Profwch eich dealltwriaeth o DdA gyda Offeryn Darganfod Digidol Jisc!

Mae holiadur ‘Sgiliau Digidol mewn DA a DA Cynhyrchiol’ newydd ar gyfer myfyrwyr a staff bellach ar gael yn Offeryn Darganfod Digidol Jisc. Bydd yr holiadur newydd hwn yn eich helpu i hunanasesu a datblygu eich gwybodaeth am Ddeallusrwydd Artiffisial (DA) yn y saith maes canlynol:

  1. DA a Hyfedredd Digidol
  2. DA Cyfrifol
  3. DA a Chynhyrchiant Digidol
  4. DA a Llythrennedd Gwybodaeth a Data
  5. DA a Chyfathrebu Digidol
  6. DA a Chydweithio a Chyfranogiad
  7. DA a Chreadigrwydd Digidol

Ar ôl ateb cyfres o gwestiynau, a fydd yn cymryd tua 10-15 munud, byddwch chi’n derbyn adroddiad personol a fydd yn cynnwys:

  • Trosolwg o’ch hyder â Deallusrwydd Artiffisial
  • Camau a awgrymir i’w cymryd
  • Dolenni at adnoddau defnyddiol, wedi’u curadu gan Ganolfan Genedlaethol DA Jisc, i’ch helpu i ddatblygu eich gwybodaeth am DdA.

Cliciwch yma i gael mynediad at blatfform yr Offeryn Darganfod Digidol, a gwyliwch y fideo byr isod i ddysgu sut i gael mynediad i’r holiadur newydd hwn ⬇

Cysylltwch â’r Tîm Sgiliau Digidol (digi@aber.ac.uk) os oes gennych unrhyw gwestiynau am yr holiadur newydd hwn, neu dewch â’ch cwestiynau i un o’n sesiynau galw heibio wythnosol!

Hyfforddiant Sgiliau Digidol: Semester 1 ’23-24

A oes gennych chi ddiddordeb mewn dysgu pa adnoddau sydd ar gael i’ch helpu i asesu a datblygu eich sgiliau digidol? Neu, efallai bod diddordeb gennych chi mewn dysgu mwy am sut y gallwch gefnogi’ch myfyrwyr i ddatblygu eu sgiliau digidol?

Byddwn ni’n cynnal nifer o sesiynau hyfforddi i staff drwy gydol Semester 1. Os nad oes modd ichi fynychu’r sesiynau, mae croeso mawr i chi e-bostio digi@aber.ac.uk a gallwn drefnu sgwrs i chi ag aelod o’n tîm.

Sesiynau cyfrwng Cymraeg:

Sesiynau cyfrwng Saesneg:

Hyfforddiant i Staff Academaidd: Cyflwyniad i’r Offeryn Darganfod Digidol

Bydd y Tîm Sgiliau Digidol yn cynnal sesiynau hyfforddi ym mis Medi ar gyfer staff academaidd a fydd yn cefnogi eu myfyrwyr i adolygu eu hadroddiadau Offeryn Darganfod Digidol, a fydd yn hwyluso sgyrsiau gyda myfyrwyr am eu sgiliau digidol yn gyffredinol.

Bydd sesiynau ar-lein ar gael yn Gymraeg a Saesneg ar y dyddiadau canlynol:

  • 12 Medi ’23 (10:00-11:00): Introduction to the Digital Discovery Tool (Sicrhewch eich lle)
  • 12 Medi ’23 (14:00-15:00): Cyflwyniad i’r Offeryn Darganfod Digidol (Sicrhewch eich lle)
  • 18 Medi ’23 (10:00-11:00): Cyflwyniad i’r Offeryn Darganfod Digidol (Sicrhewch eich lle)
  • 18 Medi ’23 (15:00-16:00): Introduction to the Digital Discovery Tool (Sicrhewch eich lle)

Am unrhyw ymholiadau, cysylltwch â’r Tîm Sgiliau Digidol (digi@aber.ac.uk).

Hyfforddiant i Staff Academaidd: Cyflwyniad i’r Offeryn Darganfod Digidol

Bydd y Tîm Sgiliau Digidol yn cynnal sesiynau hyfforddi ym mis Medi 2023 ar gyfer staff academaidd a fydd yn cefnogi eu myfyrwyr i adolygu eu hadroddiadau Offeryn Darganfod Digidol, a fydd yn hwyluso sgyrsiau gyda myfyrwyr am sgiliau digidol.

