Tag: Llyfr Graddau

Beth sy’n Newydd yn Blackboard Tachwedd 2025 

WordPress User [ksg2] Blackboard, Diweddariadau Misol Leave a comment
Blog Banner

Yn y diweddariad ym mis Tachwedd, rydym am dynnu eich sylw at nodwedd newydd: cynhyrchu ac uwchlwytho bathodyn Cyflawniadau wedi’i addasu.

Yn ogystal â hyn, mae gennym hefyd opsiwn awtomataidd i gynhyrchu negeseuon i fyfyrwyr yn seiliedig ar sgoriau eu haseiniadau. Mae yna ddiweddariad i brofion gyda’r ymarferoldeb i ddiwygio sgoriau cwestiynau prawf mewn swmp, yn ogystal â llywio gwell ar gyfer penawdau colofnau yn y Llyfr Graddio.

Newydd! Cynhyrchu neu uwchlwytho Bathodynnau Cyflawniad wedi’u haddasu

Mae Blackboard eisoes wedi cyhoeddi’r adnodd Cyflawniadau – sef bod gan hyfforddwyr yr opsiwn i ddyfarnu bathodynnau i fyfyrwyr yn seiliedig ar sgoriau a dderbyniwyd yng ngholofnau’r Llyfr Graddau. Roedd hon yn ffordd wych o ysgogi ymgysylltiad myfyrwyr, ac rydym yn gweld mwy o gydweithwyr yn defnyddio’r adnodd: Mae Adran y Gwyddorau Bywyd yn treialu bathodynnau fel rhan o’u Pasbort Sgiliau, ac mae’r Gwasanaethau Llyfrgell a Dysgu yn defnyddio Cyflawniadau ar gyfer y Cwrs Llythrennedd DA. Mae hwn yn welliant y mae cydweithwyr wedi gofyn amdano felly rydym yn falch bod hyn ar gael ar Blackboard.

Mae gan hyfforddwyr dri opsiwn newydd ar gyfer addasu bathodynnau Cyflawniad: Delweddau a gynhyrchir gan DA, dewis o ddetholiad o ddelweddau stoc o Unsplash, ac uwchlwytho delweddau â llaw.

  • Crëwr Delwedd Bathodyn DA: Gall hyfforddwyr nodi allweddeiriau i gynhyrchu delweddau bathodynnau gan ddefnyddio’r Cynorthwyydd Dylunio DA. Mae’r system yn cynhyrchu delwedd yn awtomatig yn seiliedig ar enw a disgrifiad y bathodyn i helpu i lywio’r broses o greu delweddau. Yn ogystal, gall hyfforddwyr ddarparu eu hawgrym eu hunain i’w ddefnyddio ar gyfer cynhyrchu delweddau. Mae delweddau’n cael eu hoptimeiddio ar gyfer tocio cylchol i gyd-fynd â siâp y bathodyn safonol.
  • Unsplash: Gall hyfforddwyr chwilio o adran o ddelweddau stoc o Unsplash
  • Uwchlwytho delwedd bathodyn: Gall hyfforddwyr hefyd uwchlwytho delweddau bathodyn wedi’u dylunio’n arbennig i’w defnyddio mewn Cyflawniadau.

Delwedd 1: Gall hyfforddwyr ddewis neu gynhyrchu delwedd ar gyfer y cyflawniad wedi’i addasu.

Anfon negeseuon at fyfyrwyr yn awtomatig yn seiliedig ar reolau lefel cwrs 

Gall darlithwyr nawr greu awtomeiddio sy’n anfon negeseuon llongyfarch neu gefnogol i fyfyrwyr yn seiliedig ar reolau addasedig a osodwyd ar lefel y cwrs. Mae hyfforddwyr yn diffinio trothwyon y sgoriau ac yn ysgrifennu’r negeseuon.

Ar y dudalen Cynnwys y Cwrs, mae hyfforddwyr yn dewis Gweld Awtomeiddio o dan Awtomeiddio i reoli eu hawtomeiddio.

