mae modd archebu lle ar y gynhadledd o hyd. Rydym yn ddiolchgar y bydd Joe ac Izzy o Vevox yn ymuno â ni, yn ogystal â’n siaradwr allanol, Dr Christina Stanley o Brifysgol Caer.

Mae canllawiau Vevox ar gael ar ein tudalennau gwe. Os nad ydych wedi defnyddio Vevox o’r blaen cofrestrwch ar gyfer y sesiynau ‘Zero to Hero’ a gynhelir bob dydd Mawrth am 3yp. Byddwn hefyd yn ail-gynnal ein sesiwn hyfforddi Designing Teaching Activities using Vevox ar 16 Mawrth 2022 am 10yb. Gallwch gofrestru drwy ein tudalen Archebu Cyrsiau.

Cynhadledd Fer: Siaradwr Gwadd

WordPress User [jbw] Gynhadledd, Meddalwedd Pleidleisio, Vevox Leave a comment
Mini Conference Logo

Mae’n bleser gennym gyhoeddi mai’r siaradwr gwadd cyntaf i ymuno â ni ar gyfer y Gynhadledd Fer eleni, ‘Defnyddio Meddalwedd Pleidleisio ar gyfer Gweithgareddau Dysgu ac Addysgu’, yw Dr Christina Stanley.

Teitl sesiwn Dr Stanley fydd Polling to Boost Student Confidence and Promote Inclusivity.

Mae Dr Stanley yn Uwch Ddarlithydd Ymddygiad a Lles Anifeiliaid ac yn Arweinydd Rhaglen MSc ym Mhrifysgol Caer.

Mae modd archebu lle nawr ar gyfer y digwyddiad ar ddydd Iau 16 Rhagfyr ac mae’r Alwad am Gynigion ar agor hefyd.

Cadwch lygaid ar ein blog wrth i ni ryddhau rhagor o wybodaeth am y digwyddiad.  

Wedi colli ein hyfforddiant Hanfodion Vevox?

WordPress User [jbw] Meddalwedd Pleidleisio, Vevox Leave a comment

Peidiwch â phoeni. Mae Vevox yn cynnal gweminarau ar-lein rheolaidd, felly os nad ydych chi wedi defnyddio ein meddalwedd pleidleisio newydd o’r blaen a’ch bod eisiau canllaw arbennig i ddechreuwyr, cofrestrwch ar gyfer eu gweminar ar-lein Zero to Hero (in 15 minutes!). Cânt eu cynnal ar brynhawniau Mawrth tan ddiwedd mis Tachwedd.

Mae gennym ni hefyd ganllawiau a Chwestiynau Cyffredin ar gael ar ein gweddalennau Vevox.

Cofiwch ddod i’n cynhadledd fer ddydd Iau 16 Rhagfyr. 

Cynhadledd Fer: Defnyddio Meddalwedd Pleidleisio i Ddatblygu Gweithgareddau Dysgu ac Addysgu

WordPress User [jbw] Gynhadledd, Meddalwedd Pleidleisio 1 Comment
Mini Conference Logo

Mae’n bleser gan yr Uned Datblygu Dysgu ac Addysgu gyhoeddi y cynhelir y Gynhadledd Fer nesaf ar ddydd Iau 16 Rhagfyr, ar-lein drwy Teams.

Byddwn yn edrych ar feddalwedd pleidleisio – offer y gellir ei ddefnyddio i sicrhau bod myfyrwyr yn ymgysylltu â’u dysgu ac yn gwella eu dealltwriaeth o bynciau cymhleth. Eleni, mae’r Brifysgol wedi prynu Vevox, offer pleidleisio ar-lein, sydd wedi’i integreiddio’n llawn yn Teams ac sy’n gallu gwneud eich gweithgareddau wyneb yn wyneb yn rhyngweithiol.

Galwad am Gynigion:

Rydym yn chwilio am gydweithwyr sy’n defnyddio meddalwedd pleidleisio wrth ddysgu ac addysgu i roi cyflwyniad yn y Gynhadledd Fer. Gallai’r pynciau posibl gynnwys:

  • Defnyddio polau ar gyfer gweithgareddau cynefino a thorri’r garw
  • Polau ar gyfer gemeiddio
  • Polau ar gyfer datblygu’r dysgu
  • Gwneud sesiynau addysgu wyneb yn wyneb yn rhyngweithiol
  • Polau ar gyfer gweithgareddau anghydamseredig

Cyflwynwch eich cynnig ar-lein cyn dydd Gwener 19 Tachwedd.

Mae’n bosibl archebu lle ar gyfer y digwyddiad undydd nawr – archebwch ar-lein.

Bydd cyflwynwyr allanol yn ymuno â ni yn y digwyddiad felly cofiwch gadw llygaid ar ein blog wrth i ni gyhoeddi ein rhaglen.

Os oes gennych chi unrhyw gwestiynau, rhowch wybod i ni: lteu@aber.ac.uk.

