Syniadau ac Awgrymiadau Microsoft Excel (Rhan 1)💡

Blogbost gan Laurie Stevenson (Pencampwr Digidol Myfyrwyr)

Ydych chi’n cael ymdeimlad o arswyd bob tro y mae’n rhaid i chi ddefnyddio Excel yn ystod eich gradd? Wel, rydyn ni yma i helpu! Bydd angen defnyddio Excel ar ryw adeg ar gyfer nifer o gynlluniau gradd er mwyn dadansoddi data, gwneud cyfrifiadau mathemateg, creu graff neu siart, rheoli prosiectau a llawer mwy.

Gall Excel ymddangos yn gymhleth ac yn frawychus i rai, yn enwedig os ydych chi’n gymharol newydd iddo, felly rydw i wedi llunio rhestr o syniadau ac awgrymiadau yn ogystal â chasgliad Excel newydd yn LinkedIn Learning i’ch rhoi ar ben ffordd.

Cadwch lygad ar ein blog ddiwedd yr wythnos, gan y byddaf yn cyhoeddi ail ran y blogbost hwn, a fydd yn cynnwys 5 o syniadau ac awgrymiadau eraill ar ddefnyddio Excel!

Awgrym 1: Llwybrau byr defnyddiol ar y bysellfwrdd

Mae llwybrau byr bysellfwrdd yn golygu pwyso mwy nag un fysell ar yr un pryd a thrwy eu cofio, gall arbed llawer iawn o amser i chi, er enghraifft defnyddio CTRL+A i ddewis yr holl gelloedd mewn taenlen. Cymerwch olwg ar y rhestr ganlynol o’r rhai da i’w dysgu:

Ctrl + N	Creu llyfr gwaith (workbook) newydd
Ctrl + O	Agor llyfr gwaith sy’n bodoli eisoes
Ctrl + S	Cadw’r llyfr gwaith gweithredol
F12	Cadw’r llyfr gwaith gweithredol o dan enw newydd – Bydd hyn yn dangos y blwch deialog Save As
Ctrl + W	Cau’r llyfr gwaith gweithredol
Ctrl + C	Copïo cynnwys y celloedd a ddewiswyd i’r Clipfwrdd
Ctrl + X	Torri cynnwys y celloedd a ddewiswyd i’r Clipfwrdd
Ctrl + V	Gludo/mewnosod cynnwys y Clipfwrdd yn y celloedd a ddewiswyd
Ctrl + Z	Dadwneud eich gweithred ddiwethaf
Ctrl + P	Agor y dialog argraffu
Alt + H	Agor y tab cartref
Alt + N	Agor y tab mewnosod
Alt + P	Agor y tab cynllun tudalen
Ctrl + S	Arbed y llyfr gwaith
Ctrl + 9	Cuddio’r rhesi a ddewiswyd
Ctrl + 0	Cuddio’r colofnau a ddewiswyd

Adnoddau i’ch helpu i baratoi ar gyfer eich arholiadau

9 Mai 20239 Mai 2023 Sioned Llywelyn [sil12] LinkedIn Learning, Llyfrgell Sgiliau Digidol, Myfyrwyr Leave a comment

Wrth i ni agosáu at ddechrau cyfnod yr arholiadau, rydym wedi rhestri amrywiaeth o adnoddau i’ch helpu i wneud y gorau o dechnoleg wrth i chi baratoi ac adolygu ar gyfer eich arholiadau.

Llyfrgell Sgiliau Digidol Myfyrwyr

Mae yna adnoddau ym mhob un o’r chwe chasgliad a fydd yn eich cefnogi chi i wneud y mwyaf o dechnoleg wrth i chi baratoi ar gyfer eich arholiadau

Postiad blog: Curo Straen Arholiadau gyda Thechnoleg

Casgliad LinkedIn Learning: Paratoi ac adolygu yn effeithiol

Mae gan y casgliad hwn rai awgrymiadau a chyngor i’ch helpu i adolygu ac astudio ar gyfer eich arholiadau

