Categori: TipiauDigidol

TipDigidol 51: Defnyddio MS Teams yn fwy effeithiol gyda gorchmynion  ⚡

Shân Saunders Cymorth Microsoft, Microsoft Teams, TipiauDigidol Leave a comment

Ydych chi eisiau ffordd gyflymach a mwy effeithlon o lywio MS Teams, er enghraifft i roi gwybod i’ch cydweithwyr am eich statws ar Teams neu anfon neges? Gall TipDigidol 49 ddangos gorchmynion cyflym i chi wneud hyn. Ar gyfer y TipDigidol hwn byddwn yn defnyddio’r gorchmynion blaenslaes yn y bar chwilio ar Teams.

  • Yn gyntaf agorwch MS Teams 
  • Nesaf, bydd angen i ni fynd i’r bar chwilio ar y brig, gellir gwneud hyn naill ai trwy bwyso ctrl + e neu drwy glicio yn yr ardal chwilio ar y brig. 
  • Yna os ydych yn pwyso / byddwch yn gweld yr holl orchmynion sydd ar gael i chi eu defnyddio. 
  • Ar ôl i chi ddewis y gorchymyn rydych chi am ei ddefnyddio, pwyswch ‘enter’. 
  • Enghraifft o un o’r rhain fyddai /busy sy’n ffordd gyflym o osod eich statws fel prysur. 
  • Enghraifft arall, bydd /chat yn rhoi opsiwn dilynol i chi ddewis i bwy rydych chi am anfon y neges a beth hoffech chi ei weld yn y neges, oll o’r bar chwilio. 

I ddilyn ein TipiauDigidol, tanysgrifiwch i’n Blog Sgiliau Digidol. Neu, gallwch hefyd ddilyn y dudalen hon, lle bydd TipDigidol newydd yn cael ei ychwanegu bob wythnos!

TipDigidol 50: Rhagori mewn Cymryd Nodiadau! 📝

Shân Saunders Cymorth Microsoft, Microsoft OneNote, TipiauDigidol Leave a comment

Hoffech chi wella eich dull o gymryd nodiadau ond rydych chi’n cael trafferth gyda fformat? Gyda ThipDigidol 50 a thempledi tudalen yn OneNote gallwch wneud hynny! 

Mae gan Microsoft OneNote yr opsiwn i fewnosod templedi tudalen i’ch helpu i fformatio’ch nodiadau. Mae templedi o nodiadau darlithoedd syml i drosolwg prosiect i flaenoriaethu rhestrau. Gwyliwch y fideo isod i ddarganfod mwy! 

I ddilyn ein TipiauDigidol, tanysgrifiwch i’n Blog Sgiliau Digidol. Neu, gallwch hefyd ddilyn y dudalen hon, lle bydd TipDigidol newydd yn cael ei ychwanegu bob wythnos!

Diwrnod Rhyngwladol Addysg 🏫

Shân Saunders Dysgu a datblygu digidol, Myfyrwyr, TipiauDigidol Leave a comment

Cynhelir Diwrnod Rhyngwladol Addysg ar 24 Ionawr 2025 ac rydym yn dathlu drwy eich atgoffa am yr adnoddau sydd ar gael i ddatblygu eich sgiliau digidol.   

LinkedIn Learning [ar gael tan fis Mawrth 2025] 

Yn rhad ac am ddim i staff a myfyrwyr PA tan fis Mawrth 2025, mae LinkedIn Learning yn llwyfan ar-lein sy’n cynnig miloedd o gyrsiau dan arweiniad arbenigwyr sy’n addas ar gyfer pob lefel, o ddechreuwyr i lefel uwch. Gyda LinkedIn Learning, gallwch ddatblygu ystod eang o sgiliau, o ddefnyddio offer DA a chyflwyno yn hyderus i feistroli meddalwedd newydd, gan gynnwys ieithoedd rhaglennu amrywiol a chymwysiadau Microsoft.  Gallwch weld ein tudalennau gwe i gael mwy o wybodaeth gan gynnwys dechrau arni gyda LinkedIn Learning. 

Gŵyl Sgiliau Digidol 

Yn 2023, fe wnaethon ni drefnu’r Ŵyl Sgiliau Digidol a chafwyd cyflwyniadau gan amrywiaeth o siaradwyr mewnol ac allanol am amrywiaeth o bynciau megis Deallusrwydd Artiffisial, Excel, Lles Digidol a seiberddiogelwch. Gallwch weld yr holl adnoddau a’r recordiadau o bob sesiwn yma.  

