Ni fydd Panopto ar gael i’w ddefnyddio rhwng 22:00 ddydd Sadwrn 21 Mawrth 2026 a 01:00 dydd Sul 22 March 2026 oherwydd gwaith cynnal a chadw rheolaidd.
Ymddiheurwn am unrhyw anghyfleustra a achosir.
Panopto gwaith Cynnal a Chadw rheolaidd 21.03.2026
Categori: Panopto
Cyfarchion yr ŵyl a Blwyddyn Newydd Dda oddi wrth y Tîm Addysg Ddigidol
Rydyn ni wedi cael rhai profiadau a cherrig milltir gwych eleni.
Yn ôl ym mis Mawrth, fe wnaethom gyhoeddi ein Gwobr Cwrs Eithriadol ar gyfer 2025 a’r rhai a dderbyniodd ganmoliaeth uchel.
Ym mis Ebrill, fe wnaethom gynnal Cynhadledd Fer ar Gyflogadwyedd a’r Cwricwlwm Cynhwysol mewn cydweithrediad â chydweithwyr yn Gyrfaoedd a Chyflogadwyedd.
Ym mis Gorffennaf, cawsom ein 13eg Gynhadledd Addysg a Phrofiad y Myfyrwyr flynyddol gyda thros 200 o fynychwyr dros 3 diwrnod.
Yn y digwyddiad hwn, cyhoeddwyd Cronfa Gwobr Addysg a Phrofiad y Myfyrwyr, a gwnaethom gadarnhau derbynwyr y rhain ym mis Tachwedd.
Ym mis Tachwedd, fe wnaethom gymryd rhan mewn Diwrnod Trwsio’ch Cynnwys gyda Blackboard Ally, gan wneud cynnwys ein Hamgylchedd Dysgu Rhithwir hyd yn oed yn fwy hygyrch. Daethom yn 3ydd yn y DU ac yn 60fed ar y tabl rhyngwladol.
O safbwynt technegol, rydym yn falch iawn o gyflwyno capsiynau awtomatig ar recordiadau darlithoedd, Cadwrfa Gwrthrychau Dysgu Blackboard, bathodynnau a chyflawniadau, a’r adolygiad e-gyflwyno.
Ac rydyn ni’n gorffen y flwyddyn gyda Chynhadledd Fer ar DA Cynhyrchiol yr, ddydd Iau 18 Rhagfyr. Mae gennym ni raglen wych ac mae amser o hyd i archebu eich lle.
Rydym yn llawn cyffro am yr hyn a ddaw yn 2026 o ran Addysg Ddigidol.
Rhai pethau cychwynnol y byddwn yn gweithio arnynt ac yr hoffem dynnu eich sylw atynt.
Bydd ceisiadau ar gyfer Gwobr Cwrs Eithriadol 2026 yn cau ddydd Gwener 30 Ionawr.
Ar 8 Ionawr bydd mân ddiweddariad i ryngwyneb Blackboard.
Rydym yn cynllunio ein Cynhadledd Fer nesaf mewn cydweithrediad â chydweithwyr yn Taith y Myfyriwr ar gyfer Ebrill 2026. Bydd rhagor o wybodaeth ar gael yn fuan.
A chynhelir ein 14eg Gynhadledd Addysg a Phrofiad y Myfyrwyr rhwng 8-10 Medi 2026. Cadwch lygad am ddiweddariadau, galwad am gynigion, a chyhoeddiadau ynghylch siaradwyr allanol.
Mae ein rhaglen hyfforddi ar gael ar y system archebu ar gyfer Semester 2 i gydweithwyr archebu lle.
Edrychwn ymlaen at weithio ymhellach â chi yn 2026.
Gobeithio y cewch gyfle i ymlacio dros y gwyliau.
Kate, Keziah, a Jim
Uwchlwytho recordiadau Panopto All-lein
Bydd rhai aelodau o staff wedi gwneud recordiadau Panopto all-lein oherwydd effaith tarfiad gwasanaeth Gwasanaethau Gwe Amazon ar Panopto ddydd Llun 20 Hydref.
