Crynodeb Wythnosol o Adnoddau – 18/2/2025

WordPress User [mhj] Crynodeb Wythnosol o Adnoddau Leave a comment

Fel arweinydd ein rhaglen TUAAU, rwy’n cadw llygad allan am adnoddau i helpu staff i addysgu’n effeithiol. Mae’r rhain yn cynnwys gweminarau, podlediadau, pecynnau cymorth ar-lein, cyhoeddiadau a mwy. Mae’r pynciau’n cynnwys dysgu gweithredol, addysgu ar-lein/cyfunol, hygyrchedd/cynhwysiant, a dylunio dysgu effeithiol yn seiliedig ar wyddoniaeth wybyddol. Rwyf wedi rhestru isod eitemau y sylwais arnynt yn ystod yr wythnos ddiwethaf. Er mwyn eglurder, ein polisi yw dangos y teitlau a’r disgrifiadau yn yr iaith y cyflwynir yr adnoddau ynddi.  

Digwyddiadau a gweminarau ar-lein

Chwefror

Mawrth

Ebrill

Mai

Mehefin

Adnoddau a chyhoeddiadau

Arall

  • Call for proposals (open dates) Unfiltered by EmpowerED: A Podcast Series where educators share unedited stories of inspiration and challenge
  • Call for proposals (open dates) Future Teacher Webinars
  • Monthly series European Network for Academic Integrity, ENAI monthly webinars free open webinars on various topics related to academic integrity

Ewch i’r dudalen archebu Hyfforddiant Staff i weld pa hyfforddiant a gynigir gan yr Uned Datblygu Dysgu ac Addysgu a staff eraill Prifysgol Aberystwyth. Gobeithio y bydd y crynodeb wythnosol hwn o adnoddau yn ddefnyddiol ichi. Os oes gennych unrhyw gwestiynau neu awgrymiadau, cysylltwch â’n tîm ar lteu@aber.ac.uk. Cyfryngau cymdeithasol: X.com, BSky.

Galw am Gynigion: Gynhadledd Dysgu ac Addysgu 2025

WordPress User [jbw] Cynhadledd Dysgu ac Addysgu Flynyddol 2025, Gynhadledd Leave a comment

Gwahoddir staff, cynorthwywyr dysgu uwchraddedig a myfyrwyr i gyflwyno cynigion ar gyfer 13eg Cynhadledd Dysgu ac Addysgu, Dydd Mawrth 8 – Dydd Iau 10 Gorffennaf 2025.

Gallwch gyflwyno a gweld yr alwad am gynigion ar-lein.

Dyma’r thema ar gyfer y gynhadledd eleni:

Llwybrau Arloesol i Rymuso Dysgwyr:  Addasu, Ymroi, a Ffynnu

Dyma prif gangen y gynhadledd eleni:

  • Dylunio asesiadau y gellir eu haddasu
  • Ymroddiad myfyrwyr a dysgu annibynnol
  • Meithrin cymuned  
  • Technolegau i wella dysgu
  • Dysgu ar-lein

Mae croeso i staff, cynorthwywyr dysgu uwchraddedig, a myfyrwyr gynnig sesiynau ar unrhyw bwnc sy’n berthnasol i ddysgu, yn enwedig os ydynt yn canolbwyntio ar ymgorffori a defnyddio technoleg wrth ddysgu. Mae croeso i chi gyflwyno pynciau eraill, hyd yn oed os nad ydynt yn cyd-fynd ag un o’r canghennau uchod.

Rydym yn annog cyflwynwyr i ystyried defnyddio fformatau amgen sy’n cyd-fynd â’r hyn a drafodir yn eu sesiynau. Gan hynny, ni fyddwn yn gofyn am fformat cyflwyno safonol, ond gofynnwn i chi gynnwys fformat, hyd y sesiwn ac unrhyw ofynion eraill a fo gennych wrth i chi wneud eich cynnig isod.

Gofynnwn i chi lenwi’r ffurflen hon erbyn 8 Ebrill 2025. Os oes gennych chi unrhyw gwestiynau, mae croeso i chi gysylltu â’r eddygsu@aber.ac.uk.

Y 13eg Gynhadledd Dysgu ac Addysgu Flynyddol:  Cyhoeddi’r Thema

WordPress User [jbw] Cynhadledd Dysgu ac Addysgu Flynyddol 2025, Digwyddiadau a Rhwydweithiau, Gynhadledd Leave a comment

Rydym yn falch o gyhoeddi thema’r 13eg Gynhadledd Dysgu ac Addysgu Flynyddol a gynhelir rhwng 8 a 10 Gorffennaf 2025.

Y thema yw:  “Llwybrau Arloesol i Rymuso Dysgwyr:  Addasu, Ymroi, a Ffynnu”.

Bydd y gynhadledd yn cynnwys y meysydd canlynol:

  • Dylunio asesiadau y gellir eu haddasu
  • Ymroddiad myfyrwyr a dysgu annibynnol
  • Meithrin cymuned  
  • Technolegau i wella dysgu
  • Dysgu ar-lein

Bob blwyddyn, rydym yn siarad â’n grŵp rhanddeiliaid ac aelodau eraill o’r Brifysgol i benderfynu ar bynciau a fydd yn ddefnyddiol i’n cydweithwyr. 

Mae’r maes cyntaf, sef dylunio asesiadau y gellir eu haddasu, yn dwyn ynghyd ddarn o waith gan gydweithwyr yn y Gwasanaethau i Fyfyrwyr, sy’n amlygu dulliau hyblyg o ddylunio asesiadau, asesiadau â sawl fformat, a dylunio asesu dilys.

Mae ymroddiad myfyrwyr a meithrin dysgu annibynnol yn parhau i fod yn her allweddol i gydweithwyr.  Yn y maes hwn, mae gennym ddiddordeb mewn strategaethau ar gyfer meithrin annibyniaeth wrth ddysgu, ffyrdd y gellir sgaffaldio dysgu, ac ymgorffori sgiliau ar gyfer dysgu a’r gweithle i raddedigion. 

Mae ein trydydd maes, sef meithrin cymuned, yn ceisio tynnu sylw at les yn y cwricwlwm gan ystyried dulliau o weithio sydd yn fwy ystyriol o drawma, sut mae cymunedau dysgu ar-lein yn cael eu creu, a defnyddio dadansoddeg dysgu.  Mae addysgeg gynhwysol yn ganolog i’r holl themâu hyn. 

Yn y maes technolegau i wella dysgu, bydd gennym ddiddordeb i glywed am astudiaethau achos cadarnhaol ac am ffyrdd o ymgorffori DA yn yr ystafell ddosbarth, am ffyrdd uwch a rhagorol o ddefnyddio Blackboard Ultra, ac am arferion da mewn addysgu yn yr oes ddigidol. 

Mae ein maes olaf, sef dysgu ar-lein, yn cyfeirio at waith Prosiect Dysgu Aber Ar-lein mewn partneriaeth â HEP, yn pontio dysgu ar y campws i ddysgu ar-lein, a strategaethau i ennyn diddordeb myfyrwyr mewn dysgu ar-lein.

Bydd yr Alwad am Gynigion yn agor yn fuan a chyfle i archebu eich lle ar gyfer y gynhadledd.

Os oes gennych unrhyw gwestiynau, cysylltwch â threfnwyr y gynhadledd ar eddysgu@aber.ac.uk. 

Diweddariadau Vevox

WordPress User [jbw] Hyfforddiant a Chymorth, Meddalwedd Pleidleisio, Vevox Leave a comment
Sgrinlun o gwestiwn rhifol gydag allbwn Word Cloud

Mae gan Vevox, sef dewis y Brifysgol o ddull pleidleisio, nodweddion newydd gwych o’r diweddariadau ym mis Medi 2024 a mis Rhagfyr 2024.  

I gydweithwyr sy’n anghyfarwydd â Vevox, gellir ei ddefnyddio i wneud eich addysgu yn fwy rhyngweithiol, ac i helpu i wneud penderfyniadau mewn cyfarfodydd. Mae cyfranogwyr yn defnyddio dyfeisiau symudol i gymryd rhan mewn pleidleisio amser real, ond mae yna opsiynau hefyd ar gyfer arolygon anghydamserol a byrddau cwestiwn ac ateb.