Casgliad LinkedIn Learning: Mynd i’r afael â straen arholiadau

Gall tymor yr arholiadau fod yn gyfnod heriol i fyfyrwyr. Mae’r casgliad hwn yn cynnig rhai strategaethau a chyngor er mwyn ichi allu rheoli eich straen adeg yr arholiadau

Edrychwch hefyd ar y Cwestiynau a Holir yn Aml am yr arholiadau, ac os oes gennych unrhyw gwestiynau ynghylch unrhyw un o’r adnoddau sydd wedi’u rhestri uchod, cysylltwch â’r Tîm Sgiliau Digidol (digi@aber.ac.uk).

Twyll Ar-lein: Adnabod E-byst a Negeseuon Testun Twyllodrus

2 Mai 20235 Medi 2023 WordPress User [jec68] Hunaniaeth a Lles Digidol, Hyfedredd a chynhyrchiant digidol, Myfyrwyr, Pencampwyr Digidol Myfyrwyr Leave a comment

Blogbost gan Jeffrey Clark (Pencampwr Digidol Myfyrwyr)

Mae’r rhyngrwyd yn lle gwych i gysylltu â ffrindiau, gweithio ar brosiectau, a gwneud arian hyd yn oed. Fodd bynnag, mae rhai pobl yn defnyddio’r rhyngrwyd i geisio cymryd eich arian CHI! Yn anffodus, mae dulliau twyllo’n dod yn fwyfwy datblygedig ond peidiwch â phoeni, rydw i yma i helpu! Yn y blogbost hwn byddwn yn edrych ar e-byst twyll, beth ydyn nhw, sut i’w hadnabod a beth i’w wneud pan fyddwch chi’n eu derbyn.

Gwnewch yn siŵr eich bod yn darllen tudalen Prifysgol Aberystwyth ar e-byst sbam cyn darllen y blogbost hwn.

Beth yw e-bost gwe-rwydo?

E-bost sydd wedi ei gynllunio i geisio cael eich data personol sensitif yw e-bost gwe-rwydo. Gallai’r data fod ar ffurf eich cyfeiriad, gwybodaeth cerdyn credyd, neu eich manylion banc hyd yn oed! Mae e-byst gwe-rwydo fel arfer yn cael eu gwneud i edrych fel e-byst busnes cyfreithlon fel yr enghraifft isod.

Screenshot of a Phishing Email from TustedBank — *Delwedd o Wikimedia Commons*

Mae’n hawdd gweld sut y gallai rhywun gael ei dwyllo gan e-bost gwe-rwydo fel hwn. Yn gyntaf, mae’r e-bost yn rhoi gwybod i’r sawl y mae’n ei dargedu y gallai ei gyfrif banc fod wedi’i beryglu, sy’n annog y darllenwr i weithredu ar frys. Yn ail, does dim byd yn amheus am y cyswllt ar yr olwg gyntaf. Felly sut y gallwch chi ddweud y gwahaniaeth rhwng e-bost busnes cyfreithlon ac e-bost gwe-rwydo?

Beth alla i ei ddysgu yn y Llyfrgell Sgiliau Digidol newydd?

21 Ebrill 202325 Ebrill 2023 Sioned Llywelyn [sil12] Llyfrgell Sgiliau Digidol, Myfyrwyr Leave a comment

Fe gyhoeddon ni bostiad blog yn gynharach yr wythnos hon yn eich cyflwyno i’n Llyfrgell Sgiliau Digidol newydd. Mae’r Llyfrgell Sgiliau Digidol yn cynnwys chwe chasgliad o adnoddau PA ac allanol i gefnogi myfyrwyr Prifysgol Aberystwyth i ddatblygu ystod o sgiliau digidol newydd a presennol.

Rydym wedi bod yn lansio’r casgliadau hyn ar sianeli cyfryngau cymdeithasol GG drwy gydol yr wythnos hon, ond gallwch hefyd edrych ar y delweddau isod i ddarganfod yr ystod o sgiliau digidol y gallech chi eu dysgu ym mhob un o’r chwe chasgliad.

