Cyfres Proffil Sgiliau Digidol Graddedigion PA – Beth nawr?

Blogbost gan Laurie Stevenson (Pencampwr Digidol Myfyrwyr)

Mae hynny’n cloi hanner cyntaf y cyfweliadau â graddedigion yn ein Cyfres o Broffiliau Sgiliau Digidol a bydd yr ail hanner yn cael ei ryddhau yn Semester 2 felly cadwch lygad ar ein cyfryngau cymdeithasol GG am ddiweddariadau!

Yn y cyfamser, o ddarllen yr hyn y mae ein graddedigion yn dweud yr hoffent fod wedi’i ddysgu cyn graddio, efallai eich bod yn meddwl tybed beth sydd ar gael i chi fel myfyriwr PA i wella eich sgiliau digidol? Dyma rhai o’r prif adnoddau sydd ar gael i chi:

Sefydliad Blackboard ‘Sut mae eich sgiliau digidol?’

Rydym wedi datblygu sefydliad Blackboard newydd sy’n rhoi arweiniad cam wrth gam i chi ar sut i ddefnyddio’r holl adnoddau a grybwyllir isod, gan gynnwys Offeryn Darganfod Digidol Jisc a LinkedIn Learning.

Offeryn Darganfod Digidol Jisc

Mae Offeryn Darganfod Digidol Jisc yn adnodd dwyieithog sy’n galluogi chi i hunanasesu eich hyder â thechnoleg. Bydd yn eich galluogi i nodi eich cryfderau yn ogystal â thynnu sylw at gyfleoedd i ddatblygu eich sgiliau digidol ymhellach.

LinkedIn Learning

Mae’r platfform dysgu ar-lein hwn ar gael am ddim i bob myfyriwr PA ac mae’n cynnwys dros 16,000 o gyrsiau am ddim ar bopeth o olygu lluniau a fideo, codio, sut i chwarae offeryn, cyrsiau celf a chymaint mwy! Os oes gennych ddiddordeb arbennig mewn datblygu eich sgiliau digidol, gallwch hefyd ymweld â’n casgliadau sgiliau digidol yn y platfform. Ysgogwch eich cyfrif heddiw!

Llyfrgell Sgiliau Digidol

Archwiliwch y Llyfrgell Sgiliau Digidol, lle dewch o hyd i adnoddau i’ch helpu i ddatblygu ystod o sgiliau digidol newydd a phresennol o fewn chwe chategori.

Blog Sgiliau Digidol

Yn ogystal â’r gyfres hon, mae gennym ddigonedd o gynnwys diddorol ac addysgiadol ar ein tudalen flog o driciau ar gyfer meddalwedd Microsoft, ein Tipiau Digi wythnosol, i’n Cyfres Lles Digidol.

SgiliauAber

Mae SgiliauAber yn cynnwys ystod eang o adnoddau a gwybodaeth am sesiynau 1-2-1 a gweithdai i’ch helpu i ddatblygu ystod o sgiliau astudio, sgiliau cyflogadwyedd a llawer mwy. Os oes gennych ddiddordeb mewn datblygu eich hyder gyda meddalwedd penodol, gallwch ymweld â’r adran Defnyddio Technoleg yn Aber.

Os oes gennych unrhyw gwestiynau am unrhyw yn o’r adnoddau a restrwyd uchod, cysylltwch â’r Tîm Sgiliau Digidol (digi@aber.ac.uk).

Awgrymiadau ar gyfer Meistroli eich Amserlen 📅

Blogbost gan Joel Williams (Pencampwr Digidol Myfyrwyr)

Banner with Student Digital Champion

I gyd-fynd â blogbost a gyhoeddais yr wythnos diwethaf ar sut y gallwch ddefnyddio offer rheoli amser i’ch helpu i feistroli’ch amserlen, rwyf wedi creu ffeithlun (fersiwn testun isod) sy’n crynhoi rhai o’r strategaethau a’r offer allweddol sydd wedi gweithio i mi.

