Gyda ThipDigidol 63, dysgwch sut i fewnosod tagiau yn eich tudalennau ar OneNote. Mae tagiau yn emojis bach fel blychau ticio i’ch helpu i gadw golwg ar yr hyn sy’n bwysig yn eich tudalennau OneNote.
Gwyliwch y fideo byr isod i ddysgu mwy!
I ddilyn ein TipiauDigidol, tanysgrifiwch i’n Blog Sgiliau Digidol. Neu, gallwch hefyd ddilyn y dudalen hon, lle bydd TipDigidol newydd yn cael ei ychwanegu bob wythnos!
Ydych chi eisiau perffeithio eich sgiliau cyflwyno cyn eich cyflwyniad mawr nesaf? Gyda ThipDigidol 62 a Hyfforddwr Cyflwyno PowerPoint gallwch gael adborth wrth i chi ymarfer! Dilynwch y camau hyn:
I ddilyn ein TipiauDigidol, tanysgrifiwch i’n Blog Sgiliau Digidol. Neu, gallwch hefyd ddilyn y dudalen hon, lle bydd TipDigidol newydd yn cael ei ychwanegu bob wythnos!
Gallwch chwyddo i mewn ac allan yn rhwydd gyda ThipDigidol 61! Os oes angen i chi chwyddo i mewn neu allan yn gyflym ar eich cyfrifiadur Windows, y llwybr byr hawdd ar gyfer hyn yw’r fysell Windows a + i chwyddo i mewn ac yna bysell Windows a – i chwyddo allan!
I ddilyn ein TipiauDigidol, tanysgrifiwch i’n Blog Sgiliau Digidol. Neu, gallwch hefyd ddilyn y dudalen hon, lle bydd TipDigidol newydd yn cael ei ychwanegu bob wythnos!
Ers mis Medi 2023, mae’r Tîm Sgiliau Digidol wedi bod yn cyhoeddi awgrymiadau a thriciau wythnosol i helpu i wella eich Sgiliau Digidol, un TipDigidol ar y tro. Hyd yn hyn, rydym wedi cyhoeddi 60 TipDigidol o lwybrau byr Microsoft i awgrymiadau am apiau lles digidol!
Byddwn yn dychwelyd yr wythnos nesaf ar ddydd Mawrth 29 Ebrill gyda 5 TipDigidol arall, os ydych chi am fynd yn ôl ac edrych ar DipDigidol blaenorol gallwch ddarllen pob un ohonynt ar y dudalen we hon.
Os ydych chi am weld ein TipDigidol bob wythnos, mae sawl ffordd wahanol o wneud hynny.
Ydych chi erioed wedi cael trafferth cyflwyno eich PowerPoint ar-lein trwy rannu eich sgrin? Oeddech chi’n gwybod y gallwch chi gyflwyno’n uniongyrchol o PowerPoint i Teams? Wel rydych chi’n gwybod nawr gyda ThipDigidol 60!
Pan fyddwch yn eich cyfarfod ac yn barod i rannu eich sleidiau – dewiswch y botwm “present in Teams” yn eich PowerPoint a dechrau cyflwyno!
Edrychwch ar y fideo byr isod i weld pa mor hawdd ydyw:
I ddilyn ein TipiauDigidol, tanysgrifiwch i’n Blog Sgiliau Digidol. Neu, gallwch hefyd ddilyn y dudalen hon, lle bydd TipDigidol newydd yn cael ei ychwanegu bob wythnos!
Ydych chi’n anghofio yfed digon o ddŵr yn y Brifysgol neu yn y gwaith? Dyma’r TipDigidol i chi. Mae yfed digon o ddŵr yn rhan bwysig o’ch lles gan ei fod yn dylanwadu ar faint o egni sydd gennych ac yn eich helpu i ganolbwyntio.
