Ydych chi erioed wedi bod mewn cyfarfod MS Teams lle mae angen i chi anfon rhestr gyflym sy’n hawdd i eraill ei darllen? Mae dwy ffordd gyflym o greu pwyntiau bwled neu restrau wedi’u rhifo mewn unrhyw sgwrs MS Teams.
Opsiwn 1
Gallwch naill ai glicio ar yr eicon fformat yn y sgwrs, a gallwch greu pwyntiau bwled neu restr wedi’i rhifo’n hawdd oddi yma.
Opsiwn 2
Neu os ydych chi mewn sgwrs Teams:
Pwyswch – ac yna’r bar gofod i ddechrau eich pwyntiau bwled
Pwyswch 1. ac yna’r bar gofod i ddechrau eich rhestr wedi’i rhifo
I ddilyn ein TipiauDigidol, tanysgrifiwch i’n Blog Sgiliau Digidol. Neu, gallwch hefyd ddilyn y dudalen hon, lle bydd TipDigidol newydd yn cael ei ychwanegu bob wythnos!
Yr wythnos nesaf bydd yr adnodd TipDigidol, ein hawgrym unwaith yr wythnos i’ch helpu gyda’ch Sgiliau Digidol! Gallwch weld y TipDigidol a bostiwyd y llynedd yma a darganfod pa 5 oedd y mwyaf poblogaidd yn y blogbost hwn. Cofiwch gadw eich llygaid allan am bob TipDigidol eleni trwy danysgrifio i’r blog!
Blogbost gan Shân Saunders (Cydlynydd Datblygu Sgiliau a Galluoedd Digidol)
Ym mis Medi 2023, dechreuodd y Tîm Sgiliau Digidol TipDigidol – blogbost wythnosol i dynnu sylw at awgrymiadau defnyddiol y gallwch eu defnyddio i wneud eich bywyd digidol dyddiol yn haws. Isod ceir y 5 prif TipDigidol o 2023/24.
Ydych chi’n gweithio ar un sgrin ac yn ei chael hi’n anodd? Ydych chi wedi blino ar newid rhwng dwy ffenestr? Oeddech chi’n gwybod y gallwch chi hollti’ch sgrin i weld dau beth ar unwaith sy’n ei gwneud hi’n llawer haws edrych ar ddwy ffenestr ar yr un pryd? Mae hyn yn golygu y gallwch weithio ar ddogfennau, tabiau a llawer mwy ochr yn ochr.
Bydd y rhan fwyaf ohonom yn fwy cyfarwydd â defnyddio emojis ar ein ffonau symudol 📱, ond bydd adegau pan fyddwn eisiau cynnwys emojis wrth ddefnyddio ein gliniaduron neu gyfrifiaduron 💻. Yn hytrach na chwilio ar y we am yr emoji sydd ei angen arnoch, beth am ei gyrchu’n uniongyrchol o’ch bysellfwrdd!
Ydych chi’n cael trafferth canolbwyntio ar eich gwaith? Ydych chi’n oedi a gohirio ar gyfryngau cymdeithasol? Ydych chi angen cyfyngu eich amser sgrolio? Oeddech chi’n gwybod y gallwch chi nawr gyfyngu ar eich amser sgrolio Instagram trwy’r gosodiadau ar Instagram?
Ydych chi erioed wedi copïo a gludo cynnwys o dudalen we neu ddogfen arall i ddogfen Word newydd a chanfod ei fod yn gwneud llanast llwyr o’ch fformatio? Yn ffodus, mae opsiynau ychwanegol y tu allan i’r opsiwn gludo sylfaenol (ctrl + v) a all helpu i ddatrys hyn!
Weithiau, efallai y bydd angen i chi neilltuo peth amser i ganolbwyntio ar ddarn penodol o waith, ond sut allwch chi ddangos i bobl eraill sydd ar-lein hefyd eich bod chi’n brysur? Mae Microsoft Teams yn caniatáu ichi osod eich statws i Do not disturb, sy’n golygu na fydd hysbysiadau neu alwadau Teams yn tarfu arnoch (oni bai eich bod yn dewis derbyn y rhain gan bobl benodol), ond gall fod yn hawdd anghofio diffodd y statws hwn ar ôl i chi orffen.
