Gyda chyfnod yr arholiadau ar fin dechrau, gall adolygu a bod yn gynhyrchiol fod yn anodd, a gall fod yn demtasiwn i roi’r gwaith o’r neilltu a sgrolio trwy’r cyfryngau cymdeithasol. Ond gyda’r ap Flora, gall hyn fod yn llawer haws! Mae Flora yn ap cynhyrchiant rhyngweithiol lle gallwch storio rhestrau o bethau i’w gwneud a meithrin arferion cadarnhaol, ac mae ar gael ar iOS ac Android. Gallwch osod amseryddion i ganolbwyntio ac amseryddion i’ch atgoffa i gamu i ffwrdd o’ch tasg a phryd i ddechrau eto. Mae’r ap Flora yn caniatáu ichi blannu hedyn ar ddechrau eich tasg, sy’n tyfu’n araf yr hiraf y byddwch chi’n parhau i ganolbwyntio, ac os ewch chi ar eich ffôn i fynd ar apiau eraill megis y cyfryngau cymdeithasol neu gemau, bydd eich coeden yn marw! Mae nodweddion eraill yn cynnwys y gallu i ddatgloi gwahanol rywogaethau o goed yr hiraf nad ydych chi’n torri eich amseryddion canolbwyntio, neu gwblhau heriau, yr opsiwn i greu rhestrau o bethau i’w gwneud er mwyn rheoli eich tasgau, hysbysiadau ar eich ffôn i’ch atgoffa i gymryd seibiant, y gallu i gael ffrindiau a herio eich gilydd i dyfu coed ac aros oddi ar eich ffonau. Lawrlwythwch nawr a dechreuwch blannu yn eich gardd gynhyrchiant!
TipDigidol 48: Dewiswch lwybr byr! 🖥️
Amser i ddysgu llwybr byr newydd gyda ThipDigidol 48!
Llwybr byr hawdd i ddewis rhes gyfan yn Excel. Yn y rhes yr hoffech ei dewis, defnyddiwch y llwybr byr: Shift + bar gofod.
I ddilyn ein TipiauDigidol, tanysgrifiwch i’n Blog Sgiliau Digidol. Neu, gallwch hefyd ddilyn y dudalen hon, lle bydd TipDigidol newydd yn cael ei ychwanegu bob wythnos!
Cyfaill Astudio! Casgliad o adnoddau i’ch helpu i baratoi ar gyfer yr arholiadau 📚
Wrth i ni nesáu at dymor yr arholiadau, gweler isod gasgliad o adnoddau i’ch helpu i baratoi ar gyfer yr arholiadau. Mae’r adnoddau’n cynnwys awgrymiadau o ran trefnu a sgiliau astudio yn ogystal ag awgrymiadau i gefnogi eich lles digidol yn ystod cyfnodau o straen.
Paratoi ac adolygu’n effeithiol ar gyfer yr arholiadau
Mewngofnodwch gyda’ch ebost a chyfrinair PA
Mynd i’r afael â straen arholiadau
Mewngofnodwch gyda’ch ebost a chyfrinair PA
Edrychwch hefyd ar y Cwestiynau a Holir yn Aml am yr arholiadau, ac os oes gennych unrhyw gwestiynau ynghylch unrhyw un o’r adnoddau sydd wedi’u rhestri uchod, cysylltwch â’r Tîm Sgiliau Digidol (digi@aber.ac.uk).
Dychwelyd at Fyd y TipDigidol! 💡
Mae croesawu’r Flwyddyn Newydd a Semester 2 hefyd yn golygu croesawu ein cyfres nesaf o awgrymiadau digidol. Dechreuodd y gyfres TipDigidol ym mis Medi 2023 lle mae’r Tîm Sgiliau Digidol yn postio tip byr a chyflym i’ch helpu gyda’ch bywyd digidol. Gallwch weld pob TipDigidol blaenorol yma ac o 14 Ionawr 2025 gallwch weld TipDigidol newydd yn cael ei bostio bob wythnos. Gwnewch yn siŵr eich bod yn tanysgrifio i sicrhau nad ydych yn eu colli!