Bydd angen uwchlwytho pob recordiad all-lein i weinyddion Panopto cyn y gallant fod ar gael i fyfyrwyr. Mae cyfarwyddiadau ar gael yn ein Cwestiwn Cyffredin Sut mae uwchlwytho recordiadau Panopto â llaw trwy’r rhaglen Panopto Recorder? Gallwch wirio argaeledd ystafelloedd addysgu o myadmin.aber.ac.uk > AAA/ATO (Amserlen Aberystwyth Ar-lein)
Rydym yn argymell eich bod yn uwchlwytho unrhyw recordiadau all-lein o fewn 7 diwrnod. Os oes gennych unrhyw gwestiynau, cysylltwch ag eddysgu@aber.ac.uk.
Panopto
Mae Panopto bellach wedi’i osod yn barod ar gyfer 2025-26.
Capsiynau awtomatig
Mae capsiynau awtomatig bellach wedi cael ei osod yn holl ffolderi 2025-26 yn Panopto. Mae iaith y capsiwn yn cyfateb â iaith templed eich cwrs Blackboard.
Ar gyfer cyrsiau dwyieithog, rydyn ni’n awgrymu creu is-ffolder i ddal yr holl recordiadau ar gyfer un o ieithoedd cyflwyno eich cwrs (gweler Cwestiwn Cyffredin)
Pan fyddwch yn gwneud eich recordiadau, rhaid i chi ddewis yr iaith gywir cyn pwyso ‘record’. Y rheswm am hyn yw oherwydd na ellir ychwanegu capsiynau Cymraeg at recordiadau sy’n cael eu copïo neu’u symud o ffolderi eraill
Ceir gwybodaeth am gapsiynau awtomatig ym Mholisi Cipio Darlithoedd PA (rhan 12)
Cysylltu â holl Recordiadau Panopto
Gallwch greu dolen i’r ffolder Panopto yn eich cwrs Blackboard. Golyga hyn y gall myfyrwyr weld y recordiadau ar gyfer y cwrs mewn un lle.
Dod o hyd i’ch ffolder Panopto
Mae ffolderi Panopto ar gyfer yr holl fodiwlau eleni yn y ffolder 2025-26.
I ddod o hyd i’r ffolder Panopto yr hoffech recordio ynddi:
- Cliciwch ar y botwm cwymplen ar ochr dde’r blwch Ffolder.
- Cliciwch ar y saeth cwymplen i’r chwith o’r ffolder blwyddyn academaidd i’w hehangu.
- Dewiswch y ffolder Panopto yr hoffech recordio ynddi.
- Gallwch hefyd chwilio am y ffolder Panopto yr hoffech recordio ynddi:
- Yn y blwch Ffolder dechreuwch deipio cod y modiwl neu enw’r ffolder Panopto yr hoffech recordio ynddi
- Dewiswch y ffolder yr hoffech recordio ynddi.
- Beth i’w wneud os na allwch weld eich ffolder Panopto
Mewn nifer fach o gyrsiau, ni chrëwyd y ffolder Panopto dros yr haf. Os na allwch ddod o hyd i’ch ffolder Panopto gan ddefnyddio’r camau uchod, gallwch greu ffolder o Blackboard:
- Mewngofnodwch i Blackboard a dod o hyd i’ch cwrs
- Cliciwch ar Llyfrau ac Offer > Gweld cwrs ac offer sefydliad
- Cliciwch ar Holl Fideos Panopto
Nawr dylech allu dod o hyd i’r ffolder Panopto i recordio ynddi.
Croeso i aelodau newydd o staff sy’n ymuno â Phrifysgol Aberystwyth 2025-26
Croeso cynnes i aelodau newydd o staff sy’n ymuno â Phrifysgol Aberystwyth
Ein nod yn y blogbost hwn yw rhoi gwybodaeth i chi am dechnoleg wrth ddysgu ac addysgu, ein darpariaeth o ran hyfforddiant, sianeli cymorth, a digwyddiadau rydyn ni’n eu cynnal.
Mae’r holl wybodaeth sydd ei hangen arnoch ar ein tudalennau gwe.
Rydyn ni’n ysgrifennu blog sy’n llawn o’r newyddion diweddaraf, manylion am ddigwyddiadau a sesiynau hyfforddi, ac adnoddau.
