Yn y blogbost hwn, byddwn yn edrych ar rai awgrymiadau ar gyfer monitro blwch sgwrs Teams pan fo pobl yn bresennol yn yr ystafell yn ogystal ag ar-lein.

Bydd swyddogaeth y blwch sgwrs yn cael ei sefydlu yn sgil y gwaith o gynllunio gweithgaredd y bydd pawb yn ei wneud ar yr un pryd, a’r hyn yr hoffech chi i’ch myfyrwyr allu ei wneud ar ôl cymryd rhan. Gofynnwch i chi’ch hun: beth fydd swyddogaeth y blwch sgwrs yn eich sesiwn ddysgu?

Er enghraifft, ydych chi eisiau defnyddio’r blwch sgwrs fel ffordd i’r myfyrwyr sy’n ymuno ar-lein fynegi eu syniadau? Ydych chi eisiau ei ddefnyddio fel cyfle iddynt sgwrsio gyda’i gilydd? Ydych chi eisiau i’r cyfraniadau a wneir yn y blwch sgwrs gael eu rhannu gyda’r rhai sy’n bresennol yn yr ystafell?

Read More

Diben y canllaw hwn yw eich cyflwyno i’r amrywiol sefyllfaoedd yr hoffech eu rhoi ar waith, o bosibl, mewn Ystafelloedd Dysgu. Os oes gennych unrhyw gwestiynau, ebostiwch gg@aber.ac.uk.

Dyma’r newidiadau a wnaed i’r ystafelloedd dysgu:

• Ceir bellach ddwy sgrin yn yr ystafell ddysgu. Sgrin 1 (yr un â’r gwe-gamera arni) yw’r brif sgrin. Mae Sgrin 2 wedi’i chysylltu’n uniongyrchol â’r taflunydd. Defnyddiwch Sgrin 2 i arddangos deunyddiau i’ch dosbarth ac i’w rhannu â’r rhai sy’n cymryd rhan trwy gyfrwng Teams.
• Mae Microsoft Teams wedi’i osod a cheir llwybr byr iddo ar bob bwrdd gwaith.
• Mae microffonau newydd wedi’u gosod ar y ddesg, a chafwyd gwared ar y microffonau llabed.

Os ydych mewn ystafell ddysgu a bod angen cymorth technegol arnoch, codwch y ffôn ac aros. Bydd yn deialu’r tîm Cymorth Technegol yn awtomatig.  

Dyma’r hyn y cynghorwn eich bod yn ei wneud cyn bob sesiwn:

1. Creu cyfarfod Teams ar gyfer yr unigolion hynny na allant ymuno â’r sesiwn wyneb yn wyneb (Sut mae gwneud hynny?)
2. Bod â’r deunyddiau dysgu wrth law yn rhwydd – rydym yn argymell eich bod yn defnyddio OneDrive ac yn copïo eich deunyddiau i’r bwrdd gwaith cyn dechrau’r sesiwn. Dylech osgoi dod â chof bach/USB ac ati i’r ystafell ddysgu. (Sut mae defnyddio OneDrive?)
3. Rhoi gwybod i unrhyw fyfyrwyr sy’n ymuno trwy Teams sut y byddant yn rhan o’r sesiwn a sut y byddwch yn ymdrin â chwestiynau ganddynt.

Read More

Trefnu sesiynau drwy MS Teams:

• Dylid defnyddio MS Teams i gynnal pob sesiwn addysgu ar-lein, oni bai y cytunir fel arall.
• Sicrhewch fod holl fanylion eich sesiynau addysgu ar-lein ar Blackboard (gweler ein Cwestiynau Cyffredin sut i drefnu cyfarfod Teams yn Blackboard?).
• Sylwer, ar gyfer unrhyw sesiynau sydd wedi’u trefnu drwy Blackboard, y gall myfyrwyr ddefnyddio’r ddolen i ymuno â’r sesiwn 15 munud cyn yr amser cychwyn a ddewiswyd. Unrhyw bryd cyn hyn, mae gan fyfyrwyr yr opsiwn i ychwanegu’r sesiwn at eu calendrau Office365 (gweler Cwestiynau Cyffredin ar gyfer myfyrwyr).

Rhoi’r wybodaeth ddiweddaraf i fyfyrwyr:

• Defnyddiwch y nodwedd cyhoeddiadau yn Blackboard i gyfathrebu gyda’ch myfyrwyr. (Gweler ein Cwestiynau Cyffredin Sut mae ychwanegu cyhoeddiad i’m cwrs Blackboard?)
• Sicrhewch fod eich tudalen cysylltiadau Blackboard yn cynnwys eich gwybodaeth gyswllt ynghyd â chyfarwyddiadau clir ar sut a phryd y dylai myfyrwyr gysylltu â chi.

