Mae ychydig dros wythnos o hyd nes i’n tanysgrifiad i LinkedIn Learning ddod i ben. Os ydych wedi cwblhau unrhyw gyrsiau hyfforddi ar LinkedIn Learning ac eisiau cadw’ch tystysgrif(au) cwblhau, mae gennych ychydig dros wythnos i’w lawrlwytho. Gallwch weld sut i wneud hyn drwy wylio’r fideo isod.
Heddiw – 21 Mawrth 2025 – yw Diwrnod Rhyngwladol y Coedwigoedd ac i ddathlu rydyn ni’n ailymweld â phob blogbost a ThipDigidol sy’n gysylltiedig â natur!
Ydych chi eisiau cyfrif sawl gwaith mae enw’n ymddangos mewn colofn ochr yn ochr ag amodau eraill yn Excel? Gyda TipDigidol 57 gallwn ddangos y fformiwla i chi wneud hyn.
Yn gyntaf bydd angen data tebyg i’r hyn a ddangosir yn y sgrinlun lle mae gennych chi sawl colofn o wybodaeth a lle’r hoffech chi gyfrif faint o feini prawf penodol sy’n bodoli megis enwau neu ddyddiadau er enghraifft
I wneud hyn bydd angen i ni ddefnyddio’r nodwedd COUNTIFS yn y tab fformiwla, dangosir hyn yn y sgrinlun isod.
Mae hyn yn cymryd yr ystod meini prawf sef y golofn enwau yn yr enghraifft ac yna’r meini prawf ei hun, sef yr enw Chris yn E2 yn yr enghraifft. Hefyd wedi’i gynnwys yn yr enghraifft y mae ystod meini prawf arall o’r golofn o anrhegion a’r meini prawf Siocled. Bydd hyn wedyn yn mynd trwy’r holl wybodaeth ac ond yn cyfrif pan fydd y ddau faen prawf hyn yn cael eu bodloni.
Gallai hyn fod yn ddefnyddiol ar raddfa fwy ar gyfer olrhain unrhyw gyfanswm o bethau sy’n digwydd ar daenlen.
I ddilyn ein TipiauDigidol, tanysgrifiwch i’n Blog Sgiliau Digidol. Neu, gallwch hefyd ddilyn y dudalen hon, lle bydd TipDigidol newydd yn cael ei ychwanegu bob wythnos!
Os ydych chi eisiau i’ch cyflwyniadau gyrraedd y lefel nesaf gallech geisio mewnosod cameo, dysgwch sut gyda ThipDigidol 56!
Cameo yw recordiad ohonoch chi’ch hun yn siarad trwy’ch sleidiau ac yn cyflwyno eich PowerPoint.
Gallwch weld sut i wneud hyn drwy’r fideo isod.
I ddilyn ein TipiauDigidol, tanysgrifiwch i’n Blog Sgiliau Digidol. Neu, gallwch hefyd ddilyn y dudalen hon, lle bydd TipDigidol newydd yn cael ei ychwanegu bob wythnos!
Heddiw rydyn ni’n dathlu Diwrnod Rhyngwladol y Menywod. Thema 2025 yw #Cyflymu’rGweithredu ac mae’n neges bwysig sy’n canolbwyntio ar gyflymu cyflawniad cydraddoldeb rhwng y rhywiau. Ar hyn o bryd rhagwelir na fyddwn yn cyflawni cydraddoldeb rhwng y rhywiau tan 2158 ac felly mae Diwrnod Rhyngwladol y Menywod eleni yn galw arnom i gydweithio i greu byd mwy cynhwysol. Gallwch edrych ar yr adnoddau isod sydd wedi’u hysbrydoli gan Ddiwrnod Rhyngwladol y Menywod. Mae’r rhain yn cynnwys detholiad o fideos a chyrsiau LinkedIn Learning, nodwch y bydd tanysgrifiad y Brifysgol i LinkedIn Learning yn dod i ben ar 28 Mawrth 2025. Os ydych wedi cwblhau unrhyw gyrsiau hyfforddi ar LinkedIn Learning ac eisiau cadw’ch tystysgrif(au) cwblhau, edrychwch ar ein blogbost blaenorol i ddysgu mwy am hyn.
