Mae’n bleser gan yr Uned Datblygu Dysgu ac Addysgu gyhoeddi ei digwyddiad olaf o’r flwyddyn.

Ddydd Mercher 18 Rhagfyr (10:00-14:30), byddwn yn cynnal Cynhadledd Fer ar-lein yn edrych ar Bresenoldeb Blackboard Eithriadol.

Rydym yn falch iawn o gael dau gyflwynydd allanol yn ymuno â ni.

• Daw Carol Chatten o Brifysgol Edge Hill a bydd yn arddangos eu Cwrs Meddygol ac Addysg. Enillodd y cwrs hwn wobr ECP Blackboard yn ddiweddar.
• Bydd Robert Farmer o Brifysgol Northampton yn rhannu eu cwrs ar Feddwl yn Feirniadol a enillodd wobr ECP Blackboard hefyd.

Hefyd yn ymuno â ni i rannu eu cyrsiau buddugol mae Panna Karlinger o’r Ysgol Addysg a Lauren Harvey o Adran y Gyfraith a Throseddeg. Cymerodd y ddwy ran yn ein Gwobr Cwrs Eithriadol mewnol y llynedd.

Rydym yn gobeithio y bydd y digwyddiad hwn yn ysbrydoli mynychwyr ac yn rhoi syniadau i gydweithwyr ynghylch sut y gallant ddatblygu eu cyrsiau cyn Semester 2.

Rydym hefyd yn defnyddio’r digwyddiad hwn fel sbardun i ddechrau meddwl am well presenoldeb ar Blackboard.

Ac yn olaf, byddwn yn rhannu’r offer Cynorthwyydd Dylunio DA diweddaraf yr ydym yn bwriadu ei alluogi ym mis Ionawr: AI Conversations. Mae hyn yn adeiladu ar yr offer Cynorthwyydd Dylunio DA eraill yr ydym eisoes wedi’u galluogi yn Blackboard.

Gall cydweithwyr archebu lle ar gyfer y digwyddiad hanner diwrnod hwn drwy’r system archebu ar-lein a bydd gwahoddiad Teams yn cael ei anfon allan.

Gobeithiwn y gallwch ymuno â ni.

Os oes gennych unrhyw gwestiynau, rhowch wybod i ni (eddysgu@aber.ac.uk).