Os oes arnoch angen cysylltu â ni, gallwch wneud hynny trwy ddefnyddio eddysgu@aber.ac.uk.
Cyflwyniad i Offer E-ddysgu
Amgylchedd Dysgu Rhithwir: Blackboard
Mae gan bob modiwl ei gwrs pwrpasol ei hun yn Blackboard. Gall myfyrwyr ddod o hyd i wybodaeth am y modiwl, deunyddiau dysgu, a chanllawiau e-gyflwyno, yn ogystal â dolenni i restrau darllen a recordio darlithoedd.
Mae gan y Brifysgol bolisi Isafswm Presenoldeb Gofynnol Blackboard ar gyfer pob modiwl.
Gweler ein canllaw i staff i gael rhagor o wybodaeth.
Cipio Darlithoedd: Panopto
Wrth addysgu wyneb yn wyneb, cofiwch y dylid recordio pob darlith (hynny yw, addysgu lle mae’r ffocws ar wybodaeth sy’n cael ei throsglwyddo gan staff i fyfyrwyr) gan ddefnyddio Panopto, ein meddalwedd recordio darlithoedd.
Gweler manylion ein Polisi Cipio Darlithoedd
E-gyflwyno: Turnitin a Blackboard Assignment
Ym Mhrifysgol Aberystwyth, rhaid i fyfyrwyr gyflwyno’r holl waith testun a phrosesu geiriau yn electronig fel yr argymhellir ym mholisi E-gyflwyno’r Brifysgol.
Ar gyfer hyn, rydym yn defnyddio ein hadnoddau e-gyflwyno: Turnitin a Blackboard Assignment. Mae Turnitin yn darparu nodwedd paru testun awtomatig. Rydym yn defnyddio Profion Blackboard i gynnal arholiadau ar-lein.
Adnodd Pleidleisio: Vevox:
Vevox yw adnodd pleidleisio Prifysgol Aberystwyth.
Gellir defnyddio’r adnodd pleidleisio mewn gweithgareddau dysgu ac addysgu yn ogystal â chyfarfodydd i wneud y sesiwn yn rhyngweithiol ac yn gydweithredol. Mae sawl ffordd wahanol o’i ddefnyddio.
Adnoddau a chymorth pellach
Mae gennym nifer o Ganllawiau a Chwestiynau Cyffredin i’ch helpu i ddefnyddio ein meddalwedd.
Darparu hyfforddiant
Er mwyn cefnogi’r holl staff gyda’u haddysgu rydym yn cynnal cyfres o sesiynau hyfforddi ar draws y meysydd canlynol:
- Hanfodion E-ddysgu: wedi’i gynllunio ar gyfer cydweithwyr sy’n newydd i’r brifysgol, sy’n addysgu, neu a hoffai gael sesiwn loywi. Nod y sesiynau hyn yw sicrhau bod cydweithwyr yn gallu bodloni polisïau dysgu ac addysgu digidol y brifysgol.
- E-ddysgu Uwch: wedi’i gynllunio i adeiladu ar sail y sgiliau a gafwyd yn ein cyfres hanfodion e-ddysgu, bydd cydweithwyr yn creu gweithgaredd neu asesiad sy’n unigryw i’w cyd-destunau dysgu ac addysgu.
- Rhagoriaeth E-ddysgu: wedi’i gynllunio i gynnig cyfle i gydweithwyr greu cyfleoedd dysgu ac addysgu eithriadol – yn aml rhai unigryw ac yn arwain y sector.
Ceir hyd i fanylion am ein rhaglen DPP flynyddol a gallwch archebu eich lle i fynychu drwy’r dudalen Archebu Cwrs.
Digwyddiadau
Rydyn ni’n rhedeg ystod o ddigwyddiadau, gan gynnwys y Gynhadledd Dysgu ac Addysgu Flynyddol a Chynadleddau Byr
Mae’r rhain oll yn gyfleoedd gwych i gwrdd â phobl ar draws y brifysgol a thrafod materion a datblygiadau’n ymwneud â Dysgu ac Addysgu
Edrychwn ymlaen at eich gweld mewn digwyddiad cyn hir. Yn y cyfamser, mae croeso i chi gysylltu â ni trwy eddysgu@aber.ac.uk os oes gennych unrhyw gwestiynau.
