Deallusrwydd Artiffisial (AI) Cynhyrchiol mewn Dysgu ac Addysgu: Cyfres Astudiaethau Achos

Rydym ni’n gweithio ar gyfres o astudiaethau achos i rannu arferion defnyddio AI Cynhyrchiol mewn Gweithgareddau Dysgu ac Addysgu.
Yn y gyfres hon o flogiau, bydd cydweithwyr sy’n defnyddio AI Cynhyrchiol yn eu haddysgu’n rhannu sut yr aethon nhw ati i gynllunio’r gweithgareddau.
Rydym ni’n hapus iawn i groesawu Dr Megan Talbot (met32@aber.ac.uk) o Adran y Gyfraith a Throseddeg gyda’r blog hwn.

Astudiaeth Achos #2: Traethawd y Gyfraith a Throseddeg

Beth yw’r gweithgaredd?

Aethon ni ati i gynllunio asesiad i wella sgiliau llythrennedd AI yn y modiwl cyfraith teulu.

Rhoddwyd cwestiwn traethawd normal i’r myfyrwyr: “I ba raddau y dylai cyfraith Prydain gydnabod cytundebau cynbriodasol?”. 

Cyflwynwyd ymateb ChatGPTo1 i’r un cwestiwn iddyn nhw hefyd.

Hysbyswyd y myfyrwyr mai’r amcan oedd ysgrifennu traethawd yn ymateb i’r cwestiwn. Roedd croeso iddyn nhw ddefnyddio’r ymateb AI mewn unrhyw ffordd roedden nhw’n ei dewis, gallen nhw adeiladu arno, ei ddefnyddio fel man cychwyn ar gyfer ymchwil neu ei anwybyddu’n llwyr, beth bynnag oedd orau ganddyn nhw. Dywedwyd wrthyn nhw na fyddem ni’n dweud sut y byddai’r traethawd AI yn sgorio pe baen nhw’n ei gyflwyno heb unrhyw addasiad, ond roedd croeso iddyn nhw wneud hynny os mai dyna eu dymuniad (ni wnaeth neb).

Yn wyneb y defnydd cynyddol o declynnau AI esboniwyd nid yn unig y byddai angen iddyn nhw allu defnyddio allbynnau AI yn fedrus ac yn gyfrifol, ond hefyd y byddai angen dangos eu bod yn gallu ychwanegu gwerth na allai AI ei wneud. Felly dylen nhw ystyried y dasg fel un sy’n dangos eu bod yn gallu perfformio’n well nag AI.

Sut cafodd y gweithgaredd ei gyflwyno i’r myfyrwyr?

Cyflwynwyd taflen briffio aseiniad arferol, yn ogystal â sesiwn ddarlith ar sut i ymdrin â’r asesiad. Roedd y ddogfen briffio’n cynnwys mwy o arweiniad nag arfer i’w helpu i oresgyn unrhyw ansicrwydd ynglŷn â’r aseiniad. Roedd hyn yn cynnwys arweiniad penodol ar bethau y gallen nhw eu gwneud i ragori ar yr ateb AI, megis mwy o ddefnydd o gyfraith achosion, tystiolaeth eu bod yn deall cyfraith yr achos, edrych ar fwy o ddadleuon beirniadol a gyflwynwyd gan academyddion ac ar lenyddiaeth a adolygwyd gan gymheiriaid ac ysgrifennu gan weithwyr proffesiynol ym maes y gyfraith. Cafodd y myfyrwyr eu rhybuddio’n benodol hefyd am rithwelediadau (tueddiad AI i ddarparu gwybodaeth ffug mewn ffordd sy’n ymddangos yn “hyderus”) a’r gallu i wirio ffeithiau’r AI os oedden nhw’n bwriadu dibynnu arno.

Pa heriau a gafodd eu goresgyn?

Cafwyd nifer o gwestiynau gan y myfyrwyr oedd yn perfformio’n uwch yn holi “oes rhaid i mi ddefnyddio’r ymateb AI”, ac atebon ni “nac oes”. Yn gyffredinol roedd y myfyrwyr yn ymddangos yn ansicr ynghylch yr hyn roedden nhw’n cael ei wneud er gwaethaf yr arweiniad helaeth a roddwyd yn y ddogfen briffio gychwynnol a’r ddarlith ategol.

Yn anffodus, maglwyd nifer sylweddol o fyfyrwyr am iddyn nhw beidio â gwirio ffeithiau un o’r disgrifiadau achos a ddefnyddiwyd gan ChatGPT, oedd yn anghywir. Gadawyd adborth ar y traethodau hynny i’w hatgoffa bod angen gwirio ffeithiau adnoddau AI.

Sut helpodd hyn gyda’u dysgu?

Ni holwyd y myfyrwyr am yr aseiniad hwn yn benodol, ond yn yr SES nododd nifer o’u plith eu bod wedi’i gael yn ddefnyddiol iawn er mwyn deall cyfyngiadau AI. Mewn sgwrs, nododd nifer o fyfyrwyr ei fod wedi’u helpu i oresgyn gohirio’r gwaith, gan fod man cychwyn wedi’i roi iddyn nhw i adeiladu ohono. Nododd myfyrwyr oedd yn sgorio’n uwch eu bod wedi darllen yr allbwn AI, ond gwneud eu hymchwil eu hunain ac ysgrifennu fel arfer, gan gyfeirio at yr AI dim ond i sicrhau nad oedden nhw’n hepgor unrhyw bwyntiau craidd ar ddamwain.

Sut fyddwch chi’n datblygu’r gweithgaredd hwn yn y dyfodol?