Read More

Meistroli eich amserlen: Canllaw i Fyfyrwyr ar Offer Rheoli Amser ⌚

Blogbost gan Joel Williams (Pencampwr Digidol Myfyrwyr)

Banner with Student Digital Champion

Wrth i lawlyfrau modiwlau gael eu rhyddhau, gall gwaith a therfynau amser eich llethu’n gyflym iawn. Yn y blogbost hon, byddaf yn dangos rhai o’r rhaglenni yr wyf wedi’u defnyddio i helpu i reoli fy astudiaethau, ac fe ddylent eich cynorthwyo chi hefyd wrth reoli eich llwyth gwaith.  

Mae’r ddwy raglen gyntaf, Microsoft–To-Do a Google Tasks, yn gymharol debyg ac yn hawdd i’w defnyddio. Fodd bynnag, mae hyn yn aberthu rhai o’r nodweddion a geir mewn rhaglenni mwy cymleth megis Notion. 

Microsoft To Do 

Un o’r rhaglenni mwyaf hygyrch i’w hintegreiddio i’ch astudiaethau yw Microsoft-To-Do; ar ei mwyaf sylfaenol, mae’n caniatáu ichi greu tasgau ac yna grwpio’r rhain yn ôl yr angen. Fodd bynnag, y rheswm fy mod yn dueddol o ddefnyddio hon yn amlach nag unrhyw raglen arall yw oherwydd y gallwch hefyd ei defnyddio ar y cyd â rhaglenni Office 365, sy’n ei gwneud yn arbennig o ddefnyddiol gan fod y Brifysgol eisoes yn darparu’r rhain (Gallwch lawrlwytho’r rhain yma).  

Mae wedi bod yn arbennig o ddefnyddiol yn ystod fy astudiaethau gan ei bod yn dangos unrhyw negeseuon e-bost rwyf wedi tynnu sylw atynt, sy’n golygu nad wyf yn anghofio amdanynt. Felly, rwy’n argymell creu cyfrif gyda’ch e-bost prifysgol, a fydd yn helpu i gysylltu’r cyfan â’i gilydd. Mae ar gael ar Storfa Google Play, Storfa Apiau Apple, ac fel gwefan

Google Tasks 

Dewis arall poblogaidd yw Google Tasks, sydd, fel y nodais yn gynharach, yn debyg i ddarpariaeth Microsoft. Fodd bynnag, mae wedi bod yn ddefnyddiol oherwydd ei bod yn integreiddio â Google Assistant, sy’n ei gwneud hi’n arbennig o hawdd gosod nodiadau atgoffa a thasgau yn gyflym wrth weithio ar rywbeth arall.  

Hefyd, os yw’n well gennych ddefnyddio cyfres meddalwedd Google dros Microsoft neu weithio ar ddyfais Apple, mae’n debyg mai’r rhaglen hon fydd yr opsiwn gorau. Mae ar gael ar Storfa Google Play, Storfa Apiau Apple; gallwch ei chyrchu o fewn meddalwedd Google ar y Rhyngrwyd neu fel ategyn Chrome

Rhaglenni Defnyddiol Eraill 

Mae yna lawer o raglenni eraill a all helpu gydag amserlennu; Un o’r rhai mwyaf adnabyddus yw Notion, er ei bod hi’n werth ei chrybwyll mae cromlin ddysg fach. Fodd bynnag, mae’r elfennau sy’n gwneud Notion yn anodd i’w defnyddio yn deillio o ehangder yr opsiynau a’r addasiadau o fewn y rhaglen, sy’n galluogi ichi deilwra eich profiad eich hun. 

Os ydych chi’n bwriadu cynllunio gwaith grŵp (ond nad ydych am ddefnyddio Notion), mae’n debyg mai Microsoft Teams yw un o’ch opsiynau gorau. Ynghyd â gallu cyfathrebu fel grŵp, gallwch hefyd greu tab tasgau, sy’n eich galluogi i osod tasgau i’w cwblhau gyda’ch gilydd yn ogystal â rhannu tasgau i bob unigolyn os oes angen. 