Os ydych chi’n cael trafferth gweld fideos neu gyrsiau LinkedIn Learning, cysylltwch â’r Tîm Sgiliau Digidol (digi@aber.ac.uk).
Ydych chi’n cael trafferth cwblhau eich gwaith? Mae gan DipDigidol 55 yr ateb gyda’r modd ‘Focus’ yn Windows 11. Mae’r modd ‘Focus’ yn nodwedd newydd ar gyfer Windows 11 sydd â nodweddion lluosog i’ch helpu i ganolbwyntio ar eich gwaith. Mae’r rhain yn cynnwys: Amserydd y gellir ei osod i ba bynnag amser sydd ei angen arnoch wedi’i osod yn ddiofyn i 30 munud, cuddio’r bathodynnau ar apiau’r bar tasgau, cuddio’r fflachio ar apiau’r bar tasgau a throi’r modd ‘peidiwch â tharfu’ ymlaen.
I ddefnyddio’r nodwedd hon, mae angen i chi fynd i Settings -> System lle dylech weld Focus. Pan fyddwch wedi dewis yr opsiynau priodol mae angen clicio ar ‘start focus session’ a dylai’r amserydd ymddangos yng nghornel eich sgrin a gallwch ei ganslo neu ei oedi ar unrhyw adeg.
I ddilyn ein TipiauDigidol, tanysgrifiwch i’n Blog Sgiliau Digidol. Neu, gallwch hefyd ddilyn y dudalen hon, lle bydd TipDigidol newydd yn cael ei ychwanegu bob wythnos!
Bydd tanysgrifiad y Brifysgol i LinkedIn Learning yn dod i ben ym mis Mawrth 2025. Os ydych wedi cwblhau unrhyw gyrsiau hyfforddi ar LinkedIn Learning ac eisiau cadw’ch tystysgrif(au) cwblhau, mae gennych ychydig dros fis i’w lawrlwytho. Gallwch weld sut i wneud hyn drwy wylio’r fideo isod.
Os nad ydych wedi defnyddio LinkedIn Learning o’r blaen, mae amser o hyd i chi fewngofnodi a defnyddio’r adnodd hwn i ddatblygu eich sgiliau digidol! Ewch i’n tudalen we am ragor o gyfarwyddyd.
Oeddech chi’n gwybod bod yna nodweddion wyau Pasg ar Google? Wel rydych chi’n gwybod nawr gyda ThipDigidol 54!
Os ydych chi’n mynd i Google a theipio “do a barrel roll” bydd y sgrin yn cylchdroi.
Gwyliwch y fideo isod am arddangosiad cyflym.
I ddilyn ein TipiauDigidol, tanysgrifiwch i’n Blog Sgiliau Digidol. Neu, gallwch hefyd ddilyn y dudalen hon, lle bydd TipDigidol newydd yn cael ei ychwanegu bob wythnos!
Yn 2024, cynhaliodd ein Hyrwyddwyr Digidol gyfweliadau gydag wyth o raddedigion Prifysgol Aberystwyth i ddeall pa sgiliau y maent bellach yn eu defnyddio ar ôl graddio a sgiliau yr hoffent fod wedi’u dysgu a’u datblygu yn y brifysgol. Isod ceir y pum prif sgil ar draws yr holl broffiliau y mae’r graddedigion yn eu defnyddio nawr a sut y gallwch ddatblygu’r sgiliau hyn:
Os hoffech chi ddarllen y Proffiliau Sgiliau Digidol Graddedigion, gallwch eu gweld yma neu gallwch eu lawrlwytho yma.
Ydych chi am wneud eich cyflwyniadau PowerPoint yn fwy deinamig? Bydd TipDigidol 53 yn eich helpu i wneud hynny trwy ddefnyddio adnodd symud o un i’r llall yn PowerPoint o’r enw Morph a all sicrhau gwell llif i PowerPoint trwy roi trawsnewidiadau llyfn i siapiau a newid testun yn y sleidiau.
I ddilyn ein TipiauDigidol, tanysgrifiwch i’n Blog Sgiliau Digidol. Neu, gallwch hefyd ddilyn y dudalen hon, lle bydd TipDigidol newydd yn cael ei ychwanegu bob wythnos!