Bydd y Llyfrgell Sgiliau Digidol ar gyfer staff yn cael ei lansio ym mis Mehefin 2023. Os oes gennych unrhyw gwestiynau neu broblemau yn defnyddio’r Llyfrgell Sgiliau Digidol, cysylltwch â’r Tîm Sgiliau Digidol (digi@aber.ac.uk).

Cyflwyno’r Llyfrgell Sgiliau Digidol! 💻🔎

18 Ebrill 202325 Ebrill 2023 Shan Saunders [shs63] Llyfrgell Sgiliau Digidol, Myfyrwyr Leave a comment

Rydym wedi bod yn gweithio ar ddod â chasgliad o adnoddau PA ac allanol at ei gilydd i helpu myfyrwyr Prifysgol Aberystwyth i ddatblygu ystod o sgiliau digidol newydd a presennol. Mae’r adnoddau hyn yn cynnwys eich addysgu am eich ôl troed digidol; a’ch helpu i wella’ch lles a’ch hunaniaeth ddigidol trwy ddarparu adnoddau i helpu gyda straen arholiadau a gwybodaeth am ‘gwe-gwrteisi’ (ymddygiad ar-lein).

Ond yn ogystal â hyn, mae gan ein Llyfrgell Sgiliau Digidol adnoddau i helpu gyda’ch addysg a’ch datblygiad digidol. Mae gennym ni adnoddau ar gyfer defnyddio meddalwedd penodol, er enghraifft sut i godio gyda Python, yn ogystal â defnyddio meddalwedd dylunio graffeg a golygu delweddau fel Adobe Photoshop a Canva.

Rydym hefyd wedi cadw mewn cof y gallech chi fod eisiau gwella rhai o’ch sgiliau digidol presennol ac felly rydym wedi cynnwys adnoddau i’ch helpu i ddysgu syniadau a thriciau newydd mewn meddalwedd cyfarwydd fel Microsoft Excel, PowerPoint, Teams, a llawer mwy!

Ewch i ymweld â’r Llyfrgell Sgiliau Digidol myfyrwyr heddiw a gallech hefyd ymweld â’n stondin ar Lefel D (llawr gwaelod) Llyfrgell Hugh Owen yr wythnos hon er mwyn dysgu mwy.

Cysylltwch â ni

Myfyrwyr 📣 Beth ydych chi’n feddwl o LinkedIn Learning?

6 Mawrth 20236 Mawrth 2023 Sioned Llywelyn [sil12] LinkedIn Learning, Myfyrwyr, Pencampwyr Digidol Myfyrwyr Leave a comment

Bydd y Pencampwyr Digidol Myfyrwyr o fewn Gwasanaethau Gwybodaeth yn cynnal grwpiau ffocws awr o hyd ym mis Mawrth i gasglu adborth gan fyfyrwyr ar eu profiadau o ddefnyddio LinkedIn Learning. Byddwch yn derbyn taleb gwerth £10 am awr o’ch amser.

Cynhelir y grwpiau ffocws hyn ar-lein ar y dyddiadau canlynol:

Dydd Mawrth 14 Mawrth, 11:00-12:00
Dydd Gwener 17 Mawrth, 15:00-16:00
Dydd Mercher 22 Mawrth, 11:00-12:00
Dydd Mercher 22 Mawrth, 15:00-16:00

I gymryd rhan, llenwch y ffurflen fer hon i gofrestru. Mae hefyd croeso i chi gysylltu â digi@aber.ac.uk gydag unrhyw gwestiynau.

