Mae’n bleser gennym gyhoeddi mai’r siaradwr gwadd cyntaf i ymuno â ni ar gyfer y Gynhadledd Fer eleni, ‘Defnyddio Meddalwedd Pleidleisio ar gyfer Gweithgareddau Dysgu ac Addysgu’, yw Dr Christina Stanley.
Teitl sesiwn Dr Stanley fydd Polling to Boost Student Confidence and Promote Inclusivity.
Mae Dr Stanley yn Uwch Ddarlithydd Ymddygiad a Lles Anifeiliaid ac yn Arweinydd Rhaglen MSc ym Mhrifysgol Caer.
Fel arweinydd ein rhaglen TUAAU, rwy’n cadw llygad allan am adnoddau i helpu staff i addysgu’n effeithiol. Mae’r rhain yn cynnwys gweminarau, podlediadau, pecynnau cymorth ar-lein, cyhoeddiadau a mwy. Mae’r pynciau’n cynnwys dysgu gweithredol, addysgu ar-lein/cyfunol, hygyrchedd/cynhwysiant, a dylunio dysgu effeithiol yn seiliedig ar wyddoniaeth wybyddol. Rwyf wedi rhestru isod eitemau y sylwais arnynt yn ystod yr wythnos ddiwethaf. Er mwyn eglurder, ein polisi yw dangos y teitlau a’r disgrifiadau yn yr iaith y cyflwynir yr adnoddau ynddi.
4-5/11/2021 AdvanceHE, Assessment and Feedback Symposium 2021: Putting the Student at the Heart of Assessment and Feedback: Equality, Diversity and Partnership
Bunbury, S., Davies, M., Jones, M., Krajewska, A., Popoola, O., Waddington, L., & Revell, L. (2021), Contract cheating detection for markers: checklist, London and South East Academic Integrity Network
Ewch i’r dudalen archebu Hyfforddiant Staff i weld pa hyfforddiant a gynigir gan yr Uned Datblygu Dysgu ac Addysgu a staff eraill Prifysgol Aberystwyth. Gobeithio y bydd y crynodeb wythnosol hwn o adnoddau yn ddefnyddiol ichi. Os oes gennych unrhyw gwestiynau neu awgrymiadau, cysylltwch â’n tîm ar lteu@aber.ac.uk. Efallai hefyd yr hoffech ddilyn fy nghyfrif Twitter, Mary Jacob L&T.
Mae’n bleser gan yr Uned Gwella Dysgu ac Addysgu gyhoeddi dyddiad yr 10fed Gynhadledd Flynyddol Dysgu ac Addysgu. Cynhelir y gynhadledd o ddydd Llun 12 Medi hyd ddydd Mercher 14 Medi 2022.
Cadwch lygad am Alwadau am Gynigion a chyhoeddi thema’r gynhadledd. Yn ôl ein harfer, byddwn yn diweddaru ein tudalennau gwe ynghylch y Gynhadledd Dysgu ac Addysgu yn ogystal â’n blog er mwyn rhoi’r wybodaeth ddiweddaraf ichi ynghylch sut mae pethau’n datblygu.
Mae gennym hefyd Grŵp Llywio’r Gynhadledd sy’n helpu gyda threfnu, cynllunio a chyhoeddusrwydd y gynhadledd. Mae’r Grŵp Llywio’n cwrdd ambell waith yn ystod y flwyddyn. Os hoffech ymuno â’r Grŵp Llywio ar gyfer cynhadledd y flwyddyn nesaf, e-bostiwch udda@aber.ac.uk.
Peidiwch â phoeni. Mae Vevox yn cynnal gweminarau ar-lein rheolaidd, felly os nad ydych chi wedi defnyddio ein meddalwedd pleidleisio newydd o’r blaen a’ch bod eisiau canllaw arbennig i ddechreuwyr, cofrestrwch ar gyfer eu gweminar ar-lein Zero to Hero (in 15 minutes!). Cânt eu cynnal ar brynhawniau Mawrth tan ddiwedd mis Tachwedd.