Jisc: Offer DA bob dydd 

Yn rhan o Wythnos Sgiliau Aber 2024, gwnaethom wahodd Uwch arbenigwr DA Jisc, Paddy Shepperd, i siarad am ‘Offer Deallusrwydd Artiffisial Bob Dydd’, pa offer y gellir eu defnyddio, sut maen nhw’n datblygu a’r peryglon. Gallwch weld recordiad o’r holl sesiwn yma. 

SgiliauAber 

SgiliauAber yw’r canolbwynt ar gyfer datblygu sgiliau ac mae rhagor o wybodaeth ar gael ar dudalennau gwe’r Brifysgol. Mae SgiliauAber yn rhoi mynediad i weithdai sgiliau, ynghyd â chymorth gyda sgiliau llyfrgell a gwybodaeth, lles a sgiliau mathemategol, ystadegol a rhifiadol.  

TipiauDigidol 

Bob dydd Mawrth ers mis Medi 2023, mae’r Tîm Sgiliau Digidol wedi postio awgrym neu dric bach i helpu i ddatblygu eich sgiliau digidol. Gallwch weld pob TipDigidol yma.  

TipDigidol 49: Graffiau diddorol yn MS Excel 📈

Shân Saunders Cymorth Microsoft, Microsoft Excel, TipiauDigidol Leave a comment

Ydych chi eisiau ychwanegu ffyrdd diddorol o gyflwyno’ch data yn MS Excel? Gall TipDigidol 49 helpu gyda hynny trwy gyflwyno Sparklines. Mae Sparklines yn graffiau bach sydd ond yn cymryd un gell mewn dalen Excel ac yn ffordd effeithiol o gyflwyno data heb orfod cael graff sy’n llenwi dalen gyfan. Gallai hyn fod yn ddefnyddiol ar gyfer cyflwyno data sy’n bwysig ond nad yw’n hanfodol i gyflwyniad.

  • Yn gyntaf, mae angen i chi gael cyfanswm priodol o ddata fel y dangosir.
  • Yna dewiswch y Celloedd rydych chi am eu defnyddio i gyflwyno’r data a mynd i ‘mewnosod’ yn y tabiau a dewis y math o graff yr hoffech ei gael gan Sparklines.
  • Dewiswch yr ystod ddata yr hoffech ei defnyddio, sef B2; F4 yn yr enghraifft.
  • A dyna ni; dylech gael graff sy’n cyflwyno’r data i gyd mewn un gell.

I ddilyn ein TipiauDigidol, tanysgrifiwch i’n Blog Sgiliau Digidol. Neu, gallwch hefyd ddilyn y dudalen hon, lle bydd TipDigidol newydd yn cael ei ychwanegu bob wythnos!

TipDigidol 48: Dewiswch lwybr byr! 🖥️ 

Shân Saunders Cymorth Microsoft, Microsoft Excel, TipiauDigidol Leave a comment

Amser i ddysgu llwybr byr newydd gyda ThipDigidol 48! 

Llwybr byr hawdd i ddewis rhes gyfan yn Excel. Yn y rhes yr hoffech ei dewis, defnyddiwch y llwybr byr: Shift + bar gofod.  

I ddilyn ein TipiauDigidol, tanysgrifiwch i’n Blog Sgiliau Digidol. Neu, gallwch hefyd ddilyn y dudalen hon, lle bydd TipDigidol newydd yn cael ei ychwanegu bob wythnos!

Cyfaill Astudio! Casgliad o adnoddau i’ch helpu i baratoi ar gyfer yr arholiadau 📚

Shân Saunders LinkedIn Learning, Llyfrgell Sgiliau Digidol, Myfyrwyr, Pencampwyr Digidol Myfyrwyr, TipiauDigidol Leave a comment

Wrth i ni nesáu at dymor yr arholiadau, gweler isod gasgliad o adnoddau i’ch helpu i baratoi ar gyfer yr arholiadau. Mae’r adnoddau’n cynnwys awgrymiadau o ran trefnu a sgiliau astudio yn ogystal ag awgrymiadau i gefnogi eich lles digidol yn ystod cyfnodau o straen.

