Negeseuon Blackboard

Gall staff sy’n addysgu ar gyrsiau Blackboard ddefnyddio’r adnodd Negeseuon i anfon negeseuon at eu myfyrwyr, ac mae’r rhain yn aml yn cael eu hanfon trwy e-bost.

Oherwydd y ffordd y mae’r adnodd Negeseuon yn gweithio, anfonir pob neges o’r cyfeiriad e-bost cymorth e-ddysgu (bb-team@aber.ac.uk ), yn hytrach na chyfeiriadau e-bost personol aelodau’r staff. Mae ymateb i neges yn ei hanfon at ein staff cymorth e-ddysgu.

Myfyrwyr – peidiwch â chlicio ar y botwm Ateb i ymateb i Neges.  Yn lle hynny, defnyddiwch yr opsiwn Ymlaen gan ychwanegu’r cyfeiriad e-bost perthnasol ar gyfer yr aelod staff. Os nad ydych yn siŵr beth yw eu cyfeiriad e-bost, gallwch ddod o hyd iddo ar Gyfeiriadur y Brifysgol.

Staff – er mwyn helpu myfyrwyr i gysylltu â chi, rydym yn argymell cynnwys eich cyfeiriad e-bost mewn unrhyw Negeseuon yr ydych yn eu hanfon.

Dyma enghraifft o Neges Blackboard a anfonwyd drwy e-bost

Testun amgen: sgrinlun o Neges Blackboard a anfonwyd drwy e-bost

Ac mae’r ddelwedd isod yn dangos beth sy’n digwydd pan fyddwch chi’n clicio ar y botwm Ateb yn eich e-bost – mae’r blwch At: yn anfon y neges i bb-team@aber.ac.uk

Testun amgen: Sgrinlun o'r neges e-bost a grëwyd wrth Ateb Neges Blackboard

Rydym yn gweithio gyda Blackboard / Anthology a chydweithwyr i ddatrys y mater hwn, ond yn y cyfamser gwiriwch cyn ymateb i neges. Mae hyn yn arbennig o bwysig os ydych chi’n anfon gwybodaeth bersonol.

Medi 2023: Diweddariad Blackboard Learn Ultra

Y mis hwn rhyddhawyd nifer o welliannau pellach yn Blackboard Learn Ultra.

Gwelliannau o ran Swp-Olygu (Batch Edit)

Mae Swp-Olygu yn symleiddio gwneud newidiadau i eitemau lluosog ar unwaith yn Blackboard p’un a yw hynny’n golygu gwelededd, amodau rhyddhau neu ddileu.  Mae Blackboard wedi diweddaru Swp-Olygu fel bod camau gweithredu bellach yn berthnasol i bob eitem y tu mewn i Ffolderi a Modiwlau Dysgu.

Mae’r holl eitemau i’w gweld ar un dudalen erbyn hyn. Mae Blackboard wedi ychwanegu’r gallu i ehangu a chwympo Ffolderi a Modiwlau Dysgu. 

Am fwy o wybodaeth am ddefnyddio Swp-olygu gweler Tudalen gymorth Swp-Olygu Blackboard.

Llyfrgell Ddelweddau Unsplash

Fel y trafodwyd mewn neges flog flaenorol, gall Hyfforddwyr nawr chwilio llyfrgell delweddau stoc helaeth Unsplash am ddelweddau stoc o ansawdd uchel, heb freindal i’w defnyddio o fewn Blackboard.

Gweler ein neges flog flaenorol yma.

Blackboard Ally

Y mis hwn hefyd fe wnaethom alluogi offer hygyrchedd Blackboard Ally sy’n caniatáu i fyfyrwyr lawrlwytho fformatau cynnwys amgen yn ogystal â gwiriwr hygyrchedd ar gyfer Hyfforddwyr.

Gweler ein neges flog flaenorol yma.

Os oes gennych unrhyw gwestiynau am Blackloard Learn Ultra cysylltwch ag eddysgu@aber.ac.uk

Sicrhewch fod Cyrsiau Blackboard Learn Ultra yn fwy gweledol gyda Modiwlau Dysgu, Delweddau Cwrs, a Delweddau Unsplash

Mae rhywfaint o’r adborth yr ydym wedi’i gael am Gyrsiau Blackboard Ultra yn nodi nad ydynt mor addasadwy yn weledol â chyrsiau’r Blackboard gwreiddiol. Caiff Ultra ei greu gan gadw hygyrchedd mewn cof, sy’n golygu nad yw rhai o’r nodweddion a oedd gennym o’r blaen, megis cefndiroedd lliw neu weadog a thestun a allai fod mewn cyferbyniad lliw isel ar gael mwyach.

