Bydd y Pencampwyr Digidol Myfyrwyr o fewn Gwasanaethau Gwybodaeth yn cynnal grwpiau ffocws awr o hyd ym mis Mawrth i gasglu adborth gan fyfyrwyr ar eu profiadau o ddefnyddio LinkedIn Learning.Byddwch yn derbyn taleb gwerth £10 am awr o’ch amser.
Cynhelir y grwpiau ffocws hyn ar-lein ar y dyddiadau canlynol:
Blog-bost gan Jeffrey Clark (Pencampwr Digidol Myfyrwyr)
Cyflwyniad i Primo
Gall fod yn anodd mynd i unrhyw lyfrgell a dod o hyd i’r hyn rydych chi’n chwilio amdano. Mae’r rhan fwyaf o lyfrgelloedd yn cynnwys cannoedd o lyfrau, ac mae llyfrgell Hugh Owen yn cynnwys MILOEDD o lyfrau. Os ydych chi eisiau dod o hyd i’r hyn rydych chi’n chwilio amdano gyda manylder clinigol, rwy’n argymell eich bod yn rhoi cynnig ar Primo. Catalog llyfrgell digidol a ddefnyddir gan Brifysgol Aberystwyth yw Primo. Mae’n gronfa ddata enfawr sy’n fodd i fyfyrwyr chwilio am lyfrau i’w benthyg gan y Brifysgol, gwneud rhestrau o lyfrau i gofio amdanynt, a manteisio ar fersiynau ar-lein o ddeunyddiau darllen. Mae’n cynnwys llond lle o nodweddion sydd wedi gwneud fy amser yn Aberystwyth yn llawer rhwyddach. Er y gellid ei ystyried fel ‘chwiliad Google ar gyfer y llyfrgell’, mae’n llawer mwy na hynny. O arbed rhestrau o lyfrau i wneud cais am lyfrau sydd eu hangen arnaf ar gyfer fy nghwrs, mae Primo wedi arbed amser a’m helpu i osgoi aml i gur pen yn ystod fy astudiaethau. Yn y blog-bost hwn, fe fyddaf yn edrych ar Primo, yr hyn mae’n ei wneud a sut y gall fod yn fuddiol i chi.
Chwilio am eitem
Mae’n hawdd chwilio am eitem ar Primo. Teipiwch yr eitem rydych chi eisiau dod o hyd iddi a bydd Primo yn rhoi gwybod i chi lle bydd i’w gael yn llyfrgell Hugh Owen neu os yw ar gael ar-lein (mae copïau papur a chopïau ar-lein o rai eitemau). Mae nodwedd chwilio primo wedi ei gosod ar ‘pob eitem’ yn ddiofyn, a gall hynny amharu ar eich canlyniadau i raddau os cynigir gormod o opsiynau.
Ar waelod y bar chwilio, mae tair cwymplen sy’n cynnwys opsiynau i’ch helpu i ddod o hyd i’r UNION eitem rydych chi’n chwilio amdani. Er enghraifft, beth am ddweud fy mod i eisiau chwilio am lyfrau gan John Steinbeck yn unig. O waelod y bar chwilio, fe fyddwn i’n dewis ‘Llyfrau’, yna ‘gyda fy union ymadrodd’, gan ddewis ‘fel awdur/crëwr’ ac yn olaf chwilio am ‘John Steinbeck’
Dewch i ddweud helo wrth ein Pencampwyr Digidol Myfyrwyr yfory, Ddydd Gwener 17 Chwefror, ar eu stondin “Sut mae eich sgiliau Digidol?” ar Lefel D o Lyfrgell Hugh Owen o 10:00-13:00!
Mae’r stondin yn rhan o raglen gyffrous o ddigwyddiadau’r Wŷl Yrfaoedd ’23, gan gynnwys gweithdai sgiliau, digwyddiadau cyflogwyr, gweminarau, cyfleoedd rhwydweithio a sesiynau adrannol.