Mae gennym ni hefyd ganllawiau a Chwestiynau Cyffredin ar gael ar ein gweddalennau Vevox.
Fel arweinydd ein rhaglen TUAAU, rwy’n cadw llygad allan am adnoddau i helpu staff i addysgu’n effeithiol. Mae’r rhain yn cynnwys gweminarau, podlediadau, pecynnau cymorth ar-lein, cyhoeddiadau a mwy. Mae’r pynciau’n cynnwys dysgu gweithredol, addysgu ar-lein/cyfunol, hygyrchedd/cynhwysiant, a dylunio dysgu effeithiol yn seiliedig ar wyddoniaeth wybyddol. Rwyf wedi rhestru isod eitemau y sylwais arnynt yn ystod yr wythnos ddiwethaf. Er mwyn eglurder, ein polisi yw dangos y teitlau a’r disgrifiadau yn yr iaith y cyflwynir yr adnoddau ynddi.
4-5/11/2021 AdvanceHE, Assessment and Feedback Symposium 2021: Putting the Student at the Heart of Assessment and Feedback: Equality, Diversity and Partnership
Abegglen, S., Aparicio-Ting, F. E., Arcellana-Panlilio, M., Behjat, L., Brown, B., Clancy, T. L., DesJardine, P., Din, C., Dyjur, P., Ferreira, C., Hughson, E. A., Kassan, A., Klinke, C., Kurz, E., Neuhaus, F., Pletnyova, G., Paul, R. M., Peschl, H., Peschl, R., & Squance, R. T. (2021). Incorporating Universal Design for Learning in Disciplinary Contexts in Higher Education (M. Arcellana-Panlilio and P. Dyjur, Eds.). Calgary, AB: Taylor Institute for Teaching and Learning Guide Series.
Carbon, M. B. (6/10/2021), The active essay writing initiative, University of Essex School of Psychology blog, featuring 2-minute video by Wendy Garnham
Ewch i’r dudalen archebu Hyfforddiant Staff i weld pa hyfforddiant a gynigir gan yr Uned Datblygu Dysgu ac Addysgu a staff eraill Prifysgol Aberystwyth. Gobeithio y bydd y crynodeb wythnosol hwn o adnoddau yn ddefnyddiol ichi. Os oes gennych unrhyw gwestiynau neu awgrymiadau, cysylltwch â’n tîm ar lteu@aber.ac.uk. Efallai hefyd yr hoffech ddilyn fy nghyfrif Twitter, Mary Jacob L&T.
Mae’n bleser gan yr Uned Datblygu Dysgu ac Addysgu gyhoeddi y cynhelir y Gynhadledd Fer nesaf ar ddydd Iau 16 Rhagfyr, ar-lein drwy Teams.
Byddwn yn edrych ar feddalwedd pleidleisio – offer y gellir ei ddefnyddio i sicrhau bod myfyrwyr yn ymgysylltu â’u dysgu ac yn gwella eu dealltwriaeth o bynciau cymhleth. Eleni, mae’r Brifysgol wedi prynu Vevox, offer pleidleisio ar-lein, sydd wedi’i integreiddio’n llawn yn Teams ac sy’n gallu gwneud eich gweithgareddau wyneb yn wyneb yn rhyngweithiol.
Galwad am Gynigion:
Rydym yn chwilio am gydweithwyr sy’n defnyddio meddalwedd pleidleisio wrth ddysgu ac addysgu i roi cyflwyniad yn y Gynhadledd Fer. Gallai’r pynciau posibl gynnwys:
Defnyddio polau ar gyfer gweithgareddau cynefino a thorri’r garw
Polau ar gyfer gemeiddio
Polau ar gyfer datblygu’r dysgu
Gwneud sesiynau addysgu wyneb yn wyneb yn rhyngweithiol
Wrth i ddechrau’r tymor newydd gychwyn, hoffem eich gwahodd i’r Fforymau Academi sydd ar ddod dros y flwyddyn academaidd nesaf. Cynhelir ein fforymau academi yn seiliedig ar bwnc neu thema benodol sy’n berthnasol i ddysgu ac addysgu. Maent yn ofod anffurfiol i fyfyrio ar arferion addysgu a’u rhannu, meithrin cysylltiadau â chydweithwyr o ddisgyblaethau eraill, a chael y wybodaeth ddiweddaraf am ddadleuon yn y sector Addysg Uwch.