Yn y neges flog hon byddwn yn rhoi rhai awgrymiadau i chi a allai helpu i wneud eich Cyrsiau Blackboard Ultra yn fwy deniadol i’r golwg, gan gynnwys rhai nodweddion newydd sbon a gyrhaeddodd ym mis Medi.

Modiwlau Dysgu

Mae Modiwlau Dysgu yn gweithio’n debyg i ffolderi a gellir eu gosod ar lefel uchaf y Dudalen Gynnwys. Gallwch ddefnyddio’r rhain i drefnu eich Deunyddiau Dysgu. Un o’r datblygiadau a gyrhaeddodd yn ddiweddar yw’r gallu i uwchlwytho delweddau i Fodiwlau Dysgu.

I greu Modiwl Dysgu, cliciwch ar y + a Creu > Modiwl Dysgu:

Mae rhywfaint o’r adborth yr ydym wedi’i gael am Gyrsiau Blackboard Ultra yn nodi nad ydynt mor addasadwy yn weledol â chyrsiau’r Blackboard gwreiddiol. Caiff Ultra ei greu gan gadw hygyrchedd mewn cof, sy’n golygu nad yw rhai o’r nodweddion a oedd gennym o’r blaen, megis cefndiroedd lliw neu weadog a thestun a allai fod mewn cyferbyniad lliw isel ar gael mwyach.

Yn y neges flog hon byddwn yn rhoi rhai awgrymiadau i chi a allai helpu i wneud eich Cyrsiau Blackboard Ultra yn fwy deniadol i’r golwg, gan gynnwys rhai nodweddion newydd sbon a gyrhaeddodd ym mis Medi.

Modiwlau Dysgu

Mae Modiwlau Dysgu yn gweithio’n debyg i ffolderi a gellir eu gosod ar lefel uchaf y Dudalen Gynnwys. Gallwch ddefnyddio’r rhain i drefnu eich Deunyddiau Dysgu. Un o’r datblygiadau a gyrhaeddodd yn ddiweddar yw’r gallu i uwchlwytho delweddau i Fodiwlau Dysgu.

I greu Modiwl Dysgu, cliciwch ar y + a Creu > Modiwl Dysgu:

Golygydd Modiwl Dysgu gyda Ychwanegu Llun wedi’i amlygu

O’r fan honno, gallwch bwyso Ychwanegu delwedd i uwchlwytho delwedd o’r chwilotwr ffeiliau. Dewiswch y ddelwedd o’r Chwilotwr Ffeiliau sy’n agor ac uwchlwytho. Fel arall, gallwch lusgo a gollwng eich delwedd i olygydd y Modiwl Dysgu. Ar ôl i chi ychwanegu delwedd at Fodiwl Dysgu, bydd yn ymddangos fel a ganlyn:

Modiwl Dysgu gyda delwedd ynghlwm a ffolder wythnosol

Read More

Rhestr Chwarae Hanfodion Ultra

Os ydych chi’n brysur, brysur yn paratoi eich cyrsiau ar ras wyllt cyn i’r myfyrwyr gyrraedd a chawsoch chi ddim amser i fynychu sesiynau hyfforddi dros yr haf, beth am ymweld â’n clipiau fideo hyfforddi newydd ar sut i weithio yn Blackboard Ultra.

Rydym ni wedi creu Rhestr Chwarae Hanfodion Ultra i gynorthwyo staff i ymgyfarwyddo â’r nodweddion newydd cyffrous Ultra. Mae’r rhestr chwarae yn cynnwys 15 fideo byr (2-8 munud) gyda fideo rhagarweiniol hirach Cyflwyniad i Blackboard Learn Ultra.