Gwneud addysgu yn yr ystafell ddosbarth yn rhyngweithiol gyda thechnoleg

WordPress User [jbw] Cysondeb Addysgu, Meddalwedd Pleidleisio, Vevox Leave a comment

Yn y blogbost hwn byddwn yn edrych ar sut y gellir defnyddio technoleg i roi cyfle i fyfyrwyr roi adborth ar feddyliau a syniadau neu weithio’n rhithiol mewn grwpiau cydamserol. O ystyried bod myfyrwyr yn cael eu hannog i wynebu i’r un cyfeiriad mewn ystafelloedd addysgu, bydd gwaith grŵp yn her benodol mewn ystafelloedd addysgu.

Rydym yn argymell eich bod yn annog myfyrwyr i ddod â’u dyfeisiau eu hunain. Bydd hyn yn rhoi mwy o opsiynau i chi adeiladu’r drafodaeth grŵp honno. Os nad oes gan eich myfyrwyr fynediad at ddyfais, yna cyfeiriwch nhw at gg@aber.ac.uk. Os ydych chi am i fyfyrwyr ddefnyddio eu dyfeisiau eu hunain, rhowch wybod iddyn nhw ymlaen llaw.

Defnyddiwch Vevox i fyfyrwyr gyflwyno crynodeb o’u trafodaethau

Offer pleidleisio yw Vevox. Dyma rai gweithgareddau dysgu y gallech eu hystyried, neu gallwch ddyfeisio rhai eich hun:

  • Meddwl a rhannu unigol – Rhowch dasg taflu syniadau neu ddatrys problemau fer i fyfyrwyr, gofynnwch iddyn nhw feddwl am funud neu ddwy ac yna defnyddio Vevox i rannu eu syniadau. Mae hyn yn gweithio’n dda yn yr ystafell ddosbarth, ar-lein, neu mewn amgylchedd HyFlex.
  • Pwynt aneglur neu bwyntiau cofio allweddol – Ar ddiwedd y ddarlith, gofynnwch i’r myfyrwyr bostio naill ai eu pwynt mwyaf aneglur neu eu pwyntiau cofio allweddol o’r ddarlith. Os ydych chi’n defnyddio pwyntiau cofio allweddol, mae hyn nid yn unig yn rhoi gwybodaeth ddefnyddiol i chi am ba mor dda roedden nhw’n deall y cynnwys, ond hefyd yn atgyfnerthu dysgu’r myfyrwyr trwy ymarfer adalw. Da i athrawon a myfyrwyr!
  • Trafodaeth grŵp ac adborth – Os ydych chi’n defnyddio grwpiau o chwech lle mae myfyrwyr yn llwyddo i drafod cwestiwn wrth wynebu ymlaen (ie, rydyn ni’n gwybod bod hyn yn her!), gallwch ofyn i bob grŵp gyflwyno eu prif negeseuon trwy Vevox i’r dosbarth cyfan eu gweld. Mae hyn yn caniatáu ichi gyfuno’r dysgu gan bob grŵp yn ystod yr amser yn y dosbarth.
  • Gwirio dealltwriaeth cyn ac ar ôl addysgu – Mae myfyrwyr yn dysgu orau os gallant gysylltu gwybodaeth newydd â gwybodaeth flaenorol. Gofynnwch gwestiynau i’r myfyrwyr ar ddechrau’r ddarlith i ysgogi’r wybodaeth honno, ac yna gofynnwch gwestiynau ar y diwedd i’w hatgyfnerthu. Gall hyn helpu myfyrwyr i gydnabod cymaint y maent wedi’i ddysgu o’r ddarlith ac atgyfnerthu eu dysgu ar yr un pryd.

Read More

Gweminar Vevox: ‘Co-creating expectations with Vevox’

WordPress User [jbw] Meddalwedd Pleidleisio, Vevox Leave a comment

Fel rhan o’n tanysgrifiad sefydliadol i Vevox, mae modd i ni fynychu gweminarau a gynhelir gan Vevox. Am 2yp ddydd Iau 30 Medi bydd Vevox yn cynnal gweminar o’r enw ‘Co-creating expectations with Vevox’. Bydd y weminar yn cael ei redeg gan Tom Langston, sy’n arbenigwr Dysgu ac Addysgu Digidol ym Mhrifysgol Portsmouth.

Bydd y weminar yn cynnig syniadau ynghylch sut y gellir defnyddio pleidleisio (digidol ac “analog”) i ennyn cyfranogiad myfyrwyr, cyngor ymarferol ynglŷn â strwythur trafodaethau, a defnyddio’r swyddogaeth Holi ac Ateb fel bod modd i fyfyrwyr rannu’r hyn y maent wedi’i ddysgu a gofyn cwestiynau.

Cofrestrwch ar gyfer y weminar hon ar-lein.

Cofrestrwch ar gyfer y sesiwn hyfforddi: Hanfodion E-ddysgu: Cyflwyniad i Vevox.