Cyfres Hyfforddiant E-ddysgu: Semester 1, 2025-26
Rydym yn falch iawn o gyhoeddi ein cyfres o sesiynau hyfforddi ar gyfer y semester sydd i ddod.
Gellir archebu pob sesiwn hyfforddi ar-lein gan ddefnyddio eich enw defnyddiwr a’ch cyfrinair Aberystwyth. Mae ein system archebu hyfforddiant bellach yn awtomataidd, felly byddwch yn derbyn eich gwahoddiad calendr o fewn yr awr a bydd yn ymddangos yn eich calendr. Ymunwch â’r sesiynau hyn o’ch calendr Outlook.
Os oes gennych unrhyw gwestiynau, cysylltwch â ni ar eddysgu@aber.ac.uk.
Yn ôl yr arfer, mae ein sesiynau hyfforddi wedi’u grwpio i 3 cyfres:
- Hanfodion E-ddysgu: wedi’i gynllunio ar gyfer cydweithwyr sy’n newydd i’r brifysgol, sy’n addysgu, neu a hoffai gael sesiwn loywi. Nod y sesiynau hyn yw sicrhau bod cydweithwyr yn gallu bodloni polisïau dysgu ac addysgu digidol y brifysgol.
- E-ddysgu Uwch: wedi’i gynllunio i adeiladu ar sail y sgiliau a gafwyd yn ein cyfres hanfodion e-ddysgu, bydd cydweithwyr yn creu gweithgaredd neu asesiad sy’n unigryw i’w cyd-destunau dysgu ac addysgu.
- Rhagoriaeth E-ddysgu: wedi’i gynllunio i gynnig cyfle i gydweithwyr greu cyfleoedd dysgu ac addysgu eithriadol – yn aml rhai unigryw ac yn arwain y sector.
Yn ogystal â’r cynigion arferol, roeddem hefyd am dynnu sylw at y sesiynau newydd yr ydym wedi’u cyflwyno ar gyfer 2025-26:
Sesiynau newydd ar gyfer 2025
Hanfodion E-Ddysgu
Using Microsoft Copilot for Learning and Teaching Activities
Bydd y sesiwn hon yn cyflwyno cydweithwyr i DA Cynhyrchiol ac yn rhoi cyfle i chi feddwl am ffyrdd i ymgorffori DA Cynhyrchiol yn eich ymarfer dysgu ac addysgu.
Gallwch archebu eich lle ar bob sesiwn arall yn y gyfres E-ddysgu hon drwy ddefnyddio’r ddolen hon.
Nodyn i’ch atgoffa bod pob sesiwn yn y gyfres Hanfodion yn cael ei argymell yn gryf i unrhyw aelodau newydd o staff yn eich adran.
E-ddysgu Uwch:
Become a Blackboard Document Pro
Mae dogfennau Blackboard Documents wedi cael eu hailwampio’n llwyr yn Ultra. Mae’r sesiwn hon, sy’n 30 munud o hyd, yn rhoi trosolwg o’r nodweddion newydd ac yn eich galluogi i roi cynnig arni yn eich cwrs.
Blackboard Interactive Tools
Rydym wedi cyfuno ein sesiwn ar drafodaethau a chyfnodolion, Discussions and Journals. Byddwn yn rhoi arweiniad ar ddylunio gweithgareddau ar gyfer ein hoffer rhyngweithiol er mwyn helpu hyrwyddo ymroddiad myfyrwyr.
Measuring and Increasing student engagement using Blackboard Tools
Byddwn yn edrych ar yr offer dadansoddol sydd ar gael yn eich cwrs Blackboard i helpu monitro ymroddiad myfyrwyr. Byddwn yn defnyddio hyn i deilwra negeseuon yn ogystal â chreu gweithgareddau eraill fel gwiriadau gwybodaeth a dilyniant modiwlau dysgu i helpu cynnal ymroddiad myfyrwyr wrth iddynt ddysgu.