Blog-bost gan Jeffrey Clark (Pencampwr Digidol Myfyrwyr)
Gwneud pethau’n haws
Mae’n bosib mai Microsoft Word yw’r rhaglen gyfrifiaduron fwyaf adnabyddus ym maes academia. Mae bron bob cwrs y gallwch ei ddilyn ym Mhrifysgol Aberystwyth yn defnyddio Microsoft Word i ryw raddau, gyda rhai cyrsiau yn gofyn i chi wneud mwy na dim ond teipio traethawd. Yn y blog-bost hwn, byddaf yn rhannu ambell dric defnyddiol yn Microsoft Word sydd wedi fy helpu yn ystod fy astudiaethau.
Awgrym 1: Bysellau hwylus
Mae bysellau hwylus yn gyfuniad o fysellau rydych chi’n eu pwyso er mwyn cyflawni swyddogaeth. Er enghraifft, mae pwyso control (ctrl) a C ar yr un pryd ar ôl amlygu testun yn copïo’r testun hwnnw i’ch clipfwrdd. Yn lle clicio’r botwm dde a sgrolio i lawr y gwymplen i Gludo, gallwch bwyso ctrl + V i ludo’r testun.
Gellir defnyddio’r allwedd ALT ar gyfer bysellau hwylus hefyd. Yn benodol, defnyddir yr allwedd ALT ar gyfer bysellau hwylus sy’n berthnasol i’r bar tasgau uchaf. Trwy ddal ALT i lawr am ychydig eiliadau, bydd yr allweddi ar gyfer pob bysell hwylus yn ymddangos. Er enghraifft, ar fy mysellfwrdd i, bydd pwyso ALT + 2 yn cadw fy nogfen.
Yn y llun isod mae tab Cartref(Home) ein bar tasgau ar agor.
Ond os pwyswn ni ALT+S i fynd i’r tab Cyfeiriadau(References)…
Cawn gyfres hollol newydd o orchmynion bysellfwrdd ALT i’w defnyddio!
Trwy ddal ALT i lawr gyda thab gwahanol ar agor gallwn weld pa fysellau hwylus sydd ar gael ar gyfer pob tab ar y bar tasgau. Os byddwch yn anghofio beth mae bysellau hwylus ALT yn ei wneud, daliwch ALT i lawr er mwyn eich atgoffa.
Postiad Blog gan Jeffrey Clark (Pencampwr Digidol Myfyrwyr)
A oes gennych chi ddiddordeb mewn dysgu mwy am sgiliau digidol a sut y gall eu datblygu gefnogi eich dysgu, eich cyflogadwyedd, a’ch hyder cyffredinol gyda thechnoleg? Os felly, dewch draw at ein stondin Sgiliau Digidol a fydd yn rhedeg fel rhan o Wŷl Yrfaoedd y Brifysgol ar DdyddGwener 17 Chwefror. Gallwch ddod o hyd i ni ar Lefel D o Lyfrgell Hugh Owen o 10:00-13:00.
Y stondin fydd y lle i fynd er mwyn dod o hyd i wybodaeth am sgiliau digidol a pha adnoddau sydd ar gael i’ch helpu i’w datblygu. Bydd Pencampwr Digidol Myfyrwyr yno i’ch cyfarch ac i ateb unrhyw gwestiynau sydd gennych ynglŷn â sgiliau digidol.
Mae rhaglen gyffrous o weithdai sgiliau, digwyddiadau cyflogwyr, gweminarau, cyfleoedd rhwydweithio a sesiynau adrannol hefyd yn cael eu cynnal fel rhan o’r Wŷl Yrfaoedd o 13-17 Chwefror 2023.
Ysgrifennwyd y blogbost hwn gan Jeffrey Clark, Pencampwr Digidol Myfyrwyr
Y teimlad yna o suddo…
Gyda’r arholiadau ar y trothwy mae’n siŵr eich bod i gyd yn teimlo’r pwysau. Weithiau gall y pwysau yna fod yn llethol ac arwain at gyfnodau o straen a phryder difrifol. Ddylai myfyrwyr ddim gorfod teimlo hynny! Yn y blog hwn, rwyf i am drafod ambell awgrym ac ap defnyddiol a allai eich helpu chi a myfyrwyr eraill i fynd i’r afael â straen yn ystod y cyfnod anodd hwn.
