Blogbost gan Joel Williams (Pencampwr Digidol Myfyrwyr)

I gyd-fynd â blogbost a gyhoeddais yr wythnos diwethaf ar sut y gallwch ddefnyddio offer rheoli amser i’ch helpu i feistroli’ch amserlen, rwyf wedi creu ffeithlun (fersiwn testun isod) sy’n crynhoi rhai o’r strategaethau a’r offer allweddol sydd wedi gweithio i mi.

Fersiwn testun:

Meistroli eich amserlen – Crëwyd gan y Pencampwyr Digidol Myfyrwyr 

Wrth i ddyddiad cyflwyno aseiniad nesáu, gall pethau ddechrau eich llethu’n gyflym iawn. Fodd bynnag, gyda’r paratoadau cywir, gallwch gynyddu eich siawns o lwyddo yn sylweddol. 

Bydd y camau hyn yn eich helpu i gyrraedd yno: 

1. Cofnodwch unrhyw Ddyddiadau Cyflwyno 

• Cofnodwch ddyddiad cyflwyno’r aseiniad (Fel arfer fe’i ceir yn llawlyfrau y modiwl). 
• Penderfynwch faint o amser sydd ei angen i gwblhau’r gwaith. 
• Cynlluniwch ddiwrnod i ddechrau gweithio ar yr aseiniad. 

2. Trefnu eich diwrnod 

• Cynlluniwch eich tasgau ar gyfer y diwrnod. 
• Gwnewch yn siŵr eich bod yn cynnwys seibiannau. 
• Gall yr amcanion dyddiol hyn fod mor eang neu mor fanwl ag yr hoffech chi. 

3. Gweithio mewn grŵp 

• Ceisiwch gydlynu cyn gynted â phosibl. 
• Gosodwch derfynau amser gyda’ch gilydd. 
• Rhannwch y llwyth gwaith. 
• Defnyddiwch ystafelloedd gwaith grŵp Llyfrgell Hugh Owen. 

4. Defnyddio meddalwedd 

• Gellir defnyddio Notion i gofnodi dyddiadau cau aseiniadau. 

• Gall Google Tasks a Microsoft-To-Do eich helpu i rannu tasgau fesul diwrnod. 
• Defnyddiwch Teams i’ch helpu i drefnu eich cyfarfodydd a’ch tasgau grŵp.