Peer Assessment with Turnitin
Un o nodweddion Turnitin yw PeerMark sy’n eich galluogi i greu cyfleoedd asesu gan gyd-fyfyrwyr. Mae hyn yn gyfle gwych i fyfyrwyr ddarparu adborth ffurfiannol ar waith ei gilydd.
Using the advanced features of Panopto
Eisiau tacluso eich recordiadau? Bydd y sesiwn hon yn arddangos gwahanol ffyrdd y gallwch ddefnyddio Panopto: o fewnosod cwisiau yng nghanol recordiad, i roi cyfle i’r myfyrwyr fod yn greadigol a defnyddio Panopto eu hunain. Mae’r sesiwn hon yn wych i’r rhai sy’n mabwysiadu dull ystafell ddosbarth ‘wrthdro’ neu sydd eisiau defnyddio Panopto y tu hwnt i Recordio Darlithoedd.
Mae sesiynau eraill yn cynnwys y Cynorthwyydd Dylunio DA Blackboard a dylunio meddalwedd pleidleisio Advanced Vevox.
Gallwch archebu eich lle ar bob sesiwn arall yn y gyfres E-ddysgu Uwch drwy ddefnyddio’r ddolen hon.
Rhagoriaeth E-Ddysgu:
Rydym wedi dylunio 4 gweithdy newydd ar gyfer cydweithwyr yn seiliedig ar 4 maes y Wobr Cwrs Eithriadol. Wrth edrych ar bob agwedd, bydd cydweithwyr yn ystyried sut y gellir datblygu eu cyrsiau eu hunain.
Dyma’r 4 sesiwn:
Exemplary Course Design
Exemplary Assessment Design
Exemplary Interaction and Collaboration
Exemplary Learner Support
Gallwch archebu eich lle ar bob sesiwn arall yn y gyfres Rhagoriaeth E-ddysgu drwy ddefnyddio’r ddolen hon. Ymhlith y sesiynau eraill mae cyfle i wneud cais ar gyfer Gwobr Cwrs Eithriadol, Submitting an Exemplary Course Award.
Os oes unrhyw bynciau hyfforddi eraill yr hoffech i ni eu hystyried ar gyfer Semester 2, cysylltwch â ni.
Adolygiad o Bolisïau E-ddysgu (2025-26)
Bob blwyddyn, rydym yn ailedrych ar yr holl bolisïau sy’n ymwneud ag offer e-ddysgu ac yn eu hadolygu. Mae’r holl newidiadau yn cael eu cymeradwyo gan y Pwyllgor Ansawdd a Safonau. Mae’r polisïau newydd bellach ar gael, a dyma fanylion y prif newidiadau. Os oes gennych unrhyw gwestiynau am y polisïau newydd, cysylltwch â ni gan ddefnyddio’r cyfeiriad e-bost elearning@aber.ac.uk
Isafswm Presenoldeb Gofynnol (IPG) Blackboard
Mae’r IPG yn rhoi amlinelliad i staff a myfyrwyr o’r safonau gofynnol ar gyfer Cwrs Blackboard.
Mae dau o’r newidiadau i’r IPG wedi’u cynllunio i wella hygyrchedd deunyddiau cwrs:
- Dylai pob cwrs gael sgôr Ally o 70% neu uwch (gweler yr wybodaeth am y Sgôr Ally)
- Y gofyniad i ddeunyddiau gael eu huwchlwytho 1 diwrnod gwaith cyn y sesiwn (gweler yr wybodaeth am Uwchlwytho Deunyddiau Ymlaen Llaw)
I helpu staff i reoli cyrsiau:
- Bydd y templed Blackboard yn cynnwys gwybodaeth a ddarperir yn fwy canolog (gweler ein gwybodaeth ar Greu Cyrsiau)
Y Polisi E-gyflwyno
Amlinellir yn y Polisi E-gyflwyno fod pob darn o waith testun a baratowyd ar raglen prosesu geiriau yn cael ei gyflwyno, ei farcio, a’r adborth yn cael ei ryddhau’n electronig.