Cyfres Lles Digidol gan Hyrwyddwyr Digidol Myfyrwyr

SgiliauAber: Adolygu ac Arholiadau

Yellow and Blue banner with laptop, AU logo, and the text Digital Skills Library

Llyfrgell Sgiliau Digidol Myfyrwyr

TipDigidol 4: Cyfle i wella eich cynhyrchiant wrth helpu’r blaned, gyda’r Forest App 🌲

TipDigidol 5: Holltwch eich sgrin a chwblhau sawl tasg ar yr un pryd 💻

TipDigidol 14: Defnyddiwch Microsoft OneNote i drefnu eich gwaith 🗄️

TipDigidol 38: Creu mapiau meddwl gydag Ayoa 🌟

Awgrymiadau Da i Feistroli eich amserlen 📅

Strategaethau ar gyfer creu’r gweithle gorau 📌

Paratoi ac adolygu’n effeithiol ar gyfer yr arholiadau

Mewngofnodwch gyda’ch ebost a chyfrinair PA

Mynd i’r afael â straen arholiadau

Mewngofnodwch gyda’ch ebost a chyfrinair PA

Edrychwch hefyd ar y Cwestiynau a Holir yn Aml am yr arholiadau, ac os oes gennych unrhyw gwestiynau ynghylch unrhyw un o’r adnoddau sydd wedi’u rhestri uchod, cysylltwch â’r Tîm Sgiliau Digidol (digi@aber.ac.uk). 

Dychwelyd at Fyd y TipDigidol! 💡

Shân Saunders TipiauDigidol Leave a comment

Mae croesawu’r Flwyddyn Newydd a Semester 2 hefyd yn golygu croesawu ein cyfres nesaf o awgrymiadau digidol. Dechreuodd y gyfres TipDigidol ym mis Medi 2023 lle mae’r Tîm Sgiliau Digidol yn postio tip byr a chyflym i’ch helpu gyda’ch bywyd digidol. Gallwch weld pob TipDigidol blaenorol yma ac o 14 Ionawr 2025 gallwch weld TipDigidol newydd yn cael ei bostio bob wythnos. Gwnewch yn siŵr eich bod yn tanysgrifio i sicrhau nad ydych yn eu colli! 

Cau pen y mwdwl: Nadolig Llawen gan y Tîm Sgiliau Digidol! 🎅🏻🎄

Shân Saunders Cyfres Lles Digidol, Cyfres Proffil Sgiliau Digidol Cyflogwyr, Dysgu a datblygu digidol, Myfyrwyr, Pencampwyr Digidol Myfyrwyr, TipiauDigidol Leave a comment

Mae 2024 wedi bod yn flwyddyn gynhyrchiol i’r tîm Sgiliau Digidol! Dyma restr o’r hoff bethau rydyn ni wedi’u creu yn ystod y flwyddyn ddiwethaf gan gynnwys fformatau, digwyddiadau ac adnoddau newydd:

Rydym yn gobeithio eich bod wedi mwynhau defnyddio’r adnoddau hyn gymaint ag yr ydym ni wedi mwynhau eu creu. Hoffem ddymuno Nadolig Llawen a Blwyddyn Newydd Dda i chi gyd ac edrychwn ymlaen at gefnogi eich sgiliau yn 2025! 

TipDigidol 47: WhatsApp – Beth allwch chi ei wneud yn y sgwrs? 📲

Shân Saunders TipiauDigidol Leave a comment

Gall personoli eich testun fod yn ffordd hwyliog o bwysleisio pwynt ac yn awr gyda ThipDigidol 47, gallwch ddysgu sut i fformatio’ch testun yn WhatsApp. 

Italig_testun_
Drwm*testun*
I roi llinell drwy destun~testun~
Ychwanegu dyfyniad> testun
Creu rhestrau pwyntiau bwled* Testun or – Testun

I ddilyn ein TipiauDigidol, tanysgrifiwch i’n Blog Sgiliau Digidol. Neu, gallwch hefyd ddilyn y dudalen hon, lle bydd TipDigidol newydd yn cael ei ychwanegu bob wythnos!

TipDigidol 46: Cydweddu lliwiau ar eich sleidiau PowerPoint gyda’r adnodd Eyedropper 🎨 

Shân Saunders Cymorth Microsoft, Microsoft PowerPoint, TipiauDigidol Leave a comment

Wrth greu cyflwyniad PowerPoint, efallai y bydd adegau pan fyddwch chi eisiau cydweddu lliw’r cefndir neu wrthrych â lliw penodol iawn. Er bod yr opsiynau lliw sydd ar gael yn helaeth, mae yna adnodd hynod ddefnyddiol o’r enw eyedropper, sy’n eich galluogi i gydweddu lliw yn berffaith! 

Dilynwch y fideo isod i ddysgu sut i ddefnyddio’r nodwedd hon. Yn y fideo, byddwn yn dangos i chi sut i newid lliw siâp, ond mae’r un camau’n berthnasol i newid lliw eich cefndir, border, a llawer mwy. 

I ddilyn ein TipiauDigidol, tanysgrifiwch i’n Blog Sgiliau Digidol. Neu, gallwch hefyd ddilyn y dudalen hon, lle bydd TipDigidol newydd yn cael ei ychwanegu bob wythnos!