Os ydych chi’n ansicr ynglŷn â sut i wneud rhywbeth penodol yn Ultra neu rydych angen eich atgoffa o rhywbeth yn sydyn, edrychwch ar ein fideos hyfforddi dwyieithog. Dyma fanylion y clipiau unigol:

  1. Llywio eich Cwrs Ultra
  2. Creu Dolen i’ch Rhestr Ddarllen
  3. Creu Dolen i’ch holl Recordiadau Panopto
  4. Creu Ffolder a Modiwl Dysgu
  5. Creu Dogfen
  6. Copio Cynnwys o Gyrsiau Blaenorol
  7. Creu Dolen i Recordiad Panopto Unigol
  8. Creu Man Cyflwyno Turnitin
  9. Creu Aseiniad yn Blackboard
  10. Creu Prawf yn Blackboard
  11. Creu Dolen
  12. Creu Dogfen Gwmwl Gydweithredol
  13. Creu Trafodaeth
  14. Creu Dyddlyfr
  15. Creu Cyhoeddiad

Rydym yn parhau i gynnal sesiynau hyfforddi ar-lein yn Gymraeg a Saesneg a gallwch archebu a gweld sesiynau eraill ar y dudalen archebu.

Os oes gennych unrhyw gwestiynau am Ultra, e-bostiwch eddysgu@aber.ac.uk.

Diweddariad Panopto ar gyfer Staff: Medi 2023

Fel rhan o brosiect Blackboard Ultra ehangach, mae integreiddiad Panopto wedi’i uwchraddio i weithio gyda Blackboard Ultra. Mae hyn wedi rhoi cyfle i ni wneud rhai newidiadau a gwelliannau.

Mynediad i Panopto

Gallwch nawr gael mynediad i weinydd Panopto trwy Panopto.aber.ac.uk

Ffolderi Panopto

Mae ffolderi Panopto bellach wedi’u trefnu yn ôl y flwyddyn academaidd.

Mae staff wedi gofyn sawl gwaith bod eu ffolderi Panopto ar gyfer eu cyrsiau Blackboard yn cael eu trefnu yn ôl blwyddyn academaidd yn hytrach nag fel rhestr hir. Rhoddodd y gwaith uwchraddio gyfle i ni ailstrwythuro ein ffolderi yn ôl y gofyn.

Bydd ffolderi blwyddyn lefel uchaf yn ymddangos yn llwyd, ond bydd gennych fynediad i’ch ffolderi Panopto o fewn y ffolderi hyn o hyd.

Pan fyddwch chi’n agor recordydd Panopto mewn ystafell addysgu

Gallwch naill ai ddod o hyd i’r ffolder Panopto yr hoffech recordio ynddi drwy’r ffolderi neu chwilio am y ffolder Panopto yr ydych am recordio ynddi.

I ddod o hyd i’r ffolder Panopto yr ydych am recordio ynddi drwy’r ffolderi:

  • Cliciwch ar y botwm cwymplen yn y maes Folder.
  • Cliciwch ddwywaith ar ffolder blwyddyn academaidd i’w ehangu.
    or
  • Cliciwch ar y saeth cwymplen i’r chwith o’r ffolder blwyddyn academaidd i’w ehangu.
  • Dewiswch y ffolder Panopto yr hoffech recordio ynddi.
gif animeiddiedig o gael mynediad i ffolder Panopto yn y Recordydd Panopto.

I chwilio am y ffolder Panopto yr hoffech recordio ynddi.

  • Yn y maes Folder dechreuwch deipio cod modiwl neu enw’r ffolder Panopto yr ydych am recordio ynddi
  • Dewiswch y ffolder yr hoffech recordio ynddi.
gif animeiddiedig o gael mynediad i ffolder Panopto drwy ddefnyddio’r adnodd chwilio yn y Recordydd Panopto.

Rhannu recordiadau Panopto o flynyddoedd blaenorol.

I rannu recordiadau Panopto o ffolderi Panopto blynyddoedd blaenorol, copïwch y recordiadau i ffolder blwyddyn gyfredol y cwrs. Mae hyn yn rhoi mynediad i bob myfyriwr sydd wedi cofrestru ar flwyddyn gyfredol y cwrs yn Blackboard i weld y recordiadau. Gweler y Cwestiynau Cyffredin hwn.

My Folder

Erbyn hyn mae gan bawb ffolder yn Panopto o’r enw My Folder y gallant recordio ynddi. Yn y Recordydd Panopto gellir dod o hyd iddi o dan Quick Access.

