Ydych chi’n cael trafferth rhoi eich meddyliau i lawr ar bapur neu’n ei chael hi’n anodd cadw momentwm wrth ysgrifennu eich aseiniadau? Mae 4thewords yn wefan sy’n troi eich prosiectau yn gêm antur ffantasi lle’r ydych chi’n trechu angenfilod trwy ysgrifennu cyfrif geiriau byr o fewn terfyn amser penodol.
Oeddech chi’n gwybod y gallwch fel myfyriwr o Brifysgol Aberystwyth gael mynediad at drwyddedau am ddim ar gyfer Microsoft Office Suite ar hyd at bum dyfais. Gallwch ddod o hyd i fanylion eich cyfrif o unrhyw raglen/cymhwysiad Microsoft drwy glicio ar eich llythrennau cyntaf yn y gornel dde uchaf. O’r fan hon, dewiswch Gweld Cyfrif a chliciwch ar Gosod Office i gael mynediad i Word, PowerPoint, Teams, Excel, OneNote a mwy!
Ar gael ar gyfer Windows, iOS, ac Android.
A hoffech chi deimlo’n fwy hyderus wrth ddefnyddio offer digidol ar gyfer eich astudiaethau a thu hwnt? Dewch draw i’r Caffi Sgiliau Digidol, ein gwasanaeth galw heibio wythnosol newydd i’ch helpu i feithrin eich sgiliau digidol drwy gydol eich amser ym Mhrifysgol Aberystwyth.
P’un a oes gennych gwestiwn penodol, neu ddim yn siŵr ble i ddechrau, rydyn ni yma i helpu. Mae’r Caffi yn gyfle i chi fanteisio ar y pethau canlynol
Cael cymorth gyda’ch astudiaethau
Dysgu rhagor am offer digidol i’ch helpu gyda’ch aseiniadau, prosiectau a thasgau astudio, a chael arweiniad ar ddewis a defnyddio’r rhai sy’n iawn i chi.
Datblygu eich hyder digidol
Trafod eich adroddiad Adnodd Darganfod Digidol a chanfod ffyrdd ymarferol o ddatblygu eich sgiliau.
Paratoi ar gyfer eich dyfodol
Ystyried y sgiliau digidol y gallai fod eu hangen arnoch ar gyfer lleoliadau gwaith, astudiaethau ôl-raddedig, a’ch gyrfa yn y dyfodol.
Gallwch ddod o hyd i ni wrth ddesg galw heibio SgiliauAber ar Lawr D, Llyfrgell Hugh Owen, ger mynedfa’r grisiau, trwy gydol y tymor:
Galwch heibio am sgwrs – byddem wrth ein bodd yn eich helpu i gymryd eich cam nesaf.
Ewch i dudalen we’r Caffi Sgiliau Digidol i gael rhagor o wybodaeth neu anfonwch e-bost atom yn digi@aber.ac.uk os oes gennych unrhyw gwestiynau.
Ydych chi wedi cael eich aseiniad cyntaf? Rhwng 19 a 23 Hydref, byddwn yn rhannu cyngor, adnoddau a digwyddiadau i’ch helpu i ddechrau arni.
Byddwn yn eich tywys trwy bob cam o’r broses, o ddeall briff yr aseiniad a dod o hyd i’r wybodaeth gywir i gynllunio, ysgrifennu a chyflwyno eich gwaith yn hyderus.
Ac nid yw hyn ar gyfer myfyrwyr y flwyddyn gyntaf yn unig. Os ydych chi yn eich ail neu’ch trydedd flwyddyn, gweithio ar eich astudiaethau Ôl-raddedig neu’n dilyn cwrs Dysgu Gydol Oes, cewch awgrymiadau a chymorth defnyddiol i helpu gyda’ch aseiniadau.
Digwyddiadau a Gweithgareddau:
Dydd Llun 19eg: Deall eich aseiniad
Dydd Mawrth 20fed: Dod o hyd i’ch deunyddiau
Dydd Mercher 21ain: Paratoi’r dechnoleg
Dydd Iau 22ain: Ysgrifennu Eich Aseiniad
Dydd Gwener 23ain: Cyflwyno Eich Aseiniad
Trwy’r Wythnos:
Bydd popeth ar gael ar Ffrwd, felly cadwch lygad yn ystod yr wythnos. Pob lwc!
Am unrhyw gwestiynau pellach cysylltwch drwy:
Ffon: 01970 622020
Ebost: llyfrgell@aber.ac.uk