Yn seiliedig ar adborth o’n sesiynau llwyddiannus y llynedd, rydym wedi ymestyn ein Fforymau Academi i 90 munud.
Cynhelir ein sesiwn gyntaf ar 2 Tachwedd, 11yb-12.30yp. Yn y sesiwn hon, byddwn yn edrych ar ganlyniadau’r arolwg Mewnwelediad Digidol. Mae’r arolwg yn cael ei redeg gan JISC ac mae’n gofyn i fyfyrwyr am eu profiadau dysgu digidol. Ar gyfer blwyddyn academaidd 2020-21, cawsom dros fil o ymatebion. Dewch i’r sesiwn hon os hoffech chi glywed am y canfyddiadaua hefyd meddwl am ffyrdd y gallwch chi gynnwys y canlyniadau yn eich addysgu digidol.
Yn ail, ar 2 Rhagfyr (10yb-11.30yb), byddwn yn ystyried cynllunio dysgu cyfunol. Dros y deunaw mis diwethaf, mae cydweithwyr wedi cyflwyno gweithgareddau addysgu yn gyfan gwbl ar-lein, yn gyfan gwbl wyneb yn wyneb, a hefyd addysgu Hyflex i fyfyrwyr. Os hoffech ystyried sut i gyfuno’r gweithgareddau addysgu ar-lein â gweithgareddau addysgu wyneb yn wyneb, dewch i’r sesiwn hon. Byddwch yn gallu myfyrio ar yr adnoddau yr ydych wedi’u cynhyrchu a sut y gallech chi fynd ati i’w haddasu ar gyfer y cyd-destun addysgu cyfredol.
Yn dilyn cyfnod gwyliau’r gaeaf, bydd ein trydydd sesiwn Fforwm Academi yn cael ei gynnal ar 10 Chwefror (10yb-11.30yb). Bydd y sesiwn hon yn edrych ar strategaethau ar gyfer dylunio asesiadau dilys. Mae JISC yn amlinellu, yn eu papur The Future of Assessment: five principles, five targets for 2025, mai un o ddaliadau allweddol dylunio asesiad yw ei wneud yn ddilys. Rhoddir cyfle i’r cyfranogwyr wella asesiad sy’n bodoli eisoes neu ddylunio un newydd sbon.
Gan edrych ymlaen at y gwanwyn, bydd ein pedwerydd Fforwm Academi am y flwyddyn yn edrych ar gyfleoedd adborth i gymheiriaid. Mae myfyrwyr yn datblygu gwell proses wybyddol drwy gael cyfle i weithio gyda’u cymheiriaid – o aralleirio damcaniaethau cymhleth, i feirniadu gwaith myfyrwyr eraill yn sensitif, gellir defnyddio gweithgareddau adborth cymheiriaid yn effeithiol iawn. Cynhelir y Fforwm Academi hwn ar 3 Mawrth, 11yb-12.30yp.
Bydd ein fforwm academi olaf yn edrych ar Fyfyrwyr fel Partneriaid ar 27 Ebrill, 11yb-12.30yp. Mae yna wahanol ddulliau y gellir eu defnyddio ar gyfer prosiectau Myfyrwyr fel Partneriaid. Byddwn yn edrych ar y rhain – o gyd-ddylunio gan fyfyrwyr i brosiectau datblygu. Yn yr UDDA, rydym wedi gweithio ar nifer o fentrau myfyrwyr fel partneriaid a byddwn yn rhannu ein prosiectau yn ogystal â rhoi cyfleoedd i chi sefydlu eich prosiect eich hun ar lefel sesiwn, modiwl, cwrs neu adran.
