Twyll Ar-lein: Adnabod E-byst a Negeseuon Testun Twyllodrus

Blogbost gan Jeffrey Clark (Pencampwr Digidol Myfyrwyr)

Mae’r rhyngrwyd yn lle gwych i gysylltu â ffrindiau, gweithio ar brosiectau, a gwneud arian hyd yn oed. Fodd bynnag, mae rhai pobl yn defnyddio’r rhyngrwyd i geisio cymryd eich arian CHI! Yn anffodus, mae dulliau twyllo’n dod yn fwyfwy datblygedig ond peidiwch â phoeni, rydw i yma i helpu! Yn y blogbost hwn byddwn yn edrych ar e-byst twyll, beth ydyn nhw, sut i’w hadnabod a beth i’w wneud pan fyddwch chi’n eu derbyn.

Gwnewch yn siŵr eich bod yn darllen tudalen Prifysgol Aberystwyth ar e-byst sbam cyn darllen y blogbost hwn.

Beth yw e-bost gwe-rwydo?

E-bost sydd wedi ei gynllunio i geisio cael eich data personol sensitif yw e-bost gwe-rwydo. Gallai’r data fod ar ffurf eich cyfeiriad, gwybodaeth cerdyn credyd, neu eich manylion banc hyd yn oed! Mae e-byst gwe-rwydo fel arfer yn cael eu gwneud i edrych fel e-byst busnes cyfreithlon fel yr enghraifft isod.

Screenshot of a Phishing Email from TustedBank — *Delwedd o Wikimedia Commons*

Mae’n hawdd gweld sut y gallai rhywun gael ei dwyllo gan e-bost gwe-rwydo fel hwn. Yn gyntaf, mae’r e-bost yn rhoi gwybod i’r sawl y mae’n ei dargedu y gallai ei gyfrif banc fod wedi’i beryglu, sy’n annog y darllenwr i weithredu ar frys. Yn ail, does dim byd yn amheus am y cyswllt ar yr olwg gyntaf. Felly sut y gallwch chi ddweud y gwahaniaeth rhwng e-bost busnes cyfreithlon ac e-bost gwe-rwydo?

Defnyddio Primo yn Effeithiol 📚

20 Chwefror 202320 Chwefror 2023 WordPress User [jec68] Llythrennedd gwybodaeth, data a chyfryngau, Myfyrwyr, Pencampwyr Digidol Myfyrwyr Leave a comment

Blog-bost gan Jeffrey Clark (Pencampwr Digidol Myfyrwyr)

Cyflwyniad i Primo

Gall fod yn anodd mynd i unrhyw lyfrgell a dod o hyd i’r hyn rydych chi’n chwilio amdano. Mae’r rhan fwyaf o lyfrgelloedd yn cynnwys cannoedd o lyfrau, ac mae llyfrgell Hugh Owen yn cynnwys MILOEDD o lyfrau. Os ydych chi eisiau dod o hyd i’r hyn rydych chi’n chwilio amdano gyda manylder clinigol, rwy’n argymell eich bod yn rhoi cynnig ar Primo. Catalog llyfrgell digidol a ddefnyddir gan Brifysgol Aberystwyth yw Primo. Mae’n gronfa ddata enfawr sy’n fodd i fyfyrwyr chwilio am lyfrau i’w benthyg gan y Brifysgol, gwneud rhestrau o lyfrau i gofio amdanynt, a manteisio ar fersiynau ar-lein o ddeunyddiau darllen. Mae’n cynnwys llond lle o nodweddion sydd wedi gwneud fy amser yn Aberystwyth yn llawer rhwyddach. Er y gellid ei ystyried fel ‘chwiliad Google ar gyfer y llyfrgell’, mae’n llawer mwy na hynny. O arbed rhestrau o lyfrau i wneud cais am lyfrau sydd eu hangen arnaf ar gyfer fy nghwrs, mae Primo wedi arbed amser a’m helpu i osgoi aml i gur pen yn ystod fy astudiaethau. Yn y blog-bost hwn, fe fyddaf yn edrych ar Primo, yr hyn mae’n ei wneud a sut y gall fod yn fuddiol i chi.