Yn y datganiad cychwynnol hwn, mae dau opsiwn awtomeiddio ar gael. Mae hyfforddwyr yn dewis naill ai Anfon neges longyfarch neu Anfon neges gefnogol. Anfonir negeseuon llongyfarch pan fydd myfyriwr yn ennill sgôr uchel; anfonir negeseuon cefnogol pan nad yw myfyriwr yn cyflawni sgôr benodol. Mae hyfforddwyr yn dewis yr eitem i’w graddio, yn gosod trothwy’r sgôr fel canran, ac yna’n nodi testun y neges.

Delwedd 1: Yn yr adran sbarduno Awtomeiddio, mae hyfforddwyr yn gosod yr amodau a fydd yn sbarduno anfon y neges.

Delwedd 2: Yn yr adran ‘Action to be taken’, mae hyfforddwyr yn ysgrifennu’r neges a fydd yn cael ei hanfon at fyfyrwyr pan fydd y rheol yn cael ei sbarduno.

Noder bod angen creu’r awtomeiddio cyn postio marciau. Mae hyn yn golygu na fydd y negeseuon yn gweithio ar unrhyw raddau ôl-weithredol.

Newid pwyntiau cwestiynau mewn swmp ar gyfer profion 

Gall darlithwyr nawr ddiweddaru gwerthoedd pwyntiau ar gyfer cwestiynau lluosog mewn profion gan ddefnyddio’r opsiynau ‘golygu mewn swmp’ newydd. Mae’r gwelliant hwn yn cefnogi:

  • Dewis pob cwestiwn ar unwaith, gyda’r opsiwn i ddad-ddewis cwestiynau penodol os dymunir.
  • Dewis cwestiynau penodol (e.e., cwestiwn 1, 4, 9, 15, 16, 27, a 32) ar gyfer addasu gwerth y pwyntiau.
  • Dewis cwestiynau yn ôl math (e.e., pob cwestiwn Cywir/Anghywir) i gymhwyso newidiadau gwerth pwynt cyson ar draws y math hwnnw o gwestiwn.
  • Dewis cwestiynau yn ôl math A chwestiynau penodol.

Hyfforddwyr

Ar ôl i fyfyrwyr agor yr asesiad neu wneud cyflwyniadau, gall hyfforddwyr wneud y newidiadau hyn:

  • Golygu testun cwestiynau ac atebion
  • Golygu’r gwerth pwynt
  • Mae graddau newydd yn cael eu hailgyfrifo ar gyfer yr holl asesiadau a gyflwynwyd yn flaenorol
  • Rhoi credyd llawn i bawb am gwestiwn
  • Newid pa atebion sy’n gywir
  • Newid yr opsiynau sgorio ar gyfer cwestiynau Aml-Ddewis a Chyfatebol
  • Alinio cwestiynau â nodau, o’r asesiad yn unig

Ar ôl i fyfyrwyr agor yr asesiad gall hyfforddwyr wneud y newidiadau hyn:

  • Ychwanegu cwestiynau ac atebion newydd
  • Dileu cwestiwn
  • Dileu atebion mewn cwestiynau Cyfateb ac Aml-ddewis
  • Newid nifer y bylchau mewn cwestiwn Llenwi’r Bylchau
  • Symud y cynnwys, megis newid trefn cwestiynau, atebion, neu gynnwys ychwanegol
  • Ychwanegu neu dynnu cwestiynau o gronfa cwestiynau neu ddileu cronfa o asesiad 

Delwedd 1: Mae hyfforddwyr yn dewis Bulk edit points.

Delwedd 2: Gall hyfforddwyr ddewis y cwestiynau maen nhw am eu cynnwys yn y golygu swmp.

Gwell llywio ym mhenawdau colofnau’r Llyfr Graddau

Fe wnaethom wella gwedd grid y llyfr graddau i symleiddio mynediad i dudalennau cyflwyno o benawdau colofnau ar y dudalen Graddau. Mae’r diweddariadau hyn yn gwella eglurder a chysondeb ar draws mathau o eitemau.

