Oeddech chi’n gwybod y gallwch fel myfyriwr o Brifysgol Aberystwyth gael mynediad at drwyddedau am ddim ar gyfer Microsoft Office Suite ar hyd at bum dyfais. Gallwch ddod o hyd i fanylion eich cyfrif o unrhyw raglen/cymhwysiad Microsoft drwy glicio ar eich llythrennau cyntaf yn y gornel dde uchaf. O’r fan hon, dewiswch Gweld Cyfrif a chliciwch ar Gosod Office i gael mynediad i Word, PowerPoint, Teams, Excel, OneNote a mwy!
Ar gael ar gyfer Windows, iOS, ac Android.
A hoffech chi deimlo’n fwy hyderus wrth ddefnyddio offer digidol ar gyfer eich astudiaethau a thu hwnt? Dewch draw i’r Caffi Sgiliau Digidol, ein gwasanaeth galw heibio wythnosol newydd i’ch helpu i feithrin eich sgiliau digidol drwy gydol eich amser ym Mhrifysgol Aberystwyth.
P’un a oes gennych gwestiwn penodol, neu ddim yn siŵr ble i ddechrau, rydyn ni yma i helpu. Mae’r Caffi yn gyfle i chi fanteisio ar y pethau canlynol
Cael cymorth gyda’ch astudiaethau
Dysgu rhagor am offer digidol i’ch helpu gyda’ch aseiniadau, prosiectau a thasgau astudio, a chael arweiniad ar ddewis a defnyddio’r rhai sy’n iawn i chi.
Datblygu eich hyder digidol
Trafod eich adroddiad Adnodd Darganfod Digidol a chanfod ffyrdd ymarferol o ddatblygu eich sgiliau.
Paratoi ar gyfer eich dyfodol
Ystyried y sgiliau digidol y gallai fod eu hangen arnoch ar gyfer lleoliadau gwaith, astudiaethau ôl-raddedig, a’ch gyrfa yn y dyfodol.
Gallwch ddod o hyd i ni wrth ddesg galw heibio SgiliauAber ar Lawr D, Llyfrgell Hugh Owen, ger mynedfa’r grisiau, trwy gydol y tymor:
Galwch heibio am sgwrs – byddem wrth ein bodd yn eich helpu i gymryd eich cam nesaf.
Ewch i dudalen we’r Caffi Sgiliau Digidol i gael rhagor o wybodaeth neu anfonwch e-bost atom yn digi@aber.ac.uk os oes gennych unrhyw gwestiynau.
Ydych chi wedi cael eich aseiniad cyntaf? Rhwng 19 a 23 Hydref, byddwn yn rhannu cyngor, adnoddau a digwyddiadau i’ch helpu i ddechrau arni.
Byddwn yn eich tywys trwy bob cam o’r broses, o ddeall briff yr aseiniad a dod o hyd i’r wybodaeth gywir i gynllunio, ysgrifennu a chyflwyno eich gwaith yn hyderus.
Ac nid yw hyn ar gyfer myfyrwyr y flwyddyn gyntaf yn unig. Os ydych chi yn eich ail neu’ch trydedd flwyddyn, gweithio ar eich astudiaethau Ôl-raddedig neu’n dilyn cwrs Dysgu Gydol Oes, cewch awgrymiadau a chymorth defnyddiol i helpu gyda’ch aseiniadau.
Digwyddiadau a Gweithgareddau:
Dydd Llun 19eg: Deall eich aseiniad
Dydd Mawrth 20fed: Dod o hyd i’ch deunyddiau
Dydd Mercher 21ain: Paratoi’r dechnoleg
Dydd Iau 22ain: Ysgrifennu Eich Aseiniad
Dydd Gwener 23ain: Cyflwyno Eich Aseiniad
Trwy’r Wythnos:
Bydd popeth ar gael ar Ffrwd, felly cadwch lygad yn ystod yr wythnos. Pob lwc!
Am unrhyw gwestiynau pellach cysylltwch drwy:
Ffon: 01970 622020
Ebost: llyfrgell@aber.ac.uk
Bob wythnos byddwn yn postio TipDigi defnyddiol i’ch helpu i wneud y defnydd gorau o dechnoleg. I ddilyn ein TipiauDigi, tanysgrifiwch i’n Blog Sgiliau Digidol. Neu, gallwch hefyd ddilyn y dudalen hon, lle bydd TipDigi newydd yn cael ei ychwanegu bob wythnos!
Ydych chi eisiau gallu dod o hyd i’r union dudalen we rydych chi’n chwilio amdani heb wastraffu amser yn mynd trwy sawl tudalen we wahanol? Ar gyfer tudalennau gwe rydych chi’n ymweld â nhw’n aml, gallwch eu llyfrnodi a hyd yn oed greu ffolderi ar gyfer gwahanol gategorïau o lyfrnodau, sy’n golygu na fydd raid i chi lywio drwy’r rhyngrwyd i ddod o hyd i’r dudalen we benodol honno eto!
