Categori: Diweddariadau Technegol

Beth sy’n Newydd yn Blackboard Ally

WordPress User [kaw] Amgylchedd Dysgu Rhithwir (VLE), Blackboard, Diweddariadau Technegol, Hygyrchedd Leave a comment
Inclusivity and Accessibility banner

Dros yr haf bu rhai diweddariadau i Blackboard Ally a fydd yn helpu cydweithwyr i ddatrys problemau gyda delweddau a dogfennau PDF yn Blackboard.

Disgrifiad a awto-gynhyrchir gan DA

Mae’r adnodd disgrifiad a awto-gynhyrchir gan DA wedi’i ddatblygu i ysgrifennu testun amgen gwell ar gyfer siartiau, testun mewn delweddau, cynnwys STEM, a llawysgrifen mewn delweddau. Fel yr holl offer DA yn Blackboard, gall staff olygu unrhyw agwedd ar yr allbwn DA a’i addasu os oes angen. Mae’r offer DA hefyd yn darparu man cychwyn da ar gyfer dysgu mwy am ysgrifennu testun amgen.  Ac os ydych chi’n defnyddio Blackboard yn Gymraeg, bydd yr adnodd DA yn creu testun amgen Cymraeg.

I ddefnyddio’r teclyn DA:

  • Cliciwch ar y dangosydd Ally ar gyfer eich delwedd (neu ewch iddo drwy Llyfrau ac Offer > Adroddiad Hygyrchedd Ally > Cynnwys)
  • O dan Golygu disgrifiad y ddelwedd, cliciwch ar Cynhyrchu disgrifiad yn awtomatig
  • Yna gallwch glicio Cadw i ddefnyddio’r disgrifiad neu olygu’r disgrifiad cyn clicio ar Cadw.
  • Os nad ydych eisiau defnyddio’r disgrifiad, cliciwch ar Tynnu o’r ddelwedd, a theipiwch eich disgrifiad eich hun. 

Haen OCR ar ddogfennau wedi’u sganio

Roedd tua 15% o ddogfennau PDF yng nghyrsiau 2024-25 yn ddogfennau nad ydynt yn OCR. Mae hyn yn achosi problem i unrhyw un sydd angen newid maint y testun neu ddefnyddio darllenydd sgrin oherwydd bod y testun yn ymddangos fel delwedd yn hytrach na thestun darllenadwy. Mae Ally bellach yn darparu offer i ychwanegu haen OCR ddarllenadwy ar ben dogfen nad yw’n OCR. Bydd ansawdd yr haen hon yn dibynnu ar natur y cynnwys (mae dogfennau wedi’u teipio yn gweithio’n well na delweddau neu lawysgrifen) yn ogystal ag ansawdd y sgan.

Rydym yn awgrymu eich bod chi’n rhoi cynnig ar yr offer haen OCR a gweld a all eich helpu i ddarparu dogfennau PDF mwy hygyrch. Cofiwch y gallwch hefyd ddefnyddio gwasanaeth Digido’r Llyfrgell sy’n darparu sganiau darllenadwy OCR o erthyglau mewn cyfnodolion a phenodau llyfrau.

I ddefnyddio’r haen OCR:

  • Cliciwch ar y dangosydd Ally ar gyfer eich delwedd (neu ewch iddo drwy Llyfrau ac Offer > Adroddiad Hygyrchedd Ally > Cynnwys)
  • Cliciwch ar y botwm Rhagolwg a Defnyddio i ychwanegu’r haen
  • Bydd rhagolwg yn ymddangos – defnyddiwch eich llygoden i amlygu’r testun ar y rhagolwg. Bydd hyn yn dangos i chi pa destun fydd yn cael ei ychwanegu at y ffeil.
  • Os ydych chi’n hapus i’w ddefnyddio, cliciwch ar Defnyddio. Os nad ydych yn hapus, dewiswch Canslo
  • Os nad ydych chi’n defnyddio’r haen OCR, bydd y botwm Dysgu sut i drwsio PDF yn rhoi opsiynau i chi ar gyfer ychwanegu cyfeirnod llyfrgell.

Iaith a Theitl PDF

Gellir trwsio dogfennau PDF heb iaith neu deitl wedi’u gosod yn uniongyrchol yn Ally:

  • Cliciwch ar y dangosydd Ally ar gyfer eich dogfen PDF (neu ewch iddo drwy Llyfrau ac Offer > Adroddiad Hygyrchedd Ally > Cynnwys)
  • O dan Ychwanegu Iaith PDF, dewiswch iaith y ddogfen a chlicio ar Defnyddio gosodiad
  • Teipiwch deitl eich dogfen yn y blwch Gosod Teitl PDF ac yna cliciwch Defnyddio gosodiad.