Creu eich system eich hun 

Yr agwedd hanfodol ar ddefnyddio’r holl raglenni hyn yw dod o hyd i’r un a all integreiddio orau i’ch llif gwaith, gan sicrhau bod pa bynnag opsiwn a ddewiswch yn helpu, nid llesteirio. I’r rhai a hoffai gael gwybodaeth fanylach am rai o’r rhaglenni hyn, gallwch ddod o hyd i gasgliad LinkedIn Learning yma.

Grym Lles Digidol: Cyflwyno ein Cyfres Lles Digidol 

Blogbost gan Joel Williams (Pencampwr Digidol Myfyrwyr)

Un o ganolbwyntiau’r Pencampwyr Digidol Myfyrwyr eleni yw ystyried y strategaethau a’r rhaglenni yr ydyn ni wedi’u defnyddio i gynyddu ein lles digidol. Bydd y gyfres hon yn pwyso a mesur beth yw lles digidol a bydd yn cynnwys postiadau a ffeithluniau sy’n trafod lleihau straen llygaid, dadwenwyno digidol, amgylchedd gwaith a llawer mwy! 

Bydd yr wybodaeth hon yn cael ei rhannu drwy gydol y flwyddyn gyda sawl neges dymhorol, gan gynnwys heriau ar gyfer y Nadolig a’r Pasg. Gallwch hefyd ddefnyddio’r casgliadau LinkedIn Learning rydyn ni wedi’u curadu os hoffech wybod mwy rhwng postiadau, a gallwch gael yr wybodaeth ddiweddaraf gyda’r holl negeseuon newydd o fewn y gyfres hon drwy’r dudalen hon ar ein blog Sgiliau Digidol. 

I gyd-fynd â’r blogbost rhagarweiniol hwn, rydym wedi creu Canllaw i fyfyrwyr ar drechu straen llygaid cyfrifiadurol! (fersiwn testun gyda dolenni isod)

Read More

Cyfres Proffil Sgiliau Digidol Graddedigion PA – Wythnos 3 (Stephanie Mogridge)

Wythnos 3 yw ein cyfweliad â Stephanie sy’n gweithio i Fanc TSB yn yr adran Gwasanaethu Morgeisi. Er ei bod yn teimlo ei bod wedi cael gafael eithaf da ar lythrennedd data yn ystod ei chyfnod ym Mhrifysgol Aberystwyth, hoffai petai wedi dysgu mwy am ei lles a hunaniaeth ddigidol.

Os hoffech ddysgu mwy am eich hunaniaeth a’ch lles ddigidol eich hun, beth am ymuno â dwy o’n sesiynau fel rhan o’r Ŵyl Sgiliau Digidol (6-10 Tachwedd ’23), Improving your digital footprint and your online shadow a Exploring your digital wellbeing.

*Cliciwch yma i ddarllen yr holl blogbyst eraill yn ein Cyfres Proffil Sgiliau Digidol Graddedigion PA*

Read More

Ymunwch â ni wythnos nesaf ar gyfer yr Ŵyl Sgiliau Digidol! 🎆

Bydd Gŵyl Sgiliau Digidol gyntaf erioed Prifysgol Aberystwyth ar gyfer myfyrwyr yn cael ei chynnal wythnos nesaf rhwng 6 a 10 Tachwedd 2023!

