Blogbost gan Sioned Llywelyn (Arweinydd Sgiliau Digidol)
Rydyn ni hanner ffordd trwy Her Ddysgu’r Haf, ond peidiwch â phoeni, nid yw’n rhy hwyr i ymuno â ni!
Ar gyfer Her Ddysgu’r Haf, rydyn ni wedi dod â 14 o gyrsiau byr a fideos o LinkedIn Learning ynghyd i chi eu gwylio a dysgu dros 5 wythnos. Mae’r cynnwys hwn yn amrywio o 3-8 munud a bydd yn eich helpu i ddatblygu ystod o sgiliau – o ysgrifennu awgrymiadau effeithiol ar gyfer Deallusrwydd Artiffisial, ffotograffiaeth tirlun gyda’ch ffôn, i ddatblygu arferion cysgu gwell.
Sut ydw i’n ymuno â’r her?
- Os nad ydych wedi gwneud hynny eto, actifadwch eich cyfrif LinkedIn Learning (mewngofnodwch gyda’ch e-bost a’ch cyfrinair PA).
- Edrychwch ar y rhestr o gyrsiau byr a fideos o’r PDF isod
- Dewiswch un cwrs neu fideo byr i’w gwylio bob wythnos (mae cyfanswm o 5 wythnos) a chliciwch ar y dolenni yn y PDF isod i ddechrau
Sut gallaf gael cefnogaeth?
Os oes gennych unrhyw gwestiynau am yr her, neu am LinkedIn Learning yn gyffredinol, ebostiwch y Tîm Sgiliau Digidol (digi@aber.ac.uk), a gobeithio y gwnewch chi fwynhau eich haf o ddysgu!