Bydd sesiynau ar-lein ar gael yn Gymraeg a Saesneg ar y dyddiadau canlynol:

  • 12 Medi ’23 (10:00-11:00): Introduction to the Digital Discovery Tool (Sicrhewch eich lle)
  • 12 Medi ’23 (14:00-15:00): Cyflwyniad i’r Offeryn Darganfod Digidol (Sicrhewch eich lle)
  • 18 Medi ’23 (10:00-11:00): Cyflwyniad i’r Offeryn Darganfod Digidol (Sicrhewch eich lle)
  • 20 Medi ’23 (15:00-16:00): Introduction to the Digital Discovery Tool(Sicrhewch eich lle)

Am unrhyw ymholiadau, cysylltwch â’r Tîm Sgiliau Digidol (digi@aber.ac.uk).

Dewch i weithio gyda ni fel Pencampwr Digidol Myfyrwyr 📣

Rydym yn edrych i benodi dau Bencampwr Digidol Myfyrwyr i weithio yn ein Tîm Sgiliau Digidol am gyfanswm o 25 wythnos (5 awr yr wythnos ar Gyflog Gradd 2) y flwyddyn academaidd nesaf, gan ddechrau ym mis Medi 2023.  

Bydd y Pencampwyr Digidol Myfyrwyr yn cefnogi gwaith y Tîm Sgiliau Digidol drwy annog myfyrwyr eraill i fanteisio ar amryw o adnoddau i’w cefnogi i ddatblygu eu sgiliau digidol. Bydd hefyd gofyn iddynt ddarparu persbectif gwerthfawr ar faterion sy’n ymwneud â chefnogi datblygiad sgiliau digidol myfyrwyr yn gyffredinol.   

Dyma beth oedd gan ein dau Bencampwr Digidol Myfyrwyr presennol i’w ddweud am eu profiadau yn y rôl eleni:  

“Mae fy mlwyddyn ddiwethaf yn gweithio fel Pencampwr Digidol Myfyrwyr wedi bod yn ddiddorol iawn, yn werth chweil ac yn rhywbeth hollol wahanol i mi. Roeddwn i’n chwilio am rywbeth i’w wneud ochr yn ochr â’m lleoliad ymchwil labordy eleni ac er nad oedd gen i unrhyw brofiad blaenorol mewn sgiliau digidol, neu hyd yn oed diddordeb digidol blaenorol, rwyf wedi ei fwynhau’n fawr iawn. Rwyf wedi bod wrth fy modd yn gallu defnyddio’r swydd fel dihangfa greadigol ac i ddatblygu fy sgiliau dylunio graffig, ond rwyf hefyd wedi datblygu llawer o sgiliau newydd fel arwain grwpiau ffocws a chyfweliadau; dadansoddi profiadau defnyddwyr; dylunio a chynhyrchu cynnwys ar-lein ar gyfer llwyfannau amrywiol; ac ysgrifennu blogbyst. Mae hyblygrwydd y swydd wedi bod yn wych, ac rwy’n edrych ymlaen at barhau i weithio gyda’r tîm y flwyddyn nesaf (sydd, gyda llaw, yn grŵp o bobl hollol hyfryd), fel newid golygfa o fy ngwaith prifysgol arferol.”

Laurie Stevenson (Myfyriwr blwyddyn mewn diwydiant, Cadwraeth Bywyd Gwyllt)

“Fel Pencampwr Digidol Myfyrwyr, rwyf wedi dysgu llawer o sgiliau gwerthfawr a fydd yn fy helpu yn fy ngyrfa yn y dyfodol. Mae dod i adnabod rhaglenni fel Word, Excel, a Piktochart wedi bod yn amhrisiadwy i’m datblygiad fel myfyriwr ac fel gweithiwr. Mae helpu gyda rhedeg stondinau a digwyddiadau i hyrwyddo gwaith y tîm ar y campws wedi rhoi hwb mawr i’m hyder a’m sgiliau cyfathrebu rhyngbersonol. Rwy’n argymell y rhaglen Pencampwyr Digidol Myfyrwyr i unrhyw un sy’n ysu i helpu myfyrwyr eraill, ac i unrhyw un sy’n mwynhau rhoi cynnig ar bethau newydd.”