Drwy gydol yr wythnos, bydd 28 o ddigwyddiadau yn cwmpasu amrywiaeth o bynciau digidol cyfoes. Bydd y digwyddiadau’n cynnwys cyflwyniadau ar Ddeallusrwydd Artiffisial, diogelwch ar-lein, lles digidol, rheoli eich ôl troed digidol, a defnyddio’r Gymraeg ar eich cyfrifiadur. Yn ogystal, bydd siaradwyr allanol o gwmnïau megis Barclays a Clicky Media yn trafod y sgiliau digidol sydd eu hangen i ragori yn eu cwmnïau eu hunain a chwmnïau tebyg. Yn olaf, bydd hefyd sawl gweithdy rhyngweithiol ar bynciau megis defnyddio meddalwedd fel Microsoft Excel a sut i feistroli gwaith grŵp gydag amryw o offer ar-lein.  

Bydd pob myfyriwr sy’n mynychu tair sesiwn ar-lein yn cael eu cynnwys mewn raffl lle bydd cyfle iddynt ennill un o ddwy daleb gwerth £50

Gallwch weld manylion pob sesiwn ac archebu eich lle drwy raglen yr Ŵyl Sgiliau Digidol, neu gallwch hefyd weld beth sydd ymlaen pob dydd o’r delweddau isod!

Syniadau ac awgrymiadau Microsoft PowerPoint 💡

Blogbost gan Jeffrey Clark (Pencampwr Digidol Myfyrwyr)

Banner with Student Digital Champion

Fel Microsoft Word, mae PowerPoint yn rhaglen Microsoft arall yr ydych chi fwy na thebyg wedi’i defnyddio o’r blaen. Gall cynllunio ar gyfer rhoi cyflwyniad fod yn dasg frawychus i rai, oherwydd nid yn unig y mae’n rhaid i chi siarad o flaen eich cyd-fyfyrwyr, ond bydd eich cyflwyniad PowerPoint hefyd yn cael ei arddangos ar sgrin fawr. Ond, peidiwch â phoeni oherwydd bydd gan y blogbost hon rai awgrymiadau a thriciau gwerthfawr i’ch helpu i droi cyflwyniad da yn gyflwyniad GWYCH!

Awgrym 1: Mewnosod data Excel i PowerPoint

Os yw’ch cyflwyniad yn gofyn i chi ddangos data o ddogfen Microsoft Excel sy’n bodoli eisoes, mae ffordd hawdd o’i arddangos o fewn PowerPoint.

This image has an empty alt attribute; its file name is Picture1-1.png
  1. Ar y sleid yr ydych am i’ch data ymddangos arni, ewch i Insert > Object
  2. O’r ffenestr Insert Object, dewiswch Create from file > Browse > yna dewiswch y ffeil Microsoft Excel lle mae’r siart yr hoffech ei chynnwys wedi’i lleoli > OK
  3. Bydd hyn yn mewnosod y data a’r siart yn awtomatig o’ch dogfen Microsoft Excel
  4. Gallwch olygu’r data hwn yn uniongyrchol yn eich dogfen PowerPoint trwy glicio ddwywaith ar y siart ar eich sleid
  5. Cliciwch y tu allan i’r siart pan fyddwch chi wedi gorffen, a bydd PowerPoint yn cynhyrchu siart gyda’ch data Excel!
This image has an empty alt attribute; its file name is Picture2-1024x574.png

Awgrym 2: Mewnosod fideo YouTube i PowerPoint

Read More

Dewch i weithio gyda ni fel Pencampwr Digidol Myfyrwyr 📣

Rydym yn edrych i benodi dau Bencampwr Digidol Myfyrwyr i weithio yn ein Tîm Sgiliau Digidol am gyfanswm o 25 wythnos (5 awr yr wythnos ar Gyflog Gradd 2) y flwyddyn academaidd nesaf, gan ddechrau ym mis Medi 2023.  

Bydd y Pencampwyr Digidol Myfyrwyr yn cefnogi gwaith y Tîm Sgiliau Digidol drwy annog myfyrwyr eraill i fanteisio ar amryw o adnoddau i’w cefnogi i ddatblygu eu sgiliau digidol. Bydd hefyd gofyn iddynt ddarparu persbectif gwerthfawr ar faterion sy’n ymwneud â chefnogi datblygiad sgiliau digidol myfyrwyr yn gyffredinol.   