Rydym ni’n ystyried cwtogi hyd y traethawd a chynnwys myfyrdod cryno ar y defnydd o AI fel rhan o’r aseiniad. Yn ogystal, byddwn yn ehangu’r rhybudd i wirio ffeithiau allbynnau AI gan nodi’n benodol y gallai fod achosion real yn cael eu dyfynnu ond y gellid cael disgrifiadau camarweiniol neu ffug i gefnogi pwyntiau na ystyriwyd yn yr achos.
Cadwch olwg am y blog nesaf ar AI Cynhyrchiol mewn astudiaethau achos Dysgu ac Addysgu.

Cyfuno Cyrsiau 2025-26

Mae cyrsiau 2025-26 bellach ar gael i staff yn Blackboard, felly rydym yn barod i gyfuno eich cyrsiau ar gais cydlynydd y modiwl. Cyfeirir at y drefn hon fel Cyfuno cyrsiau (gelwid gynt yn berthynas rhiant a phlentyn). Mae cysylltu cyrsiau yn ffordd effeithiol o drin cyrsiau unigol gyda’r un cynnwys er mwyn osgoi uwchlwytho deunyddiau i ddau neu ragor o gyrsiau gwahanol.

Yn ôl y drefn hon, bydd un cwrs yn gwrs cynradd (gelwid gynt yn rhiant), a’r cwrs neu gyrsiau eraill yn gwrs eilaidd (gelwid gynt yn blentyn). Ni chyfyngir ar nifer y gyrsiau eilaidd ond ni ellir cael mwy nag un cwrs cynradd.

Os ydych chi’n gydlynydd modiwl a hoffech i ni gysylltu eich cyrsiau yn ôl y drefn hon, cysylltwch ag eddysgu@aber.ac.uk gan nodi’r codau modiwl ar gyfer y cwrs cynradd a phob cwrs eilaidd yr hoffech ei gyfuno, yn y fformat canlynol:

Cwrs cynradd: Cwrs / cyrsiau eilaidd

Mae cyrsiau 2024-25 bellach ar gael i staff yn Blackboard, felly rydym yn barod i gyfuno eich cyrsiau ar gais cydlynydd y modiwl. Cyfeirir at y drefn hon fel Cyfuno cyrsiau (gelwid gynt yn berthynas rhiant a phlentyn). Mae cysylltu cyrsiau yn ffordd effeithiol o drin cyrsiau unigol gyda’r un cynnwys er mwyn osgoi uwchlwytho deunyddiau i ddau neu ragor o gyrsiau gwahanol.

Yn ôl y drefn hon, bydd un cwrs yn gwrs cynradd (gelwid gynt yn rhiant), a’r cwrs neu gyrsiau eraill yn gwrs eilaidd (gelwid gynt yn blentyn). Ni chyfyngir ar nifer y gyrsiau eilaidd ond ni ellir cael mwy nag un cwrs cynradd.

Os ydych chi’n gydlynydd modiwl a hoffech i ni gysylltu eich cyrsiau yn ôl y drefn hon, cysylltwch ag eddysgu@aber.ac.uk gan nodi’r codau modiwl ar gyfer y cwrs cynradd a phob cwrs eilaidd yr hoffech ei gyfuno, yn y fformat canlynol:

Cwrs cynradd: Cwrs / cyrsiau eilaidd

Enghreifftiau o Aberystwyth

Mae llawer o aelodau staff eisoes wedi cyfuno cyrsiau ar draws y sefydliad. Dyma ambell engraifft:

  1. Dysgir yr un cynnwys ar y modiwlau ond mae modiwl ar gael i flynyddoedd gwahanol.
  2. Modiwlau sy’n dod â gwahanol gynlluniau gradd at ei gilydd a chanddynt wahanol gyfeirnodau modiwl, er enghraifft modiwlau traethodau estynedig.

Yn y bôn, mae pob cwrs sy’n rhannu’r un cynnwys yn ddelfrydol ar gyfer eu cyfuno.

Beth mae’r myfyrwyr yn ei weld?

Wrth fewngofnodi i Blackboard, bydd y myfyrwyr yn gweld enw’r cwrs y maent wedi’i cofrestru arno (hyd yn oed os mai’r cwrs eilaidd yw hwnnw) ond byddant yn gweld yr holl gynnwys a osodir yn y cwrs cynradd. Ni ddylid gosod na chreu unrhyw gynnwys yn y cwrs eilaidd.

Pwyntiau i’w hystyried…

Nawr, cyn dechrau’r tymor ac wrth i chi greu cynnwys eich cyrsiau, yw’r amser perffaith i gysylltu cyrsiau. Er bod cysylltu cyrsiau yn arbed amser wrth lwytho deunyddiau, ystyriwch yr isod cyn gwneud cais:

  • Gellir gweld yr holl gynnwys cyn gynted ag y bydd y cyrsiau’n cael eu cyfuno (cyn belled â bod y myfyrwyr wedi’u cofrestru ar y cwrs). Gellir gweld sleidiau PowerPoint, deunyddiau darlithoedd, a chwynnwys fel Cyhoeddiadau a deunyddiau rhyngweithiol eraill ar eich cwrs cynradd.
  • Ni fydd rhyngweithiadau myfyrwyr hanesyddol ar fodiwl eilaidd (megis defnyddio blog neu bostio mewn byrddau trafod) ar gael ar ôl i’r cyrsiau gael eu cyfuno.
  • Ni fydd modd gweld unrhyw fannau cyflwyno a grëwyd ar gwrs eilaidd cyn y cyfuno. Fe’ch cynghorir i’w creu o’r newydd yn y cwrs cynradd.

Sut gallaf reoli’r cynnwys i sicrhau mai myfyrwyr y modiwl yn unig fydd yn ei weld?