Er mwyn gwella sut mae myfyrwyr yn cael gafael ar eu marciau a’u hadborth:
- Dylid dychwelyd pob marc ac adborth trwy Blackboard (gweler ein dogfen yn y Cwestiynau Cyffredin ar sut i greu colofn i ddychwelyd marciau ac adborth)
Er mwyn gwella cysondeb e-gyflwyno ar draws y brifysgol:
- Ceir gofyniad i gyflwyno gwaith ôl-raddedig ymchwil yn electronig ac mae hyn yn cynnwys aseiniadau Hyfforddiant Ymchwil Ysgol y Graddedigion.
Ar gyfer staff sydd am ddefnyddio SafeAssign fel rhan o’u Haseiniadau Blackboard:
- Ychwanegu gwybodaeth am SafeAssign
Polisi Cipio Darlithoedd
Amlinellir yn y Polisi Cipio Darlithoedd fod pob cyflwyniad yn y dull trosglwyddo yn cael ei recordio’n electronig i’w ddefnyddio gan fyfyrwyr.
Mae’r newid mwyaf arwyddocaol yn y Polisi Cipio Darlithoedd wedi’i gynllunio i wella hygyrchedd recordiadau:
- Bydd capsiynau awtomatig yn cael eu troi ymlaen ar gyfer pob recordiad a wneir ar ôl 1 Medi 2025 (gweler ein blog)
- Argymhellir bod sesiynau nad ydynt wedi’u recordio yn cael eu crynhoi.
I helpu staff i reoli cyrsiau:
- Bydd templed Blackboard yn cynnwys gwybodaeth a ddarperir yn ganolog am Panopto, gan gynnwys datganiad sy’n dweud y bydd recordio yn digwydd, gwybodaeth am yr hyn sy’n cael/ddim yn cael ei recordio, a gwybodaeth am ansawdd y capsiynau (gweler ein gwybodaeth am Greu Cwrs).
Polisi Mudiadau
Mae pob adran yn defnyddio eu Mudiadau i ddarparu gwybodaeth weinyddol allweddol. Er mwyn sicrhau bod deunyddiau’n hygyrch ac yn gyfredol, rydym wedi datblygu IPG Mudiadau, yn seiliedig ar IPG Blackboard. Nid yw hyn yn berthnasol i Gyrsiau Ymarfer staff.
Dylai pob Mudiad arall gynnwys:
- Manylion Cyswllt.
- Gwybodaeth ynglŷn â phwrpas y Mudiad a sut y disgwylir i gyfranogwyr ei ddefnyddio.
- Cynnwys sydd wedi’i drefnu’n glir, a’r holl ddeunyddiau wedi’u henwi’n glir ac yn gyson.
- Cynnwys cyfredol.
- Cyfarwyddiadau clir i gyfranogwyr ar beth i’w wneud gyda’r deunyddiau
- Rhaid i’r holl ddeunyddiau fod mor hygyrch â phosibl.
Sgôr Ally
Am y tro cyntaf, mae ein Isafswm Presenoldeb Gofynnol Blackboard yn cynnwys sgôr Ally. Mae hyn yn cydnabod ac yn adeiladu ar sail y gwaith y mae staff eisoes wedi’i wneud i sicrhau bod deunyddiau dysgu mor hygyrch â phosibl.
70% yw’r sgôr Ally a osodir gan yr IPG – y newyddion da i staff a myfyrwyr yw bod 87% o holl gyrsiau 2024-25 yn cyrraedd sgôr o 70%. Ac yn gyffredinol, 72.5% yw sgôr Ally ar gyfer 2024-25, sydd 3% yn uwch na’r llynedd.
Mae sicrhau bod cynnwys Blackboard mor hygyrch â phosibl o fudd i’n holl fyfyrwyr. Mae cael deunyddiau mewn fformat hawdd ei ddefnyddio yn golygu y gall myfyrwyr ganolbwyntio ar eu dysgu yn hytrach na cheisio ymdopi â fformatau anhygyrch. Mae’r dewisiadau y mae staff yn eu gwneud i ddylunio deunyddiau hygyrch, yn ogystal ag offer Fformatau Amgen Ally, yn ein helpu i sicrhau bod pob myfyriwr yn gallu cymryd rhan yn eu hastudiaethau.
Mae hyn yn arbennig o bwysig yma ym Mhrifysgol Aberystwyth, gan fod data diweddaraf HERA yn dangos bod dros 28% o’n myfyrwyr wedi datgan bod ganddynt anabledd (o’i gymharu â 16.7% yn genedlaethol).
