Wrth i Ramadan ddechrau, roeddem am dynnu sylw at ganllaw i addysgwyr o dan arweiniad yr Athro Louise Taylor o Oxford Brookes (ynghyd â sawl cydweithiwr arall).
Yn ystod y cyfnod hwn, bydd y rhai sy’n cadw Ramadan yn ymwrthod â bwyd a diod yn ystod oriau golau dydd.
Gellir cael gafael ar y canllaw llawn a’i lawrlwytho o’r dudalen we yma.
Mae’r canllaw yn amlinellu’r effaith bosibl y gall Ramadan ei gael ar waith dysgu’r myfyrwyr ac mae’n cynnig rhai addasiadau a fydd efallai am gael eu hystyried. Mae Oxford Brookes wedi cynhyrchu fideo 7 munud o fyfyrwyr yn rhannu eu profiad o Ramadan. Mae’r canllaw yn defnyddio arolygon gan weithwyr proffesiynol AU i ddarparu dull sy’n seiliedig ar dystiolaeth ac mae’n cynnig 6 ffordd y gallem fabwysiadu dysgu mwy cynhwysol:
- Cydnabod Ramadan
- Osgoi rhagdybiaethau a holi cwestiynau
- Addasu amseriadau asesu
- Cynnig dysgu yn eu hamser eu hunain
- Codi ymwybyddiaeth a dathlu
- Bod yn gynhwysol a gwneud newidiadau cynaliadwy
Daw’r canllaw i’r casgliad mai ei neges allweddol yw pwysigrwydd cychwyn trafodaethau gyda myfyrwyr Mwslimaidd.
Fel cymuned, rydym yn gobeithio adeiladu ar sail y gwaith hwn ar gyfer y flwyddyn nesaf, gan ddefnyddio’r canllawiau hyn fel man cychwyn.
Rydym yn frwd ynghylch arferion addysg gynhwysol a byddem wrth ein bodd yn eu cyflwyno yn y Gynhadledd Dysgu ac Addysgu Flynyddol sydd ar ddod. Os ydych chi’n dilyn arferion cynhwysol yn eich addysgu, yna ystyriwch gyflwyno cynnig ar gyfer y gynhadledd.