Awdur: WordPress User [kaw]

Cyrsiau wedi’u Cyfuno – y pwnc y gofynnwyd fwyaf amdano ym mis Medi

WordPress User [kaw] Blackboard Leave a comment
Policies and Information

Rydym wedi cael golwg ar yr holl ymholiadau a ddaeth i mewn i’r mewnflwch eddysgu@aber.ac.uk yn ystod mis Medi i weld beth oedd yr ymholiad mwyaf cyffredin. A’r ateb yw … Cyrsiau wedi’u Cyfuno.

Felly, dyma ychydig o wybodaeth ddefnyddiol am gyfuno cyrsiau a all helpu i ateb rhai o’ch ymholiadau:

  1. Mae cyfuno yn cysylltu dau neu fwy o gyrsiau gyda’i gilydd yn Blackboard. Mae’n ffordd effeithiol o ymdrin â chyrsiau ar wahân sydd â’r un cynnwys, felly nid oes rhaid i chi uwchlwytho deunyddiau i fwy nag un cwrs. Mae mwy o wybodaeth ar gael ar y blog. Dyma rai achosion lle gallai hyn fod yn ddefnyddiol
    • Mae’r un cynnwys yn cael ei ddysgu ar fodiwlau ond mae modiwl ar gael i fyfyrwyr yr 2il a’r 3edd flwyddyn.
    • Modiwlau sy’n dwyn ynghyd wahanol gynlluniau gradd ac sydd â gwahanol Gyfeirnod Modiwl, e.e. modiwlau traethawd hir.
  2. Nid yw cyrsiau’n cael eu cyfuno’n awtomatig felly bydd angen i chi naill ai eu cyfuno trwy ein hadnodd Module Partners neu drwy e-bostio eddysgu@aber.ac.uk . Os cyfunwyd eich cyrsiau y llynedd, mae angen i chi eu cyfuno eto ar gyfer 2025-26. Os ydych chi eisiau gwirio a yw’ch cyrsiau eisoes wedi’u cyfuno, gallwch ddefnyddio Module Partners (neu e-bostio eddysgu@aber.ac.uk) 
  3. Bydd myfyrwyr yn gweld cod a theitl modiwl pa bynnag gwrs y maent wedi’i gofrestru arno. Os ydych chi’n canfod nad yw myfyrwyr yn gallu gweld cynnwys mewn cyrsiau rydych chi’n meddwl eu bod wedi’u cyfuno, edrychwch ar Module Partners neu e-bostiwch eddysgu@aber.ac.uk i wirio.

Rydym hefyd wedi cael cwestiynau am gofrestru – mae gwybodaeth am sut mae cofrestriadau’n gweithio ar gael yn ein cwestiwn cyffredin Mynediad at Gyrsiau Blackboard.

Nodyn: gwnaethom gynhyrchu’r crynodeb o’n hymholiadau cymorth mwyaf cyffredin gan ddefnyddio Microsoft Copilot.

Uwchlwytho recordiadau Panopto All-lein 

WordPress User [kaw] Panopto Leave a comment
Policies and Information

Bydd rhai aelodau o staff wedi gwneud recordiadau Panopto all-lein oherwydd effaith tarfiad gwasanaeth Gwasanaethau Gwe Amazon ar Panopto ddydd Llun 20 Hydref.

Bydd angen uwchlwytho pob recordiad all-lein i weinyddion Panopto cyn y gallant fod ar gael i fyfyrwyr. Mae cyfarwyddiadau ar gael yn ein Cwestiwn Cyffredin Sut mae uwchlwytho recordiadau Panopto â llaw trwy’r rhaglen Panopto Recorder? Gallwch wirio argaeledd ystafelloedd addysgu o myadmin.aber.ac.uk > AAA/ATO (Amserlen Aberystwyth Ar-lein)

Rydym yn argymell eich bod yn uwchlwytho unrhyw recordiadau all-lein o fewn 7 diwrnod. Os oes gennych unrhyw gwestiynau, cysylltwch ag eddysgu@aber.ac.uk.  

Ymunwch â ni ar Ddiwrnod Trwsio’ch Cynnwys 2025

WordPress User [kaw] Amgylchedd Dysgu Rhithwir (VLE), Blackboard, Hygyrchedd Leave a comment
Inclusivity and Accessibility banner

Ar Dachwedd 18, bydd Prifysgol Aberystwyth yn ymuno â sefydliadau ledled y byd i gymryd rhan yn Niwrnod Trwsio’ch Cynnwys 2025, a gynhelir gan Anthology.  Mae’r gystadleuaeth 24 awr hon yn rhan o’n hymrwymiad parhaus i addysg gynhwysol.