Mae My Folder yn ddefnyddiol ar gyfer recordiadau nad yw staff neu fyfyrwyr eisiau eu rhannu ag eraill ar unwaith neu pan na allant ddod o hyd i ffolder addas i recordio ynddi.

Gellir symud recordiadau o My Folder i ffolder Panopto arall yn ddiweddarach. I gopïo neu symud recordiad Panopto Gweler y Cwestiwn Cyffredin hwn.

A yw eich cynnwys yn weladwy i fyfyrwyr?

Mae nawr yn amser da i wirio a yw’r cynnwys yng nghyrsiau Blackboard eleni yn weladwy i fyfyrwyr. Gyda’r symud i Blackboard Learn Ultra, mae unrhyw ddeunyddiau a gopïwyd o gyrsiau blynyddoedd blaenorol wedi’u cuddio rhag y myfyrwyr yn ddiofyn.

Cynnwys yn gudd o fyfywyr

Gallwch newid gwelededd eitemau unigol (gweler safle cymorth Blackboard ar gyfer sicrhau bod eitemau yn weladwy). Gallwch eu gwneud yn weladwy ar unwaith neu ddefnyddio’r Amodau Rhyddhau (dyddiad/amser, myfyrwyr/grwpiau penodol, perfformiad myfyrwyr – gweler safle cymorth Blackboard ar gyfer Rhyddhau Cynnwys i gael rhagor o wybodaeth).

Os oes gennych lawer o ddeunydd cudd, cofiwch y gallwch ddefnyddio’r adnodd Golygu Llwyth i sicrhau bod eitemau lluosog o gynnwys yn weladwy ar unwaith (gweler safle cymorth Blackboard ar gyfer defnyddio Golygu Llwyth). Cofiwch beidio â gwneud y ffolder Arholwyr Allanol yn weladwy.

Pan fyddwch chi’n defnyddio Golygu Llwyth i wneud ffolder yn weladwy, bydd hefyd yn gwneud yr holl eitemau cynnwys yn y ffolder yn weladwy.

Cofiwch y gallwch ddefnyddio’r adnodd Rhagolwg Myfyrwyr (gweler safle cymorth Blackboard ar gyfer defnyddio Rhagolwg Myfyrwyr) i weld sut mae eich cwrs a’ch cynnwys yn ymddangos i fyfyrwyr.

Gweler ein tudalen we Ultra am ragor o ddeunyddiau cymorth neu cysylltwch â’r Uned Datblygu Dysgu ac Addysgu (elearning@aber.ac.uk).

Canllaw Blackboard Learn Ultra i Fyfyrwyr ar gael

Mae deunyddiau cymorth i gynorthwyo myfyrwyr gyda Blackboard Learn Ultra bellach ar gael ar ein tudalennau gwe.

Mae’r Uned Datblygu Dysgu ac Addysgu wedi creu Canllaw Myfyrwyr yn benodol ar gyfer Ultra y gellir ei lawrlwytho.

Rhoddwyd gwybod i’r myfyrwyr am y newid i Blackboard cyn diwedd y flwyddyn academaidd ddiwethaf.

Fel rhan o’r symudiad i Ultra mae ein Cwestiynau Cyffredin wrthi’n cael eu diweddaru.

Awst 2023: Diweddariad Blackboard Learn Ultra

Un o fanteision symud i Blackboard Learn Ultra yw’r gwelliannau cynyddol i’r amgylchedd dysgu rhithwir.

Yn y blogbost hwn, byddwn yn amlinellu rhywfaint o’r nodweddion newydd sydd ar gael yn y diweddariad y mis hwn.

1.   Grwpiau

Mae’r lleoliad i reoli’r nodwedd Grwpiau wedi newid. Gallwch gael mynediad at hwn yn uniongyrchol o’r ddewislen ar frig eich cwrs:

sgrinlun o eitem dewislen gyda grwpiau wedi’i amlygu

Gweler Canllawiau grwpiau i gael rhagor o wybodaeth.

2.   Delweddau ar gyfer Modiwlau Dysgu

Nawr gallwch ychwanegu delweddau at Fodiwlau Dysgu.

delwedd o Fodiwl Dysgu gyda delwedd

Mae Modiwlau Dysgu yn cynnig ffordd i chi drefnu’ch cynnwys. Am fwy o wybodaeth, gweler Canllaw Modiwlau Dysgu.

3.   Gwiriwr Hygyrchedd Ultra

Er mwyn sicrhau bod eich cynnwys mor hygyrch â phosibl, defnyddiwch y gwiriwr hygyrchedd.

Sgrinlun o gyfrifiadur Disgrifiad a gynhyrchir yn awtomatig.

delwedd o ddogfen yn cael ei chreu gyda'r sgôr gwiriwr hygyrchedd wedi’i amlygu

Wrth i chi greu eich cynnwys, cynhyrchir eich sgôr hygyrchedd i’ch hysbysu am unrhyw newidiadau y gallech eu gwneud o bosibl.

4.   Graddio Profion Hyblyg

O ran graddio profion, gallwch bellach raddio yn ôl cwestiwn neu fyfyriwr yn Ultra. Gweler Canllawiau profion Blackboard a Graddio hyblyg i gael rhagor o wybodaeth.

Am ddiweddariadau eraill y mis hwn, edrychwch ar Nodiadau rhyddhau Blackboard.

Os oes gennych unrhyw gwestiynau am ddefnyddio unrhyw un o’r nodweddion hyn neu Blackboard Learn Ultra, cysylltwch â ni eddsygu@aber.ac.uk.

Cyrsiau Ultra 2023-24

Ar 1 Awst, bydd y Gwasanaethau Gwybodaeth yn symud eu systemau ymlaen i baratoi ar gyfer y flwyddyn academaidd nesaf (2023-24).

Nid yw Cyrsiau Blackboard yn wahanol bellach. Ar 1 Awst, daw’r dyddiadau tymor ar gyfer 2023-24 yn fyw.

Mae hyn yn golygu nad yw Cyrsiau 2023-24 wedi’u rhestru fel rhai Preifat ond yn hytrach maent bellach ar gael. Mae hefyd yn golygu na fyddant yn arddangos yn y Cyrsiau sydd i ddod.

Gellir cyrchu cyrsiau 2023-24 o’r hafan nawr. Os hoffech weld eich cyrsiau 2023-24 yn unig, defnyddiwch y togl ar y brig neu hidlo yn ôl cyrsiau.

Dewislen cyrsiau gyda chyrsiau 2023-24 wedi'u hamlygu

Gallwch wneud eich cwrs yn ffefryn er mwyn iddo ymddangos ar frig y dudalen trwy glicio ar y seren:

Cwrs gyda seren wedi'i hamlygu i’w wneud yn ffefryn

[Testun amgen: Cwrs gyda seren wedi’i hamlygu i’w wneud yn ffefryn]

Ni fydd myfyrwyr yn dod ar eich cwrs nes eu bod wedi cwblhau’r cofrestru.

Os oes gennych unrhyw gwestiynau am Ultra, cysylltwch â eddysgu@aber.ac.uk.

Sesiynau Hyfforddi Adrannol: Cyflwyniad i Blackboard Ultra

Mae’r Uned Datblygu Dysgu ac Addysgu bellach wedi cwblhau eu cylch o sesiynau hyfforddi adrannol ar gyfer Hanfodion E-ddysgu: Cyflwyniad i Blackboard Ultra.

Cynlluniwyd y sesiwn hyfforddi hon i sicrhau bod staff yn cael cyfle i ymgyfarwyddo â Blackboard Ultra a chyflawni Isafswm Presenoldeb Gofynnol Blackboard.

Ers mis Mai, rydym wedi hyfforddi dros 300 aelod o staff mewn sesiynau wyneb yn wyneb ac ar-lein.

I’r rhai ohonoch a oedd yno ar ddiwrnod cyntaf y gynhadledd byddwch wedi gweld y nodweddion cyffrous sy’n dod i Blackboard Ultra dros y blynyddoedd nesaf.

Os nad ydych wedi llwyddo i fynychu un o’ch sesiynau adrannol neu os hoffech gael sesiwn loywi, rydym yn cynnal y sesiynau yn Gymraeg a Saesneg ar-lein.

Gallwch archebu lle ar ein sesiynau hyfforddi a gweld sesiynau eraill ar y dudalen archebu.

Os oes gennych unrhyw gwestiynau am Ultra, e-bostiwch eddysgu@aber.ac.uk.