Mae’r newidiadau yn cynnwys:

  • Aseiniadau, Profion, Ffurflenni, Trafodaethau, Cyfnodolion:
    • Disodli’r opsiwn Golygu gydag opsiwn Gweld Cyflwyniadau gan ddefnyddio’r eicon llygad.
    • Ailenwi’r opsiwn dewislen cell radd o Gweld i Gweld Cyflwyniad.
  • Eitemau â llaw, cyfrifiadau, cyfanswm cyfrifiadau:
    • Ychwanegwyd opsiwn Gweld i bennawd y golofn sy’n mynd i’r dudalen gyflwyno.
  • Eitemau SCORM:
    • Ychwanegwyd opsiwn Gweld Cyflwyniadau gan ddefnyddio’r eicon llygad.
    • Ailenwyd yr opsiwn dewislen cell radd o Gweld i Gweld Cyflwyniad.
    • Tynnwyd opsiynau Golygu a Rhagolwg SCORM o ddewislen pennawd y golofn.
  • Presenoldeb
    • Disodli’r opsiwn Golygu gydag opsiwn Gweld gan ddefnyddio’r eicon llygad.
    • Mae ymddygiad llywio yn parhau i fod yn ddigyfnewid, gyda defnyddwyr yn cael eu cyfeirio i’r dudalen presenoldeb.

Delwedd 1: Gwell llywio ym mhenawdau colofnau’r Llyfr Graddau

Os oes gennych unrhyw welliannau yr hoffech i Blackboard eu gwneud, cysylltwch â ni trwy eddysgu@aber.ac.uk.

Beth sy’n Newydd yn Blackboard mis Awst 2025 

WordPress User [ksg2] Blackboard, Diweddariadau Misol Leave a comment
Blog Banner
Blog Banner

Yn y diweddariad ym mis Awst, rydym am dynnu eich sylw at y nodwedd tabl cynnwys sy’n cael ei hychwanegu at Fodiwlau Dysgu. 

Yn ogystal â hyn, mae gwelliannau i ddogfennau gydag opsiynau steilio blociau, a mwy o hygyrchedd ar draws llyfr graddau myfyrwyr a thudalennau trosolwg myfyrwyr.

Newydd: Ychwanegu Tabl Cynnwys at Fodiwlau Dysgu i fyfyrwyr

Rydym wedi ailgynllunio’r profiad Modiwl Dysgu i fyfyrwyr trwy ychwanegu Tabl Cynnwys cwympadwy. Mae’r diweddariad hwn yn gwella llywio, cyfeiriadedd, ac olrhain cynnydd. 

Yn rhan o’r gwelliant hwn, mae asesiadau bellach yn agor mewn panel llawn yn hytrach na phanel llai.

Mae gan fyfyrwyr bellach ffordd symlach o lywio ac olrhain cynnydd mewn Modiwlau Dysgu. Mae’r diweddariadau’n cynnwys:

  • Tabl cynnwys ar gyfer yr eitemau mewn Modiwl Dysgu. Dewis Cynnwys er mwyn agor a chwympo’r tabl cynnwys

Delwedd 1: Mae Modiwlau Dysgu bellach yn cynnwys panel Tabl Cynnwys i gyfeirio myfyrwyr o fewn Modiwlau Dysgu ar gyfer eu cyrsiau. Gellir cwympo’r panel gyda’r botwm saeth ar frig y Tabl Cynnwys.

Screenshot of Table of Contents within Learning Modules
  • Llywio hawdd rhwng eitemau  
  • Olrhain cwblhau eitemau â llaw neu awtomatig o fewn i’r Modiwl Dysgu
  • Botymau Nesaf a Blaenorol yn agosach at ei gilydd ar frig y dudalen i gael profiad gwell.

Delwedd 2: Mae’r botymau llywio Blaenorol a Nesaf bellach yn ymddangos yn agosach at ei gilydd yn y rhyngwyneb defnyddiwr o fewn Modiwlau Dysgu i roi profiad defnyddiwr gwell.