Cau pen y mwdwl: Nadolig Llawen gan y Tîm Sgiliau Digidol! 🎅🏻🎄
Mae 2024 wedi bod yn flwyddyn gynhyrchiol i’r tîm Sgiliau Digidol! Dyma restr o’r hoff bethau rydyn ni wedi’u creu yn ystod y flwyddyn ddiwethaf gan gynnwys fformatau, digwyddiadau ac adnoddau newydd:
- 👩🏻💻 Tudalennau gwe newydd i’ch helpu i weithio mewn proses gam wrth gam i ddatblygu eich sgiliau
- 💼 Proffiliau Sgiliau Digidol Cyflogwyr (prosiect Hyrwyddwyr Digidol Myfyrwyr)
- 💡 Dychweliad y TipDigidol wythnosol
- 🗣️ Wythnos SgiliauAber gan gynnwys sesiwn gydag Uwch Ddadansoddwr DA Jisc ar Offer DA bob dydd
- 🧘🏻♀️ Cyfres Lles Digidol (prosiect Hyrwyddwyr Digidol Myfyrwyr)
- 📂 Casgliadau DA newydd ar LinkedIn Learning i fyfyrwyr a staff
- 📂 Casgliadau Microsoft ar LinkedIn Learning: Excel, Teams, Word, a PowerPoint
- 💻 “Beth yw Sgiliau Digidol?” Cwrs ar gyfer pob dysgwr
- 💻 Cwrs “Dechrau arni gyda LinkedIn Learning”
Rydym yn gobeithio eich bod wedi mwynhau defnyddio’r adnoddau hyn gymaint ag yr ydym ni wedi mwynhau eu creu. Hoffem ddymuno Nadolig Llawen a Blwyddyn Newydd Dda i chi gyd ac edrychwn ymlaen at gefnogi eich sgiliau yn 2025!
TipDigidol 47: WhatsApp – Beth allwch chi ei wneud yn y sgwrs? 📲
Gall personoli eich testun fod yn ffordd hwyliog o bwysleisio pwynt ac yn awr gyda ThipDigidol 47, gallwch ddysgu sut i fformatio’ch testun yn WhatsApp.
| Italig | _testun_ |
| Drwm | *testun* |
| ~testun~ | |
| Ychwanegu dyfyniad | > testun |
| Creu rhestrau pwyntiau bwled | * Testun or – Testun |
I ddilyn ein TipiauDigidol, tanysgrifiwch i’n Blog Sgiliau Digidol. Neu, gallwch hefyd ddilyn y dudalen hon, lle bydd TipDigidol newydd yn cael ei ychwanegu bob wythnos!
TipDigidol 46: Cydweddu lliwiau ar eich sleidiau PowerPoint gyda’r adnodd Eyedropper 🎨
Wrth greu cyflwyniad PowerPoint, efallai y bydd adegau pan fyddwch chi eisiau cydweddu lliw’r cefndir neu wrthrych â lliw penodol iawn. Er bod yr opsiynau lliw sydd ar gael yn helaeth, mae yna adnodd hynod ddefnyddiol o’r enw eyedropper, sy’n eich galluogi i gydweddu lliw yn berffaith!
Dilynwch y fideo isod i ddysgu sut i ddefnyddio’r nodwedd hon. Yn y fideo, byddwn yn dangos i chi sut i newid lliw siâp, ond mae’r un camau’n berthnasol i newid lliw eich cefndir, border, a llawer mwy.
I ddilyn ein TipiauDigidol, tanysgrifiwch i’n Blog Sgiliau Digidol. Neu, gallwch hefyd ddilyn y dudalen hon, lle bydd TipDigidol newydd yn cael ei ychwanegu bob wythnos!
Cyfres Proffil Sgiliau Digidol Cyflogwyr – Wythnos 7 – Sw Caer
Heddiw ceir ein proffil olaf yng Nghyfres Proffil Sgiliau Digidol Cyflogwyr ac mae’n dod o Sw Caer. Yn eu proffil, dywed Sw Caer eu bod yn gwerthfawrogi llythrennedd data, yn enwedig Excel a gweithio gyda setiau data mawr. Yn ogystal â datrys problemau digidol o fewn codio, gwybodaeth am DA, a dysgu a chreadigrwydd digidol megis PowerPoint neu MS Teams. Gweler yr adnoddau isod i helpu i ddatblygu’r sgiliau hyn:
- Gŵyl Sgiliau Digidol 2023: Mastering Group Work with Online Tools and Strategies
- Gŵyl Sgiliau Digidol 2023: Unlocking Tech Careers for All with Code First Girls
- Gŵyl Sgiliau Digidol 2023: Excel for Large Datasets!
