Fy adolygiad o LinkedIn Learning

Yn y blogpost hyn, mae Jeffrey Clark, un o Bencampwr Digidol Myfyrwyr ein tîm, yn darparu ei adolygiad o LinkedIn Learning

LinkedIn Learning: Cyflwyniad

Ym Mhrifysgol Aberystwyth mae digonedd o lyfrau a deunyddiau dysgu i gael eich dannedd ynddyn nhw. Ond beth am pan fyddwch chi yn rhywle arall? Neu os ydych chi am archwilio pynciau eraill sy’n denu eich sylw ond dydych chi ddim yn gwybod ble i ddechrau? Sefydlwyd LinkedIn Learning yn 1995 fel Lynda.com, ac mae’n llwyfan dysgu ar-lein gyda miloedd o gyrsiau i ddewis o’u plith. Mae’r cyrsiau wedi’u cynllunio gan weithwyr diwydiant proffesiynol ac arbenigwyr credadwy mewn meysydd yn amrywio o astudiaethau busnes i lesiant personol. Er bod angen talu am danysgrifiad ar gyfer defnyddio’r gwasanaeth fel arfer, mae myfyrwyr a staff Prifysgol Aberystwyth yn gallu mwynhau LinkedIn Learning am ddim ar unrhyw ddyfais!

Ymunwch â’n Her Dysgu’r Nadolig!

Mae ein Her Dysgu’r Nadolig yn dechrau yfory, Dydd Mercher 7 Rhagfyr! Rydym wedi casglu 12 cwrs byr, fideos, a chynnwys sain i chi weld a gwrando dros y 12 diwrnod nesaf o LinkedIn Learning. Mae’r cynnwys hyn yn amrywio o 2-8 munud a byddant yn eich helpu i ddatblygu amrywiaeth o sgiliau – o ddysgu sut i ddefnyddio byrlwybrau bysellfwrdd yn MS Teams i ddatblygu eich hunanhyder.

Sut mae ymuno â’r her?

Mae dwy ffordd i chi ymuno â’r her:

Gallwch naill ai ddilyn y dolenni o’r calendr isod bob dydd o’r her
Neu gallwch ddilyn ein Llwybr Dysgu Her Dysgu’r Nadolig (sydd hefyd yn ymddangos ar frig dudalen gartref LinkedIn Learning pan fyddwch chi wedi mewngofnodi).

Calendar-Her-Dysgur-Nadolig_Christmas-Learning-Challenge-Calendar-1-1 Lawrlwytho

Ac yn olaf, os nad ydych chi wedi actifadu eich cyfrif LinkedIn Learning eto, cofiwch wneud hynny cyn 6 Ionawr 2023 a byddwn yn eich cynnwys yn awtomatig mewn raffl lle bydd gennych gyfle i ennill un o dair taleb rhodd gwerth £20. Am unrhyw ymholiadau ynglŷn â’r her, e-bostiwch y Tîm Galluoedd Digidol (digi@aber.ac.uk), a gobeithiwn y byddwch yn mwynhau eich 12 diwrnod o ddysgu!

Mynediad am ddim i LinkedIn Learning

22 Tachwedd 202224 Ebrill 2023 WordPress User [sil12] LinkedIn Learning Leave a comment

Mae LinkedIn Learning, adnodd E-ddysgu a ddarperir gan drydydd parti, ar gael yn rhad ac am ddim i holl fyfyrwyr a staff Prifysgol Aberystwyth.

Beth yw LinkedIn Learning?

Mae gan y llwyfan dysgu ar-lein hwn lyfrgell ddigidol helaeth o gyrsiau a fideos byr dan arweiniad arbenigwyr; mae’r rhain yn amrywio o gyrsiau busnes i gynnwys creadigol a thechnolegol. Gallwch felly ei ddefnyddio i ddatblygu eich sgiliau proffesiynol, i ddysgu meddalwedd newydd, ac i archwilio meysydd eraill wrth i chi gynllunio ar gyfer datblygiad personol, academaidd a thwf eich gyrfa.

Dechrau arni

Mae LinkedIn Learning ar gael 24/7 o’ch cyfrifiadur neu ddyfais symudol. Ewch i LinkedIn Learning a mewngofnodwch gyda’ch enw defnyddiwr a’ch cyfrinair Prifysgol Aberystwyth. Cymerwch olwg ar ein cyfarwyddiadau mewngofnodi.