Screenshot of the User interface

Asesiadau o fewn Modiwlau Dysgu. Mae asesiadau bellach yn agor mewn panel llawn, gan ddarparu profiad cyson nad yw’n tynnu sylw.

Delwedd 3: Mae’r tudalennau Asesiadau o fewn Modiwlau Dysgu bellach yn ymddangos fel panel maint llawn.

Screenshot of the User interface

Dilyniant gorfodol mewn Modiwlau Dysgu. Pan fydd dilyniannu’n cael ei orfodi, rhaid i fyfyrwyr ddefnyddio’r botymau Nesaf a Blaenorol i symud trwy gynnwys mewn trefn. Ni all myfyrwyr neidio ymlaen gan ddefnyddio’r tabl cynnwys oni bai eu bod eisoes wedi cwblhau’r eitem maen nhw’n llywio iddi. Mae neidio ymlaen heb gwblhau eitem Modiwl Dysgu wedi’i analluogi yn y modd hwn. 

Gwella Dogfennau gydag opsiynau steilio blociau 

Fe wnaethom ychwanegu’r adnodd steilio blociau i Ddogfennau, gan roi ffyrdd newydd i hyfforddwyr wella apêl weledol a thywys sylw myfyrwyr. Mae’r opsiynau steilio yn cynnwys lliw ac eiconau. Bydd yr opsiynau arddull yn cynnwys:

  • Cwestiwn
  • Awgrym
  • Pwyntiau allweddol
  • Camau nesaf
  • Amlygu

Llun 1: Gall hyfforddwyr ddewis opsiynau steilio o gwymplen sy’n ymddangos yn y modd Golygu ar bob math o flociau.

Screenshot of styling menu.

Bydd ein sesiwn hyfforddi sydd ar ddod E-ddysgu Uwch: Dod yn Arbenigwr Dogfennau yn ystyried hyn ac ymarferoldeb arall dogfennau i helpu cydweithwyr i greu cynnwys deinamig. Gallwch archebu eich lle ar-lein.

Mwy o hygyrchedd yn llyfr graddau’r myfyrwyr

Er mwyn gwella hygyrchedd, fe wnaethom ddiweddaru Llyfr Graddau’r myfyrwyr i ddefnyddio strwythur tabl HTML semantig. Mae’r newid hwn yn disodli’r cynllun blaenorol, a oedd yn dibynnu ar elfennau <div>. Mae’r strwythur newydd yn gwella’r gefnogaeth darllenydd sgrin a llywio bysellfwrdd.

Mwy o hygyrchedd yn nhudalen trosolwg y myfyrwyr

Er mwyn gwella hygyrchedd, fe wnaethom ddiweddaru tudalen trosolwg y myfyrwyr i ddefnyddio strwythur tabl HTML semantig. Mae’r newid hwn yn disodli’r cynllun blaenorol, a oedd yn dibynnu ar elfennau <div>. Mae’r strwythur newydd yn gwella’r gefnogaeth darllenydd sgrin a llywio bysellfwrdd.

Os oes gennych unrhyw welliannau yr hoffech i Blackboard eu gwneud, cysylltwch â ni trwy eddysgu@aber.ac.uk.

Beth sy’n Newydd yn Blackboard mis Mai 2025 

WordPress User [ksg2] Blackboard, Diweddariadau Misol, E-gyflwyno, Profion Blackboard Leave a comment

Yn y diweddariad ym mis Mai, rydym yn arbennig o gyffrous am Sgyrsiau DA yn awtomatig, Cyfarwyddyd Ansoddol, a Gwelliannau i’r Llyfr Graddau a Phrofion.

Newydd: Creu Sgyrsiau DA yn awtomatig gyda’r Cynorthwyydd Dylunio DA

Nôl ym mis Tachwedd fe wnaethom lansio AI Conversations.

Gall y Cynorthwyydd Dylunio DA bellach gynhyrchu sgyrsiau DA yn awtomatig. Mae AI Conversations yn sgyrsiau rhwng myfyrwyr a phersona DA.

