Mae ychydig dros wythnos o hyd nes i’n tanysgrifiad i LinkedIn Learning ddod i ben. Os ydych wedi cwblhau unrhyw gyrsiau hyfforddi ar LinkedIn Learning ac eisiau cadw’ch tystysgrif(au) cwblhau, mae gennych ychydig dros wythnos i’w lawrlwytho. Gallwch weld sut i wneud hyn drwy wylio’r fideo isod.
Heddiw rydyn ni’n dathlu Diwrnod Rhyngwladol y Menywod. Thema 2025 yw #Cyflymu’rGweithredu ac mae’n neges bwysig sy’n canolbwyntio ar gyflymu cyflawniad cydraddoldeb rhwng y rhywiau. Ar hyn o bryd rhagwelir na fyddwn yn cyflawni cydraddoldeb rhwng y rhywiau tan 2158 ac felly mae Diwrnod Rhyngwladol y Menywod eleni yn galw arnom i gydweithio i greu byd mwy cynhwysol. Gallwch edrych ar yr adnoddau isod sydd wedi’u hysbrydoli gan Ddiwrnod Rhyngwladol y Menywod. Mae’r rhain yn cynnwys detholiad o fideos a chyrsiau LinkedIn Learning, nodwch y bydd tanysgrifiad y Brifysgol i LinkedIn Learning yn dod i ben ar 28 Mawrth 2025. Os ydych wedi cwblhau unrhyw gyrsiau hyfforddi ar LinkedIn Learning ac eisiau cadw’ch tystysgrif(au) cwblhau, edrychwch ar ein blogbost blaenorol i ddysgu mwy am hyn.
Os ydych chi’n cael trafferth gweld fideos neu gyrsiau LinkedIn Learning, cysylltwch â’r Tîm Sgiliau Digidol (digi@aber.ac.uk).
Bydd tanysgrifiad y Brifysgol i LinkedIn Learning yn dod i ben ym mis Mawrth 2025. Os ydych wedi cwblhau unrhyw gyrsiau hyfforddi ar LinkedIn Learning ac eisiau cadw’ch tystysgrif(au) cwblhau, mae gennych ychydig dros fis i’w lawrlwytho. Gallwch weld sut i wneud hyn drwy wylio’r fideo isod.
Os nad ydych wedi defnyddio LinkedIn Learning o’r blaen, mae amser o hyd i chi fewngofnodi a defnyddio’r adnodd hwn i ddatblygu eich sgiliau digidol! Ewch i’n tudalen we am ragor o gyfarwyddyd.
Wrth i ni nesáu at dymor yr arholiadau, gweler isod gasgliad o adnoddau i’ch helpu i baratoi ar gyfer yr arholiadau. Mae’r adnoddau’n cynnwys awgrymiadau o ran trefnu a sgiliau astudio yn ogystal ag awgrymiadau i gefnogi eich lles digidol yn ystod cyfnodau o straen.
Edrychwch hefyd ar y Cwestiynau a Holir yn Aml am yr arholiadau, ac os oes gennych unrhyw gwestiynau ynghylch unrhyw un o’r adnoddau sydd wedi’u rhestri uchod, cysylltwch â’r Tîm Sgiliau Digidol (digi@aber.ac.uk).
Yn rhan o gynefino estynedig Prifysgol Aberystwyth, wythnos nesaf yw wythnos SgiliauAber! Cynhelir nifer o ddigwyddiadau, gallwch weld yr holl ddigwyddiadau ar safle SgiliauAber ond bydd y tîm Sgiliau Digidol yn rhan o dair sesiwn! Sef:
Gallwch archebu pob sesiwn trwy safle SgiliauAber, gallwch hefyd weld yr holl recordiadau ac adnoddau o Ŵyl Sgiliau Digidol 2023.
Blogbost gan Shân Saunders (Cydlynydd Datblygu Sgiliau a Galluoedd Digidol)
Mae DA a DA cynhyrchiol wedi ymwreiddio fwyfwy i’n bywydau p’un ai trwy ddefnydd personol neu broffesiynol. Mae gan LinkedIn Learning amrywiaeth o wybodaeth i’ch helpu i ddysgu mwy am DA gan gynnwys sut i ddefnyddio DA yn gyfrifol. Gweler isod am y 10 cwrs gorau sydd ar gael ar DA a DA cynhyrchiol ar LinkedIn Learning. Noder nad yw LinkedIn Learning ar hyn o bryd yn cefnogi cyrsiau yn Gymraeg.
Mae LinkedIn Learning yn adnodd rhad ac am ddim sydd ar gael i holl fyfyrwyr a staff Prifysgol Aberystwyth. Os oes angen cymorth arnoch i gael mynediad i’ch cyfrif LinkedIn, edrychwch ar ein tudalen Cwestiynau Cyffredin neu gallwch anfon e-bost atom yn digi@aber.ac.uk.
Yn y farchnad swyddi gystadleuol sydd ohoni, mae’n bwysig i fyfyrwyr prifysgol sefyll ar allan. Un ffordd o wneud hyn yw drwy ennill tystysgrifau ar gyfer cyrsiau a gwblhawyd ar eich cyfrif LinkedIn Learning Prifysgol Aberystwyth a’u hychwanegu at eich proffil LinkedIn personol.
Ond pam mae hyn yn bwysig? Mae ychwanegu tystysgrifau yn cynyddu eich siawns o gael eich canfod gan recriwtwyr sy’n chwilio am sgiliau penodol, gan ddangos eich ymrwymiad i ddysgu parhaus a datblygu gyrfa, gan eich gwneud yn ymgeisydd mwy apelgar.
Gwyliwch y fideo isod i ddysgu sut i ychwanegu tystysgrifau LinkedIn Learning i’ch proffil LinkedIn personol ⬇
Dysgwch fwy am LinkedIn Learning o’r sesiwn hon yn yr Ŵyl Sgiliau Digidol ’23 (Sesiwn Gymraeg; Sesiwn Saesneg)
Os oes gennych unrhyw gwestiynau am ychwanegu tystysgrifau LinkedIn Learning i’ch proffil LinkedIn personol, cysylltwch â’r Tîm Sgiliau Digidol (digi@aber.ac.uk) neu edrychwch ar y dudalen Tystysgrif LinkedIn Learning swyddogol.
Blogbost gan Sioned Llywelyn (Arweinydd Sgiliau Digidol)
Mae LinkedIn Learning yn cynnig llyfrgell helaeth o gyrsiau a fideos ar-lein, ac maent ar gael yn rhad ac am ddim i holl fyfyrwyr a staff y Brifysgol (dysgwch sut i gychwyn arni). Ond, oeddech chi’n gwybod bod modd gwylio cyrsiau LinkedIn Learning mewn amrywiaeth o ieithoedd – nid dim ond yn Saesneg?
Yn anffodus, nid yw Cymraeg ar rhestr eto (rydyn ni’n croesi’n bysedd! 🤞), ond mae’r rhan fwyaf o’r cyrsiau ar gael yn yr 13 iaith isod, a allai hwyluso pethau i’r rhai nad Saesneg yw eu mamiaith.
Gwyliwch y fideo isod neu dilynwch y camau syml hyn i ddysgu sut i chwilio am gynnwys LinkedIn Learning yn eich dewis iaith:
Os oes arnoch angen unrhyw gymorth wrth ddefnyddio LinkedIn Learning, e-bostiwch y Tîm Sgiliau Digidol (digi@aber.ac.uk), neu mae croeso i chi ddod i un o’n sesiynau galw heibio wythnosol yn yr Hwb Sgiliau, Lefel D, Llyfrgell Hugh Owen.
Blogbost gan Shân Saunders (Cydlynydd Datblygu Sgiliau a Galluoedd Digidol)
Gallwch ddefnyddio LinkedIn Learning i ddatblygu sgiliau amrywiol megis dysgu codio, gwella eich sgiliau Microsoft neu hyd yn oed ddysgu rhywbeth hollol newydd. Gallwch nawr ddysgu wrth fynd o le i le gydag ap symudol LinkedIn Learning. Mae hyn yn golygu y gallwch ddysgu ar eich ffôn lle bynnag a phryd bynnag y dymunwch. Efallai fod gennych egwyl am awr ar y tro ac am ddefnyddio’r amser hwnnw i ddysgu sgil newydd heb lwytho eich cyfrifiadur. Trwy ddefnyddio ap LinkedIn Learning gallwch barhau â’ch cyrsiau ar eich ffôn a chael cynnwys hawdd a hygyrch.
Mae LinkedIn Learning ar eich ffôn hefyd yn rhoi’r opsiwn i chi newid eich cyrsiau i ddefnyddio’r nodwedd sain-yn-unig ac felly os ydych chi’n hoff o bodlediadau, gallwch nawr wrando ar eich cyrsiau LinkedIn Learning wrth gerdded neu ymarfer corff. Mae’r ap hefyd yn rhoi cyfle i chi lawrlwytho cynnwys eich cwrs i’w ddefnyddio oddi ar lein. Nawr, os ydych chi’n teithio’n bell ar drên gallwch lawrlwytho eich cwrs a gwylio wrth i chi deithio. Os ydych chi’n gyrru, gallwch lawrlwytho’ch cynnwys a throi at y nodwedd sain-yn-unig i wrando a dysgu wrth yrru!
Sut ydw i’n defnyddio LinkedIn Learning ar fy ffôn?
Rhagor o gwestiynau?
Am fwy o wybodaeth darllenwch ein blogiau eraill LinkedIn Learning. Os oes gennych unrhyw gwestiynau neu yn cael trafferth cysylltu ag ap LinkedIn Learning, cysylltwch â’r Tîm Sgiliau Digidol (digi@aber.ac.uk).
Blogbost gan Joel Williams (Pencampwr Digidol Myfyrwyr)
Croeso i Her Gwyliau’r Gaeaf eleni, sydd wedi’i greu gan y Pencampwyr Digidol Myfyrwyr. Rydym wedi creu nawr her i chi eu cwblhau tra fyddwch chi’n cymryd seibiant o astudio dros wyliau’r Nadolig.
Rydym hefyd wedi creu casgliad LinkedIn Learning y mae croeso i chi ei ddefnyddio ar gyfer diwrnodau 3, 5 and 7 o’r her. Neu, mae croeso mawr i chi ddewis cyrsiau eraill o LinkedIn Learning.