Mae ein Pencampwyr Digidol Myfyrwyr wedi bod yn brysur yn cynhyrchu nifer o gasgliadau i helpu myfyrwyr i ddod o hyd i gynnwys LinkedIn Learning sy’n gysylltiedig â phynciau amrywiol, gan gynnwys:

Gwybodaeth bellach

Os cewch unrhyw anawsterau wrth fewngofnodi i LinkedIn Learning, cysylltwch â Gwasanaethau Gwybodaeth (gg@aber.ac.uk). Ar gyfer unrhyw ymholiadau cyffredinol eraill, e-bostiwch digi@aber.ac.uk neu ymweld â’n tudalennau Cwestiynau Cyffredin LinkedIn Learning

LinkedIn Learning: Pa sgiliau newydd y gallech chi eu dysgu?

9 Tachwedd 20229 Tachwedd 2022 Laurie Stevenson [las60] LinkedIn Learning, Pencampwyr Digidol Myfyrwyr Leave a comment

Post blog gan Laurie Stevenson (Pencampwr Digidol Myfyrwyr)

Mae Linkedin Learning yn llwyfan dysgu ar-lein rhad ac am ddim gyda thros 16,000 o gyrsiau ar bopeth o ddatblygiad personol, dylunio, gweithgareddau creadigol, sgiliau astudio, cymorth technegol a llawer mwy! Edrychwch ar y cynnwys hwn o’n cyfrif Instagram @ISAberUni Gwasanaethau Gwybodaeth i gael rhai awgrymiadau a thriciau i’ch rhoi ar ben ffordd.

Cofrestrwch eich cyfrif erbyn 6 Ionawr 2023 er mwyn cael eich cynnwys mewn raffl lle bydd gennych gyfle i ennill un o dair taleb gwerth £20!

Cliciwch Darllen Mwy isod ar gyfer fersiwn testun o’r delweddau hyn.

Awgrymiadau Da a Thechnoleg i Gefnogi Myfyrwyr sy’n Byw’n Annibynnol

20 Hydref 20222 Tachwedd 2022 WordPress User [urv1] Hunaniaeth a Lles Digidol, LinkedIn Learning, Pencampwyr Digidol Myfyrwyr Leave a comment

Post Blog gan Urvashi Verma (Pencampwr Digidol Myfyrwyr)

Wrth i’r Wythnos Groeso ddod i ben yn ddiweddar, gobeithio bod pawb wedi ymgyfarwyddo â’u hamserlenni newydd. Mae hyn yn golygu newid arferion a ffordd o fyw i gyd-fynd ag amserlen y brifysgol. I fyfyriwr sy’n byw yn annibynnol am y tro cyntaf, gall y newidiadau hyn fod yn anoddach fyth. O reoli arian i fyw gyda phobl newydd, nid yw bob amser yn chwarae plant. Er enghraifft, pan ddechreuais i fyw yn annibynnol am y tro cyntaf, fe wnes i droi fy holl ddillad gwyn yn binc llachar!

Drwy’r post blog hwn, rydw i’n mynd i rannu gyda chi awgrymiadau defnyddiol o fy mhrofiadau fy hun, ac yn enwedig yr apiau a thechnolegau gwahanol sydd wedi fy helpu i deimlo’n fwy cyfforddus yn byw’n annibynnol.

Cael digon o gwsg

Gall sicrhau eich bod chi’n cael digon o gwsg tra hefyd yn jyglo eich bywyd rhwng dosbarthiadau, aseiniadau a gwaith beri straen mawr ar y dechrau a gall gymryd rhywfaint o amser i ddod i arfer â hyn. Ceisiwch gynnal cylch cysgu gyson drwy fynd i gysgu ar yr un amser bob nos.

Technoleg: Byddwn yn argymell ap am ddim o’r enw Sleep Cycle: Sleep Recorded. Bydd yr ap hwn yn eich helpu i gofnodi eich patrwm cysgu, a gallwch ei ddefnyddio i’ch deffro ar yr adeg gywir yn unig drwy ddefnyddio cloc larwm deallus.

