A hoffech chi wneud eich cyflwyniadau PowerPoint yn fwy diddorol? Ond nad ydych chi’n siŵr ble i ddechrau? Beth am ddefnyddio’r adnodd ‘Dylunydd’ yn PowerPoint. Mae’r adnodd Dylunydd yn cyflwyno syniadau a gynhyrchwyd i wneud i’ch sleidiau edrych yn fwy diddorol. Edrychwch ar y fideo byr isod am arddangosiad cyflym.
I ddilyn ein TipiauDigidol, tanysgrifiwch i’n Blog Sgiliau Digidol. Neu, gallwch hefyd ddilyn y dudalen hon, lle bydd TipDigidol newydd yn cael ei ychwanegu bob wythnos!
Gan ddechrau’r wythnos nesaf, bydd TipDigidol yn dychwelyd. Ymunwch â ni am negeseuon wythnosol am ein hoff awgrymiadau a thriciau digidol i helpu i wella eich sgiliau digidol. Os nad ydych wedi gweld ein TipDigiol blaenorol, gallwch eu gweld i gyd yma. Cofiwch gadw i fyny â’n TipDigidol a’r holl negeseuon sgiliau digidol eraill trwy danysgrifio i’r blog!
Cyn i ni symud i’r flwyddyn academaidd newydd ac at gyfres TipDigidol newydd – blog wythnosol i dynnu sylw at gyngor defnyddiol y gallwch ei ddefnyddio i wneud eich bywyd digidol bob dydd yn haws – gadewch i ni edrych yn ôl ar y 5 TipDigidol mwyaf poblogaidd o 2024/25!
Ydych chi erioed wedi bod mewn cyfarfod MS Teams lle mae angen i chi anfon rhestr gyflym sy’n hawdd i eraill ei darllen? Mae dwy ffordd gyflym o greu pwyntiau bwled neu restrau wedi’u rhifo mewn unrhyw sgwrs MS Teams.
Efallai y bydd adegau pan fydd rhywun wedi anfon e-bost atoch, a hoffech gydnabod ei dderbyn heb anfon ateb arall. Nodwedd wych i’w defnyddio yn yr achos hwn yw’r nodwedd ymateb yn Outlook, sy’n gweithio’n debyg i’r rhai yn MS Teams neu ar lwyfannau cyfryngau cymdeithasol amrywiol.
Mae gan Teams adnodd chwilio defnyddiol, ond weithiau gall gynhyrchu gormod o ganlyniadau. Er mwyn arbed amser diangen yn chwilio, gallwch ddefnyddio hidlwyr.
Mae’r hidlwyr hyn yn caniatáu ichi chwilio gan ddefnyddio meini prawf penodol fel dyddiad, anfonwr a math o ffeil, gan eich helpu i nodi’r wybodaeth sydd ei hangen arnoch yn gyflym!
Os ydych chi wedi dechrau ysgrifennu brawddeg a sylweddoli eich bod yn defnyddio priflythrennau/llythrennau bach i gyd – dyma’r TipDigidol i chi! Oeddech chi’n gwybod y gallwch chi newid o briflythrennau i lythrennau bach ac fel arall yn Office 365 trwy ddewis y testun ac yna defnyddio Shift + F3?
Ydych chi eisiau ychwanegu ffyrdd diddorol o gyflwyno’ch data yn MS Excel? Gall TipDigidol 49 helpu gyda hynny trwy gyflwyno Sparklines. Mae Sparklines yn graffiau bach sydd ond yn cymryd un gell mewn dalen Excel ac yn ffordd effeithiol o gyflwyno data heb orfod cael graff sy’n llenwi dalen gyfan.
Ymunwch â ni ym mis Medi 2025 am fwy o’r TipDigidol, i ddilyn ein TipDigidol, tanysgrifiwch i’n Blog Sgiliau Digidol. Neu fel arall, gallwch lyfrnodi’r dudalen we hon, lle ychwanegir TipDigidol newydd bob wythnos gan ddechrau o fis Medi!
Cynhelir y seremonïau graddio yr wythnos hon o ddydd Mawrth 15 Gorffennaf i ddydd Iau 17 Gorffennaf ym Mhrifysgol Aberystwyth ac felly rydym eisiau dathlu ein graddedigion. Y llynedd, creodd ein Hyrwyddwyr Digidol y proffiliau Sgiliau Digidol Graddedigion a’r Proffiliau Sgiliau Digidol Cyflogwyr. Mae’r Sgiliau Digidol Graddedigion yn edrych yn fanwl ar fywyd ar ôl graddio i’n graddedigion diweddar yn ogystal â’r sgiliau yr hoffent fod wedi’u datblygu yn y brifysgol. Yn y cyfamser, mae’r proffiliau Sgiliau Digidol Cyflogwyr yn adolygu’r sgiliau y mae cyflogwyr yn chwilio amdanynt mewn myfyrwyr sydd newydd raddio. Darllenwch y proffiliau isod i gael mwy o wybodaeth!
Yn ystod y gwyliau haf, beth am ymuno â ni ar gyfer Her Haf y Tîm Sgiliau Digidol. Isod ceir naw her ddyddiol y gallwch eu cwblhau o fewn gwyliau’r haf i helpu i hybu eich sgiliau digidol a chreadigol.
Fersiwn Testun:
Gallwch gyfnewid teipio am siarad gyda ThipDigidol 65 ac offer Arddweud Microsoft Word. Ar Microsoft Word mae yna opsiwn i arddweud trwy naill ai glicio ar y botwm meicroffon neu ddefnyddio’r llwybr byr Alt a +. Mae hyn yn golygu y gallwch chi siarad, a bydd Microsoft Word yn teipio i chi!