Ymunwch â ni ym mis Hydref 2024 am fwy o’r TipDigidol, i ddilyn ein TipDigidol, tanysgrifiwch i’n Blog Sgiliau Digidol. Neu fel arall, gallwch lyfrnodi’r dudalen we hon, lle ychwanegir TipDigidol newydd bob wythnos gan ddechrau o fis Hydref!
Blogbost gan Shân Saunders (Cydlynydd Datblygu Sgiliau a Galluoedd Digidol)
Ym mis Chwefror fe wnaethon ni ysgrifennu blogbost am apiau i helpu gyda’ch arferion darllen. Gan ei fod yn Ddiwrnod Cenedlaethol Carwyr Llyfrau, mae diweddariadau newydd i un o’r apiau a grybwyllir – Fable. Mae Fable yn gyfuniad o ap darllen a chyfryngau cymdeithasol lle gallwch weld diweddariadau gan ddarllenwyr eraill gan gynnwys eu barn am y llyfrau rydych eisoes wedi’u darllen a’r llyfrau yr hoffech eu darllen.
Mae diweddariadau diweddar yn cynnwys cael eich pyliau darllen a’ch cynnydd ar y dudalen hafan i gael mynediad hawdd. Yn ogystal, mae Fable bellach yn ymestyn allan o lyfrau gyda’r opsiwn i nodi’ch cynnydd ac ymuno â chlybiau ar gyfer rhaglenni teledu sy’n golygu y gallwch wylio penodau a thrafod eich hoff raglenni gyda selogion eraill. Ar hyn o bryd mae Fable hefyd yn profi sgwrsfot DA newydd o’r enw Scout lle rydych chi’n ychwanegu ysgogiadau am awgrymiadau ac argymhellion ar gyfer eich darlleniadau nesaf yn seiliedig ar ymadroddion a genres neu os ydych chi’n chwilio am rywbeth tebyg i’w ddarllen.
Y brif nodwedd newydd yw’r dudalen ystadegau. O dan eich proffil defnyddiwr, mae crynodeb darllenydd erbyn hyn, crynodeb DA sy’n diweddaru’n awtomatig ar ôl pob darlleniad. O fewn hyn mae graff hefyd o’r llyfrau rydych chi wedi’u darllen eleni gyda mewnwelediad darllenydd i pryd y disgwylir i chi gyrraedd eich targed darllen. Ynghyd â’r teclyn pyliau darllen ar y dudalen hafan, gallwch weld faint rydych chi wedi’i ddarllen yn ystod y misoedd blaenorol gan gynnwys eich pwl darllen hiraf. Gallwch hefyd weld graff gyda’r genres a ddarllenwyd amlaf gennych ac o dan hyn gallwch weld y sgôr cyfartalog o lyfrau rydych chi wedi’u darllen.
Blogbost gan Shân Saunders (Cydlynydd Datblygu Sgiliau a Galluoedd Digidol)
Mae DA a DA cynhyrchiol wedi ymwreiddio fwyfwy i’n bywydau p’un ai trwy ddefnydd personol neu broffesiynol. Mae gan LinkedIn Learning amrywiaeth o wybodaeth i’ch helpu i ddysgu mwy am DA gan gynnwys sut i ddefnyddio DA yn gyfrifol. Gweler isod am y 10 cwrs gorau sydd ar gael ar DA a DA cynhyrchiol ar LinkedIn Learning. Noder nad yw LinkedIn Learning ar hyn o bryd yn cefnogi cyrsiau yn Gymraeg.
Mae LinkedIn Learning yn adnodd rhad ac am ddim sydd ar gael i holl fyfyrwyr a staff Prifysgol Aberystwyth. Os oes angen cymorth arnoch i gael mynediad i’ch cyfrif LinkedIn, edrychwch ar ein tudalen Cwestiynau Cyffredin neu gallwch anfon e-bost atom yn digi@aber.ac.uk.
Mae ychydig dros wythnos yn weddill tan i’n tanysgrifiad i Offeryn Darganfod Digidol Jisc ddod i ben ar 31 Gorffennaf 2024.