Cyfarwyddyd i fyfyrwyr

I’ch helpu i annog eich myfyrwyr i ddefnyddio Fformatau Amgen Ally, mae gennym eitem Cadwrfa Gwrthrychau Dysgu ar Ally y gallwch ei defnyddio yn eich cwrs. Gweler ein Cwestiwn Cyffredin ar ychwanegu eitem o’r Gadwrfa i’ch cwrs.

Mae mwy o newidiadau wedi’u cynllunio ar gyfer Ally dros y tri mis nesaf, a byddwn yn diweddaru cydweithwyr trwy’r blog. Am ragor o wybodaeth am Ally, edrychwch ar y dudalennau cymorth Ally

Datganiadau asesu DA Cynhyrchiol ar gael yng Nghadwrfa Gwrthrychau Dysgu Blackboard

WordPress User [jbw] Blackboard, Cynhyrchu Deallusrwydd Artiffisial, Diweddariadau Technegol Leave a comment

Mae’n bleser gennym gyhoeddi bod Datganiadau Asesu DA Cynhyrchiol bellach ar gael yng Nghadwrfa Gwrthrychau Dysgu Blackboard.

Mae hyn yn rhan o’r gwaith y mae’r Gwasanaethau Llyfrgell a Dysgu yn ei wneud mewn cydweithrediad ag UndebAber a’r Gofrestrfa Academaidd.

Nod y gwaith hwn yw ei gwneud yn glir i fyfyrwyr beth yw’r disgwyliadau o ran eu hymgysylltiad a’u defnydd o DA Cynhyrchiol mewn dysgu ac addysgu.

Mae tri datganiad ar gael yn y Gadwrfa Gwrthrychau Dysgu:

  • Dim defnydd o Offer DA Cynhyrchiol ar gyfer yr asesiad hwn
  • Rhywfaint o ddefnydd o Offer DA Cynhyrchiol ar gyfer yr asesiad hwn
  • Disgwylir defnydd o Offer DA Cynhyrchiol ar gyfer yr asesiad hwn

Mae pob un o’r datganiadau yn rhoi cyngor ac yn cyfeirio myfyrwyr at gymorth ychwanegol.

Gall cydweithwyr gopïo’r datganiadau hyn i faes perthnasol y cwrs. Gan fod lefelau derbyniol o ddefnydd DA Cynhyrchiol yn amrywio rhwng asesiadau unigol, argymhellir bod y datganiadau yn cael eu copïo i’r ffolder asesu perthnasol.

I gael rhagor o wybodaeth gweler: Sut mae ychwanegu eitem o Gadwrfa Gwrthrychau Dysgu Blackboard at fy nghwrs?

Yn ogystal â’r Datganiadau Asesu DA Cynhyrchiol, mae Datganiad Defnydd o Offer DA Cynhyrchiol ar gael hefyd. Mae’r datganiad hwn wedi’i ddatblygu gan gydweithwyr yn Adran y Gyfraith a Throseddeg ac mae’n rhoi cyfle i fyfyrwyr amlinellu sut maent wedi defnyddio DA Cynhyrchiol yn eu haseiniadau.

Os oes gennych unrhyw gwestiynau ynglŷn â defnyddio’r Gadwrfa Gwrthrychau Dysgu, cysylltwch ag eddysgu@aber.ac.uk.

Mân newid:  Peiriannau’r Ystafelloedd Dysgu

WordPress User [jbw] Diweddariadau Technegol, Panopto, Ystafelloedd Addysgu Leave a comment

Mae problem wedi codi â’r system recordio Panopto sydd wedi effeithio ar y ffolderi sydd gan rai pobl i recordio ynddynt.

Credwn ein bod wedi dod o hyd i ateb i’r broblem erbyn hyn, ac rydym wedi’i brofi mewn nifer o ystafelloedd.

Rydym bellach wrthi’n addasu’r peiriannau ym mhob ystafell ddysgu er mwyn datrys y broblem.

Bydd proffiliau’r defnyddwyr bellach yn cael eu hadnewyddu bob 5 diwrnod (yn hytrach na phob 10 niwrnod). Bydd yr adnewyddu hwnnw’n golygu y bydd unrhyw gopïau lleol o ddeunyddiau a gopïwyd i’r bwrdd gwaith yn cael eu dileu ar ôl 5 diwrnod.