Jeffrey Clark (Myfyriwr 3ydd blwyddyn, Saesneg ac Ysgrifennu Creadigol)

Dyma enghreifftiau o’r gwahanol weithgareddau ac adnoddau y mae’r Pencampwyr Digidol Myfyrwyr wedi’u creu eleni!

  • Promotional poster with text: How are your digital skills? Friday 17 February, 10:00-13:00 at Level D of the Hugh Owen Library
  • Table and display board with post-it-notes stuck to it.
  • Bookmark containing 10 tips for students

Y dyddiad cau ar gyfer y swyddi hyn yw Dydd Llun 31 Gorffennaf 2023. I gael rhagor o wybodaeth ac i wneud cais, ewch i Gwaith Aber. Os nad oes gennych chi gyfrif Gwaith Aber, neu am unrhyw ymholiadau, cysylltwch â digi@aber.ac.uk.  

Hyfforddiant Galluoedd Digidol: Ionawr 2023

Orange banner with Aberystwyth University Logo, and Digital Capabilities Training text

A oes gennych chi ddiddordeb mewn dysgu pa adnoddau sydd ar gael i’ch helpu i asesu a datblygu eich galluoedd digidol? Neu, efallai bod diddordeb gennych chi mewn dysgu mwy am sut y gallwch gefnogi’ch myfyrwyr i ddatblygu eu galluoedd digidol?

Byddwn ni’n cynnal nifer o sesiynau hyfforddi i staff drwy gydol mis Ionawr. Os nad oes modd ichi fynychu’r sesiynau, mae croeso mawr i chi e-bostio digi@aber.ac.uk a gallwn drefnu sgwrs i chi ag aelod o’n tîm.

Sesiynau cyfrwng Cymraeg:

Sesiynau cyfrwng Saesneg:

Yn olaf, hoffem ddymuno Nadolig Llawen a Blwyddyn Newydd Dda i chi gyd, ac rydym yn edrych ymlaen at barhau i’ch cefnogi yn y flwyddyn newydd!

Ail gyfle i weld ein Trafodaeth Banel – ‘Cefnogi datblygiad galluoedd digidol myfyrwyr’

Daeth degfed Cynhadledd Dysgu ac Addysgu Flynyddol Prifysgol Aberystwyth, a gynhaliwyd rhwng 12 a 14 Medi 2022, â’r gymuned dysgu ac addysgu at ei gilydd o bob rhan o’r Brifysgol i ddathlu, rhannu, a rhoi llwyfan i’r dulliau cyffrous ac arloesol sy’n cael eu defnyddio wrth addysgu.

Fe wnaethom ni gynnal trafodaeth banel (Cefnogi datblygiad galluoedd digidol myfyrwyr) ar ddiwrnod olaf y gynhadledd, gyda Saffron Passam (Yr Adran Seicoleg), Megan Williams (Ysgol Fusnes Aberystwyth) a Panna Karlinger (Ysgol Addysg), sef y staff academaidd gwych a oedd yn rhan o gynllun peilot yr Offeryn Darganfod Digidol gyda myfyrwyr y llynedd.

Aelodau’r Panel: Megan Williams (chwith-uchaf), Saffron Passam (dde-uchaf), Panna Karlinger (gwaelod-ganol). Hwylusydd y Panel: Sioned Llywelyn (gwaelod-chwith)

Os na welsoch chi ein trafodaeth banel, gallwch wylio recordiad ohoni yma. Fe wnaethom roi crynodeb byr o’r cynllun peilot a rhannodd Saffron, Megan a Panna sylwadau gwerthfawr ar yr hyn a weithiodd yn dda, a ddim cystal, iddynt yn ystod y cynllun peilot. Fe wnaethon nhw hefyd rannu eu cynghorion gorau i helpu myfyrwyr i ddefnyddio’r Offeryn Darganfod Digidol, a buom hefyd yn trafod yr heriau a’r llwyddiannau ehangach wrth geisio gwreiddio sgiliau megis galluoedd digidol o fewn y cwricwlwm.