Mae’r holl ddiweddariadau hyn ar gael ar y Recordiad YouTube hwn a thrwy’r nodiadau datganiad hyn:

1. Labeli Cwestiwn ac Ateb

Gall gwesteion sesiwn ddiffinio labeli y gellir bellach eu gweld a’u defnyddio gan gyfranogwyr. Mae hyn yn golygu y gall cyfranogwyr dagio eu negeseuon cwestiwn ac ateb gyda label wedi’i ddiffinio ymlaen llaw. Er enghraifft, efallai yr hoffech gael label ar gyfer Asesu i ganiatáu i fyfyrwyr gysylltu eu cwestiynau â thag.

2. Cymharu canlyniadau arolwg barn yn eich sesiwn

Mae hwn yn weithgaredd defnyddiol i fesur effaith sesiwn addysgu. Gofynnwch un cwestiwn i fyfyrwyr ar ddechrau’r sesiwn i fesur lefel eu dealltwriaeth ac yna gofynnwch yr un cwestiwn iddyn nhw ar ddiwedd y sesiwn i weld a yw eu dealltwriaeth wedi newid. Gweler y Diweddariad Vevox am gyfarwyddiadau ar sut i gyflawni hyn.

3. Opsiynau tanbleidleisio

Yn ddiofyn, mae’r bwrdd C ac A yn caniatáu i gyfranogwyr uwchbleidleisio cwestiynau. Mae hyn yn golygu y gallwch drefnu cwestiynau yn ôl y rhai y mae’r rhan fwyaf o gyfranogwyr eisiau eu gofyn. Mae Vevox wedi cyflwyno gosodiad tanbleidleisio y gallwch ei ddefnyddio i ganiatáu i’ch cyfranogwyr danbleidleisio cwestiynau. Gallwch newid y gosodiadau hyn yn y rhyngwyneb gosodiadau C ac A.

4. Dull amgen o arddangos canlyniadau

Bellach gellir arddangos ymatebion i gwestiynau arolwg MCQ mewn gwahanol ffyrdd. Gallwch ddefnyddio’r graff bar traddodiadol ond nawr gallwch ddewis arddangos eich allbwn fel siart cylch. Gallwch newid y wedd mewn amser real trwy gael panel gweinyddol Vevox ar agor ar un sgrin yn y ddarlith a chael y ffenestr cyflwynydd wedi’i thaflunio.

5. Rhyddhau cwestiwn cwmwl rhif

Mae’r pôl rhif yn rhoi’r opsiwn i hyfforddwyr arddangos sut mae’r allbwn yn cael ei ddangos gyda rhyngwyneb newydd ar ffurf Cwmwl Geiriau. Gallwch ddewis cael hyn fel allbwn o’r rhyngwyneb cwestiwn pleidleisio.

6. Fformatio waliau testun

Mae canlyniadau ar gyfer y cwestiwn arddull ateb bellach yn ymddangos mewn modd symlach wrth gyhoeddi’r canlyniadau. Yn hytrach na dangos yr allbwn yn llawn, dangosir y brawddegau cyntaf yn unig. Gall yr hyfforddwr glicio ar y sylwadau yr hoffent dynnu sylw atynt a bydd yn dangos yr ymateb llawn.

7. Canlyniadau amser real PowerPoint

Mae’r integreiddiad PowerPoint wedi’i ddiweddaru i allu dangos canlyniadau Cwmwl Geiriau, Siart Cylch a Chwmwl Rhif yn fyw. Mae rhagor o wybodaeth am ddefnyddio integreiddiad PowerPoint Vevox ar gael ar eu tudalen we.

8. Opsiynau testun cyfoethog ar gyfer fformatio cwestiwn

Mae testun trwm, italig a thanlinellu bellach yn opsiynau wrth fformatio cwestiynau.