I wirio sgôr Ally eich cwrs, edrychwch ar y canllawiau ar y tudalen we Blackboard. A gallwch ddod o hyd i ragor o wybodaeth am ddylunio deunyddiau hygyrch trwy edrych ar ein deunyddiau hyfforddi ar-lein.
Bydd Ally yn rhoi help ac arweiniad i chi fynd i’r afael â phroblemau cyffredin. Un o’r problemau mwyaf cyffredin ym Mhrifysgol Aberystwyth yw dogfennau wedi’u hysgrifennu â llaw sydd wedi’u sganio. Rydym wedi ysgrifennu rhai canllawiau i helpu staff sy’n defnyddio’r math hwn o ddeunyddiau.
Ac os ydych chi eisiau defnyddio erthyglau wedi’u sganio yn eich cwrs, cysylltwch â’r Gwasanaeth Digideiddio.
Uwchlwytho Deunyddiau Ymlaen Llaw
Mae darparu deunyddiau dysgu cyn y sesiwn yn eu gwneud yn fwy hygyrch i fyfyrwyr. Mae’n rhoi cyfle i fyfyrwyr baratoi o flaen llaw er mwyn iddynt allu canolbwyntio ar gynnwys y ddarlith pan fyddant yn bresennol yn y sesiwn. Ar gyfer sesiynau sy’n cynnwys trafodaeth neu waith grŵp, gall roi cyfle i fyfyrwyr ystyried sut y gallant gymryd rhan yn y gweithgareddau hyn. Mae papur ymchwil gan Oxford Brookes yn rhoi gwybodaeth am y budd a geir o sicrhau bod deunyddiau ar gael ymlaen llaw.
Mae’r adborth gan fyfyrwyr dros y blynyddoedd diwethaf wedi gofyn am y newid hwn, a thrafodwyd y mater yn y Bwrdd Academaidd yn yr haf 2024. Ac mae’n safonol mewn nifer o brifysgolion eraill, er enghraifft ym Mhrifysgol Caeredin ac Oxford Brookes.
Mae PA wedi penderfynu y dylid rhyddhau deunyddiau dysgu o leiaf un diwrnod gwaith cyn y digwyddiad:
- Ar gyfer sesiwn a gynhelir ar ddydd Iau, dylai’r deunyddiau fod ar gael erbyn bore Mercher
- Ar gyfer sesiwn a gynhelir ar ddydd Llun, dylai’r deunyddiau fod ar gael erbyn y bore Gwener blaenorol.
Gallwch ddefnyddio Amodau rhyddhau cynnwys Blackboard i wneud yn siŵr bod deunyddiau ar gael ar yr adeg iawn. Os ydych eisoes yn darparu eich holl ddeunyddiau ar ddechrau’r tymor, mae croeso i chi barhau â hyn.
Ailgychwyn Recordiadau Panopto
Ydych chi erioed wedi pwyso stop ar recordiad Panopto yn hytrach nag oedi? Neu wedi sylwi eich bod wedi anghofio dweud rhywbeth yn eich recordiad?
Oeddech chi’n gwybod y gallwch ailddechrau unrhyw recordiad Panopto gorffenedig, ac ychwanegu mwy ato? Gallwch wneud hyn o unrhyw gyfrifiadur sydd â’r recordydd Panopto arno – nid oes rhaid gwneud hyn o’r peiriant a ddefnyddiwyd gennych i greu’r recordiad gwreiddiol.
Ac mae’n hawdd iawn i’w wneud:
- Ewch i Panopto a dod o hyd i’ch recordiad
- Cliciwch ar y tri dot (Mwy o Weithredoedd) ar y rhagolwg recordio
- Dewiswch Resume > Resume in Panopto for Windows
Os hoffech chi wneud hyn o’ch swyddfa, bydd angen i chi osod y recordydd Panopto ar eich cyfrifiadur gwaith. Neu, gallwch ailddechrau recordiad o unrhyw beiriant addysgu.