Os hoffech gael rhagor o wybodaeth am Vevox, gweler ein tudalennau gwe ar Offer Pleidleisio.

Diweddariad Vevox – mathau newydd o gwestiynau ar gael

WordPress User [jbw] Meddalwedd Pleidleisio Leave a comment

Bydd gan Vevox ddiweddariad ar 13Medi a fydd yn cyflwyno mathau newydd o gwestiynau sy’n cynnwys delweddau.

Pôl Delwedd y gellir ei Farcio

Gallwch uwchlwytho delwedd fel y math o gwestiwn a gofyn i’ch myfyrwyr farcio’r datrysiad ar y ddelwedd. Bydd hyn yn wych ar gyfer diagramau, mapiau neu graffiau:

Screen grab of pin on image question.

Amlddewis ar bôl Delwedd

Cwestiwn arall ar ffurf delwedd, ond y tro hwn rhowch gyfle i’ch myfyrwyr ddewis yr ateb cywir o nifer o wrthdyniadau:

Screen grab of Multichoice image.

Nodyn i’ch atgoffa bod Vevox yn cynnal sesiynau hyfforddi ar:

  • 09.09.2021, 11:00-12:00
  • 28.09.2021, 14:00-15:00
  • 06.10.2021, 10:00-11:00

Bydd y sesiynau hyn yn ymdrin â:

  • Sut i gael mynediad at gyfrif
  • Sut i greu sesiwn
  • Creu a Rhedeg polau 
  • Cwestiwn ac Ateb Vevox – arddangos, cymedroli 
  • Arolygon 
  • Data a gosodiadau 
  • Gosod Integreiddiad MS Teams
  • Cwestiwn ac Ateb – unrhyw gwestiynau gan gyfranogwyr  

Archebwch eich lle ar-lein.

Am restr o’r holl ddiweddariadau sy’n dod ar 13 Medi, edrychwch ar Flogbost Vevox.

Mae ein holl ganllawiau ar gyfer Vevox ar gael ar ein tudalennau gwe pleidleisio.

Pa feddalwedd a allaf ei ddefnyddio i addysgu?

WordPress User [aeu] Addysgu Ar-lein, Meddalwedd Pleidleisio, Offer Eraill Leave a comment

Er bod darpariaeth ein huned yn canolbwyntio ar gefnogi offer craidd megis Blackboard, Turnitin, Panopto ac MS Teams,  mae’r rhestr o’r meddalwedd sydd ar gael i staff PA yn llawer hirach.

Yn ddiweddar rydym wedi prynu meddalwedd pleidleisio’r Brifysgol – Vevox a all fod yn ychwanegiad ardderchog i’r offer yr ydych yn eu defnyddio eisoes. Yn ystod y Gynhadledd Dysgu ac Addysgu Flynyddol (archebu lle ar y gynhadledd)) bydd ein rheolwr cyfrif Vevox, Joe Probert yn egluro sut y gellir defnyddio Vevox ar gyfer gweithgareddau dysgu. Ddydd Mercher, byddwn hefyd yn cael cyfle i ymuno â gweminar ar sut i ddefnyddio Vevox yn eich ystafell ddosbarth hybrid. Os hoffech weld sut mae Vevox wedi cael ei ddefnyddio gan sefydliadau eraill, gallwch hefyd edrych ar yr astudiaethau achos hyn.

Offer arall yr ydym wedi ysgrifennu amdano o’r blaen yw Padlet sy’n rhad ac am ddim ac yn cael ei ddefnyddio’n eang ar draws y sector. Edrychwch ar ein blogbost blaenorol sy’n cynnwys rhai syniadau ar sut y gallai gael ei ddefnyddio i addysgu. Mae yna hefyd recordiad o gyflwyniad ar Padlet gan Danielle Kirk a gyflwynwyd yn ystod y 7fed Gynhadledd Dysgu ac Addysgu Flynyddol.

Yn seiliedig ar ddarganfyddiadau’r Arolwg Mewnwelediad Digidol rydym hefyd wedi cyhoeddi rhestr o  offer digidol ac apiau defnyddiol ar gyfer dysgu. Efallai yr hoffech argymell y rhain i’ch myfyrwyr drwy rannu’r neges hon â hwy neu eu cyfeirio at offer penodol a fydd yn eu helpu gyda’r hyn y maent ei angen.

Os ydych chi’n penderfynu defnyddio unrhyw feddalwedd trydydd parti ar gyfer dysgu ac addysgu, mae yna rai ystyriaethau i’w gwneud i’ch cadw chi a’ch myfyrwyr yn ddiogel ar-lein.

Gweler: Defnyddio Meddalwedd Trydydd Parti ar gyfer Dysgu ac Addysgu

Os oes gennych unrhyw gwestiynau ynghylch defnyddio meddalwedd wrth addysgu, cysylltwch â ni ar lteu@aber.ac.uk.