Chwilio am eitem

Mae’n hawdd chwilio am eitem ar Primo. Teipiwch yr eitem rydych chi eisiau dod o hyd iddi a bydd Primo yn rhoi gwybod i chi lle bydd i’w gael yn llyfrgell Hugh Owen neu os yw ar gael ar-lein (mae copïau papur a chopïau ar-lein o rai eitemau). Mae nodwedd chwilio primo wedi ei gosod ar ‘pob eitem’ yn ddiofyn, a gall hynny amharu ar eich canlyniadau i raddau os cynigir gormod o opsiynau.

Ar waelod y bar chwilio, mae tair cwymplen sy’n cynnwys opsiynau i’ch helpu i ddod o hyd i’r UNION eitem rydych chi’n chwilio amdani. Er enghraifft, beth am ddweud fy mod i eisiau chwilio am lyfrau gan John Steinbeck yn unig. O waelod y bar chwilio, fe fyddwn i’n dewis ‘Llyfrau’, yna ‘gyda fy union ymadrodd’, gan ddewis ‘fel awdur/crëwr’ ac yn olaf chwilio am ‘John Steinbeck’

Screenshot of Primo showing how to insert text in the search bar and the different filters

Syniadau ac Awgrymiadau Microsoft Word 💡

13 Chwefror 202313 Chwefror 2023 WordPress User [jec68] Hyfedredd a chynhyrchiant digidol, LinkedIn Learning, Myfyrwyr, Pencampwyr Digidol Myfyrwyr Leave a comment

Blog-bost gan Jeffrey Clark (Pencampwr Digidol Myfyrwyr)

Gwneud pethau’n haws

Mae’n bosib mai Microsoft Word yw’r rhaglen gyfrifiaduron fwyaf adnabyddus ym maes academia. Mae bron bob cwrs y gallwch ei ddilyn ym Mhrifysgol Aberystwyth yn defnyddio Microsoft Word i ryw raddau, gyda rhai cyrsiau yn gofyn i chi wneud mwy na dim ond teipio traethawd. Yn y blog-bost hwn, byddaf yn rhannu ambell dric defnyddiol yn Microsoft Word sydd wedi fy helpu yn ystod fy astudiaethau.

Awgrym 1: Bysellau hwylus

Mae bysellau hwylus yn gyfuniad o fysellau rydych chi’n eu pwyso er mwyn cyflawni swyddogaeth. Er enghraifft, mae pwyso control (ctrl) a C ar yr un pryd ar ôl amlygu testun yn copïo’r testun hwnnw i’ch clipfwrdd. Yn lle clicio’r botwm dde a sgrolio i lawr y gwymplen i Gludo, gallwch bwyso ctrl + V i ludo’r testun.

Gellir defnyddio’r allwedd ALT ar gyfer bysellau hwylus hefyd. Yn benodol, defnyddir yr allwedd ALT ar gyfer bysellau hwylus sy’n berthnasol i’r bar tasgau uchaf. Trwy ddal ALT i lawr am ychydig eiliadau, bydd yr allweddi ar gyfer pob bysell hwylus yn ymddangos. Er enghraifft, ar fy mysellfwrdd i, bydd pwyso ALT + 2 yn cadw fy nogfen.

Yn y llun isod mae tab Cartref (Home) ein bar tasgau ar agor.

Ond os pwyswn ni ALT+S i fynd i’r tab Cyfeiriadau (References)…

Cawn gyfres hollol newydd o orchmynion bysellfwrdd ALT i’w defnyddio!

Trwy ddal ALT i lawr gyda thab gwahanol ar agor gallwn weld pa fysellau hwylus sydd ar gael ar gyfer pob tab ar y bar tasgau. Os byddwch yn anghofio beth mae bysellau hwylus ALT yn ei wneud, daliwch ALT i lawr er mwyn eich atgoffa.

Dysgwch mwy am eich Sgiliau Digidol yn yr Wŷl Yrfaoedd!