Adnoddau a Chefnogaeth Bellach:

Os byddwch chi’n cefnogi myfyrwyr i ddefnyddio’r Offeryn Darganfod Digidol eleni, gweler y gronfa newydd o Adnoddau Addysgu i Staff (bydd angen mewngofnodi). Gallwch hefyd drefnu ymgynghoriad gydag aelod o’n tîm drwy anfon e-bost at digi@aber.ac.uk.

Hyfforddiant i Staff: Galluoedd Digidol

Cychwyn arni gyda’ch galluoedd digidol!

Rydym ni’n cynnig hyfforddiant i staff gydag Offeryn Darganfod Digidol Jisc i helpu i wella eich sgiliau a’ch galluoedd digidol. Byddwn yn rhoi trosolwg o alluoedd digidol, gan weithio drwy hunan-asesiad yr Offeryn Darganfod Digidol a thrafod pa adnoddau sydd ar gael i chi yn ogystal â pha mor bwysig yw galluoedd digidol ar gyfer staff Prifysgol Aberystwyth.

Bydd sesiynau ar gael yn Gymraeg a Saesneg ar y dyddiadau canlynol:

  • 12 Hydref 2022 (14:00 – 14:45): Getting started with your digital capailities.
  • 18 Hydref 2022 (10:00 – 10:45): Cychwyn arni gyda’ch galluoedd digidol.
  • 20 Hydref 2022 (15:00 – 15:45): Getting started with your digital capabilities.

Gallwch dderbyn rhagor o wybodaeth a sicrhau eich lle drwy’r Wefan Hyfforddi Staff ac ar gyfer unrhyw ymholiad, cysylltwch â Tîm Galluoedd Digidol (digi@aber.ac.uk).

Hyfforddiant i Staff Academaidd: Cyflwyniad i’r Offeryn Darganfod Digidol

Bydd yr Offeryn Darganfod Digidol ar gael i bob myfyriwr Blwyddyn Sylfaen a Blwyddyn Gyntaf o ddechrau blwyddyn academaidd 2022/23. Byddwn yn cynnal sesiynau hyfforddi yn ystod mis Medi a Hydref ar gyfer staff academaidd a fydd yn cefnogi eu myfyrwyr i adolygu eu hadroddiadau Offeryn Darganfod Digidol, a bydd yn hwyluso sgyrsiau gyda myfyrwyr am alluoedd digidol.

Bydd sesiynau ar gael yn Gymraeg a Saesneg ar y dyddiadau canlynol:

  • 15 Medi 2022 (11:00-12:00): Introduction to the Digital Discovery Tool
  • 15 Medi 2022 (15:00-16:00): Cyflwyniad i’r Offeryn Darganfod Digidol
  • 19 Medi 2022 (10:00-11:00): Cyflwyniad i’r Offeryn Darganfod Digidol
  • 21 Medi 2022 (14:00-15:00): Introduction to the Digital Discovery Tool
  • 4 Hydref 2022 (11:00-12:00): Introduction to the Digital Discovery Tool
  • 7 Hydref 2022 (14:00-15:00): Cyflwyniad i’r Offeryn Darganfod Digidol

Gallwch dderbyn rhagor o wybodaeth a sicrhau eich lle drwy’r Wefan Hyfforddi Staff ac ar gyfer unrhyw ymholiad, cysylltwch â Sioned Llywelyn, Swyddog Galluoedd Digidol (digi@aber.ac.uk). 

1 Awst: Dyddiad cau ar gyfer lawrlwytho adroddiadau Offeryn Darganfod Digidol

Mae’r platfform presennol ar gyfer yr Offeryn Darganfod Digidol yn cael ei ddiweddaru ar 1 Awst 2022. Os ydych wedi defnyddio’r Offeryn Darganfod Digidol o’r blaen ac wedi derbyn adroddiad, rhaid ei lawrlwytho cyn 1 Awst 2022 os ydych am gadw copi ohono. 

Dilynwch y cyfarwyddiadau hyn: Sut mae cael mynediad i’m hadroddiad Offeryn Darganfod Digidol a’i lawrlwytho fel ffeil PDF? 

Os oes gennych unrhyw ymholiadau am lawrlwytho eich adroddiad, cysylltwch â digi@aber.ac.uk.