- LinkedIn Learning: DA i fyfyrwyr
- LinkedIn Learning: Awgrymiadau a Thriciau Microsoft PowerPoint
- LinkedIn Learning: Awgrymiadau a Thriciau Microsoft Teams
- LinkedIn Learning: Awgrymiadau a Thriciau Microsoft Excel
Fersiwn Testun:
Cwmni: Sw Caer
Maint y Cwmni: 1,000 o bobl
Sefydlwyd: 1931
Lle mae’r cwmni wedi’i leoli: Yng Nghaer, ond mae cysylltiadau ymchwil ac academaidd ledled y byd
Enghreifftiau o rolau nodweddiadol i raddedigion:
- Cyllid a Chyfrifeg
- Marchnata
- Datblygu Cynnwys Creadigol
- Ceidwad Addysg
- Lletygarwch
- Gwyddonwyr a Thechnegwyr Labordai
- Gweithrediadau Gwesteion
Sgiliau Digidol Hanfodol sy’n Werthfawr yn ein barn ni:
Llythrennedd Ddigidol – Dadansoddi ystadegol yn amrywio o reoli Excel yr holl ffordd i fyny at godio R, defnyddio iaith codio, gweithio gyda setiau data mawr, modelu rhagfynegol, dealltwriaeth am ddylanwad meddalwedd a chaledwedd, a threfnu data
Datrys Problemau Digidol – Datrys problemau sy’n gysylltiedig ag R
Dysgu a Chreadigrwydd Digidol – Offer hyfforddi digidol megis gwefannau pleidleisio, wedi’u gwreiddio o fewn cyflwyniadau PowerPoint ac MS Teams
A oes gan y graddedigion yr ydych yn eu cyflogi wendidau cyffredin o ran sgiliau digidol?:
“Yr ymwybyddiaeth foesegol o ddefnyddio technoleg. Rydym yn atyniad i ymwelwyr, felly mae’n rhaid i ni fod yn ofalus o’n prosesau ac rydym yn cael adolygiadau moesegol. Mae’n rhaid i ni fod yn ymwybodol o GDPR, diogelu data ac mae’n rhaid i ni feddwl am wedd y camerâu ac effaith technoleg ar les anifeiliaid, o ran y goleuadau, y synau a’r gwres. Beth os yw’r camera hwn yn newid tymheredd y dŵr? Hefyd, yr elfennau ymarferol, felly does gennym ni ddim plygiau ym mhobman na Wi-Fi ac rydyn ni’n gweithio’n fyd-eang felly mae honno’n elfen arall sydd angen ei hystyried.”
Beth fyddai eich cyngor gorau i raddedigion?:
“Astudiwch gynifer o gyrsiau ychwanegol ag y gallwch oherwydd nid ydym yn disgwyl i chi wybod popeth ond os yw’r holl ymgeiswyr wedi astudio graddau tebyg, ond nad ydynt wedi astudio unrhyw beth yn ychwanegol, does dim byd yn eich gosod ar wahân.”
Am beth ydych chi’n chwilio mewn gweithiwr?:
“Un peth newydd rydyn ni’n edrych arno yw DA felly mae llawer o’n gwyddonwyr yn gweithio ar dechnoleg olrhain camerâu ar raddfa fawr ac mae arnom angen i’n graddedigion fod yn barod ar gyfer pethau nad ydynt yn bodoli eto. Rhaid i chi fod yn hyddysg yn y maes ac yn gwybod am y datblygiadau diweddaraf mewn technoleg. Rydym hefyd yn chwilio am wytnwch i ymdopi â newidiadau, datrys problemau a’r gallu i addasu’n gyflym.”
Ydych chi’n meddwl bod graddedigion yn anwybyddu sgiliau digidol yn y math hwn o waith?:
“Yn bendant, mae cyfran fawr o’r amser yn ein swyddi yn cael ei dreulio o flaen cyfrifiadur. Nid ydym yn gweld modiwlau prifysgol gyda digon o bwyslais ar y dechnoleg yr ydym yn ei defnyddio, boed hynny’n ddelweddu thermol neu ystadegyn R yn hytrach na SPSS nad yw’n cael ei ddefnyddio mewn diwydiant mewn gwirionedd, felly mae bod yn flaengar pan fo’r modiwlau ond yn newid bob 4-5 mlynedd yn anodd iawn.”
Lluniwyd gan Hyrwyddwyr Digidol y Myfyrwyr
TipDigidol 45: Mae Shift + F3 ar y gweill! Llwybr byr priflythrennu ⌨
Os ydych chi wedi dechrau ysgrifennu brawddeg a sylweddoli eich bod yn defnyddio priflythrennau/llythrennau bach i gyd – dyma’r TipDigidol i chi! Oeddech chi’n gwybod y gallwch chi newid o briflythrennau i lythrennau bach ac fel arall yn Office 365 trwy ddewis y testun ac yna defnyddio Shift + F3? Gwyliwch y fideo byr isod i weld TipDigidol yr wythnos hon ar waith.
I ddilyn ein TipiauDigidol, tanysgrifiwch i’n Blog Sgiliau Digidol. Neu, gallwch hefyd ddilyn y dudalen hon, lle bydd TipDigidol newydd yn cael ei ychwanegu bob wythnos!