Ymddiheuriadau i bawb y mae hyn wedi effeithio arnynt am yr anghyfleustra a achoswyd. 

Diweddariad Vevox: Mawrth 2025

WordPress User [jbw] Diweddariadau Technegol, Meddalwedd Pleidleisio, Vevox Leave a comment

Mae rhai nodweddion newydd ar gael yn y diweddariad Vevox (Adnodd Pleidleisio) yr hoffem dynnu eich sylw atynt.

I’r rhai sy’n anghyfarwydd â Vevox, gellir defnyddio’r feddalwedd bleidleisio i ofyn cwestiynau i fyfyrwyr ac er mwyn iddynt ymateb ar y pryd gan ddefnyddio eu dyfeisiau symudol. I gael mwy o wybodaeth am sut i ddefnyddio Vevox, gweler ein tudalen we.

Mae’r diweddariad yn cynnwys:

Os ydych chi’n defnyddio polau a chwisiau Tîm, gallwch nawr sefydlu Tabl arweinwyr. Mae’r datblygiad hwn yn wych ar gyfer gweithgareddau diwedd tymor neu adolygu.

Os ydych chi’n creu cwestiynau ar daenlen, gallwch eu huwchlwytho o dempled excel.

Cyflwynwyd y nodwedd hon yn y diweddariad diwethaf ond mae rhai gwelliannau i’r llif gwaith. Gallwch gynnal pôl demograffig i gasglu gwybodaeth neu nodweddion allweddol ar gyfer eich ymatebwyr, cyn gofyn rhagor o gwestiynau i ddadgyfuno’r canlyniadau.

Gall cynhyrchydd cwis DA nawr greu 10 cwestiwn ar y tro.

Mae’r ychwanegyn PowerPoint a ddiweddarwyd yn cynnwys gwelliannau i rendro LaTeX a KaTeX, opsiynau testun cyfoethog ar gyfer fformatio cwestiynau, a diweddariadau i wella polau Siart Cylch a rhifol.

Edrychwch ar ddiweddariad Vevox: Mawrth 2025 am y diweddariad llawn.

Os oes gennych unrhyw gwestiynau am ddefnyddio Vevox, cysylltwch â ni (eddysgu@aber.ac.uk).

Panopto: Capsiynau Adnabod Lleferydd Awtomatig

WordPress User [jbw] Diweddariadau Technegol, Hygyrchedd, Panopto Leave a comment

Rydym yn falch o gyhoeddi bod Capsiynau Adnabod Lleferydd Awtomatig Panopto wedi’i gymeradwyo yn y Pwyllgor Ansawdd a Safonau diweddar.

Mae hyn yn golygu, ar gyfer y flwyddyn academaidd 2025-26 a thu hwnt, y bydd capsiynau awtomatig yn cael eu defnyddio yn eich recordiadau Panopto.

Bydd y rhai sy’n gwylio yn gweld y capsiynau ar waelod y sgrin neu gallant lawrlwytho trawsgrifiad:

Sgrinlun yn dangos recordiad Panopto gyda chapsiynau]

Er y bydd capsiynau’n ymddangos yn awtomatig y flwyddyn academaidd nesaf, gall cydweithwyr eisoes gynnwys capsiynau awtomatig i’r holl recordiadau mewn ffolder Panopto. Edrychwch ar ganllaw Panopto ar sut i wneud hyn.

Rydym wedi bod yn gweithio i alluogi capsiynau awtomatig ers sawl blwyddyn, felly rydym yn croesawu’r datblygiad hwn. Yn rhan o’r gwaith hwn, rydym wedi cymryd camau lliniarol i fynd i’r afael â rhai o’r heriau a’r pryderon, gan gynnwys:

  • Anghywirdebau capsiynau awtomatig
  • Disgwyliadau clir ar gyfer staff a myfyrwyr
  • Rheoli cyrsiau aml-iaith

Bydd capsiynau awtomatig yn cael eu defnyddio ym mhob recordiad ar y safle pan fyddwn wedi galluogi’r nodwedd hon. Yr iaith ddiofyn a fydd yn cael ei defnyddio yn ffolderi’r modiwl yw Saesneg. Bydd gosodiadau ffolderi modiwlau a gyflwynir 100% drwy gyfrwng y Gymraeg yn cael eu diweddaru â llaw i gynhyrchu Capsiynau Awtomatig yn Gymraeg.

