Ar gyfer cydweithwyr a allai fod yn newydd i’r Brifysgol, cydweithwyr sy’n dychwelyd o absenoldeb ymchwil a chyfnodau eraill o absenoldeb, a’r rhai sydd eisiau gloywi, rydym yn rhedeg ein Hanfodion E-ddysgu: Cyflwyniad i Blackboard Learn Ultra ym mis Ionawr
Gallwch archebu eich lle ar-lein.
Ddim yn gallu dod i’n sesiynau hyfforddi?
Mae gennym ein canllaw Blackboard Learn Ultra i staff ar ein tudalennau gwe yn ogystal â rhestr chwarae i’ch tywys drwy osod eich Modiwl Blackboard Learn Ultra.
Y mis hwn hoffai’r Uned Datblygu Dysgu ac Addysgu dynnu sylw at dri o welliannau i Hyfforddwyr yn niweddariad Blackboard Learn Ultra ym mis Rhagfyr.
Mae delweddau’n helpu i wella dealltwriaeth o gynnwys y cwrs a’r ymgysylltiad ag ef. Mae hyfforddwyr a myfyrwyr eisiau defnyddio delweddau o ansawdd uchel mewn cynnwys a chyflwyniadau. Er mwyn helpu â hyn, mae botwm delwedd newydd wedi’i ychwanegu i’r golygydd cynnwys yn y mannau canlynol:
Llun isod: Gwedd hyfforddwr – botwm delwedd ar olygydd cynnwys ar gyfer Cyhoeddiadau
Gall graddio nifer fawr o gyflwyniadau heb ffordd i’w trefnu fod yn ddiflas. Nawr, gall hyfforddwyr gymhwyso gwahanol opsiynau didoli gyda graddio hyblyg:
Mae’r rhyngwyneb graddio yn storio’r opsiwn didoli a ddefnyddiwyd fwyaf diweddar. Os yw hyfforddwr yn rhoi’r gorau i raddio asesiad ac yn ailddechrau graddio yn ddiweddarach, cymhwysir yr opsiwn didoli olaf.
Hefyd, os ydych yn didoli’r cyflwyniadau yn ôl cyfenw neu statws graddio, mae’r opsiwn didoli a ddewiswyd yn cario drosodd i’r rhyngwyneb graddio.
Llun isod: Opsiynau didoli fel y dangosir o’r tab Myfyrwyr yn y graddio hyblyg.
Efallai y bydd hyfforddwyr am bennu dyddiadau cyflwyno gwahanol ar gyfer pob grŵp sy’n gweithio ar asesiad grŵp.
Yn y gorffennol, nid oedd unrhyw ffordd i glustnodi dyddiadau cyflwyno amrywiol ar gyfer pob grŵp sy’n gweithio ar asesiad grŵp. Nawr, gall hyfforddwyr neilltuo dyddiad cyflwyno unigryw i bob grŵp gan ddefnyddio’r llif gwaith eithriadau.
Ar y dudalen Cyflwyniadau yn yr asesiad grŵp, gall yr hyfforddwr ychwanegu neu olygu eithriadau ar gyfer grŵp.
Llun isod: Gwedd hyfforddwyr – ychwanegu neu olygu opsiwn eithriadau ar y dudalen Cyflwyniadau asesiad grŵp.
Mae’r panel Eithriadau yn dangos gwybodaeth berthnasol megis enw’r aseiniad ac enw’r grŵp dethol. Mae hyn yn helpu i sicrhau cywirdeb eithriad. Gall hyfforddwyr ddewis dyddiad cyflwyno ar gyfer y grŵp gan ddefnyddio’r dewisydd dyddiad ac amser.
Llun isod: Gwedd hyfforddwyr – panel eithriadau.
Ar 31 Rhagfyr 2023, mae Blackboard yn dod â Building Blocks i ben fel datrysiad integreiddio ar gyfer offer trydydd parti ac ni fyddant yn gweithredu mwyach yn Blackboard. Ni fydd hyn yn effeithio ar gyrsiau Blackboard Learn Ultra.
Er ein bod wedi defnyddio Building Blocks yn y Blackboard Learn gwreiddiol (cyrsiau a gynhaliwyd cyn 2023-24), nid yw eich Cyrsiau Blackboard Learn Ultra yn eu defnyddio.
