Blogbost gan Shân Saunders (Cydlynydd Datblygu Sgiliau a Galluoedd Digidol)

Ym mis Tachwedd 2023, cynhaliwyd Gŵyl Sgiliau Digidol gyntaf Prifysgol Aberystwyth. Gwnaethom gynnal 28 o ddigwyddiadau gwahanol dros 5 diwrnod a oedd yn rhychwantu amrywiaeth o feysydd sgiliau digidol gan gynnwys sesiynau a gynhaliwyd ar Ddeallusrwydd Artiffisial, seiberddiogelwch, LinkedIn Learning, lles digidol, Excel a llawer mwy!  

Gallwch weld yr holl weithdai a chyflwyniadau a gynhaliwyd ar wefan yr Ŵyl Sgiliau Digidol o dan y tab recordiadau ac adnoddau 2023 lle gallwch wylio’r sesiynau eto ac ar gyfer sesiynau ymarferol gallwch weithio ar y taflenni gwaith a ddarperir.  

Os oes gennych unrhyw broblemau wrth gael mynediad i’r recordiadau, cysylltwch â’r Tîm Sgiliau Digidol yn digi@aber.ac.uk a chadwch lygad am wybodaeth sydd ar ddod am Ŵyl Sgiliau Digidol 2024 a fydd yn dychwelyd yn ddiweddarach eleni! 

Hoffem ddiolch yn fawr i’r holl siaradwyr a chyfranogwyr a fynychodd Ŵyl Sgiliau Digidol gyntaf Prifysgol Aberystwyth ym mis Tachwedd 2023.

Gyda 28 o wahanol ddigwyddiadau digidol yn cael eu cynnal dros 5 diwrnod, roedd yn wych gallu cynnig amrywiaeth o sesiynau yn amrywio o gyflwyniad ar ddysgu sut i godio i ddeall pwysigrwydd ein lles digidol a’n hunaniaeth ddigidol.

O’n gwefan Gŵyl Sgiliau Digidol, gallwch bellach gyrchu’r holl recordiadau ac adnoddau o’r sesiynau yn ystod yr wythnos felly cymerwch gipolwg os hoffech loywi eich gwybodaeth am yr hyn a ddysgwyd neu os nad oeddech yn gallu bod yn bresennol.

Edrychwn ymlaen at eich gweld chi gyd eto yng Ngŵyl Sgiliau Digidol y flwyddyn nesaf yn 2024!

O 6 – 10 Tachwedd 2023 rydym yn cynnal Gŵyl Sgiliau Digidol Prifysgol Aberystwyth ac rydym yn chwilio am fyfyrwyr uwchraddedig i gyflwyno sesiynau. Gallwch gyflwyno sesiwn naill ai ar-lein neu wyneb yn wyneb a gall fod yn weithdy, sesiwn galw heibio neu’n arddangosiad ar sgil ddigidol neu feddalwedd yr ydych chi’n ei ddefnyddio’n fedrus. Er enghraifft, hoffem gael rhai sesiynau ar y sgiliau a’r meddalwedd canlynol:  

• Pecynnau Microsoft – Hanfodol neu Uwch
• SPSS 
• NVivo 
• ArcGIS 
• Python (neu feddalwedd rhaglennu arall) 
• Adobe Photoshop
• Cyfryngau Cymdeithasol e.e. creu deunydd ar gyfer Instagram Reels, TikTok, Twitter, YouTube ac ati. 
• Creu neu olygu fideos 
• ProTools 
• Discord 

Rydym hefyd yn agored i unrhyw sgiliau neu feddalwedd arall sy’n bwysig ac y dylid eu darparu yn eich barn chi!  

Os oes gennych ddiddordeb, cofrestrwch erbyn 28 Gorffennaf 2023 drwy’r ddolen ganlynol: https://forms.office.com/e/EQsxd8wdD7 

Os oes gennych unrhyw gwestiynau neu broblemau wrth ddefnyddio’r ffurflen gofrestru, cysylltwch â ni yn: digi@aber.ac.uk