3 Chwefror 20233 Chwefror 2023 WordPress User [jec68] Myfyrwyr, Pencampwyr Digidol Myfyrwyr Leave a comment

Postiad Blog gan Jeffrey Clark (Pencampwr Digidol Myfyrwyr)

CareerFest Banner. 13-17 February online and in-person.

A oes gennych chi ddiddordeb mewn dysgu mwy am sgiliau digidol a sut y gall eu datblygu gefnogi eich dysgu, eich cyflogadwyedd, a’ch hyder cyffredinol gyda thechnoleg? Os felly, dewch draw at ein stondin Sgiliau Digidol a fydd yn rhedeg fel rhan o Wŷl Yrfaoedd y Brifysgol ar Ddydd Gwener 17 Chwefror. Gallwch ddod o hyd i ni ar Lefel D o Lyfrgell Hugh Owen o 10:00-13:00.

Y stondin fydd y lle i fynd er mwyn dod o hyd i wybodaeth am sgiliau digidol a pha adnoddau sydd ar gael i’ch helpu i’w datblygu. Bydd Pencampwr Digidol Myfyrwyr yno i’ch cyfarch ac i ateb unrhyw gwestiynau sydd gennych ynglŷn â sgiliau digidol.

Mae rhaglen gyffrous o weithdai sgiliau, digwyddiadau cyflogwyr, gweminarau, cyfleoedd rhwydweithio a sesiynau adrannol hefyd yn cael eu cynnal fel rhan o’r Wŷl Yrfaoedd o 13-17 Chwefror 2023.

Gobeithio y gwelwn ni chi yno!

Curo Straen Arholiadau gyda Thechnoleg 💻

5 Ionawr 202316 Chwefror 2023 WordPress User [jec68] Dysgu a datblygu digidol, Hunaniaeth a Lles Digidol, Myfyrwyr, Pencampwyr Digidol Myfyrwyr Leave a comment

Ysgrifennwyd y blogbost hwn gan Jeffrey Clark, Pencampwr Digidol Myfyrwyr

Y teimlad yna o suddo…

Gyda’r arholiadau ar y trothwy mae’n siŵr eich bod i gyd yn teimlo’r pwysau. Weithiau gall y pwysau yna fod yn llethol ac arwain at gyfnodau o straen a phryder difrifol. Ddylai myfyrwyr ddim gorfod teimlo hynny! Yn y blog hwn, rwyf i am drafod ambell awgrym ac ap defnyddiol a allai eich helpu chi a myfyrwyr eraill i fynd i’r afael â straen yn ystod y cyfnod anodd hwn.

Taro cydbwysedd ⚖

**Dyma enghraifft o sut y byddwn i’n trefnu diwrnod adolygu nodweddiadol ar Microsoft Teams**

Mae’n gwbl normal teimlo lefelau isel neu ganolig o straen yn ystod eich cyfnod yn y brifysgol. Mae llawer yn digwydd! O ddarllen ac ysgrifennu traethodau i gymdeithasu gyda ffrindiau mae’n hawdd cael eich llethu o bryd i’w gilydd. Hyd yn oed os ydych chi’n wirioneddol fwynhau eich gradd, gall fod yn straen dod o hyd i amser i ymdopi â’ch modiwlau i gyd. Dyna pam rwy’n argymell rheoli eich amser a threfnu’r hyn rydych chi’n ei wneud yn hytrach na chael eich rheoli ganddo. Mae apiau fel Microsoft To-Do wedi bod yn hynod o ddefnyddiol i fi gan fy mod i’n brysur drwy’r amser. Ap rheoli tasgau am ddim yn y cwmwl yw Microsoft-To-Do sydd ar gael ar gyfer cyfrifiaduron pen desg, dyfeisiau Android ac Apple. Mae’r ap yn cynnwys rhai nodweddion defnyddiol ar gyfer sicrhau eich bod ar y trywydd iawn fel calendr y gellir ei deilwra a nodiadau atgoffa y gallwch eu trefnu yn ôl eich dewis. Mae Microsoft Teams hefyd yn cynnwys calendr y gellir ei deilwra sy’n ddefnyddiol i drefnu cyfarfodydd yn ogystal â sicrhau eich bod yn cadw’n gyfredol gyda’ch tasgau prifysgol. Mae rheoli eich amser yn lleihau straen drwy leihau pethau na allwch eu rhagweld a rhoi’r gallu i chi weithio GYDA therfynau amser yn lle bod YN EU HERBYN.