Taro cydbwysedd ⚖
Dyma enghraifft o sut y byddwn i’n trefnu diwrnod adolygu nodweddiadol ar Microsoft Teams
Mae’n gwbl normal teimlo lefelau isel neu ganolig o straen yn ystod eich cyfnod yn y brifysgol. Mae llawer yn digwydd! O ddarllen ac ysgrifennu traethodau i gymdeithasu gyda ffrindiau mae’n hawdd cael eich llethu o bryd i’w gilydd. Hyd yn oed os ydych chi’n wirioneddol fwynhau eich gradd, gall fod yn straen dod o hyd i amser i ymdopi â’ch modiwlau i gyd. Dyna pam rwy’n argymell rheoli eich amser a threfnu’r hyn rydych chi’n ei wneud yn hytrach na chael eich rheoli ganddo. Mae apiau fel Microsoft To-Dowedi bod yn hynod o ddefnyddiol i fi gan fy mod i’n brysur drwy’r amser. Ap rheoli tasgau am ddim yn y cwmwl yw Microsoft-To-Do sydd ar gael ar gyfer cyfrifiaduron pen desg, dyfeisiau Android ac Apple. Mae’r ap yn cynnwys rhai nodweddion defnyddiol ar gyfer sicrhau eich bod ar y trywydd iawn fel calendr y gellir ei deilwra a nodiadau atgoffa y gallwch eu trefnu yn ôl eich dewis. Mae Microsoft Teams hefyd yn cynnwys calendr y gellir ei deilwra sy’n ddefnyddiol i drefnu cyfarfodydd yn ogystal â sicrhau eich bod yn cadw’n gyfredol gyda’ch tasgau prifysgol. Mae rheoli eich amser yn lleihau straen drwy leihau pethau na allwch eu rhagweld a rhoi’r gallu i chi weithio GYDA therfynau amser yn lle bod YN EU HERBYN.
Cyngor da arall ar gyfer lleihau straen arholiadau yw canolbwyntio ar un peth ar y tro. Wrth adolygu, talwch sylw i un modiwl y dydd yn unig, os gallwch chi. Mae hyn yn ei gwneud yn haws cofio gwybodaeth ar y modiwl rydych chi’n ei astudio fydd yn gwneud sefyll arholiad llawer yn haws. Os oes rhaid i chi astudio modiwlau niferus, cofiwch roi saib ystyrlon i’ch hun yn ystod eich astudiaethau. Mae seibiau’n bwysig wrth astudio am unrhyw gyfnod. Mae cynnwys seibiau yn eich amserlen yn allweddol ar gyfer lleihau straen ac osgoi ‘llosgi allan’, y byddwn yn trafod hyn yn fanylach yn nes ymlaen yn y post hwn.
Wrth i dymor yr arholiadau agosáu, rydym wedi paratoi ambell gasgliad ar Linkedin Learning i’ch helpu i gael gwared ar y straen arholiadau, ac i’ch helpu i adolygu’n fwy effeithiol.
Gall tymor yr arholiadau fod yn gyfnod heriol i fyfyrwyr. Mae’r casgliad hwn yn cynnig rhai strategaethau a chyngor er mwyn ichi allu rheoli eich straen adeg yr arholiadau.
Rydym yn prysur agosáu at ddiwedd semester 1 ac mae hynny hefyd yn nodi hanner ffordd amser y Pencampwyr Digidol Myfyrwyr gyda ni eleni. Rydym yn dal i fyny heddiw gyda Laurie Stevenson a Jeffrey Clark i glywed am eu profiadau yn y rôl y semester hwn, i gael blas o’r adnoddau gwych y maent wedi’u cynhyrchu ac i ddysgu beth maent yn gobeithio ei gyflawni yn y flwyddyn newydd.
Yn gyntaf, gallwch chi esbonio beth yw Pencampwr Digidol Myfyrwyr?
Jeffrey: Mae Pencampwr Digidol Myfyrwyr yn rhywun sy’n gallu helpu eraill gyda’u dysgu digidol a chyda datblygu eu galluoedd digidol.
Laurie: Mae’n rhywun sy’n dod â’u profiadau eu hunain fel myfyriwr i hyrwyddo a chynorthwyo eraill gyda’r sgiliau a’r wybodaeth sydd eu hangen ar-lein.
Beth ydych chi wedi ei fwynhau fwyaf am eich rôl?
Laurie: Y gallu i fynegi fy hun yn greadigol a dysgu sgiliau newydd, tra hefyd yn helpu myfyrwyr eraill.