  • Cwestiynau Socrataidd: Sgyrsiau sy’n annog myfyrwyr i feddwl yn feirniadol trwy gyfrwng holi parhaus
  • Chwarae rôl: Sgyrsiau sy’n caniatáu i fyfyrwyr chwarae senarios gyda’r persona DA, gan wella eu profiad dysgu.

Gall creu persona a phynciau ar gyfer sgwrs DA gymryd llawer o amser. Er mwyn symleiddio’r broses hon, gall y Cynorthwyydd Dylunio DA gynhyrchu tri awgrym ar unwaith. Gallwch ddewis yr hyn y mae’r Cynorthwyydd Dylunio DA yn ei gynhyrchu. Gallwch ddewis cynhyrchu:

  • Teitl sgwrs DA
  • Persona DA
  • Cwestiwn myfyrio

Mae’r awgrymiadau hyn yn rhoi ysbrydoliaeth ar gyfer sgwrs DA. Gall hyfforddwyr fireinio awgrymiadau’r Cynorthwyydd Dylunio DA mewn sawl ffordd:

  • Darparu cyd-destun ychwanegol
  • Addasu cymhlethdod y cwestiwn
  • Dewis cyd-destun o’r cwrs
  • Adolygu’r cwestiwn â llaw

Llun 1: Mae’r nodwedd awto-gynhyrchu bellach ar gael yn AI Conversations.

Delwedd 2: Mae sawl ffordd i addasu AI Conversations.

Rydym yn argymell eich bod yn edrych yn fanwl ar y persona DA i wirio am unrhyw ragfarnau a allai fod yno a golygu’r rhain.

Byddem wrth ein bodd yn clywed am eich profiadau o ddefnyddio AI Conversations – rhowch wybod i ni trwy eddysgu@aber.ac.uk.

Newydd: Cyfarwyddyd Ansoddol

Gall darlithwyr nawr greu a defnyddio cyfarwyddyd di-bwyntiau ar gyfer Aseiniadau Blackboard. Mae’r math hwn o gyfarwyddyd yn caniatáu i hyfforddwyr asesu gwaith myfyrwyr yn seiliedig ar feini prawf ac adborth, yn hytrach na gwerthoedd rhifiadol.

Gall hyfforddwyr ddewis No Points fel math o gyfarwyddyd wrth greu neu gynhyrchu cyfarwyddyd. Mae’r opsiwn hwn ar gael ochr yn ochr â chyfarwyddiadau canrannol a phwyntiau presennol. Gall hyfforddwyr hefyd olygu cyfarwyddiadau i newid rhwng gwahanol fathau o gyfarwyddiadau, gan gynnwys canran, ystod pwyntiau, a dim pwyntiau.

Delwedd 1: Mae’r opsiwn No Points ar gael yn y gwymplen Rubric Type

Gofynnwyd am y nodwedd hon yn ein Peilot Aseiniad Blackboard (Safe Assign).

Gwelliannau i’r Llyfr Graddau a Phrofion

Gwelliannau Hygyrchedd i’r Llyfr Graddau

Mae’r tab Markable Items yn y Llyfr Graddau bellach yn cynnwys rhyngwyneb wedi’i ailgynllunio i wella hygyrchedd a llywio ar gyfer defnyddwyr bysellfwrdd a darllenydd sgrin yn unig. Mae’r gwelliant hwn yn cefnogi profiad hygyrch i hyfforddwyr sy’n graddio gwaith myfyrwyr, gan leihau’r amser a’r ymdrech sydd eu hangen i reoli graddau myfyrwyr.

Gyda’r diweddariad hwn, mae’r tab Gradable Items yn defnyddio cynllun yn seiliedig ar dabl i wella defnyddioldeb:

  • Gall defnyddwyr darllenydd sgrin bellach glywed cyhoeddiadau pennawd a rhes, gan ganiatáu llywio llyfnach trwy gyflwyniadau myfyrwyr.
  • Gall defnyddwyr bysellfwrdd nawr symud yn effeithlon ar draws rhesi neu i lawr colofnau gan ddefnyddio bysellau saeth.