Er bod modd gweld yr holl gynnwys yn awtomatig ar ôl i’r cyrsiau gael eu cyfuno, gallwch ddefnyddio grwpiau ac ‘amodau rhyddhau’ (gynt ‘rhyddhau’n ymaddasol’ yn Blackboard Original) os dymunwch i’r cynnwys gael ei weld gan garfan benodol o fyfyrwyr. Gall fod yn ddefnyddiol, er enghraifft, os ydych wedi cyfuno cwrs ail a thrydedd flwyddyn ond bod gan y myfyrwyr ar y gwahanol gyrsiau aseiniadau annibynnol. Gallwch ddefnyddio grwpiau – 1 ar gyfer myfyrwyr yr ail flwyddyn ac 1 ar gyfer myfyrwyr y drydedd flwyddyn a chyfyngu ar bwy all weld y wybodaeth am yr aseiniadau a’r man cyflwyno. Dilynwch ein cyfarwyddiadau ar greu grŵp ac amodau rhyddhau.

Llyfr Graddau a Chyfuno Cyrsiau

Ar ôl cyfuno, bydd pob myfyriwr yn ymddangos yn Llyfr Graddau’r cwrs cynradd. Fodd bynnag, gallwch bennu a ydynt wedi’u cofrestru ar y cwrs eilaidd gan fod y wybodaeth yma yn ymddangos wrth enw’r myfyriwr yng ngholofnau’r Llyfr Graddau. 

Os hoffech ragor o wybodaeth am y drefn neu os oes gennych unrhyw gwestiynau, cysylltwch â ni ar eddysgu@aber.ac.uk.

Deallusrwydd Artiffisial (AI) Cynhyrchiol mewn Dysgu ac Addysgu: Cyfres Astudiaethau Achos

Rydym ni’n gweithio ar gyfres o astudiaethau achos i rannu arferion defnyddio AI Cynhyrchiol mewn Gweithgareddau Dysgu ac Addysgu.

Yn y gyfres hon o flogiau, bydd cydweithwyr sy’n defnyddio AI Cynhyrchiol yn eu haddysgu’n rhannu sut yr aethon nhw ati i gynllunio’r gweithgareddau.

Rydym ni’n hapus iawn i groesawu Dr Panna Karlinger (pzk@aber.ac.uk) o’r Ysgol Addysg gyda’r blog hwn.

Astudiaeth Achos # 1 – y Gwningen Ymchwil

Beth yw’r gweithgaredd?

Diben y gweithgaredd yw dod o hyd i ffynonellau academaidd dibynadwy i fyfyrwyr eu defnyddio yn eu gwaith cwrs. Gwahoddir y myfyrwyr i ddefnyddio ‘papur hadau’ ar gyfer aseiniad arfaethedig i’w fwydo i’r Gwningen Ymchwil, sy’n defnyddio dysgu peiriant i fapio llenyddiaeth gysylltiedig yn seiliedig ar awduron, cyfeiriadau, pynciau neu gysyniadau cysylltiedig. Yna ysgogir y myfyrwyr i ddewis ffynonellau ar gyfer eu haseiniadau, a gwerthuso’r rhain yn feirniadol yn defnyddio’r prawf CRAAP sy’n gwirio a yw’r ffynhonnell yn gyfredol, yn berthnasol, yn gywir, ynghyd â’r awduron a’r pwrpas er mwyn dod i farn ar ddibynadwyedd cyffredinol cyn mynd ati i’w defnyddio.

Beth oedd canlyniadau’r gweithgaredd?

Nododd y myfyrwyr gynnydd o ran hyder a gallu i ddod o hyd i ffynonellau academaidd a dangos beirniadaeth yn eu gwaith. Er gwaethaf yr adnoddau helaeth a’r arweiniad manwl a ddarparwyd gan y staff addysgu a llyfrgell, yn aml mae myfyrwyr yn ei chael yn anodd dod o hyd i ffynonellau perthnasol i gefnogi eu gwaith, a datryswyd hyn yn llwyddiannus wrth i’r myfyrwyr ymgysylltu â’r gweithgaredd.

Sut cafodd y gweithgaredd ei gyflwyno i’r myfyrwyr?

Roedd y gweithgaredd yn rhan o fodiwl sgiliau allweddol, ac roedd gan y myfyrwyr wybodaeth flaenorol am y prawf CRAAP, dod o hyd i ffynonellau a chafwyd trafodaeth a chyflwyniad i AI Cynhyrchiol, y cyfleoedd a’r risgiau dan sylw yn ogystal â defnydd effeithlon a moesegol. Gan gyfuno eu gwybodaeth flaenorol, cyflwynwyd y teclyn fel arddangosiad, ac yna defnyddiodd y myfyrwyr eu dyfeisiau eu hunain i ddod o hyd i ffynonellau ar gyfer aseiniad arfaethedig a ddewiswyd mewn modiwl gwahanol.

Pa heriau a gafodd eu goresgyn?

Mae rhai myfyrwyr yn dal i fod yn wyliadwrus neu’n amheus ynghylch defnyddio AI, neu’n ofni cael eu cyhuddo o arfer annheg, felly roedd yn bwysig dangos achosion ble gallent ddefnyddio AI yn hyderus i’w helpu i ddatblygu’r sgiliau hyn. Nid oedd gan rai myfyrwyr ddyfeisiau â sgrin fawr ac roedd cyflawni’r gweithgaredd ar ffôn yn heriol. Bydd rhaid ystyried hyn yn y dyfodol, ac mae angen arweiniad a chymorth mwy ymarferol ar rai myfyrwyr gyda’r gweithgaredd. Mae hyn yn bennaf yn gysylltiedig â sgiliau a gallu digidol.

Sut helpodd hyn gyda’u dysgu?

Atgyfnerthodd rai negeseuon am lythrennedd AI beirniadol, gwerthuso allbwn a ffynonellau’n gyffredinol, gan eu hatgoffa am bwysigrwydd beirniadaeth yn eu gwaith, ac roedd dod o hyd i wybodaeth ac adnoddau ychwanegol a mwy diweddar yn aml yn helpu i lywio’r cynnwys a’r gwerthuso yn eu haseiniadau pan oedd y myfyrwyr yn ymgysylltu’n ôl y disgwyl.