Cyflwyno sesiynau ar-lein o’r Brifysgol:

• Os oes angen, gallwch ddod i mewn i’r Brifysgol i gynnal eich sesiynau ar-lein o’r ystafelloedd dysgu sydd wedi eu neilltuo ar eich cyfer yn eich amserlen. Gwnewch yn siŵr eich bod yn defnyddio’r ystafell a’r amser cywir sydd wedi’i neilltuo ar eich cyfer.

Sesiynau DPP perthnasol:

• Bydd yr Uned Gwella Dysgu ac Addysgu yn cynnal nifer o sesiynau DPP ar gyfer aelodau staff dros yr wythnosau nesaf, gan ganolbwyntio’n benodol ar ddysgu ac addysgu ar-lein ac offer E-ddysgu cysylltiedig.

Am unrhyw gymorth technegol gyda defnyddio MS Teams neu unrhyw un o’r offer E-ddysgu, anfonwch e-bost at eddysgu@aber.ac.uk. Os hoffech drafod unrhyw agwedd ar ddysgu ac addysgu, anfonwch e-bost at udda@aber.ac.uk.

Hoffem roi trosolwg i chi o’r datblygiadau diweddaraf a’r deunyddiau cymorth yr ydym wedi bod yn gweithio arnynt dros y misoedd diwethaf.

Mae’r wybodaeth hon hefyd ar gael o  https://www.aber.ac.uk/cy/is/it-services/elearning/cysondeb/  

Trefnu cyfarfod MS Teams o Blackboard

Dylai’r holl sesiynau addysgu a gynhelir drwy MS Teams gael eu trefnu yn Blackboard. Mae hyn yn cynnwys gweithgareddau ar-lein sydd wedi’u hamserlennu.

Sefydlu cyfarfod: https://faqs.aber.ac.uk/3067

Gwybodaeth i fyfyrwyr: https://faqs.aber.ac.uk/3061

Recordio seminarau a gweithgareddau Teams 

Mae ystyriaethau preifatrwydd y mae angen eu cofio wrth recordio cyfarfod o fewn MS Teams.

Gwybodaeth bellach: Canllawiau ar recordio seminarau a gweithgareddau Teams

Defnyddio ystafelloedd dysgu

Mae gwybodaeth am ddefnyddio ystafelloedd dysgu yn ystod y flwyddyn academaidd hon, gan gynnwys sut i ddefnyddio MS Teams mewn sesiwn addysgu wyneb yn wyneb ar gael o Canllaw Ystafell Dysgu 2020-21.

Deunyddiau cymorth i fyfyrwyr

Mae adnoddau Cynorthwyo eich Dysgu bellach ar gael i fyfyrwyr o https://www.aber.ac.uk/cy/important-info/living-and-learning-in-aberystwyth-2020-21/students/supporting-your-learning/. Fe ychwanegwn at y dudalen yn ystod y semester wrth i bethau newid neu wrth i ni agosáu at adegau allweddol i fyfyrwyr.

Gallwch gofrestru ar gyfer y wythfed gynhadledd Dysgu ac Addysgu flynyddol. Eleni bydd y gynhadledd Dysgu ac Addysgu yn dwyn y thema Cyfoethogi’r Cwricwlwm: Ysgogi Dysgu a Bywiogi’r Addysgu! ac fe’i cynhelir rhwng dydd Llun 7 a dydd Mercher 9 Medi 2020.

Gallwch gofrestru ar gyfer y gynhadledd trwy lenwi’r ffurflen ar-lein hon.

Eleni, mae gennym raglen gyffrous ac amrywiol o weithgareddau, gweithdai a chyflwyniadau sy’n dangos yr arferion dysgu arloesol a geir yn y Brifysgol. Mae copi drafft o’r rhaglen  ar gael ar ein tudalennau gwe.

Os oes gennych chi unrhyw ymholiadau, mae croeso i chi gysylltu â ni.

Rydym ni wedi diweddaru’r IPG er mwyn ymateb i sefyllfa Covid-19. Mae’r IPG newydd yn cynnwys eitemau a fydd yn helpu i gynorthwyo myfyrwyr i ddysgu ar-lein. Fe’i datblygwyd gan yr Uned Cyfoethogi Dysgu ac Addysgu gyda chyfraniad sylweddol gan is-grwpiau’r Grŵp Cynllunio Sefyllfaoedd Posib Dysgu ac Addysgu.

Beth sy’n Newydd?

Caiff pob eitem newydd neu eitem sydd wedi ei haddasu ei hamlygu mewn ffont trwm yn yr IPG newydd. Maent yn cynrychioli rhai arferion da a ddefnyddir ar hyn o bryd yn y Brifysgol, ac yn ymateb hefyd i rai o’r ymholiadau y mae’r Uned Cyfoethogi Dysgu ac Addysgu wedi eu derbyn gan staff a myfyrwyr dros gyfnod argyfwng Covid-19. Ymhlith yr uchafbwyntiau mae:

• Recordiad Panopto o gyflwyniad i fodiwl er mwyn helpu myfyrwyr i ymgyfarwyddo â’r ffordd y bydd y modiwl yn cael ei redeg
• Gweithgareddau cynefino – gweler isod
• Rhoi gwybodaeth glir i fyfyrwyr ynglŷn â’r hyn y mae angen iddynt ei wneud ar-lein, sut y dylid ei wneud, a beth i’w wneud os byddant yn cael problemau.
• Argymhellion ynglŷn â darparu deunyddiau darlithoedd drwy recordiadau Panopto byr.