Dilynwch y camau hyn i lyfrnodi tudalen we:
I reoli eich llyfrnodau:
Gall Excel fod yn ffordd wych o gynllunio, amserlennu a chadw golwg ar bethau fel cyllidebau neu dasgau prosiect. Ond oeddech chi’n gwybod y gallwch chi fewnosod blychau ticio yn eich taenlen fel y gallwch chi wirio’ch gwaith yn hawdd. I wneud hyn, ewch i mewnosod > blwch ticio.
I ddilyn ein TipiauDigidol, tanysgrifiwch i’n Blog Sgiliau Digidol. Neu, gallwch hefyd ddilyn y dudalen hon, lle bydd TipDigidol newydd yn cael ei ychwanegu bob wythnos!
Os ydych chi’n cael trafferth cydbwyso bywyd a gwaith, gall TipDigidol 78 helpu. Oeddech chi’n gwybod y gallwch osod ‘oriau tawel’ ar ap ffôn Microsoft Teams fel nad ydych chi’n derbyn hysbysiadau y tu allan i’ch oriau gwaith. Ar yr ap, ewch i Notifications > Block Notifications > Block during quiet hours. Gallwch osod yr amseroedd penodol i beidio â derbyn hysbysiadau a rhwystro hysbysiadau ar gyfer penwythnosau.
I ddilyn ein TipiauDigidol, tanysgrifiwch i’n Blog Sgiliau Digidol. Neu, gallwch hefyd ddilyn y dudalen hon, lle bydd TipDigidol newydd yn cael ei ychwanegu bob wythnos!
Addaswch eich ardal nodiadau PowerPoint gyda ThipDigidol 77. Mewn unrhyw ddogfen PowerPoint gallwch ddewis cynnwys nodiadau cyflwynydd, dim ond chi fydd yn gweld y nodiadau hyn. Yn yr ardal hon gallwch ddyrchafu a darostwng pwyntiau bwled yn hawdd trwy ddefnyddio’r llwybr byr Alt + Shift + Saeth. Edrychwch ar y fideo byr isod am arddangosiad o sut i ddefnyddio’r llwybr byr.
I ddilyn ein TipiauDigidol, tanysgrifiwch i’n Blog Sgiliau Digidol. Neu, gallwch hefyd ddilyn y dudalen hon, lle bydd TipDigidol newydd yn cael ei ychwanegu bob wythnos!
Personoli’ch OneNote trwy newid lliw y cefndiroedd gyda ThipDigidol 76. P’un ai i leihau straen ar y llygaid neu yn syml i addasu’r llyfrau nodiadau fel yr hoffech, gallwch newid lliw cefndir eich tudalennau OneNote yn hawdd. Ewch i View > Page Colour a dewiswch eich lliw!
I ddilyn ein TipiauDigidol, tanysgrifiwch i’n Blog Sgiliau Digidol. Neu, gallwch hefyd ddilyn y dudalen hon, lle bydd TipDigidol newydd yn cael ei ychwanegu bob wythnos!
Os ydych chi’n gweithio yn Excel a dim ond eisiau cyfrif digwyddiadau unigryw, neu os ydych chi eisiau ffordd gyflym o ddileu pob enghraifft o ddyblygu, bydd TipDigidol 75 yn datrys eich problem! Oeddech chi’n gwybod y gallwch ddileu pob dyblygiad yn awtomatig yn syml trwy ddefnyddio’r swyddogaeth Data > Dileu Dyblygu. Bydd hyn yn dileu’r holl ddyblygiadau yn y colofnau a ddewiswyd.
I ddilyn ein TipiauDigidol, tanysgrifiwch i’n Blog Sgiliau Digidol. Neu, gallwch hefyd ddilyn y dudalen hon, lle bydd TipDigidol newydd yn cael ei ychwanegu bob wythnos!
Yn cyflwyno Free Code Camp gyda ThipDigidol 74! Os oes gennych ddiddordeb mewn codio ac yr hoffech ddilyn cyrsiau am ddim, freeCodeCamp yw’r adnodd i chi. Cyfres o gyrsiau codio am ddim i helpu i ddatblygu eich sgiliau mewn amrywiaeth o ieithoedd codio gan gynnwys python, Java a mwy.
I ddilyn ein TipiauDigidol, tanysgrifiwch i’n Blog Sgiliau Digidol. Neu, gallwch hefyd ddilyn y dudalen hon, lle bydd TipDigidol newydd yn cael ei ychwanegu bob wythnos!