Sut fyddwch chi’n datblygu’r gweithgaredd yn y dyfodol?

Gan nad ydym bellach yn dysgu’r modiwl sgiliau allweddol, mae cyfle i wreiddio hwn mewn modiwlau eraill, er enghraifft mewn sesiynau cymorth aseiniadau neu sesiynau galw heibio dewisol. Mae hyn yn hwyluso grwpiau llai o fyfyrwyr a mwy o amser un i un fel bo’r angen, a allai wneud y gweithgaredd yn fwy llwyddiannus; a chymryd bod y myfyrwyr wedi derbyn yr arweiniad angenrheidiol gan yr adran ar ddefnyddio AI. Gallai hefyd fod yn rhan o’r modiwlau neu’r arweiniad ar ddulliau ymchwil rydyn ni’n eu rhoi i ymchwilwyr uwchraddedig, gan fod yr adnodd nid yn unig am ddim, ond fod ganddo hefyd fedrau uwch o’u cymharu â theclynnau mapio llenyddiaeth tebyg, oedd yn werthfawr i unrhyw un wrth weithio ar draethawd hir neu draethawd ymchwil.

Cadwch olwg am y blog nesaf ar AI Cynhyrchiol mewn astudiaethau achos Dysgu ac Addysgu. Os ydych chi’n defnyddio AI Cynhyrchiol yn eich ymarfer addysgu ac yn awyddus i gyflwyno blog, cysylltwch â eddysgu@aber.ac.uk.

Crynodeb Wythnosol o Adnoddau – 10/6/2025

Fel arweinydd ein rhaglen TUAAU, rwy’n cadw llygad allan am adnoddau i helpu staff i addysgu’n effeithiol. Mae’r rhain yn cynnwys gweminarau, podlediadau, pecynnau cymorth ar-lein, cyhoeddiadau a mwy. Mae’r pynciau’n cynnwys dysgu gweithredol, addysgu ar-lein/cyfunol, hygyrchedd/cynhwysiant, a dylunio dysgu effeithiol yn seiliedig ar wyddoniaeth wybyddol. Rwyf wedi rhestru isod eitemau y sylwais arnynt yn ystod yr wythnos ddiwethaf. Er mwyn eglurder, ein polisi yw dangos y teitlau a’r disgrifiadau yn yr iaith y cyflwynir yr adnoddau ynddi.  

Digwyddiadau a gweminarau ar-lein

Mehefin

Gorffennaf

Adnoddau a chyhoeddiadau

Arall

  • Call for proposals (open dates) Unfiltered by EmpowerED: A Podcast Series where educators share unedited stories of inspiration and challenge
  • Call for proposals (open dates) Future Teacher Webinars
  • Monthly series European Network for Academic Integrity, ENAI monthly webinars free open webinars on various topics related to academic integrity

Ewch i’r dudalen archebu Hyfforddiant Staff i weld pa hyfforddiant a gynigir gan yr Uned Datblygu Dysgu ac Addysgu a staff eraill Prifysgol Aberystwyth. Gobeithio y bydd y crynodeb wythnosol hwn o adnoddau yn ddefnyddiol ichi. Os oes gennych unrhyw gwestiynau neu awgrymiadau, cysylltwch â’n tîm ar lteu@aber.ac.uk. Cyfryngau cymdeithasol: BSky, X.com.

Canllawiau a chyngor ynghylch DA Cynhyrchiol: Diweddariad

Accessibility icons showing 3 images: a checklist, a computer workstation, an image

Mae’r Gwasanaethau Llyfrgell a Dysgu, y Gofrestrfa Academaidd ac UndebAber yn cydweithio ar greu canllawiau a chyngor ynghylch DA Cynhyrchiol.

Ar ôl cymeradwyaeth yn y Pwyllgor Addysg a Phrofiad y Myfyrwyr diweddar, rydym yn falch o rannu’r adnoddau hyn gyda chi yn barod ar gyfer y flwyddyn academaidd nesaf. 

  1. Datganiad ar y defnydd o DA Cynhyrchiol

Mae’r datganiad hwn yn amlinellu’r egwyddorion a’r dull y mae PA yn bwriadu eu defnyddio ar gyfer DA Cynhyrchiol ar draws ei holl weithrediadau. 

  1. Canllawiau i fyfyrwyr ar ddefnyddio DA Cynhyrchiol

Mae’r ddogfen hon yn darparu canllawiau a chyngor i fyfyrwyr ar sut y gallent ddefnyddio DA Cynhyrchiol fel adnodd astudio. Mae’r ddogfen hon yn defnyddio dull system goleuadau traffig i rybuddio myfyrwyr am faint o ofal sydd ei angen wrth ei ddefnyddio.

  1. Datganiad templed e-gyflwyno DA Cynhyrchiol

Mae datganiad wedi’i ychwanegu at dempled cwrs Blackboard ar gyfer Cyrsiau 2025-26 sy’n rhoi cyngor ac arweiniad i fyfyrwyr ar ddefnydd derbyniol o DA Cynhyrchiol a ble i gael cefnogaeth a chymorth.

  1. Datganiadau Asesu DA Cynhyrchiol yng Nghadwrfa Gwrthrychau Dysgu Blackboard

Gallwch gopïo datganiadau asesu DA Cynhyrchiol i’ch cwrs Blackboard i roi gwybod i fyfyrwyr beth yw’r defnydd derbyniol o DA Cynhyrchiol ar gyfer yr asesiad. Gweler ein blogbost i gael rhagor o wybodaeth ynghylch sut i wneud hyn. 