Am y tro, bydd ein Fforymau Academi yn cael eu cynnal ar-lein. Archebwch eich lle ar ein Safle Archebu Cwrs. Gobeithio eich gweld chi yno.
Mae tua 16% o’r boblogaeth yn meddwl mewn modd dyslecsig. Ar hyn o bryd, mae tua 500 o fyfyrwyr Prifysgol Aberystwyth wedi datgelu Gwahaniaethau Dysgu Penodol, fel Dyslecsia. Mae myfyrwyr eraill yn gobeithio anghofio’r profiadau negeddol sy’n gysylltiedig â’r gair “dyslecsia” neu maen nhw’n methu fforddio’r broses asesu ac felly dydyn nhw ddim yn manteisio ar y Cymorth Sgiliau Dysgu.
Mae rhai sydd â dyslecsia yn cael yn anhawster yn yr ysgol ond wedyn yn ffynnu yn y brifysgol ac yn ennill gwobrau am draethodau. Mae’r modd y mae rhai eraill dyslecsig yn gweithio yn parhau nes bydd eu hamgylchedd yn newid ee pan fydd eu gwaith darllen yn cynyddu yn sylweddol. Mae’r problemau yn codi fel arfer pan mae anghysondeb rhwng cyflwyniad y deunydd dysgu a dull yr unigolyn o ddysgu.
Mae sgilliau dyslecsig yn sylfaenol i lawer o waith academaidd. Mewn rhai agweddau fel canfod, dychmygu, cyfathrebu, rhesymu, cysylltu ac archwilio, ceir bod llawer o feddylwyr dyslecsig yn well, ar gyfartaledd. Y perygl yw bod y rhagoraethau hyn yn mynd ar goll pan fydd cyfathrebu mewn ysgrifen yn cael ei ddefnyddio i fesur faint mae rhywun yn deall.
3 argymhelliad ar gyfer dysgu a chefnogi myfyrwyr dyslecsig:
Byddwch yn benodol– gall myfyrwyr wedyn defnyddio eu hegni i weithio’n fwy effiethiol a phrofi llai o bryder
Byddwch yn dryloyw – fel y gall myfyrwyr ddeall dulliau datblygu sgiliau academig
Byddwch yn ystyriol– gan fod profiadau myfyrwyr mor wahanol, gan gynnwys effeithiau’r pandemig
British Dyslexia Association https://www.bdadyslexia.org.uk/dyslexia Yn cynnwys cwrs hyfforddi ar-lein BDA am ddim – dyslecsia ac iechyd meddwl – yn ystod Wythnos Dyslecsia
Fel arweinydd ein rhaglen TUAAU, rwy’n cadw llygad allan am adnoddau i helpu staff i addysgu’n effeithiol. Mae’r rhain yn cynnwys gweminarau, podlediadau, pecynnau cymorth ar-lein, cyhoeddiadau a mwy. Mae’r pynciau’n cynnwys dysgu gweithredol, addysgu ar-lein/cyfunol, hygyrchedd/cynhwysiant, a dylunio dysgu effeithiol yn seiliedig ar wyddoniaeth wybyddol. Rwyf wedi rhestru isod eitemau y sylwais arnynt yn ystod yr wythnos ddiwethaf. Er mwyn eglurder, ein polisi yw dangos y teitlau a’r disgrifiadau yn yr iaith y cyflwynir yr adnoddau ynddi.
20-21/10/2021QAA,Quality Matters 2021“Quality Matters is an annual student-focused event providing an introduction to student engagement in quality assurance and enhancement and preparing student representatives for the year ahead”
Vines, C. (23/9/2021), altc21 Resources Openly Accessible, Association for Learning Technology Annual Conference, “The full recorded online programme and session recordings are now available openly to all.”