Building Blocks yw pecynnau meddalwedd sydd wedi’u gosod i integreiddio offer megis Panopto a Turnitin (ymhlith llawer o rai eraill) i Blackboard. Dros y ddwy flynedd ddiwethaf rydym wedi uwchraddio’r offer hyn i integreiddiadau LTI (Learning Tools Interoperability). Dod â Building Blocks i ben oedd un o’r gyrwyr ar gyfer symud i Blackboard Learn Ultra.
Mae LTI yn cynnig mynediad i ddiweddariadau rheolaidd, atgyweirio namau, a datblygiadau a gwelliannau parhaus a gynlluniwyd ar gyfer Blackboard Ultra. Roedd angen uwchraddio Building Blocks â llaw ac anaml iawn yr oedd yn cael ei ddiweddaru wrth i’r dull hwn o integreiddio agosáu at ddod i ben.
Mae’r Uned Datblygu Dysgu ac Addysgu wedi gwneud profion helaeth i sicrhau y bydd y newid hwn yn cael cyn lleied o effaith â phosibl ar gyrsiau Blackboard Learn Ultra cyfredol.
Byddwn yn ymgymryd â’r gwaith o analluogi Building Blocks ar ddydd Mawrth 12 Rhagfyr yn ystod cyfnod cynnal a chadw rheolaidd GG ar fore Mawrth i baratoi ar gyfer dod â hwy i ben yn derfynol.
Os ydych chi’n cael unrhyw broblemau, cysylltwch ag eddysgu@aber.ac.uk.
Mae’n bleser gennym gyhoeddi bod ceisiadau ar gyfer Gwobr Cwrs Nodedig eleni ar agor. Mae’r GCN yn cael ei barnu ar draws 4 categori:
Gofynnir i ymgeiswyr gyflwyno 3 arfer sy’n sefyll ar wahân ar gyfer eu Cwrs i helpu i fframio eu cais cyn hunanasesu eu cwrs – gall hyn fod yn naratif 1,000 o eiriau neu’n recordiad Panopto 8 munud o hyd. Yn dilyn yr hunanasesiad, caiff y cyrsiau eu marcio hefyd gan banel o arbenigwyr. Gan ategu’r symud i Ultra, rydym wedi diweddaru ein ffurflen GCN. Mae’r newidiadau’n cynnwys llai o feini prawf a chyfrif geiriau uwch ar gyfer y naratifau.
Er mwyn helpu i baratoi ar gyfer ceisiadau, cynhelir dau weithdy gan yr Uned Datblygu Dysgu ac Addysgu ar:
Gellir archebu lle drwy’r dudalen archebu ar-lein.
Gellir lawrlwytho ffurflenni cais o weddalennau’r Uned Datblygu Dysgu ac Addysgu.
Rhaid ebostio ceisiadau wedi’u cwblhau at eddysgu@aber.ac.uk cyn 12 canol dydd ddydd Gwener 2 Chwefror 2024.
Os oes gennych unrhyw gwestiynau am y broses hon, cysylltwch â’r Uned Datblygu Dysgu ac Addysgu (eddysgu@aber.ac.uk).
Bydd Sara Childs yn cyflwyno dau weithdy dros yr wythnosau nesaf yn seiliedig ar ganfyddiadau ymchwil parhaus ar gyfathrebu sy’n ystyriol o drawma. Mae Prifysgol Aberystwyth wedi ymrwymo i fod yn un o’r unig ddwy brifysgol yng Nghymru sy’n ystyriol o drawma ynghyd â phrifysgol Wrecsam. Ar hyn o bryd rydym ar ganol cam hunanasesu prosiect dwy flynedd, a bydd y cam nesaf yn nodi prosiectau unigol ar gyfer gwella ein dull sy’n ystyriol o drawma. Ochr yn ochr â hynny, cynigir sesiynau i’r gymuned sy’n codi ymwybyddiaeth o ddulliau sy’n ystyriol o drawma.
Bydd y gweithdai sydd ar y gweill yn rhoi cyfle i’r rhai sy’n ymwneud ag addysgu, neu rolau sy’n cynnwys cyswllt uniongyrchol â myfyrwyr, ddatblygu eu hymarfer i ymgorffori’r ymchwil arloesol hwn.