Dyma beth oedd gan ein dau Bencampwr Digidol Myfyrwyr presennol i’w ddweud am eu profiadau yn y rôl eleni:  

“Mae fy mlwyddyn ddiwethaf yn gweithio fel Pencampwr Digidol Myfyrwyr wedi bod yn ddiddorol iawn, yn werth chweil ac yn rhywbeth hollol wahanol i mi. Roeddwn i’n chwilio am rywbeth i’w wneud ochr yn ochr â’m lleoliad ymchwil labordy eleni ac er nad oedd gen i unrhyw brofiad blaenorol mewn sgiliau digidol, neu hyd yn oed diddordeb digidol blaenorol, rwyf wedi ei fwynhau’n fawr iawn. Rwyf wedi bod wrth fy modd yn gallu defnyddio’r swydd fel dihangfa greadigol ac i ddatblygu fy sgiliau dylunio graffig, ond rwyf hefyd wedi datblygu llawer o sgiliau newydd fel arwain grwpiau ffocws a chyfweliadau; dadansoddi profiadau defnyddwyr; dylunio a chynhyrchu cynnwys ar-lein ar gyfer llwyfannau amrywiol; ac ysgrifennu blogbyst. Mae hyblygrwydd y swydd wedi bod yn wych, ac rwy’n edrych ymlaen at barhau i weithio gyda’r tîm y flwyddyn nesaf (sydd, gyda llaw, yn grŵp o bobl hollol hyfryd), fel newid golygfa o fy ngwaith prifysgol arferol.”

Laurie Stevenson (Myfyriwr blwyddyn mewn diwydiant, Cadwraeth Bywyd Gwyllt)

“Fel Pencampwr Digidol Myfyrwyr, rwyf wedi dysgu llawer o sgiliau gwerthfawr a fydd yn fy helpu yn fy ngyrfa yn y dyfodol. Mae dod i adnabod rhaglenni fel Word, Excel, a Piktochart wedi bod yn amhrisiadwy i’m datblygiad fel myfyriwr ac fel gweithiwr. Mae helpu gyda rhedeg stondinau a digwyddiadau i hyrwyddo gwaith y tîm ar y campws wedi rhoi hwb mawr i’m hyder a’m sgiliau cyfathrebu rhyngbersonol. Rwy’n argymell y rhaglen Pencampwyr Digidol Myfyrwyr i unrhyw un sy’n ysu i helpu myfyrwyr eraill, ac i unrhyw un sy’n mwynhau rhoi cynnig ar bethau newydd.”

Jeffrey Clark (Myfyriwr 3ydd blwyddyn, Saesneg ac Ysgrifennu Creadigol)

Dyma enghreifftiau o’r gwahanol weithgareddau ac adnoddau y mae’r Pencampwyr Digidol Myfyrwyr wedi’u creu eleni!

  • Promotional poster with text: How are your digital skills? Friday 17 February, 10:00-13:00 at Level D of the Hugh Owen Library
  • Table and display board with post-it-notes stuck to it.
  • Bookmark containing 10 tips for students

Y dyddiad cau ar gyfer y swyddi hyn yw Dydd Llun 31 Gorffennaf 2023. I gael rhagor o wybodaeth ac i wneud cais, ewch i Gwaith Aber. Os nad oes gennych chi gyfrif Gwaith Aber, neu am unrhyw ymholiadau, cysylltwch â digi@aber.ac.uk.  

Syniadau ac Awgrymiadau Microsoft Excel (Rhan 2)💡

Blogbost gan Laurie Stevenson (Pencampwr Digidol Myfyrwyr)

Banner with Student Digital Champion

Cyhoeddais Ran 1 o’r blogbost hwn yn gynharach yr wythnos hon, lle cyflwynais 5 syniad ac awgrymiad i’ch helpu i wneud y gorau o Excel, ac mae’r blogbost hyn yn cynnwys 5 awgrym pellach! Os ydych chi eisiau dysgu mwy am Excel, ewch i’m casgliad Excel newydd yn LinkedIn Learning.