  1. Datganiad ar y defnydd o Offer DA Cynhyrchiol

Wedi’i ddatblygu gan yr Adran y Gyfraith a Throseddeg, ac eisoes yn cael ei ddefnyddio gan rai adrannau, mae’r datganiad ar y defnydd o’r Offer yn galluogi myfyrwyr i amlinellu sut maent wedi defnyddio DA Cynhyrchiol yn eu hasesiadau. Mae myfyrwyr yn llenwi’r ffurflen ac yn mewnosod y datganiad ar y defnydd o’r offer yn eu dogfen word cyn cyflwyno.

Gellir lawrlwytho’r datganiad ar y defnydd o’r offer o’n tudalen we a’i uwchlwytho i Blackboard.

Mae tudalen we bwrpasol i roi cyngor a chyfarwyddyd ar gyfer DA Cynhyrchiol ar gael lle rydym yn gosod ein deunyddiau cymorth a’n cyngor.

Rydym wedi ymgynghori’n eang â chydweithwyr a myfyrwyr ar y mater hwn, a hoffem ddiolch i’r rhai sydd wedi helpu i lunio’r canllawiau hyn.

Cyfeiriwch ymholiadau staff at eddysgu@aber.ac.uk neu cysylltwch â’ch llyfrgellydd pwnc.

Beth sy’n Newydd yn Blackboard mis Mehefin 2025 

Yn niweddariad mis Mehefin, rydym yn arbennig o gyffrous am fath newydd o gwestiwn: brawddeg gymysg.

Mae gwelliannau i Drafodaethau, Gwiriadau Gwybodaeth (Dogfennau), a Chofnodion Gweithgareddau Myfyrwyr yr hoffem dynnu eich sylw atynt. 

Newydd: Math o Gwestiwn: Brawddeg gymysg

Gwnaethpwyd ceisiadau niferus am y math hwn o gwestiwn ers i ni symud i Blackboard Ultra, felly rydym yn falch o weld hyn ar gael.

Mae Brawddeg Gymysg bellach yn opsiwn yn y gwymplen Question Type. Mae’r math hwn o gwestiwn hefyd ar gael yn y Cynorthwyydd Dylunio DA.

I greu cwestiwn â brawddeg gymysg:

  1. Dewiswch Add Jumbled Sentence Question yn y cynfas creu cwestiwn:
delwedd yn dangos cwestiwn Brawddeg Gymysg

  • Rhowch destun eich cwestiwn, gan roi’r bwlch a’r ateb cywir mewn cromfachau sgwâr:
delwedd yn dangos ffenestr olygu Brawddeg Gymysg

  • Rhowch ‘wrthdynwyr’ sydd hefyd yn ymddangos yn y gwymplen i fyfyrwyr gwblhau’r cwestiwn:
delwedd yn dangos opsiynau ‘gwrthdynnu’

  • Cadwch eich cwestiwn a defnyddio’ch prawf fel arfer.

Bydd y cwestiwn uchod yn arddangos i fyfyrwyr fel hyn:

delwedd yn dangos cwestiwn Brawddeg Gymysg o safbwynt myfyrwyr

Gyda myfyrwyr yn clicio ar y gwymplen i ddewis y gwaith cywir sy’n cynnwys yr holl atebion cywir ac unrhyw ‘wrthdynwyr’ y gallech fod wedi’u hychwanegu:

delwedd yn dangos opsiynau Brawddeg Gymysg o’r gwymplen

Gwella ymgysylltiad myfyrwyr gyda dangosydd ‘heb ei ddarllen’ ar gyfer gweithgaredd trafodaeth

Mae Blackboard wedi gwella’r profiad trafod trwy ychwanegu dangosydd arall o weithgaredd. Mae’r ychwanegiad hwn yn annog ymgysylltiad myfyrwyr ac yn ei gwneud hi’n haws i hyfforddwyr olrhain gweithgarwch myfyrwyr. 

  • Negeseuon Trafod heb eu darllen: Mae’r dudalen Trafodaethau bellach yn dangos nifer y negeseuon trafod heb eu darllen o unrhyw le mewn cwrs. 

Llun 1: O dudalen gynnwys y cwrs, mae gan y ddolen i’r dudalen Trafodaethau rif wrth ei ymyl sy’n nodi nifer y negeseuon trafod newydd.

Gwell ymddangosiad cyffredinol a defnyddioldeb Gwiriadau Gwybodaeth mewn Dogfennau

Roedd diweddariad fis Medi diwethaf yn cynnwys cyflwyno Gwiriadau gwybodaeth i ddogfennau.

Mae’r rhain yn ffordd wych o asesu gwybodaeth a dealltwriaeth myfyrwyr, tra hefyd yn gweithredu fel ffordd o gynnal ymgysylltiad â’u Amgylchedd Dysgu Rhithwir.

Mae’r newidiadau’n cynnwys:

Hyfforddwyr a myfyrwyr 

  • Dewisiadau Ateb: Mae llythrennau’r dewisiadau ateb bellach yn ymddangos ar frig pob opsiwn ateb, yn hytrach nag yn y canol.
  • Labeli Ateb: Mae labeli ateb cywir ac anghywir wedi’u symud o ochr opsiwn ateb i’r brig.
  • Padio Testun Cwestiynau: Mae padio ar ochr dde testun y cwestiwn sy’n ymestyn heibio’r testun ateb wedi’i ddileu.
  • Addasiadau Sgrin Fach: Ar sgriniau bach iawn, mae’r label “Ateb cywir” bellach wedi’i fyrhau i “Cywir.” 