Cyngor da arall ar gyfer lleihau straen arholiadau yw canolbwyntio ar un peth ar y tro. Wrth adolygu, talwch sylw i un modiwl y dydd yn unig, os gallwch chi. Mae hyn yn ei gwneud yn haws cofio gwybodaeth ar y modiwl rydych chi’n ei astudio fydd yn gwneud sefyll arholiad llawer yn haws. Os oes rhaid i chi astudio modiwlau niferus, cofiwch roi saib ystyrlon i’ch hun yn ystod eich astudiaethau. Mae seibiau’n bwysig wrth astudio am unrhyw gyfnod. Mae cynnwys seibiau yn eich amserlen yn allweddol ar gyfer lleihau straen ac osgoi ‘llosgi allan’, y byddwn yn trafod hyn yn fanylach yn nes ymlaen yn y post hwn.

Fy adolygiad o LinkedIn Learning

12 Rhagfyr 202212 Rhagfyr 2022 WordPress User [jec68] LinkedIn Learning, Pencampwyr Digidol Myfyrwyr Leave a comment

Yn y blogpost hyn, mae Jeffrey Clark, un o Bencampwr Digidol Myfyrwyr ein tîm, yn darparu ei adolygiad o LinkedIn Learning

LinkedIn Learning: Cyflwyniad

Ym Mhrifysgol Aberystwyth mae digonedd o lyfrau a deunyddiau dysgu i gael eich dannedd ynddyn nhw. Ond beth am pan fyddwch chi yn rhywle arall? Neu os ydych chi am archwilio pynciau eraill sy’n denu eich sylw ond dydych chi ddim yn gwybod ble i ddechrau? Sefydlwyd LinkedIn Learning yn 1995 fel Lynda.com, ac mae’n llwyfan dysgu ar-lein gyda miloedd o gyrsiau i ddewis o’u plith. Mae’r cyrsiau wedi’u cynllunio gan weithwyr diwydiant proffesiynol ac arbenigwyr credadwy mewn meysydd yn amrywio o astudiaethau busnes i lesiant personol. Er bod angen talu am danysgrifiad ar gyfer defnyddio’r gwasanaeth fel arfer, mae myfyrwyr a staff Prifysgol Aberystwyth yn gallu mwynhau LinkedIn Learning am ddim ar unrhyw ddyfais!

Newyddion Ffug a Llên-ladrad: Atal y lledaeniad! Rhan 2 – Atal Llên-ladrad

7 Rhagfyr 20226 Rhagfyr 2022 WordPress User [jec68] Llythrennedd gwybodaeth, data a chyfryngau, Myfyrwyr, Pencampwyr Digidol Myfyrwyr Leave a comment

Peidiwch â chopïo!
Croeso i ran 2 o’n cyfres ar newyddion ffug a llên-ladrad. Y tro diwethaf fe fuon ni’n trafod byd camarweiniol newyddion ffug. Y tro hwn, byddwn ni’n ystyried sawl math o lên-ladrad, sut i osgoi llên-ladrad damweiniol, a ffyrdd o ymdopi â gweithredoedd llên-ladrad bwriadol.

Beth yw llên-ladrad?
Llên-ladrad yw’r weithred o gyflwyno gwaith rhywun arall fel pe bai’n eiddo i chi heb gydnabod awdur neu awduron gwreiddiol y gwaith. Mewn geiriau eraill, mae llên-ladrad yn ffurf ar ladrata ond yn lle dwyn eiddo personol, mae’n weithred o ddwyn syniad neu eiddo deallusol rhywun arall. Mae sawl ffordd o gyflawni llên-ladrad, llawer yn ddamweiniol ac eraill yn fwriadol. Yn ffodus, mae bron pob cwrs ym Mhrifysgol Aberystwyth yn astudio hanfodion uniondeb academaidd yn ogystal â’r cynllun cyfeirnodi priodol i’w ddefnyddio ar gyfer eich cwrs. Ceir mwy o wybodaeth am lên-ladrad drwy’r dudalen LibGuides ar lên-ladrad.