Cyfres Proffil Sgiliau Digidol Cyflogwyr – Wythnos 6 – Gwerthwyr Tai Aled Ellis & Co.
Mae ein chweched Proffil Cyflogwr gyda’r asiantaeth dai Aled Ellis & Co, sydd wedi’i lleoli yn Aberystwyth. Yn y proffil isod, mae Aled Ellis & Co yn datgan pwysigrwydd y cyfryngau cymdeithasol a marchnata yn eu busnes yn ogystal â hunaniaeth ddigidol. Edrychwch ar rai adnoddau isod i ddatblygu’r sgiliau hyn.
- Gŵyl Sgiliau Digidol 2023: Improving your Digital Footprint and your Online Shadow
- Gŵyl Sgiliau Digidol 2023: Digital Marketing with Clicky Media
- LinkedIn Learning: Sgiliau Digidol i’r Gweithle
Fersiwn Testun:
Cwmni: Aled Ellis & Co.
Maint y Cwmni: 4 aelod yn y tîm craidd
Sefydlwyd: 1998
Lle mae’r cwmni wedi’i leoli: Wedi’i leoli yn Aberystwyth ond mae’n gwasanaethu Tywyn lawr i Gei Newydd ac ar draws canolbarth Cymru
Enghreifftiau o rolau nodweddiadol i raddedigion:
- Trafodwr gwerthu
- Cynorthwyydd Gweinyddol
Sgiliau Digidol Hanfodol sy’n Werthfawr yn ein barn ni:
Hunaniaeth Ddigidol – Mae’n bwysig iawn cyflwyno hunaniaeth groesawgar, gynorthwyol i gleientiaid ac mae hyn yn cynnwys y ffordd y mae darpar weithwyr yn cyflwyno eu hunain wrth gyfathrebu hefyd
Cyfathrebu Digidol – Cysylltu â fendwyr, prynwyr a gwerthwyr trwy e-bost, WhatsApp a negeseuon llais
Creadigrwydd Digidol – Splice, Canva a meddalwedd golygu fideos eraill.
A wnaeth Covid newid y cwmni a’r ffordd mae’n cael ei redeg?:
“Cyn Covid prin iawn oedd y defnydd o’n grŵp WhatsApp ond nawr rydyn ni’n ei ddefnyddio drwy’r amser ac roedd yn caniatáu i ni weithio o bell sy’n rhywbeth rydyn ni’n dal i’w wneud. Peth arall yw gallu cyfathrebu â gwerthwyr dramor a dim ond gyda galwadau fideo neu negeseuon y mae hynny’n bosibl.”
Beth yw’r prif sgiliau personol i Werthwr Tai?:
“I unrhyw un sydd eisiau gweithio mewn rôl gwerthu mae gwasanaeth cwsmeriaid mor bwysig. Mae sicrhau bod eich cleient yn gwbl fodlon yn allweddol. Sgiliau cyfathrebu yw’r rhan bwysicaf o’n swyddi. Mae’n well gan rai cleientiaid gyfathrebu trwy lwyfannau penodol, neu yn Gymraeg yn unig, felly mae bod ar draws yr holl lwyfannau cyfathrebu gwahanol ac yna bod yn barod i gyfathrebu â chleientiaid yn eu dewis ddull yn wych.”
A oes gwendidau o ran sgiliau digidol yn eich tîm?:
“Yn bendant yn y cyfryngau cymdeithasol. Nid oedd presenoldeb ar y cyfryngau cymdeithasol pan ddechreuodd y busnes am y tro cyntaf ond nawr rydym yn gwneud teithiau rhithwir, yn postio ein holl eiddo ar Facebook ac Instagram ac mae gennym sianel YouTube. Mae mor allweddol i’r diwydiant gwerthu tai ac mae’r genhedlaeth hon o raddedigion yn fwy cyfarwydd â sut i’w ddefnyddio, felly bydd gallu cael y gallu hwnnw i ddefnyddio’r cyfryngau cymdeithasol, ynghyd â sgiliau marchnata hefyd efallai, yn mynd yn bell”.
Ydych chi’n meddwl bod pobl yn anwybyddu sgiliau digidol yn y diwydiannau creadigol?:
“Heb amheuaeth. Yn ogystal â’r cyfryngau cymdeithasol, mae gallu defnyddio cyfrifiaduron mor bwysig. Rydym yn defnyddio system o’r enw Vebra i uwchlwytho ein holl eiddo a chysylltiadau felly mae gallu defnyddio a llywio’r offer digidol hyn yn hanfodol. Bydd gallu defnyddio system newydd yn gyflym yn mynd â chi’n bell yn ein busnes ni!”
Lluniwyd gan Hyrwyddwyr Digidol y Myfyrwyr