Hyfforddwyr

  • Metrigau Ateb: Mae metrigau ateb bellach yn ymddangos ar frig testun yr ateb ochr yn ochr â’r labeli ateb cywir a anghywir.
  • Dangosyddion Gweledol: Yn hytrach na thynnu sylw at gwestiynau gyda choch a gwyrdd i nodi cywirdeb yr ateb, mae bar bellach yn ymddangos ar frig cwestiwn.
  • Labeli Canlyniadau: Mae labeli canlyniadau bellach yn cael eu harddangos mewn llythrennau bach yn hytrach na phriflythrennau.
  • Padin Sgrin Fach: Mae padio i’r chwith a’r dde o ganlyniadau’r Gwiriad Gwybodaeth wedi’i ddileu ar gyfer sgriniau llai.
  • Cyfrif cyfranogiad: Nid yw nifer y myfyrwyr a gymerodd ran bellach yn cael ei ddangos fel ffracsiwn. Yn lle hynny, mae myfyrwyr yn cael eu disgrifio’n rhan o rif. Er enghraifft, “mae 2 allan o 8 o fyfyrwyr wedi cymryd rhan.” 

Llun 1: Gwedd hyfforddwr o ganlyniadau Gwiriad Gwybodaeth

Delwedd 2: Gwedd hyfforddwr o ganlyniadau Gwiriad Gwybodaeth

Myfyrwyr

Fe wnaethom sawl newid i wella’r profiad symudol a sgrin fach i fyfyrwyr. 

  • Botwm Cyflwyno: Mae’r botwm Cyflwyno bellach yn meddiannu’r gofod cyfan ar waelod cwestiwn, yn hytrach na dim ond gofod rhannol ar y dde.
  • Cynllun Adborth: Ar gyfer atebion cywir, mae’r dangosydd marc gwirio, adborth ateb cywir, a’r botwm Ailosod bellach yn pentyrru’n fertigol yn hytrach na bod ar un rhes. Mae’r newid hwn hefyd yn berthnasol i adborth ar gyfer atebion anghywir a’r botwm Try again.
  • Dangosydd Dewis Ateb: Ar bob sgrin, mae gan yr ateb y mae myfyriwr yn ei ddewis bellach linell borffor i nodi eu bod wedi’i ddewis. 

Llun 3: Gwedd y myfyriwr o ateb anghywir mewn Gwiriad Gwybodaeth yn 3900.116.

Llun 4: Gwedd y myfyriwr o ateb anghywir mewn Gwiriad Gwybodaeth yn 3900.118.

Cofnod Gweithgaredd Myfyrwyr

Ychwanegodd Blackboard ddwy nodwedd newydd i’r Cofnod Gweithgaredd Myfyrwyr i wella olrhain ac adolygu ymgysylltiad myfyrwyr. Mae’r diweddariadau hyn yn symleiddio’r broses werthuso ac yn darparu data mwy cynhwysfawr i hyfforddwyr. 

  • Hidlydd Mynediad Cynnwys: Mae’r Cofnod Gweithgaredd Myfyrwyr bellach yn cynnwys hidlydd ar gyfer mynediad at gynnwys, gan gofnodi gwybodaeth nad yw ar gael mewn mannau eraill, megis cynnwys Kaltura. Mae hyn yn caniatáu i hyfforddwyr adolygu mynediad myfyrwyr yn hawdd heb orfod lawrlwytho a hidlo ffeiliau CSV â llaw, gan arbed amser a symleiddio’r broses.
  • Hidlydd Mynediad LTI Gwell: Mae’r hidlydd mynediad LTI bellach yn cynnwys pob math o eitemau LTI, gan gynnwys deiliaid lleoedd LTI. Mae hyn yn rhoi dirnadaeth fwy manwl i hyfforddwyr o sut mae myfyrwyr yn rhyngweithio ag elfennau LTI yn eu cyrsiau.

Llun 1: Mae’r hidlwyr Content Access a LTI Access yn y ddewislen Digwyddiad.

Os oes gennych unrhyw welliannau yr hoffech i Blackboard eu gwneud, cysylltwch â ni trwy eddysgu@aber.ac.uk.

Datganiadau asesu DA Cynhyrchiol ar gael yng Nghadwrfa Gwrthrychau Dysgu Blackboard

Mae’n bleser gennym gyhoeddi bod Datganiadau Asesu DA Cynhyrchiol bellach ar gael yng Nghadwrfa Gwrthrychau Dysgu Blackboard.

Mae hyn yn rhan o’r gwaith y mae’r Gwasanaethau Llyfrgell a Dysgu yn ei wneud mewn cydweithrediad ag UndebAber a’r Gofrestrfa Academaidd.

Nod y gwaith hwn yw ei gwneud yn glir i fyfyrwyr beth yw’r disgwyliadau o ran eu hymgysylltiad a’u defnydd o DA Cynhyrchiol mewn dysgu ac addysgu.

Mae tri datganiad ar gael yn y Gadwrfa Gwrthrychau Dysgu:

  • Dim defnydd o Offer DA Cynhyrchiol ar gyfer yr asesiad hwn
  • Rhywfaint o ddefnydd o Offer DA Cynhyrchiol ar gyfer yr asesiad hwn
  • Disgwylir defnydd o Offer DA Cynhyrchiol ar gyfer yr asesiad hwn

Mae pob un o’r datganiadau yn rhoi cyngor ac yn cyfeirio myfyrwyr at gymorth ychwanegol.

Gall cydweithwyr gopïo’r datganiadau hyn i faes perthnasol y cwrs. Gan fod lefelau derbyniol o ddefnydd DA Cynhyrchiol yn amrywio rhwng asesiadau unigol, argymhellir bod y datganiadau yn cael eu copïo i’r ffolder asesu perthnasol.

I gael rhagor o wybodaeth gweler: Sut mae ychwanegu eitem o Gadwrfa Gwrthrychau Dysgu Blackboard at fy nghwrs?

Yn ogystal â’r Datganiadau Asesu DA Cynhyrchiol, mae Datganiad Defnydd o Offer DA Cynhyrchiol ar gael hefyd. Mae’r datganiad hwn wedi’i ddatblygu gan gydweithwyr yn Adran y Gyfraith a Throseddeg ac mae’n rhoi cyfle i fyfyrwyr amlinellu sut maent wedi defnyddio DA Cynhyrchiol yn eu haseiniadau.