**LibGuide Ymwybyddiaeth ynglŷn â Chyfeirnodi a Llên-ladrad**

Newyddion Ffug a Llên-ladrad: Atal y lledaeniad! Rhan 1 – Trechu Newyddion Ffug

27 Hydref 202214 Rhagfyr 2022 WordPress User [jec68] Hunaniaeth a Lles Digidol, Pencampwyr Digidol Myfyrwyr Leave a comment

Post Blog gan Jeffrey Clark (Pencampwr Digidol Myfyrwyr)

Nithio’r grawn oddi wrth yr us
Gyda miliynau o wefannau ar gael i ddefnyddwyr y Rhyngrwyd, fe allai fod yn anodd dweud pa rai sy’n gyfreithlon. Am bob erthygl o ffynhonnell newyddion gyfreithlon, mae llawer mwy o erthyglau sy’n anghyfreithlon. Gall rhannu newyddion ffug niweidio eich enw da ar-lein, eich hygrededd, a’ch statws academaidd. Wrth astudio ym Mhrifysgol Aberystwyth, mae’n bwysig bod yn ymwybodol o erthyglau newyddion ffug yn ogystal â defnyddio erthyglau a ffynonellau cyfreithlon yn gywir. Bydd y blog hwn yn rhoi awgrymiadau defnyddiol i chi ar sut i gyflawni’r ddau nod a fydd yn gwneud eich taith academaidd ychydig yn haws.

Beth yw ‘newyddion ffug?’
Mae yna sawl diffiniad o newyddion ffug ond y diffiniad sy’n cael ei dderbyn yn fwyaf cyffredinol yw unrhyw stori newyddion sy’n ffug a/neu’n fwriadol gamarweiniol. Rhai o ddibenion newyddion ffug yw creu ymateb, gwthio naratif gwleidyddol, neu at ddibenion digrif. Mae’n hawdd cynhyrchu’r math hwn o newyddion ar y Rhyngrwyd gan y gall unrhyw un gyhoeddi unrhyw beth y maen nhw ei eisiau waeth beth fo’r gwirionedd neu beth fo’u cymwysterau. Mae hefyd yn dod yn fwyfwy anodd i’w ganfod gan ei bod hi’n hawdd cuddio gwefan fel ffynhonnell newyddion gyfreithlon ac mae’r cynnydd mewn technoleg yn ei gwneud hi’n haws gwneud mathau eraill o newyddion, megis adroddiadau byw, yn gyfreithlon, fel y byddwch yn ei ddysgu yn y blog hwn.

Cadw’n Ddiogel Ar-lein: Gwybodaeth Sylfaenol

5 Hydref 202214 Rhagfyr 2022 WordPress User [jec68] Hunaniaeth a Lles Digidol, Pencampwyr Digidol Myfyrwyr Leave a comment

Post Blog gan Jeffrey Clark (Pencampwr Digidol Myfyrwyr)

Peryglon y Rhyngrwyd

Does dim dwywaith nad yw’r Rhyngrwyd yn rhan o’n bywydau bob dydd. O’n swyddi i’r cyfryngau cymdeithasol, mae llawer ohonom wedi ein cysylltu â’r we mewn rhyw ffurf neu’i gilydd. Am ei fod mor gyffredin, mae’n hawdd ei ddefnyddio mewn ffordd hamddenol a diofal. Gall fod yn hawdd anghofio y gall ein cyswllt â’r Rhyngrwyd fod yn gwneud niwed i’n diogelwch ar-lein ac oddi ar-lein. Wrth i dechnoleg a defnydd o’r rhyngrwyd ddatblygu i’r fath raddau, daw’r peryglon i’ch diogelwch hefyd yn fwy soffistigedig. Bydd y blog-bost hwn yn edrych ar rai ffyrdd o gadw’n ddiogel ar-lein gartref neu ym Mhrifysgol Aberystwyth.