Deunyddiau cynefino

Mae modiwlau Dysgu o Bell Dysgu o Bell IBERS yn defnyddio ffolder gynefino (a elwir yn Uned 0). Mae hon yn cyflwyno amrywiaeth o weithgareddau i fyfyrwyr y mae’n rhaid eu cwblhau er mwyn sicrhau bod modd i fyfyrwyr astudio ar-lein yn llwyddiannus. Rydym yn argymell defnyddio’r dull hwn ar gyfer modiwlau’r flwyddyn nesaf. Bydd y math o weithgareddau yr hoffech eu cynnwys yn amrywio o fodiwl i fodiwl ac yn dibynnu ar ba offer a dulliau a ddefnyddir yn y modiwl. Dyma rai enghreifftiau:

• Ymarfer cyflwyno aseiniad ar Turnitin neu Blackboard er mwyn gwirio’r broses a sicrhau bod modd i fyfyrwyr weld eu hadborth
• Gwylio recordiad Panopto a chwblhau cwis
• Postio neges gyflwyniadol ar fforwm drafod
• Cwblhau prawf Blackboard ffurfiannol
• Dod o hyd i ddeunyddiau llyfrgell drwy Restr Ddarllen Aspire

Os hoffech chi gymorth neu gefnogaeth gyda’r IPG newydd, anfonwch e-bost at eddysgu@aber.ac.uk

Gan fod modiwlau 2020-21 bellach ar gael i staff, gallwn eu cysylltu gyda’i gilydd ar gais cydgysylltydd y modiwl. Cyfeirir at y drefn hon fel trefn rhiant a phlentyn. Mae cysylltu modiwlau gyda’i gilydd yn ffordd effeithiol o drafod modiwlau ar wahân a chanddynt yr un cynnwys er mwyn osgoi uwchlwytho deunyddiau ar gyfer dau neu ragor o wahanol fodiwlau.

Yn ôl y drefn hon, bydd un modiwl yn rhiant, a’r modiwl(au) arall/eraill yn blentyn. Ni chyfyngir ar nifer y modiwlau plentyn ond ni ellir cael mwy nag un rhiant.

Os ydych yn gydgysylltydd modiwlau ac os hoffech gysylltu eich modiwlau yn ôl y drefn hon, cysylltwch ag eddysgu@aber.ac.uk gan roi’r codau modiwl ar gyfer y modiwlau rhiant a phlentyn.

Read More

Mae modiwlau ar gyfer blwyddyn academaidd 2020/21 bellach ar gael ar gyfer staff sy’n dysgu ar fodiwlau.

Efallai eich bod wedi sylwi bod tab newydd wedi ymddangos ar y ddewislen ar frig eich sgrin Blackboard:

Os ydych wedi cofrestru fel aelod o staff ar y modiwl yn Astra dylech allu gweld eich modiwlau ar gyfer y flwyddyn academaidd nesaf. Os nad oes modd i chi weld modiwl yr ydych wedi cofrestru arno yna cysylltwch â’ch Swyddog Gweinyddol Adrannol. Ni fydd myfyrwyr yn gallu cofrestru ar eich modiwl nes y bydd y cofrestriad wedi’i gwblhau.

Eleni, mae’r Copi Gwag o Gwrs yn berthnasol i holl Uwchraddedig fodiwlau ar y campws.

Mae’r cymorth canlynol ar gael i’ch helpu â Chopi Gwag o Gwrs:

• Darllenwch ein Cwestiynau Cyffredin

Os oes gennych chi unrhyw ymholiadau ynghylch Copi Gwag o Gwrs, neu os oes arnoch angen rhagor o gymorth, e-bostiwch eddysgu@aber.ac.uk.Tak

Yn y blogbost hwn, byddwn yn edrych ar offeryn sydd ar gael i wneud y dasg o ddysgu mewn sesiwn Microsoft Teams yn fwy rhyngweithiol. Mae’r Bwrdd Gwyn yn lle i chi a’ch myfyrwyr allu cydweithio.

Gellir defnyddio’r bwrdd gwyn ar gyfer y canlynol:

1. I fyfyrwyr gael rhannu syniadau neu safbwyntiau
2. I egluro diagram cymhleth i’ch myfyrwyr
3. I wneud mapiau meddwl ar gyfer syniadau neu gysyniadau
4. I rannu neu fapio proses gymhleth

Mae fideo ardderchog ar ddefnyddio’r Bwrdd Gwyn yn Teams gan The Virtual Training Team: https://www.youtube.com/watch?v=qDqtWRu0rTA

Read More