9. Tracio presenoldeb

Ar gyfer polau a nodwyd, gallwch redeg gwybodaeth am bresenoldeb o’r adroddiadau data. Yna gallwch weld pryd ymunodd cyfranogwyr â’r sesiwn a phryd y gwnaethant adael y sesiwn.

10. Hidlyddion cabledd addasadwy

Fel gweinyddwyr cyfrif, gallwn ychwanegu geiriau at yr hidlydd cabledd addasadwy. Bydd hyn yn cael ei gymhwyso i arolygon barn, arolygon, a nodweddion C ac A. Os oes gennych air yr hoffech ei gynnwys yn yr hidlydd cabledd, cysylltwch ag eddysgu@aber.ac.uk.

Mae rhagor o wybodaeth a chyngor i’w gweld ar ein tudalennau gwe: Adnodd Pleidleisio:   Gwasanaethau Gwybodaeth, Prifysgol Aberystwyth.

Mae diweddariadau ac astudiaethau achos blaenorol ar gael ar ein blog.

Cynhadledd Fer: Cyflogadwyedd a’r Cwricwlwm Cynhwysol

WordPress User [jbw] Digwyddiadau a Rhwydweithiau, Gynhadledd Leave a comment

Mae’r Grŵp Addysg Ddigidol mewn partneriaeth â’r Gwasanaeth Gyrfaoedd yn falch o gyhoeddi’r thema ar gyfer ein Cynhadledd Fer nesaf.

Gan adeiladu ar lwyddiant Cynhadledd Dysgu ac Addysgu Flynyddol y llynedd, byddwn yn ailedrych ar y pwnc cyflogadwyedd gyda’r thema Cyflogadwyedd a’r Cwricwlwm Cynhwysol.   

Bydd y gynhadledd fer yn cael ei chynnal ar-lein fore Mawrth 8 Ebrill.

Bydd y rhestr lawn yn cael ei chadarnhau maes o law ond rydym yn falch o gyhoeddi y bydd y Gwasanaeth Gyrfaoedd yn lansio eu pecyn cymorth newydd ar gyfer ymgorffori cyflogadwyedd yn y cwricwlwm.

Mae modd archebu ar gyfer y digwyddiad nawr. Gallwch archebu’ch lle ar-lein.

Os oes gennych unrhyw gwestiynau, cysylltwch â ni ar eddysgu@aber.ac.uk.

Mini Conference Logo

Crynodeb Wythnosol o Adnoddau – 10/2/2025

WordPress User [mhj] Crynodeb Wythnosol o Adnoddau Leave a comment

Fel arweinydd ein rhaglen TUAAU, rwy’n cadw llygad allan am adnoddau i helpu staff i addysgu’n effeithiol. Mae’r rhain yn cynnwys gweminarau, podlediadau, pecynnau cymorth ar-lein, cyhoeddiadau a mwy. Mae’r pynciau’n cynnwys dysgu gweithredol, addysgu ar-lein/cyfunol, hygyrchedd/cynhwysiant, a dylunio dysgu effeithiol yn seiliedig ar wyddoniaeth wybyddol. Rwyf wedi rhestru isod eitemau y sylwais arnynt yn ystod yr wythnos ddiwethaf. Er mwyn eglurder, ein polisi yw dangos y teitlau a’r disgrifiadau yn yr iaith y cyflwynir yr adnoddau ynddi.  

Digwyddiadau a gweminarau ar-lein

Chwefror

Mawrth

Mai

Mehefin

Adnoddau a chyhoeddiadau

Arall

  • Call for proposals (open dates) Unfiltered by EmpowerED: A Podcast Series where educators share unedited stories of inspiration and challenge
  • Call for proposals (open dates) Future Teacher Webinars
  • Monthly series European Network for Academic Integrity, ENAI monthly webinars free open webinars on various topics related to academic integrity

Ewch i’r dudalen archebu Hyfforddiant Staff i weld pa hyfforddiant a gynigir gan yr Uned Datblygu Dysgu ac Addysgu a staff eraill Prifysgol Aberystwyth. Gobeithio y bydd y crynodeb wythnosol hwn o adnoddau yn ddefnyddiol ichi. Os oes gennych unrhyw gwestiynau neu awgrymiadau, cysylltwch â’n tîm ar lteu@aber.ac.uk. Cyfryngau cymdeithasol: X.com, BSky.