Awgrym 6: Ychwanegu nifer o resi neu golofnau ar yr un pryd

Os hoffech chi ychwanegu mwy nag un rhes neu golofn ar yr un pryd bydd yr awgrym hwn yn arbed yr amser o orfod gwneud hyn fesul un.

  • Amlygwch nifer y rhesi neu’r colofnau yr hoffech eu hychwanegu
  • Cliciwch fotwm de’r llygoden arnynt
  • Dewiswch Mewnosod o’r gwymplen sy’n ymddangos

Awgrym 7: Ychwanegu pwyntiau bwled

Nid yw dod o hyd i’r botwm i ychwanegu’r rhain mor hawdd ag y mae ar Microsoft Word ond yn ffodus mae yna gwpwl o ffyrdd i wneud hyn.

Read More

Syniadau ac Awgrymiadau Microsoft Excel (Rhan 1)💡

Blogbost gan Laurie Stevenson (Pencampwr Digidol Myfyrwyr)

Banner with Student Digital Champion

Ydych chi’n cael ymdeimlad o arswyd bob tro y mae’n rhaid i chi ddefnyddio Excel yn ystod eich gradd? Wel, rydyn ni yma i helpu! Bydd angen defnyddio Excel ar ryw adeg ar gyfer nifer o gynlluniau gradd er mwyn dadansoddi data, gwneud cyfrifiadau mathemateg, creu graff neu siart, rheoli prosiectau a llawer mwy.

Gall Excel ymddangos yn gymhleth ac yn frawychus i rai, yn enwedig os ydych chi’n gymharol newydd iddo, felly rydw i wedi llunio rhestr o syniadau ac awgrymiadau yn ogystal â chasgliad Excel newydd yn LinkedIn Learning i’ch rhoi ar ben ffordd.

Cadwch lygad ar ein blog ddiwedd yr wythnos, gan y byddaf yn cyhoeddi ail ran y blogbost hwn, a fydd yn cynnwys 5 o syniadau ac awgrymiadau eraill ar ddefnyddio Excel!

Awgrym 1: Llwybrau byr defnyddiol ar y bysellfwrdd

Mae llwybrau byr bysellfwrdd yn golygu pwyso mwy nag un fysell ar yr un pryd a thrwy eu cofio, gall arbed llawer iawn o amser i chi, er enghraifft defnyddio CTRL+A i ddewis yr holl gelloedd mewn taenlen. Cymerwch olwg ar y rhestr ganlynol o’r rhai da i’w dysgu:

Ctrl + NCreu llyfr gwaith (workbook) newydd
Ctrl + OAgor llyfr gwaith sy’n bodoli eisoes
Ctrl + SCadw’r llyfr gwaith gweithredol
F12Cadw’r llyfr gwaith gweithredol o dan enw newydd – Bydd hyn yn dangos y blwch deialog Save As
Ctrl + WCau’r llyfr gwaith gweithredol
Ctrl + CCopïo cynnwys y celloedd a ddewiswyd i’r Clipfwrdd
Ctrl + XTorri cynnwys y celloedd a ddewiswyd i’r Clipfwrdd
Ctrl + VGludo/mewnosod cynnwys y Clipfwrdd yn y celloedd a ddewiswyd
Ctrl + ZDadwneud eich gweithred ddiwethaf
Ctrl + PAgor y dialog argraffu
Alt + HAgor y tab cartref
Alt + NAgor y tab mewnosod
Alt + PAgor y tab cynllun tudalen
Ctrl + SArbed y llyfr gwaith
Ctrl + 9Cuddio’r rhesi a ddewiswyd
Ctrl + 0Cuddio’r colofnau a ddewiswyd

Read More