Bydd eich deunydd newydd yn cael ei ychwanegu fel ffrwd newydd i’r recordiad Panopto (felly gallwch ddod o hyd iddo’n hawdd os ydych chi am ei olygu). Ond mae’r deunydd newydd yn cael ei ychwanegu’n ddi-dor at eich recordiad gwreiddiol i chi.
Mân newid: Peiriannau’r Ystafelloedd Dysgu
Mae problem wedi codi â’r system recordio Panopto sydd wedi effeithio ar y ffolderi sydd gan rai pobl i recordio ynddynt.
Credwn ein bod wedi dod o hyd i ateb i’r broblem erbyn hyn, ac rydym wedi’i brofi mewn nifer o ystafelloedd.
Rydym bellach wrthi’n addasu’r peiriannau ym mhob ystafell ddysgu er mwyn datrys y broblem.
Bydd proffiliau’r defnyddwyr bellach yn cael eu hadnewyddu bob 5 diwrnod (yn hytrach na phob 10 niwrnod). Bydd yr adnewyddu hwnnw’n golygu y bydd unrhyw gopïau lleol o ddeunyddiau a gopïwyd i’r bwrdd gwaith yn cael eu dileu ar ôl 5 diwrnod.
Ymddiheuriadau i bawb y mae hyn wedi effeithio arnynt am yr anghyfleustra a achoswyd.
Panopto: Capsiynau Adnabod Lleferydd Awtomatig
Rydym yn falch o gyhoeddi bod Capsiynau Adnabod Lleferydd Awtomatig Panopto wedi’i gymeradwyo yn y Pwyllgor Ansawdd a Safonau diweddar.
Mae hyn yn golygu, ar gyfer y flwyddyn academaidd 2025-26 a thu hwnt, y bydd capsiynau awtomatig yn cael eu defnyddio yn eich recordiadau Panopto.
Bydd y rhai sy’n gwylio yn gweld y capsiynau ar waelod y sgrin neu gallant lawrlwytho trawsgrifiad:
![Sgrinlun yn dangos recordiad Panopto gyda chapsiynau]](https://wordpress.aber.ac.uk/e-learning/files/2025/03/image-3.png)
Er y bydd capsiynau’n ymddangos yn awtomatig y flwyddyn academaidd nesaf, gall cydweithwyr eisoes gynnwys capsiynau awtomatig i’r holl recordiadau mewn ffolder Panopto. Edrychwch ar ganllaw Panopto ar sut i wneud hyn.
Rydym wedi bod yn gweithio i alluogi capsiynau awtomatig ers sawl blwyddyn, felly rydym yn croesawu’r datblygiad hwn. Yn rhan o’r gwaith hwn, rydym wedi cymryd camau lliniarol i fynd i’r afael â rhai o’r heriau a’r pryderon, gan gynnwys:
- Anghywirdebau capsiynau awtomatig
- Disgwyliadau clir ar gyfer staff a myfyrwyr
- Rheoli cyrsiau aml-iaith
Bydd capsiynau awtomatig yn cael eu defnyddio ym mhob recordiad ar y safle pan fyddwn wedi galluogi’r nodwedd hon. Yr iaith ddiofyn a fydd yn cael ei defnyddio yn ffolderi’r modiwl yw Saesneg. Bydd gosodiadau ffolderi modiwlau a gyflwynir 100% drwy gyfrwng y Gymraeg yn cael eu diweddaru â llaw i gynhyrchu Capsiynau Awtomatig yn Gymraeg.
Rydym hefyd wedi cynnal Asesiad o Effaith ar Gydraddoldeb i edrych ar rai o’r heriau a achosir gan Bensiynau Awtomatig sydd ar gael ar gais (eddysgu@aber.ac.uk).
Er mwyn hwyluso galluogi capsiynau awtomatig, mae’r polisi Cipio Darlithoedd wedi’i ddiweddaru. Rydym yn adolygu ein holl bolisïau (Cipio Darlithoedd, Isafswm Presenoldeb Gofynnol Blackboard, ac E-gyflwyno) yn flynyddol. Byddwn yn anfon rhagor o wybodaeth am y diweddariadau hyn maes o law.
Byddwn nawr yn dechrau gweithio ar ddiweddaru Panopto i alluogi capsiynau Awtomatig ar gyfer 2025-26.