Defnyddio Primo yn Effeithiol 📚

20 Chwefror 202320 Chwefror 2023 WordPress User [jec68] Llythrennedd gwybodaeth, data a chyfryngau, Myfyrwyr, Pencampwyr Digidol Myfyrwyr Leave a comment

Blog-bost gan Jeffrey Clark (Pencampwr Digidol Myfyrwyr)

Cyflwyniad i Primo

Gall fod yn anodd mynd i unrhyw lyfrgell a dod o hyd i’r hyn rydych chi’n chwilio amdano. Mae’r rhan fwyaf o lyfrgelloedd yn cynnwys cannoedd o lyfrau, ac mae llyfrgell Hugh Owen yn cynnwys MILOEDD o lyfrau. Os ydych chi eisiau dod o hyd i’r hyn rydych chi’n chwilio amdano gyda manylder clinigol, rwy’n argymell eich bod yn rhoi cynnig ar Primo. Catalog llyfrgell digidol a ddefnyddir gan Brifysgol Aberystwyth yw Primo. Mae’n gronfa ddata enfawr sy’n fodd i fyfyrwyr chwilio am lyfrau i’w benthyg gan y Brifysgol, gwneud rhestrau o lyfrau i gofio amdanynt, a manteisio ar fersiynau ar-lein o ddeunyddiau darllen. Mae’n cynnwys llond lle o nodweddion sydd wedi gwneud fy amser yn Aberystwyth yn llawer rhwyddach. Er y gellid ei ystyried fel ‘chwiliad Google ar gyfer y llyfrgell’, mae’n llawer mwy na hynny. O arbed rhestrau o lyfrau i wneud cais am lyfrau sydd eu hangen arnaf ar gyfer fy nghwrs, mae Primo wedi arbed amser a’m helpu i osgoi aml i gur pen yn ystod fy astudiaethau. Yn y blog-bost hwn, fe fyddaf yn edrych ar Primo, yr hyn mae’n ei wneud a sut y gall fod yn fuddiol i chi.

Chwilio am eitem

Mae’n hawdd chwilio am eitem ar Primo. Teipiwch yr eitem rydych chi eisiau dod o hyd iddi a bydd Primo yn rhoi gwybod i chi lle bydd i’w gael yn llyfrgell Hugh Owen neu os yw ar gael ar-lein (mae copïau papur a chopïau ar-lein o rai eitemau). Mae nodwedd chwilio primo wedi ei gosod ar ‘pob eitem’ yn ddiofyn, a gall hynny amharu ar eich canlyniadau i raddau os cynigir gormod o opsiynau.

Ar waelod y bar chwilio, mae tair cwymplen sy’n cynnwys opsiynau i’ch helpu i ddod o hyd i’r UNION eitem rydych chi’n chwilio amdani. Er enghraifft, beth am ddweud fy mod i eisiau chwilio am lyfrau gan John Steinbeck yn unig. O waelod y bar chwilio, fe fyddwn i’n dewis ‘Llyfrau’, yna ‘gyda fy union ymadrodd’, gan ddewis ‘fel awdur/crëwr’ ac yn olaf chwilio am ‘John Steinbeck’

Screenshot of Primo showing how to insert text in the search bar and the different filters

Dysgwch mwy am eich Sgiliau Digidol yn yr Wŷl Yrfaoedd!

16 Chwefror 202316 Chwefror 2023 Sioned Llywelyn [sil12] Myfyrwyr, Pencampwyr Digidol Myfyrwyr Leave a comment

Dewch i ddweud helo wrth ein Pencampwyr Digidol Myfyrwyr yfory, Ddydd Gwener 17 Chwefror, ar eu stondin “Sut mae eich sgiliau Digidol?” ar Lefel D o Lyfrgell Hugh Owen o 10:00-13:00!

Mae’r stondin yn rhan o raglen gyffrous o ddigwyddiadau’r Wŷl Yrfaoedd ’23, gan gynnwys gweithdai sgiliau, digwyddiadau cyflogwyr, gweminarau, cyfleoedd rhwydweithio a sesiynau adrannol.

Gobeithio y gwelwn ni chi yno!