Byddwn yn cynnal sesiwn galw heibio ar 18 Tachwedd rhwng 2pm a 4pm yn B23 Llandinam.  Bydd staff e-ddysgu ar gael i ateb cwestiynau a’ch helpu i ddefnyddio Ally (bydd te a bisgedi ar gael hefyd).

Gyda’n gilydd, fe geisiwn ddatrys cynifer o broblemau hygyrchedd a gwella cynifer o ffeiliau cyrsiau â phosib gan ddefnyddio Anthology® Ally.  Mae pob peth sy’n cael ei atgyweirio – boed yn fawr neu’n fach – yn cyfrannu at amgylchedd dysgu mwy cynhwysol i’r holl fyfyrwyr.

Sut y gallwch chi helpu:

  • Gwirio’ch cyrsiau am ddangosyddion coch ac oren
  • Canolbwyntio ar y pethau y gallwch yn ymdrin â nhw’n gyflym fel ychwanegu disgrifiadau delweddau neu wella dogfennau Microsoft Word
  • Dechrau’r gwaith ‘trwsio’ ar 18 Tachwedd, a dal ati trwy gydol y dydd
  • Anelwch at 100%, ond gwneud gwelliannau yw’r peth pwysicaf!

Am ragor o wybodaeth am sut i drwsio ffeiliau gan ddefnyddio Anthology Ally, edrychwch ar ein Cwestiynau Cyffredin am Ally.

Beth sy’n Newydd yn Blackboard Ally

WordPress User [kaw] Amgylchedd Dysgu Rhithwir (VLE), Blackboard, Diweddariadau Technegol, Hygyrchedd Leave a comment
Inclusivity and Accessibility banner

Dros yr haf bu rhai diweddariadau i Blackboard Ally a fydd yn helpu cydweithwyr i ddatrys problemau gyda delweddau a dogfennau PDF yn Blackboard.

Disgrifiad a awto-gynhyrchir gan DA

Mae’r adnodd disgrifiad a awto-gynhyrchir gan DA wedi’i ddatblygu i ysgrifennu testun amgen gwell ar gyfer siartiau, testun mewn delweddau, cynnwys STEM, a llawysgrifen mewn delweddau. Fel yr holl offer DA yn Blackboard, gall staff olygu unrhyw agwedd ar yr allbwn DA a’i addasu os oes angen. Mae’r offer DA hefyd yn darparu man cychwyn da ar gyfer dysgu mwy am ysgrifennu testun amgen.  Ac os ydych chi’n defnyddio Blackboard yn Gymraeg, bydd yr adnodd DA yn creu testun amgen Cymraeg.

I ddefnyddio’r teclyn DA:

  • Cliciwch ar y dangosydd Ally ar gyfer eich delwedd (neu ewch iddo drwy Llyfrau ac Offer > Adroddiad Hygyrchedd Ally > Cynnwys)
  • O dan Golygu disgrifiad y ddelwedd, cliciwch ar Cynhyrchu disgrifiad yn awtomatig
  • Yna gallwch glicio Cadw i ddefnyddio’r disgrifiad neu olygu’r disgrifiad cyn clicio ar Cadw.
  • Os nad ydych eisiau defnyddio’r disgrifiad, cliciwch ar Tynnu o’r ddelwedd, a theipiwch eich disgrifiad eich hun. 

Haen OCR ar ddogfennau wedi’u sganio

Roedd tua 15% o ddogfennau PDF yng nghyrsiau 2024-25 yn ddogfennau nad ydynt yn OCR. Mae hyn yn achosi problem i unrhyw un sydd angen newid maint y testun neu ddefnyddio darllenydd sgrin oherwydd bod y testun yn ymddangos fel delwedd yn hytrach na thestun darllenadwy. Mae Ally bellach yn darparu offer i ychwanegu haen OCR ddarllenadwy ar ben dogfen nad yw’n OCR. Bydd ansawdd yr haen hon yn dibynnu ar natur y cynnwys (mae dogfennau wedi’u teipio yn gweithio’n well na delweddau neu lawysgrifen) yn ogystal ag ansawdd y sgan.