Dewch i ymweld â’n stondin LinkedIn Learning dros yr Wythnos Groeso!

26 Medi 20223 Hydref 2022 Laurie Stevenson [las60] LinkedIn Learning, Pencampwyr Digidol Myfyrwyr Leave a comment

Post blog gan Laurie Stevenson (Pencampwr Digidol Myfyrwyr)

Mae LinkedIn Learning, sy’n blatfform dysgu ar-lein, ar gael am ddim i bob myfyriwr. Mae gan ein stondin wybodaeth am y platfform ac mae’n dangos enghreifftiau o’r math o fideos byr, cyrsiau a sgiliau y gallwch ddod o hyd iddynt yno.

Yn fwy na hynny, os cofrestrwch chi i LinkedIn Learning erbyn diwedd yr Wythnos Groeso, a gallwch wneud hynny ar-lein neu drwy ddefnyddio’r cod QR ar ein stondin, byddwch yn cael eich cynnwys mewn raffl lle bydd cyfle gennych ennill un o dair taleb gwerth £20!

Mae ein stondin wedi’i leoli ar lawr gwaelod Llyfrgell Hugh Owen (Lefel D) yn y cefn ger y grisiau.

Hyfforddiant i Staff Academaidd: Defnyddio LinkedIn Learning i Gefnogi eich Addysgu

13 Medi 202214 Rhagfyr 2022 Shân Saunders Hyfforddiant, LinkedIn Learning Leave a comment

Mae LinkedIn Learning yn llwyfan dysgu ar-lein sydd â llyfrgell ddigidol helaeth o gyrsiau a fideos byr dan arweiniad arbenigwyr. Byddwn yn cynnal sesiynau hyfforddi yn ystod mis Hydref 2022 a Ionawr 2023 ar gyfer staff academaidd sydd â diddordeb mewn defnyddio LinkedIn Learning i gefnogi eu haddysgu.

Bydd sesiynau ar gael yn Gymraeg a Saesneg ar y dyddiadau canlynol:

11 Hydref 2022 (11:00-12:00): Defnyddio LinkedIn Learning i Gefnogi eich Addysgu
13 Hydref 2022 (14:00-15:00): Using LinkedIn Learning to Support your Teaching
17 Ionawr 2023 (12:00-13:00): Using LinkedIn Learning to Support your Teaching
18 Ionawr 2023 (14:00-15:00): Defnyddio LinkedIn Learning i Gefnogi eich Addysgu

Gallwch dderbyn rhagor o wybodaeth a sicrhau eich lle drwy’r Wefan Hyfforddi Staff ac ar gyfer unrhyw ymholiad, cysylltwch â Sioned Llywelyn, Swyddog Galluoedd Digidol (digi@aber.ac.uk).

Hyfforddiant Curadur LinkedIn Learning ym mis Mehefin

17 Mai 20223 Hydref 2022 WordPress User [sil12] Hyfforddiant, LinkedIn Learning Leave a comment

Oes gennych chi ddiddordeb mewn dysgu mwy am fod yn guradur yn LinkedIn Learning? Gyda hawliau curadur gallwch lanlwytho a threfnu’ch cynnwys mewn fformat a fydd yn hawdd i’r gynulleidfa ei defnyddio ac yn ennyn ei diddordeb, yn ogystal â deall sut mae eich cynulleidfa yn defnyddio’ch cynnwys.

Bydd Simon Lee, Uwch Reolwr Llwyddiant Cwsmeriaid ar gyfer Addysg Uwch yn LinkedIn, yn cyflwyno dwy sesiwn hyfforddi i staff Prifysgol Aberystwyth ym mis Mehefin i ddangos sut i wneud y gorau o’r hawliau curadur yn LinkedIn Learning. Mae’r hyfforddiant hwn wedi’i rannu’n ddwy ran, ac mae croeso i staff fynychu’r naill sesiwn neu’r llall ond fe’u hanogir i fynychu’r ddwy.

Dydd Mawrth 14 Mehefin (14:30-15:30) – LinkedIn Learning: Content and Curation (Part 1)*
Dydd Mawrth 21 Mehefin (10:00-11:00) – LinkedIn Learning: Content and Curation – Learning in discussion (Part 2)*

*Noder y bydd y ddwy sesiwn yn cael eu cyflwyno yn Saesneg.