Os oes gennych unrhyw gwestiynau ynglŷn â defnyddio’r Gadwrfa Gwrthrychau Dysgu, cysylltwch ag eddysgu@aber.ac.uk.

Creu Cyrsiau Blackboard 2025-26

Mae’r holl gyrsiau ar gyfer 2025-26 wedi cael eu creu ac maent ar gael i staff yn Blackboard.

Bydd y templed cwrs eleni yn cynnwys ambell eitem newydd a gobeithiwn y byddant o gymorth i staff a myfyrwyr:

  1. Eitem am recordio a chreu capsiynau gyda Panopto (gweler ein blogbost ar gapsiynau am ragor o wybodaeth)
  2. Dolen i dudalennau gwe SgiliauAber
  3. Gwybodaeth am Ddeallusrwydd Artiffisial ac Ymddygiad Academaidd Annerbyniol

Mae rhoi’r wybodaeth hon yn y templed cwrs yn golygu bod pob myfyriwr yn gweld yr un wybodaeth. Mae hefyd yn golygu nad oes rhaid i staff gynnwys y wybodaeth wrth baratoi eu cyrsiau ar gyfer y flwyddyn academaidd newydd.

Mae holl safleoedd cyrsiau Blackboard PA yn defnyddio templed y cytunwyd arno, sy’n cynnwys meysydd ar gyfer gwybodaeth graidd ynghyd â chynnwys ynglŷn â pholisïau ar lefel y brifysgol. Mae Pwyllgor y Panel Ansawdd a Safonau yn cytuno ar y templed cwrs bob blwyddyn. Mae Cydlynwyr Modiwlau yn gyfrifol am sicrhau bod y deunyddiau yn eu cyrsiau wedi’u trefnu’n briodol. Ni ddylai staff ddileu unrhyw gynnwys sydd yn y templed.

Gweler yr Isafswm Presenoldeb Gofynnol i weld beth y dylid ei gynnwys yn y cwrs.

Os ydych chi angen unrhyw gymorth â chyrsiau Blackboard, gweler y Canllaw Blackboard i Staff.

Unwaith y bydd cyrsiau wedi’u creu, byddwn yn darparu llif wythnosol rhwng y System Rheoli Modiwlau a Blackboard i adlewyrchu unrhyw ddiweddariadau neu newidiadau. Rydym wedi gwneud rhai newidiadau i’r rolau cwrs eleni, ac mae mwy o fanylion ar gael ar ein blogbost.

Ni fydd myfyrwyr yn ymgymryd â chyrsiau nes bod y cofrestru wedi’i gwblhau ym mis Medi.

Adolygiad o Bolisïau E-ddysgu (2025-26)

Bob blwyddyn, rydym yn ailedrych ar yr holl bolisïau sy’n ymwneud ag offer e-ddysgu ac yn eu hadolygu.   Mae’r holl newidiadau yn cael eu cymeradwyo gan y Pwyllgor Ansawdd a Safonau.  Mae’r polisïau newydd bellach ar gael, a dyma fanylion y prif newidiadau. Os oes gennych unrhyw gwestiynau am y polisïau newydd, cysylltwch â ni gan ddefnyddio’r cyfeiriad e-bost elearning@aber.ac.uk

Isafswm Presenoldeb Gofynnol (IPG) Blackboard

Mae’r IPG yn rhoi amlinelliad i staff a myfyrwyr o’r safonau gofynnol ar gyfer Cwrs Blackboard. 

Mae dau o’r newidiadau i’r IPG wedi’u cynllunio i wella hygyrchedd deunyddiau cwrs:

  • Dylai pob cwrs gael sgôr Ally o 70% neu uwch (gweler yr wybodaeth am y Sgôr Ally) 
  • Y gofyniad i ddeunyddiau gael eu huwchlwytho 1 diwrnod gwaith cyn y sesiwn (gweler yr wybodaeth am Uwchlwytho Deunyddiau Ymlaen Llaw)

I helpu staff i reoli cyrsiau:

  • Bydd y templed Blackboard yn cynnwys gwybodaeth a ddarperir yn fwy canolog (gweler ein gwybodaeth ar Greu Cyrsiau)

⁠Y Polisi E-gyflwyno

Amlinellir yn y Polisi E-gyflwyno fod pob darn o waith testun a baratowyd ar raglen prosesu geiriau yn cael ei gyflwyno, ei farcio, a’r adborth yn cael ei ryddhau’n electronig.  

Er mwyn gwella sut mae myfyrwyr yn cael gafael ar eu marciau a’u hadborth:

Er mwyn gwella cysondeb e-gyflwyno ar draws y brifysgol: 

  • Ceir gofyniad i gyflwyno gwaith ôl-raddedig ymchwil yn electronig ac mae hyn yn cynnwys aseiniadau Hyfforddiant Ymchwil Ysgol y Graddedigion. 

Ar gyfer staff sydd am ddefnyddio SafeAssign fel rhan o’u Haseiniadau Blackboard: 

  • Ychwanegu gwybodaeth am SafeAssign

⁠Polisi Cipio Darlithoedd

Amlinellir yn y Polisi Cipio Darlithoedd fod pob cyflwyniad yn y dull trosglwyddo yn cael ei recordio’n electronig i’w ddefnyddio gan fyfyrwyr. 

Mae’r newid mwyaf arwyddocaol yn y Polisi Cipio Darlithoedd wedi’i gynllunio i wella hygyrchedd recordiadau:

  • Bydd capsiynau awtomatig yn cael eu troi ymlaen ar gyfer pob recordiad a wneir ar ôl 1 Medi 2025 (gweler ein blog)
  • Argymhellir bod sesiynau nad ydynt wedi’u recordio yn cael eu crynhoi.

