{"id":695,"date":"2022-10-14T09:00:00","date_gmt":"2022-10-14T08:00:00","guid":{"rendered":"https:\/\/wordpress.aber.ac.uk\/librarian\/?p=695"},"modified":"2022-10-14T08:55:13","modified_gmt":"2022-10-14T07:55:13","slug":"diwrnod-shwmae-sumae-15-hydref","status":"publish","type":"post","link":"https:\/\/wordpress.aber.ac.uk\/librarian\/?p=695&lang=cy","title":{"rendered":"Diwrnod Shwmae Su’mae – 15 Hydref"},"content":{"rendered":"\n

I ddathlu Diwrnod Shwmae Su’mae eleni, rydym yn rhannu blog gan ein blogiwr gwadd, Pencampwr Digidol Myfyrwyr, Laurie Stevenson<\/strong>, ac yn cael cip sydyn ar rai adnoddau llyfrgell i’ch helpu i ymarfer a datblygu eich sgiliau darllen a siarad Cymraeg.<\/p>\n\n\n\n

<\/div>\n\n\n\n
\"\"
Laurie Stevenson<\/em><\/figcaption><\/figure>\n\n\n\n

Dw i’n dysgu Cymraeg!<\/h2>\n\n\n\n

Ar y 15fed o Hydref bydd hi\u2019n Ddiwrnod Shwmae Su’mae, sy\u2019n ddiwrnod o ddathlu a hyrwyddo’r Gymraeg. Felly roedd arna i eisiau manteisio ar y cyfle hwn fel un o Bencampwyr Digidol y Myfyrwyr i ddefnyddio’r blog i rannu fy mhrofiadau fy hun fel dysgwr Cymraeg.<\/p>\n\n\n\n

Pam y gwnes i benderfynu cael gwersi Cymraeg?<\/strong><\/p>\n\n\n\n

Fe wnes i syrthio mewn cariad \u00e2 Chymru o fewn dim imi symud yma ac roeddwn i’n gwybod ers cychwyn cyntaf fy nghwrs gradd bod arna i eisiau dysgu mwy am ddiwylliant Cymru a dysgu’r iaith fel ffordd o barchu’r diwylliant a theimlo fy mod i\u2019n perthyn yma. Rwy’n mwynhau heriau deallusol ond wnes i erioed weld diben dysgu ieithoedd fel Ffrangeg neu Sbaeneg os nad oeddwn i am allu eu defnyddio mewn bywyd go iawn. Trwy gydol fy nyddiau ysgol, roeddwn i\u2019n ei chael hi’n anodd teimlo unrhyw fath o frwdfrydedd tuag at ddysgu ieithoedd fel yna. Ond pan gefais gyfle i ddysgu Cymraeg roeddwn i’n hynod o awyddus. Rydw i wrth fy modd yn gallu cynnal sgyrsiau syml ar y bws neu mewn siop neu gaffi ac rydw i wir yn mwynhau’r w\u00ean sy\u2019n dod i wynebau pobl pan maen nhw\u2019n sylweddoli fy mod i\u2019n dysgu’r iaith.<\/p>\n\n\n\n

Sut y gwnes i fynd ati i ddysgu Cymraeg?<\/strong><\/p>\n\n\n\n

Fe wnes i ofyn am wersi Cymraeg yn fy mlwyddyn gyntaf ond oherwydd Covid doedden nhw ddim yn cael eu cynnal. Ond pan es i i Ffair y Glas yn fy ail flwyddyn siaradais gyda rhywun ar stondin UMCA – Undeb Myfyrwyr Cymraeg Aberystwyth – a rhoi fy enw i lawr. Mae\u2019r gwersi\u2019n cael eu darparu gan dysgucymraeg.cymru ac fe ddechreuais i gyda’u cwrs blasu, gyda sesiynau awr o hyd bob wythnos. Eleni rydw i wedi symud ymlaen i’r cwrs lefel mynediad, sydd yn cael ei achredu, ac mae hwnnw\u2019n ddwyawr yr wythnos. Rydw i hefyd yn defnyddio Duolingo i gyd-fynd \u00e2\u2019r gwersi ac mae hynny\u2019n help er mwyn cofio gwybodaeth rhwng y gwersi.<\/p>\n\n\n\n

Pa adnoddau defnyddiol ydw i wedi dod o hyd iddynt ym Mhrifysgol Aberystwyth?<\/strong><\/p>\n\n\n\n

Drwy UMCA y gwnes i ddod o hyd i\u2019r cyrsiau, ac maen nhw hefyd yn cynnal digwyddiadau Cymraeg eu hiaith a digwyddiadau diwylliannol, ac yn rhoi cyfle i ddysgwyr gwrdd ac ymarfer eu Cymraeg gyda siaradwyr Cymraeg. Mae dolenni i’r cyrsiau ar gael ar wefan y Brifysgol<\/a> hefyd, a dolenni i adnoddau ar-lein i\u2019ch helpu wrth ichi ddysgu. Mae gan y llyfrgell adnoddau gwych hefyd, gan gynnwys llyfrau, geiriaduron a llyfrau o ymadroddion er mwyn dysgu’r iaith.<\/p>\n\n\n\n

Laurie Stevenson <\/strong><\/p>\n\n\n\n

\"\"<\/a><\/figure>
\n

Dysgwch ragor am Laurie a gwaith y Pencampwyr Digidol Myfyrwyr ar y Blog Galluoedd Digidol<\/strong><\/a><\/p>\n<\/div><\/div>\n\n\n\n

<\/div>\n\n\n\n

Adnoddau Llyfrgell<\/h2>\n\n\n\n

Os ydych wedi cychwyn ar eich taith i ddysgu Cymraeg, yn meddwl am fentro, neu os ydych yn siaradwr Cymraeg ac am roi sglein ar eich sgiliau, mae gan y llyfrgell ystod eang o adnoddau defnyddiol. <\/p>\n\n\n\n

Ewch i’r Casgliad Celtaidd<\/strong><\/a> ar Lefel F<\/strong> yn Llyfrgell Hugh Owen<\/strong> ac mi ddewch o hyd i filoedd o lyfrau i’ch helpu i ymarfer a datblygu eich sgiliau darllen a siarad \u2013 o nofelau gyda geirfa, i lyfrau gramadeg, i gyrsiau iaith cyflawn.<\/p>\n\n\n\n

A chofiwch ddweud su’mae wrth staff y Llyfrgell!<\/p>\n\n\n\n