Towards a trauma-informed approach – theory and reflective practice Part 1
Dyddiad: 5/12/23 15.00-16.00
Lleoliad: Hugh Owen E3
Towards a trauma-informed approach – theory and reflective practice Part 2
Dyddiad: 12/12/23 14.00-16.00
Lleoliad: Hugh Owen E3
Mae’r gosodiadau ar gyfer profion yn Blackboard Ultra wedi newid yn Blackboard Ultra ac mae’r trefniadau ar gyfer cynnal arholiad wedi’u diweddaru eleni.
Dyma’r prif newidiadau:
Rydym wedi paratoi canllawaiau newydd sy’n esbonio’r newidiadau’n llawn: Profion Blackboard ar gyfer Arholiadau Wyneb yn Wyneb. Byddai’n werth clustnodi amser peneodol i ddarllen ac ymgyfarwyddo gyda’r canllawiau wrth i chi barartoi’ch prawf. Gweler isod y gosodiadau prawf yn Blackboard ar gyfer creu cȏd mynediad i’ch arholiad ar-lein:
Yn sgȋl y newidiadau hyn, mae’r tȋm E-ddysgu yn cynnal sesiynau hyfforddi newydd ar ‘Baratoi am Arholiadau Ar-lein’, ar 5 a 11 Rhagfyr. Gellir archebu lle ar Sesiynau Hyfforddiant DPP.
Mae cyfarwyddiadau hefyd ar ffurf Cwestiynau a Ofynir yn Aml ar greu profion Blackboard ar gyfer arholiadau ar-lein. Os ydych angen cymorth ychwanegol mae’r tȋm e-ddysgu ar gael ar sesiynau Teams i drafod eich prawf. Cysylltwch gyda eddysgu@aber.ac.uk.
Bydd y tȋm e-ddysgu ar gael i wiro gosodiadau eich prawf rhwng 4 a 20 Rhagfyr 2023. Cofiwch, nad ydym yn gallu gwiro eich prawf heb amser neu ddyddiad wedi’i gadarnhau.
Cysylltwch gyda eddysgu@aber.ac.uk os oes gennych gwestiynau pellach ar brofion Blackboard.
Fel arweinydd ein rhaglen TUAAU, rwy’n cadw llygad allan am adnoddau i helpu staff i addysgu’n effeithiol. Mae’r rhain yn cynnwys gweminarau, podlediadau, pecynnau cymorth ar-lein, cyhoeddiadau a mwy. Mae’r pynciau’n cynnwys dysgu gweithredol, addysgu ar-lein/cyfunol, hygyrchedd/cynhwysiant, a dylunio dysgu effeithiol yn seiliedig ar wyddoniaeth wybyddol. Rwyf wedi rhestru isod eitemau y sylwais arnynt yn ystod yr wythnos ddiwethaf. Er mwyn eglurder, ein polisi yw dangos y teitlau a’r disgrifiadau yn yr iaith y cyflwynir yr adnoddau ynddi.
Ewch i’r dudalen archebu Hyfforddiant Staff i weld pa hyfforddiant a gynigir gan yr Uned Datblygu Dysgu ac Addysgu a staff eraill Prifysgol Aberystwyth. Gobeithio y bydd y crynodeb wythnosol hwn o adnoddau yn ddefnyddiol ichi. Os oes gennych unrhyw gwestiynau neu awgrymiadau, cysylltwch â’n tîm ar lteu@aber.ac.uk. Efallai hefyd yr hoffech ddilyn fy nghyfrif Twitter, Mary Jacob L&T.
Hoffai’r Uned Datblygu Dysgu ac Addysgu dynnu sylw at bump o welliannau i Hyfforddwyr yn niweddariad Blackboard Learn Ultra ym mis Tachwedd. Mae’r gwelliannau hyn mewn tri maes:
Mae delweddau’n chwarae rhan bwysig ym mhrofiad addysg myfyriwr. Mae delweddau’n helpu i wella dealltwriaeth o gynnwys y cwrs a’r ymgysylltiad ag ef. Er mwyn helpu hyfforddwyr i adnabod delweddau o ansawdd uchel yn haws, mae Blackboard wedi ychwanegu botwm delwedd newydd yn y golygydd cynnwys yn y mannau canlynol:
Llun isod: Gwedd hyfforddwr – botwm delwedd newydd ar olygydd cynnwys ar gyfer Dogfennau Ultra.