Promotional poster with text: How are your digital skills? Friday 17 February, 10:00-13:00 at Level D of the Hugh Owen Library

Syniadau ac Awgrymiadau Microsoft Word 💡

13 Chwefror 202313 Chwefror 2023 WordPress User [jec68] Hyfedredd a chynhyrchiant digidol, LinkedIn Learning, Myfyrwyr, Pencampwyr Digidol Myfyrwyr Leave a comment

Blog-bost gan Jeffrey Clark (Pencampwr Digidol Myfyrwyr)

Gwneud pethau’n haws

Mae’n bosib mai Microsoft Word yw’r rhaglen gyfrifiaduron fwyaf adnabyddus ym maes academia. Mae bron bob cwrs y gallwch ei ddilyn ym Mhrifysgol Aberystwyth yn defnyddio Microsoft Word i ryw raddau, gyda rhai cyrsiau yn gofyn i chi wneud mwy na dim ond teipio traethawd. Yn y blog-bost hwn, byddaf yn rhannu ambell dric defnyddiol yn Microsoft Word sydd wedi fy helpu yn ystod fy astudiaethau.

Awgrym 1: Bysellau hwylus

Mae bysellau hwylus yn gyfuniad o fysellau rydych chi’n eu pwyso er mwyn cyflawni swyddogaeth. Er enghraifft, mae pwyso control (ctrl) a C ar yr un pryd ar ôl amlygu testun yn copïo’r testun hwnnw i’ch clipfwrdd. Yn lle clicio’r botwm dde a sgrolio i lawr y gwymplen i Gludo, gallwch bwyso ctrl + V i ludo’r testun.

Gellir defnyddio’r allwedd ALT ar gyfer bysellau hwylus hefyd. Yn benodol, defnyddir yr allwedd ALT ar gyfer bysellau hwylus sy’n berthnasol i’r bar tasgau uchaf. Trwy ddal ALT i lawr am ychydig eiliadau, bydd yr allweddi ar gyfer pob bysell hwylus yn ymddangos. Er enghraifft, ar fy mysellfwrdd i, bydd pwyso ALT + 2 yn cadw fy nogfen.

Yn y llun isod mae tab Cartref (Home) ein bar tasgau ar agor.

Ond os pwyswn ni ALT+S i fynd i’r tab Cyfeiriadau (References)…

Cawn gyfres hollol newydd o orchmynion bysellfwrdd ALT i’w defnyddio!

Trwy ddal ALT i lawr gyda thab gwahanol ar agor gallwn weld pa fysellau hwylus sydd ar gael ar gyfer pob tab ar y bar tasgau. Os byddwch yn anghofio beth mae bysellau hwylus ALT yn ei wneud, daliwch ALT i lawr er mwyn eich atgoffa.

Dysgwch mwy am eich Sgiliau Digidol yn yr Wŷl Yrfaoedd!

3 Chwefror 20233 Chwefror 2023 WordPress User [jec68] Myfyrwyr, Pencampwyr Digidol Myfyrwyr Leave a comment

Postiad Blog gan Jeffrey Clark (Pencampwr Digidol Myfyrwyr)

CareerFest Banner. 13-17 February online and in-person.

A oes gennych chi ddiddordeb mewn dysgu mwy am sgiliau digidol a sut y gall eu datblygu gefnogi eich dysgu, eich cyflogadwyedd, a’ch hyder cyffredinol gyda thechnoleg? Os felly, dewch draw at ein stondin Sgiliau Digidol a fydd yn rhedeg fel rhan o Wŷl Yrfaoedd y Brifysgol ar Ddydd Gwener 17 Chwefror. Gallwch ddod o hyd i ni ar Lefel D o Lyfrgell Hugh Owen o 10:00-13:00.

Y stondin fydd y lle i fynd er mwyn dod o hyd i wybodaeth am sgiliau digidol a pha adnoddau sydd ar gael i’ch helpu i’w datblygu. Bydd Pencampwr Digidol Myfyrwyr yno i’ch cyfarch ac i ateb unrhyw gwestiynau sydd gennych ynglŷn â sgiliau digidol.

Mae rhaglen gyffrous o weithdai sgiliau, digwyddiadau cyflogwyr, gweminarau, cyfleoedd rhwydweithio a sesiynau adrannol hefyd yn cael eu cynnal fel rhan o’r Wŷl Yrfaoedd o 13-17 Chwefror 2023.

Gobeithio y gwelwn ni chi yno!