I helpu staff i reoli cyrsiau:

  • Bydd templed Blackboard yn cynnwys gwybodaeth a ddarperir yn ganolog am Panopto, gan gynnwys datganiad sy’n dweud y bydd recordio yn digwydd, gwybodaeth am yr hyn sy’n cael/ddim yn cael ei recordio, a gwybodaeth am ansawdd y capsiynau (gweler ein gwybodaeth am Greu Cwrs). 

Polisi Mudiadau

Mae pob adran yn defnyddio eu Mudiadau i ddarparu gwybodaeth weinyddol allweddol.  Er mwyn sicrhau bod deunyddiau’n hygyrch ac yn gyfredol, rydym wedi datblygu IPG Mudiadau, yn seiliedig ar IPG Blackboard.  Nid yw hyn yn berthnasol i Gyrsiau Ymarfer staff. 

Dylai pob Mudiad arall gynnwys:

  • Manylion Cyswllt. 
  • Gwybodaeth ynglŷn â phwrpas y Mudiad a sut y disgwylir i gyfranogwyr ei ddefnyddio.
  • Cynnwys sydd wedi’i drefnu’n glir, a’r holl ddeunyddiau wedi’u henwi’n glir ac yn gyson. 
  • Cynnwys cyfredol. 
  • Cyfarwyddiadau clir i gyfranogwyr ar beth i’w wneud gyda’r deunyddiau  
  • Rhaid i’r holl ddeunyddiau fod mor hygyrch â phosibl.

Sgôr Ally

Am y tro cyntaf, mae ein Isafswm Presenoldeb Gofynnol Blackboard yn cynnwys sgôr Ally.  Mae hyn yn cydnabod ac yn adeiladu ar sail y gwaith y mae staff eisoes wedi’i wneud i sicrhau bod deunyddiau dysgu mor hygyrch â phosibl.   

70% yw’r sgôr Ally a osodir gan yr IPG – y newyddion da i staff a myfyrwyr yw bod 87% o holl gyrsiau 2024-25 yn cyrraedd sgôr o 70%.   Ac yn gyffredinol, 72.5% yw sgôr Ally ar gyfer 2024-25, sydd 3% yn uwch na’r llynedd.  

Mae sicrhau bod cynnwys Blackboard mor hygyrch â phosibl o fudd i’n holl fyfyrwyr.    Mae cael deunyddiau mewn fformat hawdd ei ddefnyddio yn golygu y gall myfyrwyr ganolbwyntio ar eu dysgu yn hytrach na cheisio ymdopi â fformatau anhygyrch.  Mae’r dewisiadau y mae staff yn eu gwneud i ddylunio deunyddiau hygyrch, yn ogystal ag offer Fformatau Amgen Ally, yn ein helpu i sicrhau bod pob myfyriwr yn gallu cymryd rhan yn eu hastudiaethau.  

Mae hyn yn arbennig o bwysig yma ym Mhrifysgol Aberystwyth, gan fod data diweddaraf HERA yn dangos bod dros 28% o’n myfyrwyr wedi datgan bod ganddynt anabledd (o’i gymharu â 16.7% yn genedlaethol).   

I wirio sgôr Ally eich cwrs, edrychwch ar y canllawiau ar y tudalen we Blackboard.  A gallwch ddod o hyd i ragor o wybodaeth am ddylunio deunyddiau hygyrch trwy edrych ar ein deunyddiau hyfforddi ar-lein.   

Bydd Ally yn rhoi help ac arweiniad i chi fynd i’r afael â phroblemau cyffredin.  Un o’r problemau mwyaf cyffredin ym Mhrifysgol Aberystwyth yw dogfennau wedi’u hysgrifennu â llaw sydd wedi’u sganio.  Rydym wedi ysgrifennu rhai canllawiau i helpu staff sy’n defnyddio’r math hwn o ddeunyddiau. 

Ac os ydych chi eisiau defnyddio erthyglau wedi’u sganio yn eich cwrs, cysylltwch â’r Gwasanaeth Digideiddio

Uwchlwytho Deunyddiau Ymlaen Llaw

Mae darparu deunyddiau dysgu cyn y sesiwn yn eu gwneud yn fwy hygyrch i fyfyrwyr.  Mae’n rhoi cyfle i fyfyrwyr baratoi o flaen llaw er mwyn iddynt allu canolbwyntio ar gynnwys y ddarlith pan fyddant yn bresennol yn y sesiwn.  Ar gyfer sesiynau sy’n cynnwys trafodaeth neu waith grŵp, gall roi cyfle i fyfyrwyr ystyried sut y gallant gymryd rhan yn y gweithgareddau hyn.  Mae papur ymchwil gan Oxford Brookes yn rhoi gwybodaeth am y budd a geir o sicrhau bod deunyddiau ar gael ymlaen llaw. 

Mae’r adborth gan fyfyrwyr dros y blynyddoedd diwethaf wedi gofyn am y newid hwn, a thrafodwyd y mater yn y Bwrdd Academaidd yn yr haf 2024.  Ac mae’n safonol mewn nifer o brifysgolion eraill, er enghraifft ym Mhrifysgol Caeredin ac Oxford Brookes

Mae PA wedi penderfynu y dylid rhyddhau deunyddiau dysgu o leiaf un diwrnod gwaith cyn y digwyddiad:

  • Ar gyfer sesiwn a gynhelir ar ddydd Iau, dylai’r deunyddiau fod ar gael erbyn bore Mercher
  • Ar gyfer sesiwn a gynhelir ar ddydd Llun, dylai’r deunyddiau fod ar gael erbyn y bore Gwener blaenorol.

Gallwch ddefnyddio Amodau rhyddhau cynnwys Blackboard i wneud yn siŵr bod deunyddiau ar gael ar yr adeg iawn. Os ydych eisoes yn darparu eich holl ddeunyddiau ar ddechrau’r tymor, mae croeso i chi barhau â hyn.