Pan gaiff ei ddewis, mae gan yr hyfforddwr yr opsiynau canlynol:
Llun isod: Gwedd hyfforddwr – Opsiynau ffynhonnell delwedd.
Gall myfyrwyr hefyd gyrchu’r botwm delwedd newydd ar y golygydd cynnwys yn y meysydd canlynol:
Llun isod: Gwedd myfyrwyr – botwm delwedd newydd ar olygydd cynnwys ar gyfer ymateb i drafodaeth.
Llun isod: Gwedd myfyrwyr – Llusgo a gollwng neu uwchlwytho ffeil delwedd.
Ar ôl dewis y ddelwedd, gall hyfforddwyr a myfyrwyr ail-leoli ffocws a chwyddiad y ddelwedd. Mae yna opsiwn hefyd i newid cymhareb wynebwedd y ddelwedd.
Llun isod: Addasu chwyddiad a ffocws y ddelwedd; gosod cymhareb yr wynebwedd.
Gall defnyddwyr ailenwi’r ddelwedd. Mae’n bwysig ystyried hygyrchedd cynnwys cwrs bob amser. Dylai’r defnyddiwr farcio’r ddelwedd fel addurniadol neu ddarparu testun amgen addas.
Gall hyfforddwyr hefyd osod y wedd a lawrlwytho opsiynau ffeil ar gyfer y ddelwedd. Ar ôl i’r ddelwedd gael ei mewnosod, gall yr hyfforddwr newid maint y ddelwedd.
Gall hyfforddwyr sylwi ar gamgymeriad mewn cwestiwn prawf wrth raddio cyflwyniad prawf. Er enghraifft, efallai bod hyfforddwyr wedi dod o hyd i gamsillafu, wedi dewis ateb anghywir, neu eisiau addasu pwyntiau.
Yn y gorffennol, roedd y dewis “Edit / Regrade Quesetions” ar gael wrth raddio cyflwyniadau gan “Fyfyriwr.” yn unig. Nawr, gall hyfforddwyr hefyd gael mynediad i’r llif gwaith Edit/Regrade wrth raddio yn ôl cwestiwn.
Llun isod: Gwedd hyfforddwr – opsiwn Edit/Regrade wrth raddio prawf yn ôl cwestiwn.
Llun isod: Gwedd hyfforddwr – golygu cwestiwn gan ddefnyddio’r opsiwn Edit/Regrade.
Mae cwestiynau sy’n cyfateb yn ddefnyddiol ar gyfer profi sgiliau myfyriwr wrth wneud cysylltiadau cywir rhwng cysyniadau cysylltiedig. Mae’r math hwn o gwestiwn hefyd yn gwirio dealltwriaeth myfyrwyr mewn fformat strwythuredig.
Er mwyn gwobrwyo myfyrwyr sy’n dangos dealltwriaeth rannol, mae rhai hyfforddwyr yn dymuno dyfarnu credyd rhannol a/neu negyddol am gwestiynau sy’n cyfateb.
Yn y gorffennol, dewisodd hyfforddwyr opsiwn sgorio:
Roedd yr opsiynau hyn yn gyfyngedig ac, ar adegau, yn creu dryswch i hyfforddwyr.
Nawr, mae credyd rhannol a negyddol yn cael ei droi ymlaen yn ddiofyn. Mae Blackboard yn awto-ddosbarthu credyd rhannol fel canran ar draws y parau cyfatebol. Mae awto-ddosbarthu credyd yn arbed amser i hyfforddwyr. Gall hyfforddwyr olygu’r gwerthoedd credyd rhannol os oes angen i roi mwy neu lai o gredyd i rai parau. Rhaid i’r gwerthoedd ar gyfer credyd rhannol ddod i gyfanswm o 100%.