Delwedd 1: Llyfr graddau gyda’r tab Markable Items wedi’i amlygu

Newydd: Colofnau testun yn y Llyfr Graddau

Gall hyfforddwyr nawr greu colofnau testun arferol yn y Llyfr Graddau, gan roi’r gallu iddynt gofnodi gwybodaeth ar gyfer asesiad, megis cod perfformiad, aelodaeth grŵp, a gwybodaeth tiwtora.

Mae’r colofnau hyn yn caniatáu i hyfforddwyr gofnodi hyd at 32 nod. Nid yw’r golofn wedi’i chyfyngu i fewnbwn testun.

Efallai y bydd cydweithiwr eisiau defnyddio hyn i gofnodi timau goruchwylio traethawd hir neu farcwyr.

Gall hyfforddwyr:

  • Greu colofnau sy’n seiliedig ar destun drwy’r llif gwaith Add yn y wedd grid a’r dudalen Gradable Items;
  • Enwch y golofn, rheolwch welededd y myfyriwr, ac ychwanegu disgrifiad;
  • Ychwanegwch a golygwch wybodaeth testun ar gyfer myfyriwr penodol gan ddefnyddio llif gwaith Inline Edit.

Mae colofnau testun yn eithrio’r canlynol:

  • Gwerthoedd pwyntiau (wedi’u gosod yn awtomatig i 0 pwynt)
  • Dyddiad cyflwyno
  • Categorïau
  • Cyfrifiadau llyfr graddau a rhyngwynebau cyfrifo cysylltiedig

Mae cynnwys mewn colofnau sy’n seiliedig ar destun yn postio’n awtomatig ac yn cefnogi ymarferoldeb didoli o fewn gwedd grid Llyfr Graddau. Gall hyfforddwyr hefyd lawrlwytho ac uwchlwytho colofnau sy’n seiliedig ar destun gan ddefnyddio swyddogaeth uwchlwytho / lawrlwytho’r Llyfr Graddau.

Delwedd 1: Gall hyfforddwyr ddewis Add Text Item i greu colofn sy’n seiliedig ar destun.

Delwedd 2: Gall hyfforddwyr nodi enw colofn, gosod gwelededd i fyfyrwyr, a rhoi disgrifiad ar gyfer y golofn sy’n seiliedig ar destun.

Gall myfyrwyr gael mynediad at golofnau testun a gwybodaeth gysylltiedig yn eu Llyfr Graddau pan fydd y golofn wedi’i gosod i Visible to students.

Gosodiad prawf newydd: Gweld cyflwyniad unwaith

Mae opsiwn gosod canlyniadau prawf newydd, View submission one time.

Pan fydd myfyriwr yn cwblhau’r prawf, gallant adolygu eu hatebion a’u hadborth manwl, megis pa gwestiynau gafodd eu hateb yn gywir.

Delwedd 1: Allow students to view their submission one more time wedi’i amlygu:

Hyfforddwyr

I weld yr opsiwn gosodiad hwn, dewiswch Available after submission yn yr adran Assessment results o’r Assessment Settings, yna dewiswch View submission one time o’r gwymplen Customise when the submission content is visible to students. Mae’r gwymplen hon ar gael os ydych wedi dewis Allow students to view their submission yn unig.

Noder nad yw’r gosodiad hwn yn newid y gosodiadau a argymhellir ar gyfer arholiadau ar-lein.

Cyfnewid Syniadau:

Nod yr adran hon yw eich diweddaru ar gynnydd gwelliannau y gofynnwyd amdanynt ar y Gyfnewidfa Syniadau Blackboard.

Rydym yn falch o weld y Cyfarwyddyd Ansoddol wedi’i gynnwys yn y datganiad y mis hwn gan fod hon yn nodwedd y gofynnwyd amdani’n rhan o’r peilot SafeAssign.

Os oes gennych unrhyw welliannau yr hoffech i Blackboard eu gwneud, cysylltwch â ni trwy eddysgu@aber.ac.uk.