Rydym hefyd wedi cynnal Asesiad o Effaith ar Gydraddoldeb i edrych ar rai o’r heriau a achosir gan Bensiynau Awtomatig sydd ar gael ar gais (eddysgu@aber.ac.uk).

Er mwyn hwyluso galluogi capsiynau awtomatig, mae’r polisi Cipio Darlithoedd wedi’i ddiweddaru. Rydym yn adolygu ein holl bolisïau (Cipio Darlithoedd, Isafswm Presenoldeb Gofynnol Blackboard, ac E-gyflwyno) yn flynyddol. Byddwn yn anfon rhagor o wybodaeth am y diweddariadau hyn maes o law.

Byddwn nawr yn dechrau gweithio ar ddiweddaru Panopto i alluogi capsiynau Awtomatig ar gyfer 2025-26.

Cyflawniadau Blackboard

WordPress User [jbw] Blackboard, Diweddariadau Technegol Leave a comment
Sgrinlun o'r tab Cyflawniadau a bathodynnau cysylltiedig mewn cwrs Blackboard

Rydym wedi galluogi nodwedd newydd ar Blackboard o’r enw Cyflawniadau.

Mae cyflawniadau’n caniatáu i hyfforddwyr gysylltu cyflawniad myfyrwyr â bathodynnau i helpu i gydnabod eu cyflawniadau neu eu hyfedredd.

Gweler Cymorth Blackboard i gael trosolwg o’r cyflawniadau. Bydd y safle cymorth yn rhoi cyngor i chi ar y mathau o weithgareddau y gellir eu defnyddio ar eu cyfer yn ogystal â sut i’w gosod.

I greu bathodyn, mae angen i chi ei gysylltu â cholofn Llyfr Graddau – megis prawf, aseiniad, neu Turnitin. Gallwch nodi lefel benodol y mae angen ei chyrraedd i gael bathodyn. 

Yna gall myfyrwyr weld eu cyflawniadau ar y cwrs neu’r mudiad o’r tab Cyflawniadau.

Byddem yn croesawu gweithio gyda chydweithwyr i drin a thrafod sut y gellid defnyddio cyflawniadau ar lefel cynllun neu adrannol.

Dileu Mudiadau Ymarfer Blackboard Original

WordPress User [jbw] Blackboard, Diweddariadau Technegol Leave a comment

Bydd Mudiadau Ymarfer Blackboard Original yn cael eu dileu ddydd Iau 9 Ionawr 2025.

Mae’r Mudiadau Ymarfer hyn yn Original, sef yr hen fersiwn o Blackboard.

Mae gan bob aelod o staff Fudiadau ymarfer Ultra gyda’r confensiwn enwi Enw Cyntaf, Enw Olaf Cwrs Ymarfer Ultra / Ultra Practice (Ultra_username) y gellir eu cyrchu o’r tab Mudiad ar y ddewislen ar y chwith.

Gellir copïo cynnwys o’r Mudiad Ymarfer ‘Original’ i’r Mudiad Ymarfer ‘Ultra’. I gael rhagor o wybodaeth, gweler ein Cwestiwn Cyffredin.

Mae rhagor o wybodaeth ynglŷn â symud Mudiadau o Original i Ultra ar gael ar y blogbost hwn.

Cysylltwch ag eddysgu@aber.ac.uk os oes gennych unrhyw gwestiynau am y broses hon.

Croeso i staff newydd sy’n ymuno â Phrifysgol Aberystwyth

WordPress User [jbw] Blackboard, Digwyddiadau a Rhwydweithiau, Diweddariadau Technegol, E-gyflwyno, Gynhadledd, Hyfforddiant a Chymorth, Panopto, Vevox Leave a comment
Distance Learner Banner

Yr Uned Datblygu Dysgu ac Addysgu ydym ni. Rydym ni’n rhan o’r Gwasanaethau Gwybodaeth. Rydym ni’n gweithio gyda staff ar draws y brifysgol i gefnogi a datblygu dysgu ac addysgu. Rydym ni’n cynnal amrywiaeth eang o weithgareddau i gyflawni hyn.

Mae’r holl wybodaeth fyddwch chi ei hangen ar dudalennau gwe’r Uned Datblygu Dysgu ac Addysgu.

Rydym ni’n ysgrifennu blog gyda’r newyddion diweddaraf, manylion am ddigwyddiadau a sesiynau hyfforddi, ac adnoddau.