Os dymunir, gall hyfforddwyr hefyd nodi canran credyd negyddol i unrhyw bâr. Asesir credyd negyddol pan gaiff ei gymhwyso a phan fydd myfyriwr yn camgyfatebu pâr yn unig. Os dymunir, gall hyfforddwyr ddewis caniatáu sgôr negyddol cyffredinol ar gyfer y cwestiwn.
Rydym hefyd wedi gwneud rhai gwelliannau eraill i’r cwestiwn hwn:
Llun isod: Cynllun newydd ar gyfer cwestiwn sy’n cyfateb
Mae’n well gan rai hyfforddwyr weithio yng ngwedd grid y llyfr graddau. Er mwyn gwella profiad y defnyddiwr, gwnaethom sawl gwelliant i’r wedd hon. Mae’r gwelliannau hyn yn mynd i’r afael â pherfformiad cyffredinol ac yn lleihau’r amser llwytho.
Senarios profi perfformiad:
I ddefnyddio’r wedd grid cliciwch toglo a’r botwm ‘list view’
Mae dewisiadau trefnu yn y llyfr graddau yn darparu profiad graddio mwy effeithlon.
Nawr gall hyfforddwyr ddidoli’r colofnau gwedd grid llyfr graddau canlynol:
Gall hyfforddwyr drefnu cofnodion mewn trefn wrth esgynnol neu ddisgynnol a chael gwared ar unrhyw ddull didoli presennol. Mae amlygu porffor ym mhennawd y golofn yn helpu hyfforddwyr i nodi lle mae’r didoli ar waith.
Mae unrhyw ddull didoli a gymhwysir yn esgor ar newid dros dro i drefn didoli pob colofn yng ngwedd grid y llyfr graddau.
Llun isod: Trefnu asesiad yn y wedd grid gyda hidlwyr wedi’u cymhwyso.
Yn y blogbost hwn rydym yn amlinellu nodwedd ddefnyddiol i helpu staff a myfyrwyr i lywio eu Cyrsiau Blackboard.
Os na allwch ddod o hyd i’r cynnwys rydych chi’n chwilio amdano neu os oes angen i chi lywio i ardal cwrs yn gyflym, ceisiwch ddefnyddio’r swyddogaeth chwilio sydd ar gael ym mhob cwrs.
Mae swyddogaeth chwilio’r cwrs yn ymddangos ar frig pob cwrs:
Cliciwch ar y chwyddwydr a dechrau nodi enw’r cynnwys yr ydych chi’n chwilio amdano.
Wrth i chi nodi enw’r cynnwys, bydd yr eitem yn ymddangos fel dolen. Bydd clicio ar y ddolen yn mynd â chi i’r ardal honno o’r modiwl.
Edrychwch ar y sgrinlun isod i weld hyn ar waith:
Os oes gennych unrhyw gwestiynau am Ultra, neu os hoffech roi adborth am eich profiad, cysylltwch ag eddysgu@aber.ac.uk.
Fel arweinydd ein rhaglen TUAAU, rwy’n cadw llygad allan am adnoddau i helpu staff i addysgu’n effeithiol. Mae’r rhain yn cynnwys gweminarau, podlediadau, pecynnau cymorth ar-lein, cyhoeddiadau a mwy. Mae’r pynciau’n cynnwys dysgu gweithredol, addysgu ar-lein/cyfunol, hygyrchedd/cynhwysiant, a dylunio dysgu effeithiol yn seiliedig ar wyddoniaeth wybyddol. Rwyf wedi rhestru isod eitemau y sylwais arnynt yn ystod yr wythnos ddiwethaf. Er mwyn eglurder, ein polisi yw dangos y teitlau a’r disgrifiadau yn yr iaith y cyflwynir yr adnoddau ynddi.
Ewch i’r dudalen archebu Hyfforddiant Staff i weld pa hyfforddiant a gynigir gan yr Uned Datblygu Dysgu ac Addysgu a staff eraill Prifysgol Aberystwyth. Gobeithio y bydd y crynodeb wythnosol hwn o adnoddau yn ddefnyddiol ichi. Os oes gennych unrhyw gwestiynau neu awgrymiadau, cysylltwch â’n tîm ar lteu@aber.ac.uk. Efallai hefyd yr hoffech ddilyn fy nghyfrif Twitter, Mary Jacob L&T.