Mae gan My Water fersiwn am ddim a fydd yn anfon hysbysiadau atoch ar gyfnodau penodol sy’n eich atgoffa i yfed i gyrraedd eich nod ar gyfer y diwrnod. Ochr yn ochr â hyn rhoddir ystadegau i chi hefyd yn seiliedig ar faint o ddŵr ydych chi wedi’i yfed yn ystod yr wythnos. Mae yna hefyd dudalen Cyflawniadau sy’n dangos pa gerrig milltir rydych chi wedi’u taro a sut i gyflawni mwy. Wrth gofnodi’r hyn rydych chi wedi’i yfed ar y fersiwn am ddim gallwch ddewis dŵr, coffi neu de a fydd yn dychwelyd symiau gwahanol i’ch cynnydd dŵr yn seiliedig ar gydbwysedd y dŵr yn eich diod.
Isod ceir rhai sgrinluniau o’r ap sy’n dangos rhai o’r nodweddion hyn.
I ddilyn ein TipiauDigidol, tanysgrifiwch i’n Blog Sgiliau Digidol. Neu, gallwch hefyd ddilyn y dudalen hon, lle bydd TipDigidol newydd yn cael ei ychwanegu bob wythnos!
Weithiau, gall cyfnewid o wahanol benawdau yn Word fod yn boen, ond gyda ThipDigidol 58 does dim rhaid iddo fod yn boen mwyach!
Defnyddiwch y llwybr byr syml: Ctrl + Shift + S i gyfnewid yn hawdd rhwng yr holl wahanol arddulliau pennawd sydd ar gael yn Word.
I ddilyn ein TipiauDigidol, tanysgrifiwch i’n Blog Sgiliau Digidol. Neu, gallwch hefyd ddilyn y dudalen hon, lle bydd TipDigidol newydd yn cael ei ychwanegu bob wythnos!
Heddiw – 21 Mawrth 2025 – yw Diwrnod Rhyngwladol y Coedwigoedd ac i ddathlu rydyn ni’n ailymweld â phob blogbost a ThipDigidol sy’n gysylltiedig â natur!
Ydych chi eisiau cyfrif sawl gwaith mae enw’n ymddangos mewn colofn ochr yn ochr ag amodau eraill yn Excel? Gyda TipDigidol 57 gallwn ddangos y fformiwla i chi wneud hyn.
Yn gyntaf bydd angen data tebyg i’r hyn a ddangosir yn y sgrinlun lle mae gennych chi sawl colofn o wybodaeth a lle’r hoffech chi gyfrif faint o feini prawf penodol sy’n bodoli megis enwau neu ddyddiadau er enghraifft
I wneud hyn bydd angen i ni ddefnyddio’r nodwedd COUNTIFS yn y tab fformiwla, dangosir hyn yn y sgrinlun isod.
Mae hyn yn cymryd yr ystod meini prawf sef y golofn enwau yn yr enghraifft ac yna’r meini prawf ei hun, sef yr enw Chris yn E2 yn yr enghraifft. Hefyd wedi’i gynnwys yn yr enghraifft y mae ystod meini prawf arall o’r golofn o anrhegion a’r meini prawf Siocled. Bydd hyn wedyn yn mynd trwy’r holl wybodaeth ac ond yn cyfrif pan fydd y ddau faen prawf hyn yn cael eu bodloni.
Gallai hyn fod yn ddefnyddiol ar raddfa fwy ar gyfer olrhain unrhyw gyfanswm o bethau sy’n digwydd ar daenlen.
I ddilyn ein TipiauDigidol, tanysgrifiwch i’n Blog Sgiliau Digidol. Neu, gallwch hefyd ddilyn y dudalen hon, lle bydd TipDigidol newydd yn cael ei ychwanegu bob wythnos!
Os ydych chi eisiau i’ch cyflwyniadau gyrraedd y lefel nesaf gallech geisio mewnosod cameo, dysgwch sut gyda ThipDigidol 56!
Cameo yw recordiad ohonoch chi’ch hun yn siarad trwy’ch sleidiau ac yn cyflwyno eich PowerPoint.
Gallwch weld sut i wneud hyn drwy’r fideo isod.
I ddilyn ein TipiauDigidol, tanysgrifiwch i’n Blog Sgiliau Digidol. Neu, gallwch hefyd ddilyn y dudalen hon, lle bydd TipDigidol newydd yn cael ei ychwanegu bob wythnos!