Os bydd angen i chi gysylltu â ni gallwch wneud hynny ar un o ddau gyfeiriad ebost:

  • udda@aber.ac.uk (am gwestiynau addysgegol a chynllunio, neu i drefnu ymgynghoriad) neu
  • eddysgu@aber.ac.uk (am ymholiadau technegol ynghylch ein harlwy e-ddysgu a restrir isod)

Cyflwyniad i’r arlwy e-ddysgu

Amgylchedd Dysgu Rhithwir: Blackboard

Mae gan bob modiwl ei gwrs penodol ei hun yn Blackboard. Mae gan y modiwlau hyn gynnwys ar-lein, fel rhestrau darllen, a manylion staff addysgu. Dyma’r prif bwynt cyswllt am wybodaeth i’ch myfyrwyr ar unrhyw fodiwl, gan gynnwys mynediad at ddarlithoedd wedi’u recordio a chyflwyno aseiniadau. Mae gan y Brifysgol bolisi Isafswm Presenoldeb Gofynnol Blackboardar gyfer pob modiwl.

Cipio Darlithoedd: Panopto

Wrth addysgu wyneb yn wyneb, byddwch yn ymwybodol y dylid recordio pob darlith (hynny yw, addysgu lle mae’r ffocws ar drosglwyddo gwybodaeth o staff i fyfyrwyr) yn defnyddio Panopto, ein meddalwedd Cipio Darlithoedd. Gweler manylion ein Polisi Cipio Darlithoedd.

E-gyflwyno: Turnitin a Blackboard Assignment

Ym Mhrifysgol Aberystwyth, rhaid i fyfyrwyr gyflwyno’r holl waith testun a phrosesu geiriau yn electronig fel yr amlinellir ym mholisi E-gyflwyno’r Brifysgol. Ar gyfer hyn rydym ni’n defnyddio’r teclynau e-gyflwyno Turnitin a Blackboard Assignment. Mae Turnitin yn darparu swyddogaeth paru testun awtomatig.

Offer Pleidleisio: Vevox

Vevox yw offer pleidleisio Prifysgol Aberystwyth. Gellir cynnal pleidleisiau mewn gweithgareddau dysgu ac addysgu, yn ogystal â chyfarfodydd, er mwyn creu sesiynau sy’n rhyngweithiol a chydweithredol, a cheir llawer o bosibiliadau gwahanol o ran defnydd.

Adnoddau a rhagor o gymorth

Mae gennym ni nifer o Ganllawiau a Chwestiynau Cyffredini’ch helpu i ddefnyddio ein meddalwedd.

Hyfforddiant

Er mwyn cefnogi’r holl staff gyda’u haddysgu, mae’r Uned Datblygu Dysgu ac Addysgu yn cynnal nifer o sesiynau hyfforddi. Mae’r rhain yn cynnwys:

  • sesiynau ymarferol i staff ymgyfarwyddo â gwahanol elfennau o’r amgylchedd dysgu rhithwir,
  • yr agenda Dysgu Gweithredol,
  • asesu ac adborth,
  • hygyrchedd,
  • sgiliau cyflwyno, a mwy.

Rydym ni hefyd yn cynnig amrywiaeth o ddigwyddiadau a rhaglenni hyfforddi. Ceir manylion am ein rhaglen DPP flynyddol a gallwch archebu eich lle drwy ein Tudalen Archebu Cwrs. Rydym ni’n cyflwyno rhai sesiynau ein hunain, tra bo eraill yn cael eu cyflwyno gan staff y brifysgol y mae eu haddysgu’n cynnwys arfer da yn y meysydd hynny. Edrychwch am (D&A) yn nheitl y sesiwn.

Digwyddiadau

Mae’r Uned Datblygu Dysgu ac Addysgu yn cynnal amrywiaeth o ddigwyddiadau, gan gynnwys y Gynhadledd Dysgu ac Addysgu Flynyddol, Cynadleddau Bach, Gwyliau Bach a Fforymau Academi. Mae’r rhain i gyd yn gyfleoedd gwych i gyfarfod â phobl o bob rhan o’r brifysgol i drafod materion a datblygiadau’n ymwneud â Dysgu ac Addysgu.

Rhaglenni

Mae’r Uned Datblygu Dysgu ac Addysgu hefyd yn cynnal rhaglenni i gefnogi eich datblygiad proffesiynol parhaus. Mae hyn yn cynnwys rhaglen Addysgu i Uwchraddedigion ym Mhrifysgol Aberystwyth (TPAU) a’r Dystysgrif Uwchraddedig Addysgu mewn Addysg Uwch (PGCTHE) ar lefel Meistr a Chynllun Cymrodoriaeth (ARCHE).