Os hoffech gadw copïau o’ch adroddiadau unigol, gwnewch yn siŵr eich bod wedi eu lawrlwytho cyn y dyddiad hwn, gan na fyddwch yn gallu cael mynediad atynt ar ôl 31 Gorffennaf 2024. Mae’r Cwestiwn Cyffredin hwn yn darparu canllaw cam wrth gam ar sut i wneud hyn.
Os nad ydych wedi defnyddio’r Offeryn Darganfod Digidol o’r blaen, mae gennych amser o hyd i fewngofnodi a’i ddefnyddio i hunanasesu a datblygu’ch hyder gyda thechnoleg! Ewch i’n tudalen we am ragor o arweiniad.
Blogbost gan Sioned Llywelyn (Arweinydd Sgiliau Digidol)
Rydyn ni hanner ffordd trwy Her Ddysgu’r Haf, ond peidiwch â phoeni, nid yw’n rhy hwyr i ymuno â ni!
Ar gyfer Her Ddysgu’r Haf, rydyn ni wedi dod â 14 o gyrsiau byr a fideos o LinkedIn Learning ynghyd i chi eu gwylio a dysgu dros 5 wythnos. Mae’r cynnwys hwn yn amrywio o 3-8 munud a bydd yn eich helpu i ddatblygu ystod o sgiliau – o ysgrifennu awgrymiadau effeithiol ar gyfer Deallusrwydd Artiffisial, ffotograffiaeth tirlun gyda’ch ffôn, i ddatblygu arferion cysgu gwell.
Os oes gennych unrhyw gwestiynau am yr her, neu am LinkedIn Learning yn gyffredinol, ebostiwch y Tîm Sgiliau Digidol (digi@aber.ac.uk), a gobeithio y gwnewch chi fwynhau eich haf o ddysgu!
Blogbost gan Sioned Llywelyn (Arweinydd Sgiliau Digidol)
Mae Her Ddysgu’r Haf yn dechrau’r wythnos hon! Rydym wedi dod â 14 o gyrsiau byr a fideos o LinkedIn Learning ynghyd i chi eu gwylio a dysgu dros y 5 wythnos nesaf. Mae’r cynnwys hwn yn amrywio o 3-8 munud a bydd yn eich helpu i ddatblygu ystod o sgiliau – o ysgrifennu awgrymiadau effeithiol ar gyfer Deallusrwydd Artiffisial, ffotograffiaeth tirlun gyda’ch ffôn, i ddatblygu arferion cysgu gwell.
Os oes gennych unrhyw gwestiynau am yr her, neu am LinkedIn Learning yn gyffredinol, ebostiwch y Tîm Sgiliau Digidol (digi@aber.ac.uk), a gobeithio y gwnewch chi fwynhau eich haf o ddysgu!
Os hoffech gadw copïau o’ch adroddiadau unigol, gwnewch yn siŵr eich bod wedi eu lawrlwytho cyn y dyddiad hwn, gan na fyddwch yn gallu cael mynediad atynt ar ôl 31 Gorffennaf 2024. Mae’r Cwestiwn Cyffredin hwn yn darparu canllaw cam wrth gam ar sut i wneud hyn.
Os nad ydych wedi defnyddio’r Offeryn Darganfod Digidol o’r blaen, mae gennych amser o hyd i fewngofnodi a’i ddefnyddio i hunanasesu a datblygu’ch hyder gyda thechnoleg! Ewch i’n tudalen we am ragor o arweiniad.
Blogbost gan Sioned Llywelyn (Arweinydd Sgiliau Digidol)
Mae Cyrsiau Canllaw Cyflawn bellach ar gael yn LinkedIn Learning i bawb ym Mhrifysgol Aberystwyth. Mae’r cyrsiau hyn yn wych i’r rhai sydd eisiau datblygu sgiliau technoleg penodol gyda hyfforddwyr arbenigol. P’un ai eich bod yn ddechreuwr sy’n ceisio dysgu rhaglen newydd o’r dechrau, neu fod gennych brofiad a’ch bod eisiau datblygu ymhellach, gallai’r cyrsiau hyn fod yn berffaith i chi.
Dyma enghraifft o rai o’r cyrsiau Canllaw Cyflawn sydd ar gael gyda rhai newydd yn cael eu rhyddhau bob mis:
