Ymddeoliad hapus!

Dymunwn yn dda i Dr Mihangel Morgan, sy’n ymddeol o’r Adran ar ôl 22 o flynyddoedd. Mae ei gyfraniad i fywyd yr Adran wedi bod yn amlochrog, fel llenor dawnus, beirniad heriol a darlithydd ysbrydoldedig – a ffrind. At hynny bu’n bresenoldeb cadarnhaol a ffraeth mewn byrddau adrannol a chiniawau Nadolig.

Mae Mihangel wedi bod mor garedig â gadael rhai degau o lyfrau inni, a dau ddarn o galigraffeg o’i waith ei hun i’w harddangos.

Edrychwn ymlaen at gael dathlu ei gyfraniad i fywyd yr Adran pan fydd arholiadau Semester 1 wedi gorffen. Yn y cyfamser, dymnwn ymddeoliad hapus (a chreadigol!) i Mihangel.

Sylwadau ar gau.