Gallwch dderbyn rhagor o wybodaeth a sicrhau eich lle drwy’r Wefan Hyfforddi Staff ac ar gyfer unrhyw ymholiad, cysylltwch â Sioned Llywelyn, Swyddog Galluoedd Digidol (digi@aber.ac.uk).

Diwrnod y Ddaear 2022: Buddsoddi yn ein Planed

22 Ebrill 202231 Mawrth 2022 WordPress User [sil12] LinkedIn Learning Leave a comment

Heddiw rydym yn dathlu Diwrnod y Ddaear, a thema eleni yw #BuddsoddiYnEinPlaned.

Gallwn ni fel unigolion fuddsoddi ein hamser a’n hymdrech i ddysgu mwy am gynaliadwyedd a’r newidiadau y gallwn ni eu gwneud i’n harferion dyddiol er mwyn byw bywyd mwy cynaliadwy. Cofiwch, gall newidiadau bach wneud gwahaniaeth mawr i’n planed.

Dyma ddetholiad o fideos a chyrsiau o LinkedIn Learning sy’n esbonio mwy am gynaliadwyedd a’r galw cynyddol am sgiliau gwyrdd.

Understanding the basics of sustainability (4m 20e)
Calculating your carbon footprint (2m 48e)
Explore the lifecycle of things (3m 3e)
Sustainability Strategies (56m)
Navigating Environmental Sustainability: A Guide for Leaders (16m 57e)
What are green skills (2m 43e)
Closing the green skills gap to power a greener economy (23m)
Smart Cities: Solving urban problems using technology (14m)

Rydym hefyd wedi creu ymgyrch ar LinkedIn Learning ar gyfer Diwrnod y Ddaear, a gallwch gael mynediad iddo o’r prif ddangosfwrdd yn LinkedIn Learning.

Cyrsiau LinkedIn Learning poblogaidd ym Mhrifysgol Aberystwyth

15 Mawrth 202215 Mawrth 2022 WordPress User [ujh] Hyfedredd a chynhyrchiant digidol, LinkedIn Learning Leave a comment

Ymddengys mai cynhyrchiant yw trefn y dydd, a chyrsiau LinkedIn Learning sy’n gysylltiedig â Microsoft 365 yw’r rhai yr edrychwyd arnynt fwyaf gan staff a myfyrwyr yn ddiweddar. Rydym i gyd yn gyfarwydd â Microsoft 365 ond faint ohonom sy’n manteisio’n llawn ar yr offer a’r nodweddion y mae’n eu cynnig?

Enillodd MS Teams y parch sy’n ddyledus iddo yn ystod y pandemig ar draws sectorau addysg a’r byd gwaith gyda 91% o gwmnïau Fortune 100 yn ei ddefnyddio yn 2019. Y tu hwnt i gyfarfod rhithiol, mae MS Teams yn cynorthwyo cydweithredu drwy sgyrsiau, rhannu ffeiliau, rheoli tasgau, cynllunio prosiectau, llunio rhestrau a mwy. Yn ddiweddar, bûm mewn cyfarfod MS Teams a oedd yn gwneud defnydd rhagorol o fyrddau gwyn rhithiol, nodwedd nad oeddwn yn ymwybodol ohoni tan hynny. Gall penderfynu pa nodwedd i’w defnyddio a phryd fod yn anodd felly bydd dysgu mwy am bob un yn eich helpu i wneud y penderfyniad hwnnw.

Os hoffech chi ddysgu mwy am offer Microsoft 365 dyma’r pum prif gwrs LinkedIn Learning yr edrychwyd arnynt yn Aberystwyth yn ystod y 30 diwrnod diwethaf. I actifadu eich cyfrif LinkedIn Learning, sy’n rhad ac am ddim i holl staff a myfyrwyr PA, edrychwch ar ein tudalennau ‘cychwyn arni gyda LinkedIn Learning’.

Microsoft Teams Essential Training (2h 21m)
Learning Office 365 (57m)
Microsoft Planner Essential Training (1h 27m)
Outlook Essential Training (2h 13m)
Modern Project Management in Microsoft 365 (1h 39m)

Sgiliau Digidol

Categori: LinkedIn Learning