Beth sy’n newydd yn Blackboard – Chwefror 2025

WordPress User [brr26] Blackboard, Diweddariadau Misol Leave a comment
, , , , , , ,

Yn niweddariad Chwefror, mae Blackboard wedi gwella llif gwaith Aseiniadau a Phrofion, ac wedi cyflwyno gwelliannau pellach i’r Cynorthwyydd Dylunio DA. Ceir opsiynau newydd hefyd i reoli a chreu cynnwys, a chywirdeb pellach wrth uwchlwytho graddau ac adborth.

Aseiniadau, Profion, Marcio a Graddau

Trosi aseiniadau presennol i’r llif gwaith aseiniadau newydd

Arferai’r llwythi gwaith Creu Prawf a Chreu Aseiniad rannu’r un gosodiadau cynnwys, ond gwahanwyd y llifau gwaith ers mis Awst diwethaf. Bydd diweddariad y mis hwn yn rhedeg trosiad swmp awtomatig o unrhyw aseiniadau a grëwyd cyn Awst 2024 i sicrhau bod pob aseiniad (gorffennol a phresennol) yn elwa o’r llif gwaith newydd. Gweler Blog Awst 2024 am fanylion pellach ar wahaniaethau’r llif gwaith.

Aseiniadau yn dilyn y trosi: Ni fydd unrhyw opsiwn i ychwanegu cwestiynau i aseiniadau a dim ond gyda myfyrwyr yn rhyngweithio â’r aseiniad y bydd ymgeisiadau’n cael eu creu, megis cyflwyno ffeil neu ychwanegu cynnwys. Ni fydd clicio ar yr aseiniad yn creu ymgais.

Profion yn dilyn y trosi: Bydd profion gyda chwestiynau yn aros yr un fath. Bydd unrhyw brofion heb gwestiynau yn cael eu gosod Yn guddiedig rhag y myfyrwyr. Pan fyddwch yn copïo profion o fodiwlau blaenorol, byddant hefyd yn cael eu gosod i Yn guddiedig rhag y myfyrwyr. Dilëwyd rhai opsiynau aseiniad-benodol o’r gosodiadau prawf.

  • Casglu cyflwyniadau all-lein
  • Defnyddiwch gyfeireb graddio
  • Uchafswm pwyntiau
  • 2 radd i bob myfyriwr
  • Adolygiad gan gymheiriaid

Yn ogystal, diweddarwyd y swyddogaeth ar gyfer opsiynau gwelededd myfyrwyr ac amodau rhyddhau ar gyfer profion. Bellach, rhaid i hyfforddwyr ychwanegu un neu fwy o gwestiynau at eu prawf i’w wneud yn weladwy i fyfyrwyr neu i ychwanegu amodau rhyddhau. Mae hyn yn sicrhau bod myfyrwyr ond yn gweld asesiadau y gallant ymgysylltu’n weithredol â nhw.

Delwedd 1: Panel gosodiadau gydag opsiynau aseiniad-benodol wedi’u dileu.

Settings panel with assignment-specific options removed

Cuddio Codau Mynediad ar gyfer Profion

Yn y gorffennol, pan oedd goruchwyliwr arholiad yn teipio cȏd mynediad ar gyfer arholiad ar-lein gan ddefnyddio Profion Blackboard, gwelid y cȏd ar y sgrȋn. Peryglai hyn ddiogelwch yr amgylchedd profi. Mae’r cȏd bellach wedi’i guddio (******) i sicrhau gwell diogelwch. Ceir opsiwn i weld y cȏd, ond cuddiedig yw’r cyflwr diofyn ac mae hyn yn darparu gwell preifatrwydd a diogelwch yn ystod arholiadau.

Delwedd 2: Cȏd mynediad wedi’i guddio.

Screenshot of Masked Access Code

Gwell cywirdeb wrth uwchlwytho graddau ac adborth

Gall hyfforddwyr nawr uwchlwytho graddau ac adborth ar gyfer aseiniadau, dyddlyfrau a thrafodaethau gyda chywirdeb gwell. Cyn hyn, byddai graddau a uwchlwythwyd bob amser yn cael eu storio ar y lefel gwrthwneud, a oedd yn gadael unrhyw ymgeisiadau neu gyflwyniadau drafft heb eu graddio. Achosodd hyn i’r baneri Angen Graddio a Chyflwyniad Newydd aros yn weladwy, hyd yn oed pan oedd graddio wedi’i gwblhau all-lein. Mae graddau ac adborth wedi’u llwytho i fyny bellach wedi’u mapio’n gywir i’r ymgais neu gyflwyniad cyfatebol sy’n lleihau dryswch ac yn rhoi gwell eglurder i hyfforddwyr. Gweler y canllawiau ar Weithio All-lein gyda Data Gradd am ragor o wybodaeth.

Cynorthwy-ydd Dylunio DA

Creu mwy o gwestiynau a Modiwlau Dysgu

Wrth ddefnyddio’r Cynorthwyydd Dylunio AI, gall hyfforddwyr nawr osod nifer y cwestiynau a gynhyrchir ar gyfer profion a banciau cwestiynau i uchafswm o 20. Cynyddodd uchafswm nifer y modiwlau dysgu y gellir eu creu gyda’r Cynorthwy-ydd Dylunio AI hefyd i 20. Mae yna opsiwn ychwanegol hefyd i eithrio disgrifiadau o fodiwlau dysgu a gynhyrchwyd gan y Cynorthwyydd Dylunio AI. Bellach mae gan hyfforddwyr yr opsiwn i ysgrifennu eu disgrifiadau eu hunain.

Delwedd 3: Mae’r dudalen ‘Auto-Generate Questions’ yn dangos uchafswm newydd o 20 cwestiwn.

Screenshot of the Auto-Generate Questions page displays a new maximum number of questions of 20.

I gael rhagor o wybodaeth am yr offer sydd ar gael gyda Chynorthwyydd Dylunio DA gweler Offer Cynorthwyydd Dylunio DA

Rheoli a Chreu Cynnwys

Bloc Delwedd Newydd wrth greu Dogfen

Mae Blackboard wedi ychwanegu bloc delwedd newydd at Ddogfennau. Defnyddir blociau delwedd i uwchlwytho’ch delweddau eich hun, defnyddio Cynorthwyydd Dylunio DA i gynhyrchu delweddau, neu ddewis delweddau o ‘Unsplash’. Gellir symud blociau delwedd trwy’r ddogfen, yn union fel mathau eraill o flociau. Mae gennych yr opsiwn i newid maint delweddau, gosod uchder, a chynnal cymarebau agwedd mewn blociau delwedd.

Delwedd 4: Yr opsiwn bloc delwedd newydd yn Dogfennau.

A screenshot of the new image block option in Documents.

Mae bloc delwedd pwrpasol yn gwneud ychwanegu delweddau yn fwy amlwg. Mae ychwanegu delweddau trwy’r bloc delwedd hefyd yn lleihau gofod gwyn o amgylch delweddau ac yn darparu mwy o reolaeth dros ddyluniad cynnwys. I gael rhagor o wybodaeth am ddefnyddio Dogfennau yn Blackboard gweler Gwelliannau i Ddogfennau.

Newid Ffolderi i Fodylau Dysgu

Gall hyfforddwyr nawr newid ffolder i fodiwl dysgu neu fodiwl dysgu yn ffolder. Mae manteision newid ffolder i fodiwl dysgu yn cynnwys:

  • Delweddau bawd: Daw modiwlau dysgu gyda delweddau bawd, sy’n darparu profiad cwrs sy’n apelio yn weledol.
  • Dilyniant gorfodol: Gall hyfforddwyr orfodi myfyrwyr i lywio modiwlau dysgu mewn llwybrau llinol.
  • Bar cynnydd: Mae gan fodiwlau dysgu far cynnydd ar gyfer myfyrwyr sy’n amlygu nifer yr eitemau y mae angen iddynt eu cwblhau a’u dilyniant ar yr eitemau hynny.
  • Llywio blaenorol ac nesaf: Gall myfyrwyr lywio’n gyflym i’r eitem nesaf neu flaenorol mewn modiwl dysgu.

Mae hefyd yn bosibl trosi modiwl dysgu yn ffolder, er na fyddem yn argymell hyn gan y bydd yn dileu’r manteision ychwanegol a rhestrwyd uchod.

Delwedd 5: Yr opsiwn newydd i newid ffolder i fodiwl dysgu yn y gwymplen.

Screenshot of the new option to change a folder to a learning module in the dropdown menu.

Cyfnewidfa Syniadau Blackboard (Idea Exchange)

Nod yr adran hon yw rhoi’r wybodaeth ddiweddaraf i chi am gynnydd y gwelliannau y gofynnwyd amdanynt ar Gyfnewidfa Syniadau Blackboard. Mae’r tair eitem ganlynol wedi newid eu statws i ‘Cynllunio i weithredu’:
• Cefnogaeth ar gyfer ‘Modd Tywyll’ mewn Cyrsiau Ultra
• Y gallu i ychwanegu metadata at gwestiynau mewn profion a banciau
• Trefnu Cronfeydd Cwestiynau

Os oes gennych gais ar gyfer unrhyw welliannau i Blackboard, cysylltwch gyda’r Grŵp Addysgu Ddigidol.

Crynodeb Wythnosol o Adnoddau – 4/2/2025

WordPress User [mhj] Crynodeb Wythnosol o Adnoddau Leave a comment

Fel arweinydd ein rhaglen TUAAU, rwy’n cadw llygad allan am adnoddau i helpu staff i addysgu’n effeithiol. Mae’r rhain yn cynnwys gweminarau, podlediadau, pecynnau cymorth ar-lein, cyhoeddiadau a mwy. Mae’r pynciau’n cynnwys dysgu gweithredol, addysgu ar-lein/cyfunol, hygyrchedd/cynhwysiant, a dylunio dysgu effeithiol yn seiliedig ar wyddoniaeth wybyddol. Rwyf wedi rhestru isod eitemau y sylwais arnynt yn ystod yr wythnos ddiwethaf. Er mwyn eglurder, ein polisi yw dangos y teitlau a’r disgrifiadau yn yr iaith y cyflwynir yr adnoddau ynddi.  

Digwyddiadau a gweminarau ar-lein

Chwefror

Mawrth

Mai

Mehefin

Adnoddau a chyhoeddiadau

Arall

  • Call for proposals (open dates) Unfiltered by EmpowerED: A Podcast Series where educators share unedited stories of inspiration and challenge
  • Call for proposals (open dates) Future Teacher Webinars
  • Monthly series European Network for Academic Integrity, ENAI monthly webinars free open webinars on various topics related to academic integrity

Ewch i’r dudalen archebu Hyfforddiant Staff i weld pa hyfforddiant a gynigir gan yr Uned Datblygu Dysgu ac Addysgu a staff eraill Prifysgol Aberystwyth. Gobeithio y bydd y crynodeb wythnosol hwn o adnoddau yn ddefnyddiol ichi. Os oes gennych unrhyw gwestiynau neu awgrymiadau, cysylltwch â’n tîm ar lteu@aber.ac.uk. Cyfryngau cymdeithasol: X.com, BSky.

Cymwysiadau ac Eithriadau

WordPress User [kaw] Amgylchedd Dysgu Rhithwir (VLE), Blackboard, E-gyflwyno, Profion, Profion Blackboard Leave a comment
Logo Blackboard - Blackboard by Anthology

Mae gan Blackboard rai opsiynau y gallwch eu defnyddio i sicrhau bod myfyrwyr yn cael unrhyw drefniadau asesu unigol sydd eu hangen arnynt.

Caiff cymwysiadau eu cymhwyso i fyfyriwr ar lefel cwrs a byddant yn berthnasol i unrhyw Aseiniad neu Brawf Blackboard yn y cwrs. Fodd bynnag, nid yw’n berthnasol i aseiniadau Turnitin. Mae cymwysiadau’n dda i fyfyrwyr sydd â threfniant parhaus nad yw’n amrywio rhwng aseiniadau ar yr un cwrs.

