Blogbost gan Shân Saunders (Cydlynydd Datblygu Sgiliau a Galluoedd Digidol)

Gyda datblygiad ffonau a thechnoleg mae ap ar gyfer popeth erbyn hyn – gan gynnwys darllen! Fel darllenydd brwd rwy’n hoffi herio fy hun gydag amcanion blynyddol, trafod llyfrau gyda chyd-ddarllenwyr a chyflawni ystadegau darllen. Gyda fy nhri hoff ap darllen – mae hyn i gyd yn bosibl!  

1. Goodreads  

Mae Goodreads yn wych ar gyfer tracio eich deunydd darllen cyfredol a chadw ar y trywydd iawn ar gyfer eich amcanion darllen.  

• Gosodwch her ddarllen flynyddol i chi’ch hun a bydd Goodreads yn dweud wrthych a ydych chi ar y trywydd iawn. 
• Traciwch eich deunydd darllen cyfredol i weld pa mor bell yr ydych wedi cyrraedd. 
• Cewch fathodyn os byddwch yn cyrraedd eich nod. 
• Gallwch weld llyfrau yr ydych wedi’u darllen yn y blynyddoedd diwethaf. 
• Gallwch greu silffoedd darllen ar gyfer eich anghenion megis “eisiau darllen”. 
• Sganiwch gloriau llyfrau yn hytrach na chwilio amdanynt. 
• Darganfyddwch lyfrau newydd yn seiliedig ar eich darlleniadau diweddar, cyhoeddiadau newydd a llyfrau sy’n trendio.  

2. StoryGraph 

Mae StoryGraph yn rhoi ystadegau manwl i chi am eich arferion darllen. 

• Gosodwch eich amcanion darllen blynyddol – naill ai nifer y llyfrau, nifer y tudalennau neu’r ddau! – a chewch wybod a ydych ar y trywydd iawn. 
• Traciwch eich deunydd darllen cyfredol i weld pa mor bell yr ydych wedi cyrraedd. 
• Gallwch weld eich ystadegau darllen fesul mis, blwyddyn ac amrywiaeth o statws darllen megis ‘wedi darllen’, ‘heb orffen’, ‘i’w ddarllen’ a mwy. 
• Gweld graffiau ar gyfer:  
  • Hwyliau 
  • Cyflymder 
  • Nifer y tudalennau 
  • Ffuglen/ffeithiol 
  • Genre 
  • Y llyfrau a ddarllenwyd wedi’u rhannu ar draws misoedd.  

3. Fable 

Ymunwch â chlybiau llyfrau a darllenwch gydag eraill gan ddefnyddio Fable.  

• Gosodwch eich amcanion darllen blynyddol.  
• Traciwch eich deunydd darllen cyfredol i weld pa mor bell yr ydych wedi cyrraedd. 
• Ymunwch â chlwb llyfrau a darllen gydag eraill. 
• Crëwch glwb llyfrau a dod o hyd i gymuned.  
• Cymerwch gwis hwyliau i’ch helpu i ddod o hyd i’ch llyfr nesaf.  
• Creu rhestr ‘i’w ddarllen’ yn seiliedig ar eich llyfrau darllen.