Beth yn eich barn chi yw eich cyflawniad mwyaf y semester hwn?
Jeffrey: Fy llwyddiant mwyaf y semester hwn oedd creu blogbyst o ansawdd uchel sydd wedi ennill cryn dipyn o sylw.
Laurie: Creu fy arddangosfa a llyfrnodau deg awgrym mwyaf poblogaidd y Llyfrgell a Gwasanaethau Gwybodaeth (gweler y blogpost admdano) a fydd, yn fy marn i, yn adnodd buddiol i fyfyrwyr nawr ac am flynyddoedd i ddod.
Arddangosfa Laurie yn Llyfrgell Hugh Owen
Llyfrnod Laurie yn cynnwys awrgrymiadau i fyfyrwyr
Pa sgiliau newydd ydych chi wedi eu dysgu o’r rôl hon?
Laurie: Rwyf wedi dysgu llawer, gan gynnwys creu cynnwys ar gyfer y cyfryngau, sgiliau dylunio graffeg a sgiliau cyfathrebu.
Jeffrey: Rwyf wedi datblygu fy sgiliau cyfathrebu, sgiliau trefnu, dulliau ymchwil, a gwirio ffeithiau drwy’r rôl hon.
Beth ydych chi’n gobeithio ei gyflawni y semester nesaf?
Jeffrey: Rwy’n gobeithio cyrraedd mwy o fyfyrwyr gyda fy mlogbyst er mwyn i mi allu helpu cymaint o fyfyrwyr â phosib.
Laurie: Rwy’n gobeithio parhau i gael yr ymdeimlad o gyflawniad a mwynhad yn y rôl, yn ogystal â dysgu mwy am sut y gall galluoedd digidol helpu myfyrwyr yn y brifysgol.
Diolch yn fawr i Laurie a Jeffrey am eu gwaith caled y semester hwn, ac edrychwn ymlaen at ddysgu rhagor ganddynt yn y flwyddyn newydd!
Yn y blogpost hyn, mae Jeffrey Clark, un o Bencampwr Digidol Myfyrwyr ein tîm, yn darparu ei adolygiad o LinkedIn Learning
LinkedIn Learning: Cyflwyniad
Ym Mhrifysgol Aberystwyth mae digonedd o lyfrau a deunyddiau dysgu i gael eich dannedd ynddyn nhw. Ond beth am pan fyddwch chi yn rhywle arall? Neu os ydych chi am archwilio pynciau eraill sy’n denu eich sylw ond dydych chi ddim yn gwybod ble i ddechrau? Sefydlwyd LinkedIn Learningyn 1995 fel Lynda.com, ac mae’n llwyfan dysgu ar-lein gyda miloedd o gyrsiau i ddewis o’u plith. Mae’r cyrsiau wedi’u cynllunio gan weithwyr diwydiant proffesiynol ac arbenigwyr credadwy mewn meysydd yn amrywio o astudiaethau busnes i lesiant personol. Er bod angen talu am danysgrifiad ar gyfer defnyddio’r gwasanaeth fel arfer, mae myfyrwyr a staff Prifysgol Aberystwyth yn gallu mwynhau LinkedIn Learning am ddim ar unrhyw ddyfais!
Gall cychwyn yn y brifysgol fod yn brofiad heriol, a gall ceisio deall yr agweddau TG ar fywyd prifysgol fod yn ddryslyd. Felly, rydym wedi creu casgliad o awgrymiadau a fideos defnyddiol fel y gallwn ateb unrhyw gwestiynau sydd gennych am ein gwasanaethau TG a llyfrgell ym Mhrifysgol Aberystwyth.
Awgrym 1: Ble mae popeth yn Llyfrgell Hugh Owen? Gwyliwch y daith rithiol hon o’r llyfrgell:
Awgrym 2: Pa adeiladau ar y campws sydd ag argraffwyr i fyfyrwyr? Dyma leoliad pob argraffydd ar y campws.
Awgrym 3: Sut mae argraffu ar un o argraffwyr y Brifysgol? Gwyliwch y fideo byr hwn:
Awgrym 4: Sut mae ychwanegu arian at fy Ngherdyn Aber? Mewngofnodwch i’ch cyfrif yma i ychwanegu arian at eich Cerdyn Aber.