Gall myfyrwyr gael addasiad Dyddiad Cyflwyno neu cymwysiadau Terfyn Amser.

Gyda cymwysiadau Dyddiad Cyflwyno, ni fydd gwaith yn cael ei farcio’n hwyr mewn llyfr graddau, er y bydd modd i chi weld pryd y cafodd ei gyflwyno. Mae cymwysiadau Terfyn Amser yn rhoi amser ychwanegol i’r myfyriwr ar unrhyw asesiad gydag amserydd.

Mae gan fyfyrwyr sydd ag cymwysiadau faner sy’n weladwy’n unig i staff yn y Llyfr Graddau, y Gofrestr, ac ar yr Asesiad. Os yw myfyriwr ag addasiad yn rhan o aseiniad grŵp, cymhwysir y cymwysiad i bob myfyriwr yn y grŵp ar gyfer yr aseiniad hwnnw.

Gwneir eithriadau ar gyfer myfyrwyr ar lefel cwrs ar gyfer aseiniadau unigol. Eto, nid ydynt yn berthnasol i aseiniadau Turnitin. Mae eithriadau’n dda i fyfyrwyr a allai fod ag estyniad i ddyddiad cyflwyno ar gyfer darn unigol o waith. Gellir defnyddio eithriadau ar gyfer ymdrechion ychwanegol, dyddiadau cyflwyno wedi’u haildrefnu, neu fynediad estynedig. Dim ond i gyflwyniadau di-enw y gellir cymhwyso eithriadau – mae hyn yn golygu eu bod yn ddefnyddiol ar gyfer profion amlddewis nad oes angen eu marcio â llaw.  Maent yn weladwy’n unig i staff drwy’r Llyfr Graddau neu’r dudalen Cyflwyniad Prawf.

Mae’r holl wybodaeth am Cymwysiadau ac Eithriadau ar gael ar safle Cymorth Blackboard.

Crynodeb Wythnosol o Adnoddau – 29/1/2025

WordPress User [mhj] Crynodeb Wythnosol o Adnoddau Leave a comment

Fel arweinydd ein rhaglen TUAAU, rwy’n cadw llygad allan am adnoddau i helpu staff i addysgu’n effeithiol. Mae’r rhain yn cynnwys gweminarau, podlediadau, pecynnau cymorth ar-lein, cyhoeddiadau a mwy. Mae’r pynciau’n cynnwys dysgu gweithredol, addysgu ar-lein/cyfunol, hygyrchedd/cynhwysiant, a dylunio dysgu effeithiol yn seiliedig ar wyddoniaeth wybyddol. Rwyf wedi rhestru isod eitemau y sylwais arnynt yn ystod yr wythnos ddiwethaf. Er mwyn eglurder, ein polisi yw dangos y teitlau a’r disgrifiadau yn yr iaith y cyflwynir yr adnoddau ynddi.  

Digwyddiadau a gweminarau ar-lein

Ionawr

Chwefror

Mawrth

Mai

Adnoddau a chyhoeddiadau

Arall

  • Call for proposals (open dates) Unfiltered by EmpowerED: A Podcast Series where educators share unedited stories of inspiration and challenge
  • Call for proposals (open dates) Future Teacher Webinars
  • Monthly series European Network for Academic Integrity, ENAI monthly webinars free open webinars on various topics related to academic integrity

Ewch i’r dudalen archebu Hyfforddiant Staff i weld pa hyfforddiant a gynigir gan yr Uned Datblygu Dysgu ac Addysgu a staff eraill Prifysgol Aberystwyth. Gobeithio y bydd y crynodeb wythnosol hwn o adnoddau yn ddefnyddiol ichi. Os oes gennych unrhyw gwestiynau neu awgrymiadau, cysylltwch â’n tîm ar lteu@aber.ac.uk. Efallai hefyd yr hoffech ddilyn fy nghyfrif Twitter, Mary Jacob L&T.