![](http://wordpress.aber.ac.uk/digital-capabilities/files/2023/08/digitips-banner_61877145-2-1024x241.png)
Ydych chi erioed wedi copïo a gludo cynnwys o weddalen neu ddogfen arall i ddogfen Word newydd a chanfod bod hyn yn gwneud smonach o’ch fformatio? Yn ffodus, mae dewisiadau ychwanegol ar wahân i’r opsiwn gludo sylfaenol (ctrl+v) a all helpu i ddatrys hyn!
Dechreuwch drwy ddewis lle’r hoffech ludo eich cynnwys a chliciwch fotwm de’r llygoden. Yna fe gewch nifer o opsiynau gludo gwahanol (bydd yr opsiynau sydd ar gael yn seiliedig ar y math o gynnwys yr ydych wedi’i gopïo).
![](https://wordpress.aber.ac.uk/digital-capabilities/files/2023/12/pasting-options.png)
Dyma grynodeb o’r 4 dewis gludo mwyaf cyffredin:
![](http://wordpress.aber.ac.uk/digital-capabilities/files/2023/12/Keep-Formatting.png)
Cadw’r Fformatio
Bydd hyn yn cadw fformatio’r testun yr ydych wedi’i gopïo (boed hynny o weddalen, dogfen arall, neu ffynhonnell arall).
![](http://wordpress.aber.ac.uk/digital-capabilities/files/2023/12/Merge-Formatting-1.png)
Cyfuno Fformatio
Bydd yr opsiwn hwn yn newid fformatio’r testun fel ei fod yn cyd-fynd â fformatio’r testun o’i amgylch.
![](http://wordpress.aber.ac.uk/digital-capabilities/files/2023/12/Use-destination-styles.png)
Defnyddio Arddull y Gyrchfan
Mae’r opsiwn hwn yn fformatio’r testun a gopïwyd fel ei fod yn cyd-fynd â fformat y testun lle’r ydych chi’n gludo eich testun.
![](http://wordpress.aber.ac.uk/digital-capabilities/files/2023/12/Keep-Text-Only.png)
Cadw’r Testun yn Unig
Mae’r opsiwn hwn yn hepgor unrhyw fformatio presennol AC unrhyw elfennau nad ydynt yn destun yr ydych wedi’u copïo (e.e. delweddau neu dablau).
I ddilyn ein TipiauDigi, tanysgrifiwch i’n Blog Sgiliau Digidol. Neu, gallwch hefyd ddilyn y dudalen hon, lle bydd TipDigi newydd yn cael ei ychwanegu bob wythnos!