Rydym yn awgrymu eich bod chi’n rhoi cynnig ar yr offer haen OCR a gweld a all eich helpu i ddarparu dogfennau PDF mwy hygyrch. Cofiwch y gallwch hefyd ddefnyddio gwasanaeth Digido’r Llyfrgell sy’n darparu sganiau darllenadwy OCR o erthyglau mewn cyfnodolion a phenodau llyfrau.

I ddefnyddio’r haen OCR:

  • Cliciwch ar y dangosydd Ally ar gyfer eich delwedd (neu ewch iddo drwy Llyfrau ac Offer > Adroddiad Hygyrchedd Ally > Cynnwys)
  • Cliciwch ar y botwm Rhagolwg a Defnyddio i ychwanegu’r haen
  • Bydd rhagolwg yn ymddangos – defnyddiwch eich llygoden i amlygu’r testun ar y rhagolwg. Bydd hyn yn dangos i chi pa destun fydd yn cael ei ychwanegu at y ffeil.
  • Os ydych chi’n hapus i’w ddefnyddio, cliciwch ar Defnyddio. Os nad ydych yn hapus, dewiswch Canslo
  • Os nad ydych chi’n defnyddio’r haen OCR, bydd y botwm Dysgu sut i drwsio PDF yn rhoi opsiynau i chi ar gyfer ychwanegu cyfeirnod llyfrgell.

Iaith a Theitl PDF

Gellir trwsio dogfennau PDF heb iaith neu deitl wedi’u gosod yn uniongyrchol yn Ally:

  • Cliciwch ar y dangosydd Ally ar gyfer eich dogfen PDF (neu ewch iddo drwy Llyfrau ac Offer > Adroddiad Hygyrchedd Ally > Cynnwys)
  • O dan Ychwanegu Iaith PDF, dewiswch iaith y ddogfen a chlicio ar Defnyddio gosodiad
  • Teipiwch deitl eich dogfen yn y blwch Gosod Teitl PDF ac yna cliciwch Defnyddio gosodiad.

Cyfarwyddyd i fyfyrwyr

I’ch helpu i annog eich myfyrwyr i ddefnyddio Fformatau Amgen Ally, mae gennym eitem Cadwrfa Gwrthrychau Dysgu ar Ally y gallwch ei defnyddio yn eich cwrs. Gweler ein Cwestiwn Cyffredin ar ychwanegu eitem o’r Gadwrfa i’ch cwrs.

Mae mwy o newidiadau wedi’u cynllunio ar gyfer Ally dros y tri mis nesaf, a byddwn yn diweddaru cydweithwyr trwy’r blog. Am ragor o wybodaeth am Ally, edrychwch ar y dudalennau cymorth Ally

Panopto 

WordPress User [kaw] Hygyrchedd, Panopto Leave a comment

Mae Panopto bellach wedi’i osod yn barod ar gyfer 2025-26.

Capsiynau awtomatig 

Mae capsiynau awtomatig bellach wedi cael ei osod yn holl ffolderi 2025-26 yn Panopto. Mae iaith y capsiwn yn cyfateb â iaith  templed eich cwrs Blackboard.   

Ar gyfer cyrsiau dwyieithog, rydyn ni’n awgrymu creu is-ffolder i ddal yr holl recordiadau ar gyfer un o ieithoedd cyflwyno eich cwrs (gweler Cwestiwn Cyffredin)   

Pan fyddwch yn gwneud eich recordiadau, rhaid i chi ddewis yr iaith gywir cyn pwyso ‘record’. Y rheswm am hyn yw oherwydd na ellir ychwanegu capsiynau Cymraeg at recordiadau sy’n cael eu copïo neu’u symud o ffolderi eraill   

Ceir gwybodaeth am gapsiynau awtomatig ym Mholisi Cipio Darlithoedd PA (rhan 12) 

Cysylltu â holl Recordiadau Panopto 

Gallwch greu dolen i’r ffolder Panopto yn eich cwrs Blackboard. Golyga hyn y gall myfyrwyr weld y recordiadau ar gyfer y cwrs mewn un lle. 

Dod o hyd i’ch ffolder Panopto 

Mae ffolderi Panopto ar gyfer yr holl fodiwlau eleni yn y ffolder 2025-26. 

I ddod o hyd i’r ffolder Panopto yr hoffech recordio ynddi: 

  • Cliciwch ar y botwm cwymplen ar ochr dde’r blwch Ffolder. 
  • Cliciwch ar y saeth cwymplen i’r chwith o’r ffolder blwyddyn academaidd i’w hehangu. 
  • Dewiswch y ffolder Panopto yr hoffech recordio ynddi. 
  • Gallwch hefyd chwilio am y ffolder Panopto yr hoffech recordio ynddi: 
  • Yn y blwch Ffolder dechreuwch deipio cod y modiwl neu enw’r ffolder Panopto yr hoffech recordio ynddi 
  • Dewiswch y ffolder yr hoffech recordio ynddi. 
  • Beth i’w wneud os na allwch weld eich ffolder Panopto 

Mewn nifer fach o gyrsiau, ni chrëwyd y ffolder Panopto dros yr haf. Os na allwch ddod o hyd i’ch ffolder Panopto gan ddefnyddio’r camau uchod, gallwch greu ffolder o Blackboard: 

  1. Mewngofnodwch i Blackboard a dod o hyd i’ch cwrs 
  1. Cliciwch ar Llyfrau ac Offer > Gweld cwrs ac offer sefydliad 
  1. Cliciwch ar Holl Fideos Panopto 

Nawr dylech allu dod o hyd i’r ffolder Panopto i recordio ynddi. 

Blackboard Ally

WordPress User [kaw] Amgylchedd Dysgu Rhithwir (VLE), Blackboard Leave a comment
Inclusivity and Accessibility banner

Mae Blackboard Ally yn parhau i fod yn rhan boblogaidd o Blackboard gyda mwy o staff a myfyrwyr yn ei ddefnyddio yn ystod blwyddyn academaidd 2024-25.

Mae nifer y lawrlwythiadau i fformat amgen wedi mwy na dyblu y llynedd – lawrlwythwyd dros 62,000 o ddogfennau i fformatau amgen.  A defnyddiodd dros 4000 o ddefnyddwyr yr opsiwn hwn.

Gwnaeth staff hefyd fwy o ddefnydd o’r offer i ddatrys problemau hygyrchedd yn eu cyrsiau – cafodd dros 800 o ffeiliau eu trwsio y llynedd (o’i gymharu â 295 yn 2024-25).

Am y tro cyntaf eleni, mae ein Hisafswm Presenoldeb Gofynnol Blackboard yn nodi y dylai’r holl gyrsiau Blackboard gael sgôr Ally o 70%.  I wirio sgôr Ally eich cwrs, edrychwch ar y canllawiau ar ein blog.  Gallwch hefyd archebu lle ar un o’r cyrsiau hyfforddi Hanfodion E-ddysgu: Cyflwyniad i Blackboard Ally ym mis Medi.

Polisi Ystorfa Gwrthrychau Dysgu

WordPress User [kaw] Blackboard Leave a comment
Policies and Information

Ym mis Ebrill cyflwynodd Blackboard yr Ystorfa Gwrthrychau Dysgu [YGD] – fe wnaethon ni ysgrifennu am hyn yn ein blog diweddariad misol. Fe wnaethon ni hefyd ychwanegu datganiadau Asesu DA Cynhyrchiol i’r Ystorfa i staff eu defnyddio.

Rydym bellach wedi ysgrifennu polisi YGD i gydweithwyr sydd â diddordeb mewn ychwanegu cynnwys i’r Ystorfa i eraill ei ddefnyddio.

Mae’r Ystorfa Gwrthrychau Dysgu [YGD] yn caniatáu inni greu eitemau’n ganolog i gydweithwyr eu copïo i’w cyrsiau a’u mudiadau. Gellir diweddaru eitemau’r YGD, gan gymhwyso newidiadau i eitemau cynnwys ar draws pob cwrs a mudiad. Am ragor o wybodaeth, gweler gwefan cymorth Blackboard.

Mae’r YGD yn ddelfrydol ar gyfer cynnwys safonol sy’n ofynnol ar draws llawer o gyrsiau. Er enghraifft: 

  • Eitemau safonol i’w cynnwys mewn cyrsiau
  • Polisïau
  • Ffynonellau Cymorth
  • Datganiadau DA Cynhyrchiol
  • Canllawiau a chymorth sgiliau

Cysylltwch â ni os oes gennych unrhyw gwestiynau am yr YGD neu’r polisi newydd (eddysgu@aber.ac.uk).

Cyfuno Cyrsiau 2025-26

WordPress User [kaw] Blackboard Leave a comment

Mae cyrsiau 2025-26 bellach ar gael i staff yn Blackboard, felly rydym yn barod i gyfuno eich cyrsiau ar gais cydlynydd y modiwl. Cyfeirir at y drefn hon fel Cyfuno cyrsiau (gelwid gynt yn berthynas rhiant a phlentyn). Mae cysylltu cyrsiau yn ffordd effeithiol o drin cyrsiau unigol gyda’r un cynnwys er mwyn osgoi uwchlwytho deunyddiau i ddau neu ragor o gyrsiau gwahanol.

Yn ôl y drefn hon, bydd un cwrs yn gwrs cynradd (gelwid gynt yn rhiant), a’r cwrs neu gyrsiau eraill yn gwrs eilaidd (gelwid gynt yn blentyn). Ni chyfyngir ar nifer y gyrsiau eilaidd ond ni ellir cael mwy nag un cwrs cynradd.

Os ydych chi’n gydlynydd modiwl a hoffech i ni gysylltu eich cyrsiau yn ôl y drefn hon, cysylltwch ag eddysgu@aber.ac.uk gan nodi’r codau modiwl ar gyfer y cwrs cynradd a phob cwrs eilaidd yr hoffech ei gyfuno, yn y fformat canlynol:

Cwrs cynradd: Cwrs / cyrsiau eilaidd

Mae cyrsiau 2024-25 bellach ar gael i staff yn Blackboard, felly rydym yn barod i gyfuno eich cyrsiau ar gais cydlynydd y modiwl. Cyfeirir at y drefn hon fel Cyfuno cyrsiau (gelwid gynt yn berthynas rhiant a phlentyn). Mae cysylltu cyrsiau yn ffordd effeithiol o drin cyrsiau unigol gyda’r un cynnwys er mwyn osgoi uwchlwytho deunyddiau i ddau neu ragor o gyrsiau gwahanol.

Yn ôl y drefn hon, bydd un cwrs yn gwrs cynradd (gelwid gynt yn rhiant), a’r cwrs neu gyrsiau eraill yn gwrs eilaidd (gelwid gynt yn blentyn). Ni chyfyngir ar nifer y gyrsiau eilaidd ond ni ellir cael mwy nag un cwrs cynradd.

Os ydych chi’n gydlynydd modiwl a hoffech i ni gysylltu eich cyrsiau yn ôl y drefn hon, cysylltwch ag eddysgu@aber.ac.uk gan nodi’r codau modiwl ar gyfer y cwrs cynradd a phob cwrs eilaidd yr hoffech ei gyfuno, yn y fformat canlynol:

Cwrs cynradd: Cwrs / cyrsiau eilaidd

Enghreifftiau o Aberystwyth

Mae llawer o aelodau staff eisoes wedi cyfuno cyrsiau ar draws y sefydliad. Dyma ambell engraifft:

  1. Dysgir yr un cynnwys ar y modiwlau ond mae modiwl ar gael i flynyddoedd gwahanol.
  2. Modiwlau sy’n dod â gwahanol gynlluniau gradd at ei gilydd a chanddynt wahanol gyfeirnodau modiwl, er enghraifft modiwlau traethodau estynedig.

Yn y bôn, mae pob cwrs sy’n rhannu’r un cynnwys yn ddelfrydol ar gyfer eu cyfuno.

Beth mae’r myfyrwyr yn ei weld?

Wrth fewngofnodi i Blackboard, bydd y myfyrwyr yn gweld enw’r cwrs y maent wedi’i cofrestru arno (hyd yn oed os mai’r cwrs eilaidd yw hwnnw) ond byddant yn gweld yr holl gynnwys a osodir yn y cwrs cynradd. Ni ddylid gosod na chreu unrhyw gynnwys yn y cwrs eilaidd.

Pwyntiau i’w hystyried…

Nawr, cyn dechrau’r tymor ac wrth i chi greu cynnwys eich cyrsiau, yw’r amser perffaith i gysylltu cyrsiau. Er bod cysylltu cyrsiau yn arbed amser wrth lwytho deunyddiau, ystyriwch yr isod cyn gwneud cais:

  • Gellir gweld yr holl gynnwys cyn gynted ag y bydd y cyrsiau’n cael eu cyfuno (cyn belled â bod y myfyrwyr wedi’u cofrestru ar y cwrs). Gellir gweld sleidiau PowerPoint, deunyddiau darlithoedd, a chwynnwys fel Cyhoeddiadau a deunyddiau rhyngweithiol eraill ar eich cwrs cynradd.
  • Ni fydd rhyngweithiadau myfyrwyr hanesyddol ar fodiwl eilaidd (megis defnyddio blog neu bostio mewn byrddau trafod) ar gael ar ôl i’r cyrsiau gael eu cyfuno.
  • Ni fydd modd gweld unrhyw fannau cyflwyno a grëwyd ar gwrs eilaidd cyn y cyfuno. Fe’ch cynghorir i’w creu o’r newydd yn y cwrs cynradd.

Sut gallaf reoli’r cynnwys i sicrhau mai myfyrwyr y modiwl yn unig fydd yn ei weld?

Er bod modd gweld yr holl gynnwys yn awtomatig ar ôl i’r cyrsiau gael eu cyfuno, gallwch ddefnyddio grwpiau ac ‘amodau rhyddhau’ (gynt ‘rhyddhau’n ymaddasol’ yn Blackboard Original) os dymunwch i’r cynnwys gael ei weld gan garfan benodol o fyfyrwyr. Gall fod yn ddefnyddiol, er enghraifft, os ydych wedi cyfuno cwrs ail a thrydedd flwyddyn ond bod gan y myfyrwyr ar y gwahanol gyrsiau aseiniadau annibynnol. Gallwch ddefnyddio grwpiau – 1 ar gyfer myfyrwyr yr ail flwyddyn ac 1 ar gyfer myfyrwyr y drydedd flwyddyn a chyfyngu ar bwy all weld y wybodaeth am yr aseiniadau a’r man cyflwyno. Dilynwch ein cyfarwyddiadau ar greu grŵp ac amodau rhyddhau.

Llyfr Graddau a Chyfuno Cyrsiau

Ar ôl cyfuno, bydd pob myfyriwr yn ymddangos yn Llyfr Graddau’r cwrs cynradd. Fodd bynnag, gallwch bennu a ydynt wedi’u cofrestru ar y cwrs eilaidd gan fod y wybodaeth yma yn ymddangos wrth enw’r myfyriwr yng ngholofnau’r Llyfr Graddau. 

Os hoffech ragor o wybodaeth am y drefn neu os oes gennych unrhyw gwestiynau, cysylltwch â ni ar eddysgu@aber.ac.uk.

Creu Cyrsiau Blackboard 2025-26

WordPress User [kaw] Amgylchedd Dysgu Rhithwir (VLE), Blackboard Leave a comment

Mae’r holl gyrsiau ar gyfer 2025-26 wedi cael eu creu ac maent ar gael i staff yn Blackboard.

Bydd y templed cwrs eleni yn cynnwys ambell eitem newydd a gobeithiwn y byddant o gymorth i staff a myfyrwyr:

  1. Eitem am recordio a chreu capsiynau gyda Panopto (gweler ein blogbost ar gapsiynau am ragor o wybodaeth)
  2. Dolen i dudalennau gwe SgiliauAber
  3. Gwybodaeth am Ddeallusrwydd Artiffisial ac Ymddygiad Academaidd Annerbyniol

Mae rhoi’r wybodaeth hon yn y templed cwrs yn golygu bod pob myfyriwr yn gweld yr un wybodaeth. Mae hefyd yn golygu nad oes rhaid i staff gynnwys y wybodaeth wrth baratoi eu cyrsiau ar gyfer y flwyddyn academaidd newydd.

Mae holl safleoedd cyrsiau Blackboard PA yn defnyddio templed y cytunwyd arno, sy’n cynnwys meysydd ar gyfer gwybodaeth graidd ynghyd â chynnwys ynglŷn â pholisïau ar lefel y brifysgol. Mae Pwyllgor y Panel Ansawdd a Safonau yn cytuno ar y templed cwrs bob blwyddyn. Mae Cydlynwyr Modiwlau yn gyfrifol am sicrhau bod y deunyddiau yn eu cyrsiau wedi’u trefnu’n briodol. Ni ddylai staff ddileu unrhyw gynnwys sydd yn y templed.

Gweler yr Isafswm Presenoldeb Gofynnol i weld beth y dylid ei gynnwys yn y cwrs.

Os ydych chi angen unrhyw gymorth â chyrsiau Blackboard, gweler y Canllaw Blackboard i Staff.

Unwaith y bydd cyrsiau wedi’u creu, byddwn yn darparu llif wythnosol rhwng y System Rheoli Modiwlau a Blackboard i adlewyrchu unrhyw ddiweddariadau neu newidiadau. Rydym wedi gwneud rhai newidiadau i’r rolau cwrs eleni, ac mae mwy o fanylion ar gael ar ein blogbost.

Ni fydd myfyrwyr yn ymgymryd â chyrsiau nes bod y cofrestru wedi’i gwblhau ym mis Medi.