Croeso i Flwyddyn Academaidd 2024-25: Diweddariadau i Blackboard ar gyfer myfyrwyr

WordPress User [jbw] Blackboard, Diweddariadau Technegol, E-gyflwyno, Gwybodaeth i Fyfyrwyr, Panopto Leave a comment

Croeso cynnes i fyfyrwyr newydd sy’n ymuno â ni a’r rhai sy’n dychwelyd i astudio ym Mhrifysgol Aberystwyth.

Yn y blogbost hwn, byddwn yn amlinellu’r newidiadau a wnaed i’ch amgylchedd dysgu digidol, Blackboard, yn barod ar gyfer dechrau blwyddyn academaidd 2024-25.

Os oes angen cymorth arnoch i ddefnyddio Blackboard, gweler ein Canllaw i Fyfyrwyr sy’n cynnwys pob math o wybodaeth ddefnyddiol.

Mae gennym hefyd gwestiynau cyffredin ar gael ar gyfer yr offer eraill yr ydym yn eu cefnogi, gan gynnwys Turnitin ar gyfer e-gyflwyno a Panopto ar gyfer cipio darlithoedd.

Templed wedi’i ddiweddaru

Mae’r holl gyrsiau wedi cael eu creu eleni gan ddefnyddio templed ychydig yn wahanol.

Mae Gwybodaeth am y Modiwl ac Asesu ac Adborth wedi’u disodli gan Fodiwlau Dysgu. Mae Modiwlau Dysgu yn cynnig ffordd fwy gweledol i chi drefnu’ch cynnwys.

Yn Gwybodaeth am y Modiwl gallwch ddisgwyl dod o hyd i eitemau sy’n ymwneud â gweinyddu’r cwrs.

Yn Asesu ac Adborth gallwch ddisgwyl dod o hyd i’ch mannau cyflwyno, briffiau aseiniadau a meini prawf marcio.

Efallai y gwelwch fod eich darlithwyr hefyd wedi defnyddio Modiwlau Dysgu ar gyfer eich Deunyddiau Dysgu.

Olrhain Cynnydd

Newid arall yw bod Olrhain Cynnydd wedi’i droi ymlaen yn ddiofyn ar yr holl gynnwys ar eich cwrs. Mae’r hyn yn eich galluogi i olrhain eich cynnydd eich hun drwy’r cwrs drwy farcio eich bod wedi cwblhau tasgau. Mae Canllawiau Blackboard yn darparu gwybodaeth bellach.

Blackboard Ally

Nodyn i’ch atgoffa ein bod wedi galluogi Blackboard Ally ar eich holl gyrsiau. Mae Blackboard Ally yn caniatáu ichi lawrlwytho cynnwys i wahanol fformatau. Mae hyn yn cynnwys ffeiliau mp3, darllenwyr trochi, a Braille electronig. Am gymorth, edrychwch ar ganllaw Ally. 

Blackboard Assignment

Byddwn yn cynnal cyfres o sesiynau peilota gyda rhai cyrsiau ar draws y Brifysgol gan ddefnyddio Blackboard Assignment. I’r rhai ohonoch sydd wedi arfer cyflwyno drwy Turnitin, mae Blackboard Assignment yn cynnig swyddogaeth debyg. Mae gennym gwestiwn cyffredin penodol i fyfyrwyr ar Sut i gyflwyno gan ddefnyddio Blackboard Assignment. Os oes gennych unrhyw gwestiynau, cysylltwch â’r Gwasanaethau Gwybodaeth (gg@aber.ac.uk) a’ch adran academaidd.

Mudiadau Adrannol

Yn olaf, cam olaf ein prosiect Ultra oedd symud Mudiadau Adrannol i Ultra. Mae Mudiadau yn debyg i Gyrsiau ond nid ydynt yn fodiwlau y gallwch eu hastudio. Defnyddir mudiadau i roi gwybodaeth ddefnyddiol i chi am eich Adran. Fe’u defnyddir hefyd at ddibenion hyfforddi a phrofi, fel y cwis Cyfeirnodi a Llên-ladrad. Gallwch gael mynediad i’ch Mudiadau o’r ddewislen ar y chwith yn Blackboard.

Os oes gennych unrhyw gwestiynau ynghylch defnyddio Blackboard cysylltwch â’r Gwasanaethau Gwybodaeth (gg@aber.ac.uk).