I ddilyn ein TipiauDigidol, tanysgrifiwch i’n Blog Sgiliau Digidol. Neu, gallwch hefyd ddilyn y dudalen hon, lle bydd TipDigidol newydd yn cael ei ychwanegu bob wythnos!
Gwella eich taenlenni gyda ThipDigidol 64. Oeddech chi’n gwybod y gallwch chi newid cyfeiriad y testun ar eich taenlenni. Gall hyn helpu os yw’ch taenlenni yn cynnwys gormod o destun, yn enwedig penawdau. Gwyliwch y fideo byr isod i ddysgu sut!
I ddilyn ein TipiauDigidol, tanysgrifiwch i’n Blog Sgiliau Digidol. Neu, gallwch hefyd ddilyn y dudalen hon, lle bydd TipDigidol newydd yn cael ei ychwanegu bob wythnos!
Gyda ThipDigidol 63, dysgwch sut i fewnosod tagiau yn eich tudalennau ar OneNote. Mae tagiau yn emojis bach fel blychau ticio i’ch helpu i gadw golwg ar yr hyn sy’n bwysig yn eich tudalennau OneNote.
Gwyliwch y fideo byr isod i ddysgu mwy!
I ddilyn ein TipiauDigidol, tanysgrifiwch i’n Blog Sgiliau Digidol. Neu, gallwch hefyd ddilyn y dudalen hon, lle bydd TipDigidol newydd yn cael ei ychwanegu bob wythnos!
Ydych chi eisiau perffeithio eich sgiliau cyflwyno cyn eich cyflwyniad mawr nesaf? Gyda ThipDigidol 62 a Hyfforddwr Cyflwyno PowerPoint gallwch gael adborth wrth i chi ymarfer! Dilynwch y camau hyn:
I ddilyn ein TipiauDigidol, tanysgrifiwch i’n Blog Sgiliau Digidol. Neu, gallwch hefyd ddilyn y dudalen hon, lle bydd TipDigidol newydd yn cael ei ychwanegu bob wythnos!
Wrth i’r tymor arholiadau agosáu, fe allai fod yn anodd cofio am bob tasg, ac fe allai eich llethu ar ben popeth arall sydd angen ei wneud. Gyda’r blogbost hwn, byddwn yn cyflwyno pedwar ap ‘Rhestr o bethau i’w Gwneud’ gwahanol i’ch helpu i reoli eich llwyth gwaith a threfnu eich diwrnodau.
Microsoft To Do
Mae Microsoft To Do yn ap cynlluniwr a ddarperir gan Microsoft ac felly mae’n ap y gallwch ei gael ar eich ffôn sydd hefyd wedi’i gysylltu â’ch cyfrif Teams. Gallwch hefyd ddefnyddio Microsoft To Do trwy’r opsiwn ‘Planner’ ar fwrdd gwaith eich cyfrif Teams. Rhai o nodweddion allweddol Microsoft To Do yw ‘My Day’ lle gallwch drefnu’r holl dasgau sydd angen i chi eu cwblhau ar gyfer y diwrnod ond hefyd ‘Planned’ lle gallwch osod dyddiadau cwblhau ar gyfer tasgau yn y dyfodol. Os ydych chi wedi dewis cysylltu Microsoft To Do â’ch cyfrif Teams o dan ‘Assigned to me’, byddwch yn gallu gweld yr holl dasgau a neilltuwyd i chi trwy fyrddau tasgau sianeli Teams a all fod yn ddefnyddiol ar gyfer prosiectau grŵp. Mae yna hefyd nodwedd i greu rhestrau newydd megis os ydych chi eisiau rhestr benodol ar gyfer yr holl dasgau sydd angen eu creu ar gyfer prosiect.
Todoist
Gyda Todoist gallwch greu a gweld eich tasgau dyddiol a chreu a gweld tasgau sydd ar ddod gyda dyddiadau cwblhau. Gallwch ddewis gosod tasgau rheolaidd megis yfed dŵr bob dydd gyda’r dewis o osod gwahanol lefelau blaenoriaeth i bob tasg i helpu gyda blaenoriaethu. Mae gan yr ap hefyd opsiwn hysbysiad atgoffa ar gyfer tasgau nad ydych wedi’u cwblhau neu ar gyfer tasgau sydd i ddod yr ydych wedi’u gosod ymlaen llaw.
Lists To Do
Mae Lists To Do yn ap Rhestr o Bethau i’w Gwneud sylfaenol sydd orau ar gyfer tasgau o fewn tasg er enghraifft, eitemau sydd eu hangen o fewn rhestr siopa neu eitemau sydd angen eu pacio. Gellir rhoi emojis i restrau i helpu gyda gwahaniaethu. Gallwch hefyd cynifer o wahanol restrau ag yr hoffech yn ogystal â dyblygu rhestrau! Mae gan yr ap hwn hefyd yr opsiwn i ddidoli rhestrau yn nhrefn yr wyddor neu â llaw.
Structured – Daily Planner
Mae Structured – Daily Planner yn canolbwyntio’n fwy ar dasgau unigol y mae angen i chi eu cwblhau bob dydd. Mae dwy brif ardal ar yr ap hwn, y cyntaf yw ‘mewnflwch’. Mae’r ‘mewnflwch’ yn caniatáu ichi ychwanegu meddyliau a thasgau cyflym lle gallwch eu hychwanegu at eich ‘llinell amser’ yn ddiweddarach. Mae eich ‘llinell amser’ yn dangos eich diwrnod wedi’i gynllunio o’r adeg y byddwch yn deffro hyd nes y bydd yn dirwyn i ben! Gallwch dicio’ch tasgau wrth i chi fynd ac mae gan yr ap hwn hefyd yr opsiwn i roi cod lliw i dasgau ac ychwanegu emojis yn awtomatig yn seiliedig ar eich tasg.
